مشكله العين الدائريه مو اي رسمة كحل تضبط عليها
لازم على طرف الجفن تمدين وتسوين سحبه
وترا ما ينفع مع العين الدئراة الوان واجد بالشدوو
ينفع معاج مكياج الريتروو
وبعد ركزي على موضوع الرموش يعني اختاري مسكره تكثف الرموش عدل او ركبي رموش فوق هذي تضيع دائرية عينج شوي
ومدي الكحل برا وخليه برفعه
مكياج الريترو يصلح عليج لان التركيز يكون ع الاي لاينر والرموش والكحل الاسود والحمرا تكون حمرا او عنابيه المهم لون تحسينه دسم شوي مو باهت ولا مات ويكون واضح وهالمكياج يسمونه على فكره مكياج مارلين مونرو
والشدو يكون برونز ذهبي بيج يكون مو واضح كثير وفاتح
نفس هالصور
وترا العدسات بعد تقدر تخفف من تدويرة العين بس تكون لون فاتح وبدون اطار اسود لان الاطار يصغر ويخلي العين دائريه بعد
ولازم تعرفين ترسمين زاوية العين من عند المدمع بطريقه حاده شوي وجاية على مثلث طويل ومضبوط عشان هم تخففين من تدوير العين وتطلع لوزيه اكثر
نفس هالصوره
زاوية العين من عند المدمع حاده وواضحه
وعلى فكره ترا الحواجب العراض والسماك ما ينفعون مع العين الدائريه
تصغر العين اكثر كل ما ضعفتي الحاجب وخففتي منه برزتي العين اكثر واهم شي مثل ما قلت لج التركيز ع الرموش والكحل السائل الاسود وحاولي يكون اسود حيل وسواده واضح
انصحج بتاتو الحواجب من ميكب اب فور ايفر ويكون اكوا براون درجة بني تهبل وتساعد انه تبرز اكثر الاي لاينر والرموش السود والمسكرا ومايكون في تركيز بالحواجب
