علموني عن هيوستن ..... بليز

[أحلى من الخيال]

اليلام عليكم و رحمة الله و بركاته
بنات صج محتاجتكم :eh_s(2):
بسافر مع أختي إن شاء الله في رحلة علاج إلى مستشفى
إم دي آندرسون لعلاج السرطان في هيوستن / تكساس
فاللي راحت أو عندها معلومات عن إي شي هناك اتفيدني
يعني شقق تأجير سيارات أماكن سياحية أسواق بقالات مساجد
أماكن تجمع المسلمين
و الله يشفي مرضانا و جميع مرضى المسلمين :yaaaaaarb:
جزاكم الله خير​

 

[أحلى من الخيال]

وينكم بنات​

 

[أحلى من الخيال]

فيدوني جزاكم الله خير​

 

[كويتيه مزيونه....]

هلا حبيبتي بقولج بس ادعيلي يتحقق اللي بالي

 

[كويتيه مزيونه....]

بقولج عن المستشفى والاطباء انا كنت اعالج عندهم
المستشفى واااااااايد واااايد زين الاطباء وااااااايد مممتازين واكثر انتي رايحه لهم حطي ايدج بماي بااارده
وااااايد زينين وتعاااامل راااااااىع تعامل دين اسلامي ووشعب جميل ومريح
الاطباء اقولج شي ترتاحين له
عندهم بامريكا اي خطأ طبي يسحبون شهادته
واذا بيسون للمريض شي يسون اجتماع ويجون اطبا من الولايات الثانيه
وما شاء الله الاطباء فوق الامتياز والسسترات هم عجيبين وتعااامل راااقي وايدهم بالابر خفييييفه وما تحسين فيها


اقولج موقف عن دكتوري يوم جيت بسافر بعد سنتين
كنت ابجي طالعني جان يقولي طالعيني حتى انا ابجي وقعد يبجي من فرحتي انا اني ابجي برد الكويت
شوفي التعامل الراااااقي

ويوم جيت بروح عطوني شهادة تقدير


المهم من ناحيت الدكاتره حطي ايدج بماي بارده وانتي رايحه لاول مستشفى بالعالم فاز
وتوكلي اول شي على ربج ومن ثمه الدكاتره اثقي فيهم ثقه تاااامه

 

[كويتيه مزيونه....]

ااتكلم عن المستشفى

المستشفى في تكاسي وفي له فندق
في داخل المستشفى كفتيريا كبيره وفي جم محل وفي المترجمين مكتب
واذا كان عندج عياده في يمرون ويبيعون ساندويشات وبطاط وجاي وعصير جذي

ويقدمون المستشفى فعاليات جميييييله باعيادهم ومناسباتهم داخل المستشفى فلا طوفكم
والمستشفى مو نفس الكويت عندهم يطلعون المريض من المستشفى ما يخلون وايد اذا حالته تسمح يطلعونه ما يقعد
علشان نفسيته يراعونها
وفي رحل تنظمها المستشفى على حسابهم واااااااايد حلوه الرحل ويودون بلمزين والسوق ويسكرون السوق بس المرضى اللي ماخذينهم في
ويودون اماكن عجيبه وفي رحل للمخيمات تخيم لا طوفكم وااايد يحافظون وحريصين ع المريض وهدايهم قيمه دي في دي واشياء حلوه
ومو بس المريض في رحل لمرافق المريض

 

[كويتيه مزيونه....]

الشقق كلهم نفس منتجع عندج المتواجدين في العرب

الكامدن
السالمليه
وفي واحد نفسيت اسمه بس يم السالمليه
وفي تجمع حريم ودواوين وقهاوي وتجمعات واااااايد

 

[كويتيه مزيونه....]

تاجير السيارات
عندج العراقيه وعندج واحد فلسطيني
ان شاء الله اطرشلج ارقامهم باجر ع الخاص

 

[كويتيه مزيونه....]

اماكن سياحيه واسواق
عندج مجمع قالريا وااايد كبير وحلو
عندج مطااعم ترس وااايد وفي مطعم مجابل قالريا يهببببل نسيت اسمه
وعندج مطعم فادي عربي عندج مكان ع البحر العاب في ومطاعم اسمه الكيمه
وفي عندج الاكواريوم وفي سوق الاوت لت في وايد اشياء وتعرفين مناك عرب ساليهم بعد ومرات العرب يسون رحلات ويا لعض واااايد حلوه
وتونس روحو معاهم

 

[كويتيه مزيونه....]

بقالات عربيه عندج بقالة القدس
والمساجد في مسجد يدونج عل اللي هناك معروف هو مسجد واحد التجمع علي الاكثر وفي صلاه
وبصلاة العيد يسكر الشارع وشرطتهم تنظم

 

[كويتيه مزيونه....]

والله يشافي مريضكم ويردكم بالسلامه
بس اسالج جم عمر المريض
واذا محتاجه اي شي لا يردج الا لسانج يمكن انا ما ادخل مواضيع يمكن ما اشوف طرشي ع الخاص اذا بغيتي شي

وادعيلي ربي يسهل امري ويحقق اللي بالي

وانا حاضر لاي سؤال واستفسار

 

[ببي جونسون]

ااااب

 

[بنك بااستا]

غاليتي ماعرف عن هالمنطقه شي بس انشالله اسالج