على الرياييل غفور رحيم وعلى الحريم شديد العقاب

[brettey]

اشلونكم يا حلوات
بتكلم عن ظاهره متفشيه في مجتمعاتنا ووايد تكلموا عنها بس انا غير طريقه طرحي للمشكله
الخيانه
الخيانه مثل ماتعرفون يعتبر زنا
بس انا الي يقهرني ويرفع ضغطي ريال يخون زوجته وتطيح عليه وتعصب وطبعا تكبر المشكله والاهل يدرون ويبدون الناس يتكلمون : ماخانها مني والطريج اكيد هاملته ماتدري عن هوى داره ماتعطيه حقه اهي الي خلته يلجأ للخيانه
للاسف المجتمع ينصفه حتى لو كان غلطان
والزوجه اذا حانت زوجها سووها فاسقه وما تستحي وحقيره وقليله ادب ومو متربيه وزوجها مسكين
مايقولون اي يمكن هاملها ومايدري عنها ويخونها ويطقها
وعلى فكره الزوجه ماتخون مني والطريج ماتخون الا بسبه زوج مهمل ومايعطيها حقوقها ويخونها ويسىء معاملتها فاكيد بتدور على الحب والحنان عند غيره
وانا ما ابررر هالشي هم اهي غلطانه
بس حجه مجتماعتنا الريال شايل عيبه
عذر اقبح من ذنب وناس تافهه الي تتقيد بهالمثل
انا بسأل سؤال يوم القيامه اذا الريال واجهه ربه بقول انا ريال شايل عيبي والمجتمع محلل لي اني اخون ؟
والي يقهر ان الزوجه اذا مسكت دليل قوي على زوجها تسكت وماتواجهه هذا اكبر غلط اصلا المفروض تهدده بالسجن وانها بتفضحه عشان يتأدب وتوري الادله حق اهله واهلها مو تروح تكشخ له وتراضيه شالفايده ان الوحده تطيح على خيانه زوجها وتسكت وتبلع ؟وراح يتمادى بقول زوجتي هبله وماتدرى عن هوى دارها
يزعل ولا بالطقاق بطلق ؟بيتبهدل بالمصاريف
الزوج اذا طاح على زوجته ماراح يسامح بقول كرامتي ولازم اسجنها
اكبر غلط الوحده تسكت على خيانه زوجها المفروض تواجهه عقب ما تمسك عليه الادله وتهدده انه يتسنع ويمشي سيده ويعتذر واذا لا سمح الله ما فاد يا تقدم الادله للمخفر او تشتكي عند الاهل اهلها واهله واهم الي يحلون المشكله
الخيانه والزنا محرمه سواء على الرجل او المرأه ماكو شي اسمه ريال شايل عيبه
واتمنى اني اسمع باجي الاراء

 

[mahawe]

كلامج صح 100/100 مادري لش الريااال أبمجتمعنا لازم الوحدة أدوس على كرامتها وتسامحة بس المرة لو تغلط غلطة بسيطة كلوها ولو شنو أتسوي الريال مايسامحا أنا ما أعطي المرة الحق بلخيانة بس مثل ماااايشوفون المرة ويتكلمون عليها المفروض يتكلمون على الريال

 

[بدوره 22]

كلامج صح


لا مبرر للخيانه وان كانت من الطرفين

الله شديد العقاب على الاثنين وغفور رحيم على الاثنين ماحدد وقال مرأه او رجل

 

[أمانيQ8]

يقولون لج الريال شايل عيبه واهو ريال بالنهايه لو شيسوي مافي شي يعيبه الاجيبه

والبنت مثل الصفحه البيضه اللي لاتدنست او صارت فيها نقطه سوده شوهت شكل الصفحه البيضه النظيفه وهذا من عمر الدنيا متعارف عليه عندنا وعند الخليجيين والعرب
فا اكيد بننطم ونسكت مانقدر نناقش هالأمر مع مثلا امهاتنا او ابهاتنا او اللي اهم كبار طبعا بالعمر والقدر لي يبنا طاري هالشي تشوفين صار اعصار واغبار ورعد وبرق ومطر وعيون اتنبزر عليج والعصاب نار ويقولون لج بآخر الحج بس بس سكتي ولا كلمه زياده....فاشنسوي؟؟؟؟؟؟

 

[opera]

اي والله عدل كلامج

بس الحمدلله الحين مجتمعنا شوي تفتح والناس صارت واعيه .. تلوم الريال لي غلط وتلوم المره اذا غلطت


و راحت مقوله الريال شايل عيبه .. الا في بعض الناس للحين يقولونها

 

[@ام ضاري@]

صاجه حبوبه مافي رجال يوم الحساب يسقول انا شايل عيبي

بس انا امسك عليه ادله واروح فيهم المخفر لاوالله ماروح لو اشوف الخيانه جدامي اعرف احسبه بطريقتي وعرف اذا كرر غلطته

بس انتي عارفه مجتمهناا يعني الزوجه واذا خانت مومقوله بتقول انا رجال ومحد يحاسبي وشيل عيبي لا المره قالتلها تنداس وتنهان

عشان ماتكرر غلطهاا والخيانه من الصوبين ودج الكل يتعقب مو بس المراة

ويعطيج العافيه حبوبه على الموضوع

 

[وهج الشمال]

والله صادقه والله أعرف ناس من قرايبنا يروح بالاجازات لبعض الدول العربيه ويقعد شهر أو شهرين
والناس تدري أنه يخون وتشوفين زوجته أ؟ذا جاء تكشخ وتضبط والغبيه ماتدري انه كل ليله مع وحده
من هالوسخات .واكيد تدري بس ماتبي تفرح الناس عليه
والمشكله أن أعرف ناس زوجاتهم جميلات وصغار بالعمر وعيبهن الوحيد أنهن بنات ناس
وهم يبون بنات حرام ,تنام مع كم رجال قبل لايجيها

 

[بتبوتااا]

والله كلامج بالصميم

الحين يمكن 5% الي يخاف ربه وما يخون

اذا الحين جذي عيل بعد 3 سنين شلون !!

الي يبط الجبد الريال حجته بيده والله خنت عشان هاملتني ولااخر مره اسويها

 

[الكويت غالية]

انا معاج بالنسبة لنظرة المجتمع الى جنس مرتكب الخيانه

اذ كان رجال او مراة

شلون يفرقون بين غلط الرجال وغلط المرة مع العلم انه الغلط واحد والعقاب يوم الحساب واحد

وان نظرة المجتمع الايجابية بالنسبة لخيانة الزوج لزوجته وان الحق عليها واهي اللي مقصرة


بس اسمحيلي اني كلللللش مو معاج بتبرير خيانه الزوجة لزوجها مثل ماذكرتي


وعلى فكره الزوجه ماتخون مني والطريج ماتخون الا بسبه زوج مهمل ومايعطيها حقوقها ويخونها ويسىء معاملتها فاكيد بتدور على الحب والحنان عند غيره


هني احس في بكلامج تناقض

يعني تقولين اذا الزوج خان زوجته لا تحطون الحق على زوجته وان اهي اللي مقصرة لالالالا

بس اذا الزوجة خانة زوجها راح يكون الحق على زوجها وانه مقصر معاها ومايعطيها حقها ويسئ معاملتها

 

[غيوووض*]

مايصير الكلام هذا.....تبون المساواه في كل شي؟....الحييييييين خاينة الرجل نفس خيانة المراة؟؟؟

الحين شنو الاسهل في نظركم....انه يجي رجل عنده سوابق ويتزوج وحده..؟؟؟؟ ولا رجل يخطب وحده عندها سوابق؟؟؟ظ
ولا تبون تتشبهون بالغرب....يبقى الرجل رجل والمراة مراة.... وحنا عندنا عادات وتقاليد.... وعندنا اهم شي ديننا الاسلامي.....
هل عورة الرجل نفس عورة المراة؟؟؟؟

 

[لليانه]

صاجه مليوووووووووووووووووون بالميه انا معاج بكل كلمه قلتيها


والذين لا يدعون مع الله الها آخر ولا يقتلون النفس التي حرم الله الا بالحق ولا يزنون ومن يفعل ذلك يلق اثاما يضاعف له العذاب يوم القيامة ويخلد فيه مهانا الا من تاب وآمن وعمل صالحا فأولئك يبدل الله سيئاتهم حسنات وكان الله غفورا رحيما "


والايه على الريايييييل والحريم موبس الحريم

 

[نــعــوومــه]

لاحول ولاقوة إلا بالله............(( قل هاتو برهانكم إن كنتم صادقين )) شنو دليلج على هالكلام.........


اختي اتقي الله.........عنوان موضوعج مايجوز......منو تقصدين بعلى الرياييل غفور رحيم وعلى الحريم شديد العقاب........


الزنا محرم بالإسلام....على الرجل والمرأه......(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))​

 

[كوكو دلوع]

OR]

مايصير الكلام هذا.....تبون المساواه في كل شي؟....الحييييييين خاينة الرجل نفس خيانة المراة؟؟؟

الحين شنو الاسهل في نظركم....انه يجي رجل عنده سوابق ويتزوج وحده..؟؟؟؟ ولا رجل يخطب وحده عندها سوابق؟؟؟ظ
ولا تبون تتشبهون بالغرب....يبقى الرجل رجل والمراة مراة.... وحنا عندنا عادات وتقاليد.... وعندنا اهم شي ديننا الاسلامي.....
هل عورة الرجل نفس عورة المراة؟؟؟؟

السلام عليكم اختي انتي تتكلمين عن الاسلام ونسيتي ان الاسلام اصلا مساوي بين الرجل والمراه بكل شئ الا الورث وهذا شئ معروف
وبنسبه حق سالفه الزنا فهم مساويهم الزاني والزانيه لهم 100 جلده
والمحصن والمحصنه رجم حتى الموت
ما كو فرق
كلش
اللي خلقنا ما قال عورة المره غير وعورة الرجل غير فعقاب كل واحد فيهم راح يكون غير
لا الكل متساوي بالعقاب بس شنو انسوي بالجهل
اللي عام على المجتمع:0bee2e8d89:

 

[شــــــوق~]

جزاج الله خير ....وحسبي الله على كل واحد يخون زوجته وتخون زوجها مالهم عذر لو شنو كان
مافي شي اسمه خوف من الله ....مافي حساب مافي قبر واقعد بروحي مامعاي الا عملي اللي يتجسد على شكل انسان
يارب ترحمنا برحمتك وتثبتنا

 

[bent-al-asool]

صح لساااااااااااااااااااااااااااااااااااااااااانج

وااااااااى اهو يخون تالي يقووولج انتي مو مقصره بس انا غلطت سامحيني

وان قلتي لا ما يصير يقووولج أنا ريال شاايل عيبي انتي غير وانا غير

 

[*نور الكويت*]

بداية كلامج صح ,,الخيانه حراام للزوج والزوجه ,, آنا معاج بهالنقطه



ولي تعليق على هالشق

وعلى فكره الزوجه ماتخون مني والطريج ماتخون الا بسبه زوج مهمل ومايعطيها حقوقها ويخونها ويسىء معاملتها فاكيد بتدور على الحب والحنان عند غيره

شوفي حبيبتي تبريرج للخاينه مومنطقي وحرااام ,,,


فاقده حنان تروح تزني ؟؟
هذي بأي شرع ؟؟؟؟؟؟؟؟؟؟

اذا فاقده حنان ماتعيش معاه وتتطلق أشرف لهاا وتدور حنان بالحلال ,,

موتزني وتغضب ربهاا ,,

(( وتبقى طووول عمرها رخيصه مالها قيمه ))

حتى لو محد درا عنها (( يعني بالخش )) يكفي ربها شافهاا وصدقيني مابتتوفق طوول عمرهاا ,,

تقعد طوول عمرهاا وبينها وبين نفسها ,, تحس انها ناقصه ,, لأنها خانت !!
لما تقعد مع بنات اتحس انه مالها قيمه بينهم لأنها خانت ,, وارخصت نفسها في يووم من الأيااام !!!
وهذا حتى علماء النفس قالوه ,,

المره السنعه المتربيه اللي تخاف ربهاا تبقى على دينها و (نظيفه) ماتنجاس غير لزوجهاا طووول عمرها تبقى
صفحه بيضه مافيها نقط سود لييين تموت ,,,
حتى لو شافت الويل من زوجها ,,
تتطلق وتبقى شريفه راسها مرفووع ,,

موتزني على انه فاقده حنان !!!
جان أغلب البنات زنوا استغفرالله !!

 

[ما في مثلهااا]

الله يعين


حبيبتي العنوان ما يجوز

 

[brettey]

حياكم يا قلبي واشكركم على تفاعلكم وانا العنوان ماكتبته مني والطريج بس الناس اهم للاسف كله هذا كلامهم

 

[أسيرة_أحزاني]

اي والله بردتي جبدي بهالكلام

و انا اعتبر الي يقول الريال شايل عيبه ناقص عقل ومتخلف بعد

حلوة هذي شايل عيبه بشنو سواد ويها وبنت الناس تمرمر وياه على شنو الباب يوسع جمل

 

[brettey]

عشان جذي لويطبقون شرع الله جان تسنعوا الرياييل