على الرياييل غفور رحيم وعلى الحريم شديد العقاب

[الفراشة_البيضاء]

انا بسأل سؤال يوم القيامه اذا الريال واجهه ربه بقول انا ريال شايل عيبي والمجتمع محلل لي اني اخون ؟

انا هذا اللي ذابحني قهر ولا احد يفكر جذي

وبالنسبه للي تدري عن ريلها وتسكت مثل حلاتي لاني ابيه وشاريه قربه وفي سبب ثاني هم عشان لاتصير عينه قويه ويقولي كيفي شتبين تسوين ؟؟ واذا مو عاجبج روحي بيت اهلج..
ذيج الساعه شسوي ؟؟

 

[sweet.sweet]

المصيبه ان الناس تنسى بسرعه خيانة الرجل بس المره تظل معيوبه بخيانتها لين تموت ولو عندها اعيال لازم يدرون يبا احنا مجتمع اناني والرجل اهو المسيطر عليه عشان جذي المره مسكينه في كل حالاتها.

 

[شووكولاته]

صاجه والعقوبه غفي الاسلام للزانيس والزانيه مثل الشي

بس عند الناس الريال يشيل عيبه

 

[جوك احلى جو]

مجتمع متخلف ربنا سبحانه وتعالى واسى بالعقوبه

 

[ام سلوم DoDo]

حبيبتي صج ان الريال شايل عيبه بس بيوم القيامه بشيل ذنبه وذنب مرته اللي خانها وذنب عياله اللي هاملهم وذنب بيته واهله واكبر نذب ان ماخاف من ربه.. اهوا الحين يفكر ان ريال وما عليه اي عيب بس مايدري شنو ربج خاشله لكل ظالم حساب وربج ما ينسى احد يمهل ولا يهمل ... صبري وراح اتشوفين ان مرده لج وان ربج ما يطق بعصا... والعصا لمن عصا ...سكتي وخلي شكواج لربج ولا تشتكن لاحد غيره لا اله الا هو وتوكلي عليه بكل امورج واقري سوره البقره كل يوم اذا تقدرين او يوم بعد يوم وادعي ان الله يهديه لج وانشالله راح اتشوفين كل خير صدقيني ومثل ما قتلج لا تشتكين حق احد الا ربج سجدي وطولي بالسجود وسولفي مع ربج والله ان دعوه المظلوم مستجابه بس لا تدعين عليه

 

[عيمية^والقلب^كندري]

صح لسانج بريتي بس شتقولين والله اغلب الرياييل مايستحون:23_asmilies-com:



يوم الخميس اول امس رحت مع زوجي مسرحية طارق العلي والسطرة اللي جدامي بالنص 3 شباب ورابعهم شيبة النخلة مشبب نفسه غصب يعني فيه 42 44 سنة جذي المهم اهوا قاعد ويمينه الثلاث شباب وبعدين صار حظهم يمهم 3 بنات بس لابسين ضيج والشعر المصبوغ والحالة حالة عاد وحدة طبعا صار يم الشباب وكلهم استانسوا وكل واحد يقوله قوم قوم انا بقعد والشيبة يقوله قوم قوم هذا مكاني وطول الوقت عيونهم عالحريم واااي قطيعة صج رياييل بس هذا همهم بالحياة:cxxxp:




ومن يومين كنت بالافنيوز مع اختي ولا واحد عند النافورة بره يكلم الظاهر زوجته يقولها انا بالمستشفى نص ساعة وارجع!!! الله يغربل ابليسك صج جذاب الحين فارش بالافنيوز ومشبب عمرك وتقص على هالمسكينه؟؟:eh_s(14):




ياربي الناس اختربت صار الهم الاكبر بس المغازل والتعارف والخيانة ..زشهالزمن الاغبر؟؟؟ والله لو بقول السوالف اللي شفتها من بلاوي الخيانات لصديقاتي او اللي حولي يبيلي كتاب واجزاء بس شنقول يارب تثبت ريلي وتحميه من هالبلاوي والله مسكين من كثر ماشوف هالخيانات صرا اشك فيه :krkrkr:

 

[ice_cream]

تدرين شنو السبب انا اقولج

لانا عايشين في مجتمع ذكوري فاشللللللللللللللللللللللللللللللل

الريال يسوي الي يبيه عادي وبس شاطرين يقولون المره مفصره بحقه

عيل وين حق ربه عليه الحلال بين والحرام بين

لا تقعدون اتفلسفون وطلعون اعذار حق الريال الحرام حرام حق المره والريال

 

[brettey]

حياكم يا قلبي
ام سلوم dodo انا الحمدلله زوجي ماخاني او بالاحرى ما طحت عليه الحمدلله ولو لا سمح الله صار اصلا ما اقعد عنده واخلي فضيحته بجلاجل واذا مسكت دليل قوي اصلا اسجنه ومثل الورد عاد انا بايعتها لان لو العكس لا سمح الله جان سوى نفس الشي وانا وحده عندي كرامتي فوق كل شي
والاخوات الي عارضوني بسالفه اني كتبت المره ماتخون مني والطريج كملوا جملتي الي تحت كتبت انا ما ابرر لها لان هم اهي غلطانه

 

[سمسمه Q8]

تكلمتي عن موضوع يقرقع بقلبي من زمااااااااااااااااااااااااان

ترى على فكره
المره اللي ماتخون ريلها السافل الحقير الواطي اللي يعاملها كقطعة اثاث شراها مع الغرفه اليديده
او مكينة تفريخ تنفع تكون ام وتصون بيت
مو عشان ويهه

لا بالله
إلا لأنها خايفه ربها اللي أنعم عليها بالستر ونعمة الزواج اللي وايد من الرياييل مو عارفين قدرها
ولأنها بنت أصل في أبو وأم ربوها على السنع
اتيي تخرب اللي بنوه بسنين عشان ريال ما يستاهل حتى دمعه من عينهااااااا

اللي تسكت تقدر تتحمل شويه بس لمن يفيض فيها راح تنفجر وترفسه قبل لا يرفسها

الريال يبرر حق نفسه الخيانه ويقول
شغل
صداقه قديمه

باباتي انته
بطل عينك شوف اللي جدامك
باشاره يصير عندها جدول اعمال مو شغل

للأسف يحللون حق نفسهم اللي حرمه ربهم

انا كنت احتقر المرأه الخاينه
بس بعد تجربتي المريره المؤلمه اللي قتلت فيني أحلى مشاعر
وانحرمت فيها من أحلى أيام العمر
تكسر خاطري المره الخاينه
مو تبرير لها
لأنه جهااااااااااد جهااااااااااد
انها تعيش مع طوفه مع انسان تدري انه مع غيرها ويبي غيرها وهادها برستيج جدام الناس
لأنها اهي اللي تشرفه
ويحط ايده على راسه قبل لا يقول اسمها بعد

مأجوره على صبرها والله ماراح يضيع حقها

بس أتألم لأنها لجأت حق هالطريج الارف

الغلط ما يتصلح بغلط أكبر

بس للأسف مجتمعنا ينصف الريال
ويقولون لج
ليش شفتيه بالفراش معاها
يا سلام

بعد هذا اللي ناقص انطر لي ذيج الحزه

حسبي الله ونعم الوكيل
حسبي الله ونعم الوكيل

الله يفرج همي وكربي ويعوضني خير عن اللي شفته وعشته

انا ما ابرر للخاينه
بس تكسر خاطري لأنها مسكينه

ويظل الموضوع للطرفين
ووازع ديني
اكو رب كبير
وكلهم يومين بنعيشهم

ومردنا لحفره

بس وين اللي يتعض ويفهم

ويوم القيامه
خل يقول حق الله يا ربي صداقه وشغل

 

[miss swan]

صح كلامج يعني وحده ريلها يخونها في مجتمعنا لازم تكون اهيه الي غلطان +انه فكرة الريال شايل عيبه اهيه اللي يخليه يتمادى ويستهين بهالشي

 

[brettey]

سمسمه q8 كفيتي ووفيتي كلامج صح ومليووووووووووون صح
حياج وربي يفرج همج وينصرج على من ظلمج ويحقق لج مرادج انتي وكل خواتي بالمنتدى
توني قريت لج رد في احد المواضيع وقريت توقيعج والله دعيت لج من قلبي لان حاسه فيه الظلم مو هين وانا ياما انظلمت
خليها على الله

 

[Spoildish]

اييي والله هالرياييل مايعرفون شي بالشرع الا الاسلام حلل 4 و اهوا ما يعرف جبلته وين لوول انا شخصيا دااااااااااااايما ادافع عن المرة , المرة ماتسوي شي الا و شايفه مصايييب من هالريال الوحه لي متى تستحمل في حريم تستحمل بهدوء و تسكت و حريم يطلبون الطلاق , وحده معاي بالدوام تقول كلمت واحد عالمسنجر طلع متزوج يقولها زوجي ما تلبسلي و انا كله اشتريلها ماركات (ملابس داخليه ماركات يعني) و كله ما تلبسهم , جان اقولهه يعني بذمتج وحده زوجها 24 ساعه مجابل النت و شات و بنات و خرابيط وايميلات وصخه هذا بعد ما يندرا بشنو طايحه عليه و تبينها تكشخ ولا تشتهي تطل بويها؟ لاتقولين مقصرة المرة ماااااااااااااااتقصر واذا قصرت مو عن قصدها خصوصا المرة الكويتية تعالي شوفيها بعد الاربعين ماشالله عليهم بناتنا عيني عليهم باارده كل وحده تقول الزين عندي و هم رياييلهم يخونونهم ليييييييييش؟؟ الرياييل عينهم زاايغه والعوي طول عمره يظل عوي

 

[سمسمه Q8]

سمسمه q8 كفيتي ووفيتي كلامج صح ومليووووووووووون صح
حياج وربي يفرج همج وينصرج على من ظلمج ويحقق لج مرادج انتي وكل خواتي بالمنتدى
توني قريت لج رد في احد المواضيع وقريت توقيعج والله دعيت لج من قلبي لان حاسه فيه الظلم مو هين وانا ياما انظلمت
خليها على الله

تسلمين يا عمري

الله يسمع منج
القلب ماعاد يتحمل

بس ربج كبير واهو ادرى بكل شي

 

[brettey]

spoildish صدقتي والله كلامج عدل
ووايد سمعت عن هالنمونه انا اعرف وحده منفصله وكانت تكلم شباب وفي منهم متزوجين وحجتهم زوجتي ماتكشخ لي وزوجتي ماتهتم فيني وريحتها خايسه ما تتعطر مع انها موظفه وما تشتري عطور ولا قمصان نوم
شوفي الجذب
وين الحين تلاقين زوجه ماتكشخ ولا ماتهتم بعمرها وجسمها وقمصان نوم شوفي المنتدى قسم المول اغلب المتزوجات ركضه على التاجرات الي يبيعون قمصان النوم والعطور والخلطات عشان يرضون ازواجهم
وتلاقينهم منقعين بالصالونات ومراكز التجميل وصاجه ما تطلع الوحده من الاربعين الا واهي على سنغه 1000 مو 10 بس بدورون حجج
حتى هالي اعرفها تقول مره واحد من الي تكلمهم وطاحت زوجته عليهم وكلمتها وقالت لها زوجج يقول انج ماتهتمين بنفسج وانج جيكره وريحتج خايسه جان تقول لها تعالي شوفيني بالمجمع الفلاني وراحت وشافتها طبعا شافت ملكه جمال احلى منها بوايد لبس والعطر يفوح ونعومه وجسم وقالت لها اذا انا ما اهتم بعمري خل يواجهني والحين بيبه واوجهه فيج وفعلا تمت المواجهه ياه المجمع بس مايدري شالطبخه بس قالت له زوجته تعال ابيك تيي الحين ضروري والاخ يقول حق رفيجتي جذابه بس رفيجتي قالت انا مسجله لك مكالمه اييبها ؟ طبعا توهق واهي لا مسجله ولا شي واعترف حق زوجته وطبعا الزوجه طلبت الطلاق بس هم انا قلت حق رفيجتي انها غلطانه تكلم واحد وتدري انه متزوج لانها اهدمت بيتهم

 

[سمسمه Q8]

والله يا حبيبتي يا brettey

كان الأولى اهو اللي يحافظ على بيته

ترى رفيجتج مو وايد غلطانه
الأخ لو ما يبي يخربط جان ماخربط وهدم بيته
ورفيجتج اكو غيرها وايد

وعلى قولت spoildish
الريال العوي يظل عوي

 

[كويتية ورديه]

ريال مره بالنهايه حسابهم عند الله واحد .. الزنا عقوبته للريال والمره .. استغفرالله العظيم ..والريال كل شوي وقالو شايل عيبه حجي فاضي ومونطقي بعد .. يعني الحين تقدم لي ريال واعرفه عنه راعي بنات وسوالف بوافق لا طبعا عيل وين شايل عيبه ياعمي حجي فاضي ..

 

[Spoildish]

spoildish صدقتي والله كلامج عدل
ووايد سمعت عن هالنمونه انا اعرف وحده منفصله وكانت تكلم شباب وفي منهم متزوجين وحجتهم زوجتي ماتكشخ لي وزوجتي ماتهتم فيني وريحتها خايسه ما تتعطر مع انها موظفه وما تشتري عطور ولا قمصان نوم
شوفي الجذب
وين الحين تلاقين زوجه ماتكشخ ولا ماتهتم بعمرها وجسمها وقمصان نوم شوفي المنتدى قسم المول اغلب المتزوجات ركضه على التاجرات الي يبيعون قمصان النوم والعطور والخلطات عشان يرضون ازواجهم
وتلاقينهم منقعين بالصالونات ومراكز التجميل وصاجه ما تطلع الوحده من الاربعين الا واهي على سنغه 1000 مو 10 بس بدورون حجج
حتى هالي اعرفها تقول مره واحد من الي تكلمهم وطاحت زوجته عليهم وكلمتها وقالت لها زوجج يقول انج ماتهتمين بنفسج وانج جيكره وريحتج خايسه جان تقول لها تعالي شوفيني بالمجمع الفلاني وراحت وشافتها طبعا شافت ملكه جمال احلى منها بوايد لبس والعطر يفوح ونعومه وجسم وقالت لها اذا انا ما اهتم بعمري خل يواجهني والحين بيبه واوجهه فيج وفعلا تمت المواجهه ياه المجمع بس مايدري شالطبخه بس قالت له زوجته تعال ابيك تيي الحين ضروري والاخ يقول حق رفيجتي جذابه بس رفيجتي قالت انا مسجله لك مكالمه اييبها ؟ طبعا توهق واهي لا مسجله ولا شي واعترف حق زوجته وطبعا الزوجه طلبت الطلاق بس هم انا قلت حق رفيجتي انها غلطانه تكلم واحد وتدري انه متزوج لانها اهدمت بيتهم

رفيجتي نفس سالفه رفيجته والله يا بناااات بدون اي مبالغه عمري ما شفت وحده تحب زوجها كثر هالبنت خذته و اهيا عمرها 17 ماشافت الدنيا و طلعت ولا دراسه ولا بطيخ كله قاعده بالبيت ماابالغ مااااااااااااااااااااااااااااتطلع كلش و مجابله بناتها و تهبل جميييله و جسم لا نادي لا بطيخ اهيا جذي , بعد زواج 7 سنين طلع زوجها يخونها و من زماااان بس الاخت توها تستوعب , سفراته البحرين الي مالها داعي تقول مرة شافت بجطته كتوووووون ديوركس يوم سألته قالها مال رفيجي اللللللله مال رفيجك ليش بجنطتك؟؟ طبعا اهيا ما سألت عندها مستحيل زوجها يجذب عليها ,غير الايميلات الوصخه و الافلام والشات والبناات , واقولكم شي يوم واجهته انا كنت عالخط بالتلفون والله يا بنات شلون سكتها و قلب السالفه عليها جنها الغلطانه و قعد يبجي هني سديته و دقيت عليها بليل اقولها وينه تقولي طالع مع ربعه ولا كأنه اكو شي! وااااااااااااااااااااي بغيت اذبحها واايد على نياتها قلتلها تقوم و تقول حق حماتها الصغيرة كل شي و سوت الي قلتلها عليه و قامت حماتها قالت حق امها و ابوها قاموا ذيلاك شرشحوووووووووووه بهذلووه سووه بيزة ما يسوا و اهيا طلعت بالزينه يعني اهيا الصابرة عليه والحين قاعده تكمل دراستها و شرالها سيارة (مال الاحساس بالذنب) و كان يبيها تداوم العصر بس مستحييييييييييل عشان يصفاله الجو الاخ خلت دوامها الصبح اهيا و بناتها بالحظانه حتى اهوا و كلهم يرجعون البيت بنفس الوقت

 

[البندري22]

حبيبتي كلامج صح كله بس انا اقولج ليش الريال عادي لان الرياييل اللي يخونون حريمهم وايد فصار الامر عادي


والربع لهم دور يشوف ربعه متزوجين ويكلمون ويسوي نفسهم يعني انتشار الشي خلاه شي طبيعي ومألوف وصار الريال اللي مايخون مرته غريب وشاذ في زمن يخرع البنت ترقم الصبي


والسبب الثاني البنت ياقلبي تسهل للريال الخيانه


لان وايد بنات يرخصون نفسهم ويغازلون ويرقمون فيسهلون على الريال الخيانه اما المره صعبه تخون لان لو بتحاجي من يدري انها متزوجه انحاش وخلاها بس البنت من تدري انه متزوجه تمسكت فيه بيدينها وريولها بعد

فهذا الشي يخلي الخائنات لازواجهم قله طبعا واولها ان الوازع الديني يمنعنا والفطره السليمه واللي فكرت تشذ وتخون ريلها العوامل ماتساعدها اما الريال فالعوامل وايد ومسهله عالاخر والبنات الساقطات كثر التراب فيخون وينوع ويغير

الله لايبلانا واسال الله ان يهديهم ويهدي بناتنا

 

[brettey]

spoildish رفيجتج على نياتها مسكينه
البندري منو قالج قله الحريم الي يخونون ؟ اصلا وايد الحريم الي يخونون وبشكل ما تتصورينه

 

[بنات حواء2]

فعلن هذا الفكر موجود و هذا يدل انه المجتمع متدني فكريا و دينين لانه الدين حق على الرجل و المراه
و لو نطبق الشرع نرتاح