عادي اختي خودي راحتك.
بس شرايش في زواج البنت لمن تكون كبيرة؟
وين افضل البنت تتزوج كبيرة أو صغيرة؟
خصوصا حنا في زمن المظاهر وكل بنت تبي تكشخ على الثانية بالزوج واللبس والروحات والجيات.وزوجي عمل لي وزوجي سوى لي وكان مانخلق زوج في هالدنيا إلا زوجها؟
وغير كذا تعرفين زمن الفقر والمظاهر الطلغية تبي زواجها بالمحل الفلاني واللي يكلف السعر الخيالي حتى يكون زواجها اسطورة.
أنا عمري دخلت 29 وبعدني ربي ماكتب لي الزواج بس الحمد لله عضو فعال في المجتمع وكسبت احترام الجميع لي سواء بين أ÷لي أو برا..ولا يتكلمون علي بالمواضيع الغثة وليش متاخرة وكذا يعني مراعين مشاعري واجد.
موفقين يارب
هلا وغلا
شوفي ياقلبي ترى الشغله كلها تعتمد على قناعة الشخص انا قبل لااتزوج كانت نفس الافكار تدور براسي وشي طبيعي
يعني كبرت ومتى اتزوج هالمخاوف هذي اللي تصادف كل بنت مع ان بهالوقت عادي يعني شنو الوحدة توصل اخر العشرين وتدخل ب30 وماتزوجت؟؟؟ الوحدة الحين ولله الحمد متعلمة ومثقفة وتشتغل وتسوق وكل شي تسوي يعني مو احسن من الريال بشي وكل شي قسمة ونصيب سبحان الله
اهم شي تلاقين الانسان اللي يحبج ويحترمج ويصونج واللي تقدرين تاسسين معاه عايلة وبيت وعيال سواء تزوجتي صغيرة او كبيرة...ياما بنات تزوجوا بعمر صغير وزواجهم ماتم سنه وانتهت بالانفصال
وهالمظاهر اللي نسمع عنها مالها اي قيمه يعني العرس بالمكان الفلاني والمهر هالمبلغ ونفكر بالناس قبل لانفكر بانفسنا
وانا ولله الحمد ماتهمني هالمظاهر حتى زواجي كان باتفاق بيني وبين زوجي ومتفقين على كل التفاصيل من غير تدخلات
والحمدالله وانا معاه عايشين احلى عيشة مستقرين ومتفاهمين وقلبناعلى بعض والله رزقنا باحلى بنوته فديتها
والله لايحرم اي بنت هاللحظة يااااارب ويرزقها الزوج والذريه الصالحة:aha:
لان اغلب اللي بالمنتدي بداية العشرين او اقل...حلوة نتعرف على بعض
