رد: رد : عمره 40 و عنده 3 اولاد و للحين اهله غاصبينه :s !
اي شي !!!
اسمحيلي هذي يا مخديه او ما اتعرف وين مصلحتها ,,, يعني عمره 40 سنه و عنده عيال توه يذكر انه مغصوب !! الا حبيبتي يبي يعيش مراهقه الاربعين يعني كبر و استخف + هالزواج كله نزوة جنسيه و يبي يشب عمره على افاه وعقب سنه -سنتين يطلقها ,,,
خل تحسبها بالعقل ::
بيت حكومة ما راح يطلع لها لانه مقدم من اول ما تزوج مره + اجار الشقق نااار الحين ف احتمال كبير يسكنها مع مرته و عياله الحين و يعطيها غرفه مع حمامها بالكثير ,,,, لانه عياله و مرته ماخذين الاولي و التالي من السكن ,,,
عمرها 17 سنه و باقيلها سنه و تدش الجامعه ,, يعني غير اعانه الجامعه ريلها ما راح يصرف عليها الا بالقطاره ,,, ليش ؟ لانه عنده مصاريف بيته الثاني ,,, اقساط+ اكل و شرب و لبس +سياره حق مرته و عيالها ,,, يعني لا تحلم انها بتسافر معاه و لا تاخذ سياره و لا طلعات و روحات و دلع مثل الناس ,, لانه عنده بيته الثاني ف اذا صرف عليها دينار لازم يصرف عليهم 100 دنانير عشان يعدل بينكم و
يغطي مصاريف عياله ,,,,
و احتمال كبير يمنعها اتحمل لانه مكتفي من العيال مصاريفهم الحين +لما يكبرون راح تكسر ظهره و الدنيا غاليه الحين ,,,,
يعني هالزواج ما فيه لا بيت و لا عيال و لا مصرف مثل الاوادم و لا حتى مستقبل ,,,و فوق هذا اتحبه ؟؟؟ حبته القرادة ,, و بصراحه اهلها زين يسوون و حيلهم فيه و يستاهل اكثر من جذي بعد ,,, و صدقيني اهو الريال نفسه اللي انحط بهالموقف و احد خطب بنته ف ما راح يرضاها حق بنته ,,,,
