عملية البواسير او الناسور او الشرخ .. باختصار كل مايخص عمليات الشرج

[Dress Me Up]

السلام عليكم ورحمة الله وبركاته ..


بنات حبيت نحط موضوع عن هالعمليات .. يتراوالي صارت وايد منتشرة هالأيام .. خصوصا للحريم من بعد الولادة والنفاس ..

فياريت اللي جربت العملية ..

شنو كان سبب انها بتسوي العملية ؟؟

تذكر لنا اي مستشفى سوتها ( حكومة \ خاص )
العملية كانت ( جراحة\ ليزر )

جم يوم قعدتي بالمستشفى وطلعتي

جم التكاليف اذا سويتها بالخاص ..

اشلون الالم كان .. بعد العملية وجم يوم وخف عندج العوار .. واشلون كانت قعدتج نومتج بعد العملية .. يعني نبي تفاصيل ..


وهل بعد العملية استفدتي ولا رد عليج العوار مرة ثانية وقمتي تعانين من نفس اعراض شؤخ ولا بواسير ولا ناسور ..


ياريت حبايبي ماتبخلوون علينا بتجاربكم ..

لأن وايد بنات بعانون بس يستحوون يطرحوون هالموضووع ...


وبانتظار تجاربكم ..



​

 

[Dress Me Up]

Uppppppp

 

[حصووونه]

السلام عليكم
ببدأ بسم الله
انا عانيت من الشرخ الشرجي 4 شهور بعد الولاده وعشت على المسكنات ليما وصلت مرحله ماقدر اقعد وابجي نفس البيبي عند الخروج بالحمام وانتم بكرامه واضطريت للجراحه وسويتها من فتره عند سامي امان سواها لي في مستشفى السلاام 500 دينار عمليات اليوم الواحد دخلت سبع الصبح وبنج كامل طلعت العصر ولحد الان ماستقريت صحيا بعد العمليه في الم عند الخروج بس باللنسبه للشرخ رحمه رحمه واكل ملينات للحين ماهديتها بعد العمليه ولا راح اهدها لي بالمره يختفي الالم والقعده صعبه ماتقدرين تقعدين بعد العمليه فتره شهر يعورج مكان الشرخ لانه سوالي غرز بالشرخ وتوسعه بالفتحه واسفه على الالفاظ المقززه بس لاني عانيت وبحثت وايد بالمنتدى الكل ساكت محد يتكلم ولاحد فادني بشي اي وبالنسبه للنومه عادي انام على الجنبين بس بعد العمليه يوم رديت البيت اسبوع انام على بطني لانه يعور وشاد ورا واذا كحيت وعطست يذبح نفس خياط الولاده شلون جذي باللضبط والله يجيركم ولايصيبكم ماصابني يارب ويتمم علي يارب واتحس اكثر واكثر اي حبيت اقولج اني فقدت الاحساس بالعضله تحت يعني مامسك وقت شسمه اا ماكو حمام اتبهدل لوووووووول بس قالولي عادي يبيلي فتره ويرد الاحساس والتحكم والله كريم وسامحوني يابنات مره ثانيه احس فصخت الحيا موليه بالرد

 

[Dress Me Up]

حصوونه .. حمدالله على سلامتج

ومشكورة وجزاك الله الخير على نقل تجربتج

وان شاء الله البنات يتجرأوون ويكتبوون تجاربهم مثلج ..​

 

[barbie girl]

انا معاي بواسير والحين شكبرهم مع الحمل والامساك وو المشكله زادت لاني اهملت نفسي واستحي اكشف بس الحين احس بمعاااانااااه واااي جنه عوار ابره من تحت ومعاي دم الحين خلاص عقب ما اولد بعالجهم وودي اشيلهم بعمليه وافتك


عشان جذي نبي تجاربكم بنات الله يخليكم ترى محد يعرفكم هني وعادي البواسير تحوش 80% من الحريم بسبب الولاده

 

[شندوخه]

انا كان معاي ناسور داخل الشرج عزكم الله سويتها عند د خالد العنزي ماشاءالله ايده خفيفه ماحسيت بعوار بعد العمليه بس احتياطا رضيت اخذ ابره مسكن وكان بالاميري سويتها اليوم من باجر طلعت والحين د خالد فتحله عياده خاصه اللي تبي عنوانها تدزلي رساله عالخاص

 

[barbie girl]

زين بنات ابي دكتوره شاطرة تسوي لي العمليه استحي اكشف عند ريال

 

[شندوخه]

دكتوره مرا والله ماعرف

 

[barbie girl]

زين شندوخه

عمليتج بالليزر ولا خياط ولا كبس تراني غشيمه بس اسمع بهالشغلات مادري شنو الفرق بينها وايهو احسن وصج ممكن بعد العمليه يوسعون المنطقه عشان ما يصير في الم وقت الامساك ولا شلون ؟ وصج الاحساس يقل بالمنطقه

وجم صارلج من سويتيها ورد الناسور ولا الحمدلله ماكو ؟؟؟ وتاخذين علاج الحين ولا وقفتي وعالجتي الامساك ؟

وزين اذا الدكتور يكشف علي او اذا بيسوي لي العمليه وقت العمليه يلبسوني لبس يغطي جسمي يعني بس هذيك المنطقه مكشوفه ( نفس لما يسوون غسيل قولون ) ولا نفس لبس العمليات العادي يااااااااااااااربي كل ما افكر بهالشغله اهون عن الكشف


وما تعرفين تحاميل ومرهم زين للبواسير وملين للبطن لاني قاعده احط مرهم وتحاميل ماسوولي شي واحاتي فترة نفاسي اكيد بيزودون علي عقب الولاده ودي بعلاج سحري

 

[شندوخه]

هلا حبيبتي انا ماكانت بواسير انا ناسور داااااااااخل الشرج عزج الله
اول الايام ملينات حطلي فتيله اول يوم بس ومن باجر مع مغطس الماي والملح طاحت بس هالحجي من زمان الحين اكيد تطوروا
ووقت العمليه تلبسين لبس عمليات كااااامل ومايكشفونج الا لم تتخدرين لا تحاتين وايد سهاله لاتعذبين نفسج
بس كريم معين والله ماعرف بس مبدئيا قعدي بمغاطس ماي وملح وايد تريييييييح

 

[Dress Me Up]

انا معاي بواسير والحين شكبرهم مع الحمل والامساك وو المشكله زادت لاني اهملت نفسي واستحي اكشف بس الحين احس بمعاااانااااه واااي جنه عوار ابره من تحت ومعاي دم الحين خلاص عقب ما اولد بعالجهم وودي اشيلهم بعمليه وافتك


عشان جذي نبي تجاربكم بنات الله يخليكم ترى محد يعرفكم هني وعادي البواسير تحوش 80% من الحريم بسبب الولاده

اي والله صاجة ....... في الكثير اللي يعاني منها .. بس الواحد يخاف من العلاج خصوصا اني المنطقة مكانها حيل حساس .. الله يعين يارب
​

انا كان معاي ناسور داخل الشرج عزكم الله سويتها عند د خالد العنزي ماشاءالله ايده خفيفه ماحسيت بعوار بعد العمليه بس احتياطا رضيت اخذ ابره مسكن وكان بالاميري سويتها اليوم من باجر طلعت والحين د خالد فتحله عياده خاصه اللي تبي عنوانها تدزلي رساله عالخاص

مشكورة اختي شندووخة على نقل تجربتج ..

ودكتور خالد العنزي ..اشلون شغلة ممتاز .. وياريت تحطين عنوان عيادته هني عشان البنات يستفيدون ويكون مرجع لهم ...

وين باقي البنات عطوونا تجاربكم ؟؟
​

 

[shaikhat elbnat]

بنات بس انا مو متزوجه .. و من فترة طويله اشوف نقط صغيييييييره دم كبر غزه الابره
و الحين في زوايد صغيره اطلعت لي
هذي بواسير صح ؟؟؟
و هالزوايد ممكن تكبر ؟؟
و من عنده اروح ؟؟ دكتور باطنيه ؟؟ و لا نسا؟؟
وايد خايفه عفيه ردوا علي :eh_s(22):

 

[wasan84]

انا مره دقيت على دكتور وسألته بس للأسف نسيت اسمه وقال بالليز وسألته عن الالم والاثار بعد العمليه جان يقولي اسويها لج واقولج روحي الدوام لاتروحين البيت لانج ماراح تحسين بشي وكان اعلان للعمليه بالوسيط الاعلان يقول بدون الو وما ادري شنو جنه مستشفى الزهير والله مو ذاكره وياريت إلي تعرف تفيدنا

 

[wasan84]

اب
اب
اب
لعيونكم ولي بعد

 

[shaikhat elbnat]

انا مره دقيت على دكتور وسألته بس للأسف نسيت اسمه وقال بالليز وسألته عن الالم والاثار بعد العمليه جان يقولي اسويها لج واقولج روحي الدوام لاتروحين البيت لانج ماراح تحسين بشي وكان اعلان للعمليه بالوسيط الاعلان يقول بدون الو وما ادري شنو جنه مستشفى الزهير والله مو ذاكره وياريت إلي تعرف تفيدنا

يمكن قصدج دكتور اشرف الجمل في مستشفى الزهير؟

 

[عمري الخالد]

يمدحووووووووووووووون طيبه كلينك يسوونها بالليزر هذا اللي سمعته والله اعلم

 

[فـلـفـلـهـ]

انا صار وياي شرخ لمدة سنتين

وكل المستشفيات الخاصه تنافست انها تسوي لي العمليه

يوم راجعت مستشفي العدان عند دكتوره كويتيه الله يجزاها الجنه يارب ويوفقها وين ماكانت

عطتني كورس علاج لمدة 3 شهور

والحين لي سنتين وانا بخيييييييييييييييييييييييييييييير لله الحمد والمنه

 

[حصووونه]

انا صار وياي شرخ لمدة سنتين

وكل المستشفيات الخاصه تنافست انها تسوي لي العمليه

يوم راجعت مستشفي العدان عند دكتوره كويتيه الله يجزاها الجنه يارب ويوفقها وين ماكانت

عطتني كورس علاج لمدة 3 شهور

والحين لي سنتين وانا بخيييييييييييييييييييييييييييييير لله الحمد والمنه

الله يتمم عليج يارب
انا ماكنت ابي جراحه ابد وصبرت ماقدرت اكثر من 4 شهور لاني واصله مرحله صعبه حيل الله يعين وان شاء الله مايرجع لج بس ترى يقوولون الطلق الصناعي يسبب الشرخ والله يعين

 

[شندوخه]

هلا حبيبتي والله شغله زين وفوق الزين ماشاءالله
هذا عنوان عيادته


الدكتور خالد العنزي ( استشاري الجراحه العامه والمناظير)
مركز هيلث كير في منطقه بنيد القار مقابل مطعم نينو
الرقم: 22511522

وادعولي

 

[Dress Me Up]

هلا حبيبتي والله شغله زين وفوق الزين ماشاءالله
هذا عنوان عيادته


الدكتور خالد العنزي ( استشاري الجراحه العامه والمناظير)
مركز هيلث كير في منطقه بنيد القار مقابل مطعم نينو
الرقم: 22511522

وادعولي

جزاج الله خير حبيبتي ماقصرتي ..​