مشكووووووره حبيبتي ما قصرتي .. اكييييييييييد شي بديهييييييي بيحطووووولي كريم على عيوني بعد العمليه بس ما يكثروم منه لانه مرهم مو كريم يعني وااااايد دسم ما تحتاجين تحطين منه وايد شويه يأدي الغرض وانا ماذكرت سالفه الكريم لاني قاعده اتكلم عن نتايج العمليه مو تفاصيلها !! وهذا الاهم .. ومحد سألني شنو عطاج الدكتور حق عينج عشان اذكرهم .. بس بما انج هالكثر مستغرررررررررربه راح اشرحلج كل شي !!! .. اولا بعد ما صحصحت من البنج كانوا حاطين مرهم علي عيني ومغطينه بقطعتين شاش ودوني غرفتي وحطولي على طوووول كمادات ثلج فوق الشاش لمده 40 دقيقه وانا نطرت الدرب لما خلص وقلتلهم ابي ابره مسكن لاني كنت احس بعوااار وخاصه ابلعووومي حتى انا استغربت ليش بلاعيمي تعورني جذي قالولي لانهم كانوا حاطين فيه تيوب حق التنفس يمكن لاني بنج عام ولي يومج شوي يعورني يمكن شوي متجرح مكانه المهم .. بعدين يابولي ويييل جيير قعدت فيه طبعا كان راسي ثقيييييييييييل من البنج ما اقدر اتحرك اهلي ما قصروو بدلوووا ملابسي وحطوني بالكرسي وركبت السياره وطبعا هذا كله والشاش على عيني ماشلته لين وصلت البيت شلت الشاش وعادي فتحت عيني وكنت اشوووف بس شوي الدنيا مضببه من المرهم ولمده يومين مثل ما وصاني الدكتور كنت حاطه كمادات ثلج على عيوني كلما تذوووب احط غيرها فيعني اغلب الوقت انا مسكره عيني مو لاني ما اشوووف !!! بس عشان لا تورم وتزووورق بعد العمليه والثلج كان يبرررد ويريح عيوني وايد واحس يخدر المكان شوي .. عموما الدكتور عطاني ثلاث شغلات استمر عليها لي موعد شيل الغرز بعدها باسبوع الا وهي مرهم ينحط عالجرررررح وليس داخل العين لمده 3 مرات باليوم عشان الخياااط ما يشد علي وانا دايما حاطته ما اقعد من غيره لانه الخياااط كل ماله ويشد اكثررر .. و قطره للعين 4 مرات باليوم ترطب وتمنع الجفاف وانا بصراحه كل ما احس عيوني تعبت ولا نشفت احط منها .. ومرهم بالليل قبل النوم داااااااخل العين يمنع جفاف العين عند النوم لانع العين ماتتسكر عدل بسبب شد الخياط اول اسبوع وهذا المرهم اذا حطيته ما اشوف عدل الدنيا تصيييير حيييييل ضباب يعني ما تميزين منو واقف جدامج وهذا شي عادي لاني بكون نايمه مو محتاجه اشوف !! .. بالنسبه حق النظاره ماني بحاجتها لاني بالبيت والعمليه جرح خارجي مو داخلي عشان احتاجها ماله شغل بالعين نفسها .. حتى انا سألت الدكتور شلون عالسجود قالي عادي تقدرين لانه جرح خارجي ماله شغل بالنظر اما اذا كان داخلي انا اوصي المريض انه اييبله كرسي الصلاه وهذا ما ينطبق علي .. اتمنى انا جاوب استفساراتج واذا بخاطرج شي ثاني قولي لا تترددين احنا هني عشان نستفيد ونفيد من تجارب بعض
.. اهم شي اني سويت العمليه وارررررررررررتحت ولله الحمد والفضل يرجع لله ثم للدكتور ثم لدايموندا اللي دلتني مكان عيادته اليديده :eh_s(17)::eh_s(17):
