عملية الشد الحزامي عند الدكتور هشام بو رزق ( رووووعه )

[a6oby]

رد: عملية الشد الحزامي عند الدكتور هشام بو رزف ( رووووعه )

ممكن تححدي منطقة شق البطن و كم طول الجرح

الجرح دار مدار الخصر اقصد من تحت

 

[مريومه قلبى]

رد: عملية الشد الحزامي عند الدكتور هشام بو رزف ( رووووعه )

الله اسلمج حبيبتي

انا كنت متينه كان وزني 97 و صرت 62 و لله الحمد

الدكتوور قمه في الاحترام و الثقافه و اهم شي المتابعه بعد العمليه ممتااااز

الجروح ترووح بس يبيلها وقت طوييل يعني عادي بعد سنه تصيير نفس السترتش ماركس بس حيل ضعيف يتغطي باي شي تلبسينه

والله انا بالنسبه لي كان الالم شهر و قعدت بالبيت شهر و نص بس انا لان عمليتي كامله البطن مع الظهر امن الي اسوون بس بطنهم اقولون وايد اهون و مافيها ذاك العوار لانهم انامون على ظهرهم عادي امن انا لو ويين ما انام الم

بس بفضل الله كل هاذا اختفى الحيل و اهم شي النتيجه روعه تبارك الرحمن

مشكوره على رديج وعندي بعد سوال البربيش شكثر خلالج اياه صج سبوعين وماني فاهمه شلون وجم فتحه وسلامتج

 

[كويتية طيبه حنونه]

الحمدالله على سلامتك مرة اذكر رحت مع صديقتي كانت بتسوي عندة عملية بس صارت لها ظروف وماراحت سوت العملية بس بصراحة واحد واثق من نفسة واصلا بعد سعرة غالي بس اتحسينة يحط هالسعر لكن والله واااثق من نفسه واهم شي انه كويتي نفتخر فيه

 

[a6oby]

رد: عملية الشد الحزامي عند الدكتور هشام بو رزف ( رووووعه )

مشكوره على رديج وعندي بعد سوال البربيش شكثر خلالج اياه صج سبوعين وماني فاهمه شلون وجم فتحه وسلامتج

حبيبتي البربيش تم معاي اسبوع بالضبط

اهم اربع برابيش يعني 4 فتحات بس صغار حيل

الله اسلمج من كل شر

 

[a6oby]

الحمدالله على سلامتك مرة اذكر رحت مع صديقتي كانت بتسوي عندة عملية بس صارت لها ظروف وماراحت سوت العملية بس بصراحة واحد واثق من نفسة واصلا بعد سعرة غالي بس اتحسينة يحط هالسعر لكن والله واااثق من نفسه واهم شي انه كويتي نفتخر فيه

اي والله صاجه اهو سعره غالي شوي بس يستاهل

والنعم فيه

 

[جوري الكويت]

رد : عملية الشد الحزامي عند الدكتور هشام بو رزق ( رووووعه )

حمدالله على سلامتج

 

[a6oby]

رد: رد : عملية الشد الحزامي عند الدكتور هشام بو رزق ( رووووعه )

حمدالله على سلامتج

الله اسلمج حبيبتي

 

[رمشْ الحَيآ]

الف حمدلله على سلامتج حبيبتي والله يبعدج عن العييين ويحرسج والدكتور انا اشوف صورته بالجريده ماشالله ويهآآ حده سمح و يريح الله يبارك فيه ويعطيه العافيه وانا ان شاء الله مفكرة استشيره عن قريب

 

[صباح الكويت]

انا عمليتي بعد اسبوع اشلون العوار اول ما قعدتي من البنج

 

[freethinker]

ماشاله عيال بورزق كلهم زينين بالاسنان والجراحه

انا سمعت انه زين بس للأسف اسعاره نار وشرار ...

الحمدلله على سلامتج حبيبتي :*

 

[حنون المزيون]

الحمد لله على سلامتج وأجر عافيه

بس سؤالي بليز نقصتي بتحزيم وإلا رجيم عادي وشد الفخوذ بعد وإلا شد الظهر والمؤخره بس

 

[$fdetny$]

الحمد الله على سلااامتچ حبيبتي

وفعلاً د. هشام بورزق انا اسميه الدكتور البلسم ماشاءالله عليه
صراحة علم وثقة واخلاق واحترام
انا مسوية نفس عمليتچ بالضبط والنتيجة رووعة الحمد الله

 

[mn.mn]

الحمد الله عالسلامة
اي مستشفى سويتي فيها العملية ؟
والدكتور وين أحصله ؟ عنده عيادة ؟

 

[ba6bo6a1]

اب اب اب

 

[فيلجاويه كيوت]

شكلعا صاحبة الموضوع من زمان مو داشه

$fdetny$

بجم سوالج العملية ؟ وشلون النتيجه
والعوار (((((

 

[$fdetny$]

هلا ام ديما وحمني
كلفتني العملية تقريباً ٤ الاف ونص
والعوار قوي .. لاازم في عوار لان العملية كبيرة ومدتها طويلة وانا شخصياً نزفت حيل بالعملية وحيل قلّت نسبة الدم واضطروا ينقلون لي چيسين دم

بس النتيجة ماشاءالله روووووووووعة صج تسلم ايده هالدكتور

انا جربت شد عند الدكتور نيشو والله لا يوريج الخياط سوالي خرايط الله لا يحلل كل فلس خذاه مني ومن غيري واهوا ما يستاهلهم*

 

[فيلجاويه كيوت]

هلا ام ديما وحمني
كلفتني العملية تقريباً 4 الاف ونص
والعوار قوي .. لاازم في عوار لان العملية كبيرة ومدتها طويلة وانا شخصياً نزفت حيل بالعملية وحيل قلّت نسبة الدم واضطروا ينقلون لي چيسين دم

بس النتيجة ماشاءالله روووووووووعة صج تسلم ايده هالدكتور

انا جربت شد عند الدكتور نيشو والله لا يوريج الخياط سوالي خرايط الله لا يحلل كل فلس خذاه مني ومن غيري واهوا ما يستاهلهم*

اشكرج على ردج الي يبرد القلب بس باذيج بالاسئله
شلون شكل الجرح ؟ وشنو يعني شد حزامي
بعرف الاماكن الي انشدت بعد العملية
وصدرج وزنودج ماترهلو ؟

 

[sheraZia_Q8]

حمدلله على السلامه