عملية انتفاخ بالجفووون ، منو منكم سواها؟

[Bamya]

السلام عليكم:eh_s(1):

بنااات عندي عملية الاسبوع الياي للانتفاخ اللي بجفووني (مو رفع حواجب لااا انتفاخ بالجفن نفسه)

وخااايفه صراحه

منو سواها؟ شلون كاانت النتاايج؟

ومنو سامع عن الدكتور فيصل جراغ في مستشفى البحر للعيون؟؟

بليييز لا تطنشون اللي يعرف عن هالعملية شي يقول لي
:eh_s(8):

 

[ريمه الكويت]

انتي انتفاخج باي جفن ؟؟؟ الي فوق العين ولا الي تحته؟؟؟؟ انا مسويه الي فوق العين كان وايد مضايقني جنه جيس دهن فوق عيوني وسويتها عند د صبريه صالح لاتحاتين التخدير موضوعي والعمليه والشق بالليزر تشمين ريحه عطاب ههههههههه بس تفتكين من الانتفاخات وبعدها يزورق تحت عيونج وكلها اسبوع ولا اسبوعين وترجع الاوضاع طبيعيه سويها وتوكلي على الله

 

[Bamya]

اي انا انتفاخ فووق عيوني بعد

انزين حبيبتي شلووون النتيجه؟ وأثر العملية يبين وااضح؟ انا قال لي انه بيشق تحت الحاااجب ويشيل الدهون الزيده من الجفن ، خااايفه من أثر الشق هذا شلووون راح يبين والا ما يبين

مشكوووووووووووووووووورة على الرد ريحتيني الله يريحج

اخر سؤال

دكتورة صبرية صالح بالحكوومه والا عياده خاصه؟

 

[ريمه الكويت]

لا خاصه بالجابريه .. الشق يكون بخط الجفن الي فوق العين وماراح يبين وكل مامر الوقت ياخذ لون الجلد الطبيعي ولا كانج مسويه شي و بالتوفيق وبشرينا

 

[مريوما الحلوه]

قصدج جلد زايد بالجفن الي فوق ؟

وانتي جم عمرج ؟


انا عندي تفخ تحت بسيط وجلد زايد بجفن فوق ودي اشيله بس منو بيرضى اسويه

 

[Bamya]

ريمه الكويت

تسلمييييييييييييين حبيبتي ما قصرتي ان شاء الله بقولكم النتاايج ادعووولي


مريوما الحلوه
اهو مو جلد زايد اهو يعتبر دهووون بالجفن اللي فووق وطايحه على العين وااايد مزعجه وتنرفز
صارلي تقريبا 6 اشهر ماخذه الموعد وبسويها ان شاء الله بمستشفى البحر
اذا جفونج محتااجه عملية ممكن يسوونها لج عاادي بس الله يعيييينج على الدوخه والاشعه واللوية مرمرووني على ما حطولي موعد

 

[مريوما الحلوه]

اشعه حق شنو وشنو الفحوصات الس سواها لج لان انا عيني اليمين افففف تنتفخ بشكل مو طبيعي وبجم بيسوونها لج ومتى موعدج جني سالت وايد

 

[Bamya]

اهي العملية ببلااش لانها بالحكومه

بس اول شي حوّلوني قسم الاعصاب عشان يتأكدون ان المشكلة مو مجرد دهوون ، واهناك يخلوني اسوي اشعة رنين مغناطيسي واشعة نسيت شسمها بس لها شغل بالاعصاب وصلو بويهي وايرات ويشغلون كهربا <<طلعوا زيراني
وتحيل هرمونات ودم

بيييه انا لو اقولج القصة كاااملة وشنو سووا فيني ومن ويييين لين وييييين نقلوني تهونين بس مابي احبطج

ان شااااء الله ما يغربلوونج مثلي

انتي روحي المستوصف اخذي تحويل حق مستشفى البحر للعيون وروحي قسم الجفون وشرحي للدكتور مشكلتج وان شااااء الله ما يعطلونج

وما تشوفين شر ان شاء الله

 

[مريوما الحلوه]

تسلمين يارب فحص دم اخاف من الابر

 

[مريوما الحلوه]

بي بشريني بالنتايج لا تنسينا

انا باجر برووح بشوف عيني اليمين شسالفتها اطلع ماي ذابحتني

 

[Bamya]

سلااااماااات ان شاء الله ما تشوفين شر

اكيييييد ببشركم ادعولي العمليه تنجح وما يلعبون بجفوني

 

[مريوما الحلوه]

امين انشالله وترجعين أحلى و أحلى يارب

 

[ريمه الكويت]

امين وتشوفين اللي يسرج

 

[<' توت توت '>]

السلام عليكم:eh_s(1):

بنااات عندي عملية الاسبوع الياي للانتفاخ اللي بجفووني (مو رفع حواجب لااا انتفاخ بالجفن نفسه)

وخااايفه صراحه

منو سواها؟ شلون كاانت النتاايج؟

ومنو سامع عن الدكتور فيصل جراغ في مستشفى البحر للعيون؟؟

بليييز لا تطنشون اللي يعرف عن هالعملية شي يقول لي
:eh_s(8):

مرحبا اختي

انا عندي عمليه يوم 10-4 عند دكتور عادل البلوشي افضل دكتور في مركز البحر وانا رايحه له بتوصيه

المهم قالولي عن اثنين وايد شاطرين بهالعمليات عادل البلوشي وفيصل جراغ

عادل بالحكومه بالبحر بس فيصل بعياده تخصصيه الي يم السلام ماادري اذا يسوي بالحكومه بس سألت قالولي ما يسوي

انتي طبعا ادري لأنج رايحه حقه

المهم انا عمليتي راح تكون بالجفن الي تحت عندي انتفاخ وقالي كيس دهن ومثل ما شرحت اختي ريمه الكويت بالضبط

بس انا خوافه فطلبت بنج عام

بس انا ما سوالي فحوصات مثلج بس عطاني تحليل دم واشعه صدر وسويتهم بمستشفى العسكري

وموعدها الاربعاء يشوفون النتايج والاسبوع القادم عمليتي

عاد منو فينا قبل تخبر الثانيه :tek:

ولاباس طهور ان شاء الله - وسلامات يالغاليه

 

[مريوما الحلوه]

بشرونا بالنتايج عشان نتشجع ووصيي علي ابيج واسطتي ييصييير

 

[<' توت توت '>]

انتي انتفاخج باي جفن ؟؟؟ الي فوق العين ولا الي تحته؟؟؟؟ انا مسويه الي فوق العين كان وايد مضايقني جنه جيس دهن فوق عيوني وسويتها عند د صبريه صالح لاتحاتين التخدير موضوعي والعمليه والشق بالليزر تشمين ريحه عطاب ههههههههه بس تفتكين من الانتفاخات وبعدها يزورق تحت عيونج وكلها اسبوع ولا اسبوعين وترجع الاوضاع طبيعيه سويها وتوكلي على الله

حمد لله على السلامه وما تشوفين شر

وأحييج على شجاعتج انج سويتها ببنج موضعي >>> انا خوافه وقالي الطبيب يفضل بهالحاله بنج عام علشان ما يرتفع ضغط العين جان اقول عام عام عام :cxxxp:

وعلى فكره انا عندي الجفن الي فوق شووي نازل على عيني يعني اذا فتحت عيني ما يبين الآي شادو كامل ودايما يسيح وساعات يتكتل عند منتصف العين لا والكحل يطبع على الجفن الي فوق تقولين حاطه خط >> عاد بشوف ردج وتالي بقوله يصير اسوي الجفن الي فوق؟؟
بغيت أسإلج اختي >>>

اشكثر طول معاج الزروقه اسبوع ولا أقل؟

وهل صار في انتفاخ او اورام بعد العمليه وهل طولت معاج؟

هل أثر على نظرج؟ أقصد بعد العمليه مباشر ؟ يعني تشوفين التلفزيون عادي تطلعين عادي تتسبحين عادي تنامين عادي؟؟

هل صارت معاج دوخه او عوار راس؟

وهل تقدرين تسوين مساج للراس او تحطين زيوت بشعرج؟؟

اذا كنت تشتغلين متى قدرتي اداومين؟

واخر شي بعد جم يوم تقدرين تستخدمين الكمبيوتر؟؟

وسامحيني اذيتج بأسلتي

ومشكوره وايد

 

[ريمه الكويت]

2ta هلا والله انتي نفسي جفني كان نازل مثل ماقلتي مايبين الشدو اللحين وناسه احط الشدو ويبين واحط الوان فاتحه

علشان اشجعج وحتى اليوم رحت عند دكتور واخذت ابر نظاره وبوتكس ابي الطرف الخارجي للعين يرتفع شويه وبقولكم بعد 3 ايام شنو النتايج اما النظاره مبينه من اول ماخذيتهم عطى نظاره وشد خفيف وحلو

طلعت من الموضوع بس حبيت اقولكم شنو اخر انجازاتي لووووووووووول

شوفي اختي الزروقه اول الايام جنج حاطه شدو بنفسجي ويوم عن يوم يفتح يعني بحدود الاسبوعين يروح وتقدرين تطلعين

بدون نظارات شمسيه

والورم لازم بعد العمليه عيونج تتفخ من فوق وتحت العين تورمين اما النظر لازم يكون احد معاج وفت العمليه لانج بعد العمليه مع تورم العين ماتشوفين عدل بس كلها جم يوم ويرد نظرج مثل قبل ولازم الدكتور يعلمج شلون تنامين لازم تنامين وراسج شوي مرفوع وتبتعدين عن الاظائه القويه وانسي المطبخ شويه عشان الحراره والظوء بس ترا كلها فتره وكل شي يرد طبيعي وعادي تقدرين تداومين بعدها بجم يوم بس لبسي نظارات شمسيه حتى التسيح تسبحين بعد يومين ثلاث ويعطونج موعد بعد اسبوع من العمليه يشيلون الغرز اذا ماطاحت بروحها وطبعا يعطونج قطرات ومراهم بس كلها فتره وتشوفين نتيجه حلوه وتفتكين من التفاخ الي يلوع الجبد

واي سؤال عادي

 

[<' توت توت '>]

مشكوره وايد وايد انج طمنتيني لا وشجعتيني اقول حق الدكتور يصير اسوي الجفن الي فوق >> وحده ما صدقت خبر _03BA:

لآن باجر موعدي معاها الله يستر

المهم قوليلي ،،،،،،،،،،،،، >>> شنو ابر النظاره هذي وعند اي دكتور رحتي وشنو سالفتها بالتفصيل الممل :eh_s(10):

ما تعملين ها :s141:

المهم ابي التفاصيل لأني ناويه بعد العمليه بشهر اروح اسوي بس انا خط تعابير الوجه الي يم الخشم مبين واضح حتى اذا حطيت اساس
بعد ساعتين يتكتل ويصير فيه خطوط ماادري شسوي ويضايق ساعات :080402ask_prv:

عاد انا قلت اسإلج هل مع هالابر يروح الخط ويشد البشره :n2006107:

عفيه قوليلي انقذيني :yaaaaaarb:


:e3:

 

[ريمه الكويت]

ولايهمج عاد انا من اسوي شي بسرعه انشر الاخبار من الفرحه ههههههههههه انا مثلج فيني خط خفيف من صوب الخشم وانتي نازله من الشموس والكبر شين

والي يروحها عدل مدل ابر الفيلرز بس مااحب اسويها الا لما تسير هالخطوط وايد واضحه اللحين انا فيني عالخفيف فابر النظاره انا مسويتهم كذا مره
وحلوين يبون نتايج بس لازم استمر عالجلسات بس الحلو فيهم تشوفين النتيجه فوريه فاليوم رحت مستوصف معروف الطبي
رايحتله من قبل علشان علاج فسالته عن الابر قالي يحطون فيها ماده الهايدرولينك اسيد وفيتامينات وسالته عن سعر الجلسه قالي ب30 دينار انا كنت اسويهم ب60 عند دكتوره سحر يعني بنص السعر لا وسوالي خصم عالبوتكس سوالي البوتكس ب15 دينار يعني المجموع 45 وعطاني كريمات وحبوب الحبوب شايفتهم في بوتس اسمهم نيرودين وايد مدحهم والسيريوم اسمه الميزوليفت مع فيتامين اي يكملون على الابر ويشدون الويه بس بصراحه اشوف الخطوط الي بويهي راحت مع اني توني مسويه الجلسه الصبح بس على مااعتقد انا نتيجتهم مؤقته لازم اكمل عنده على الاقل 4 جلسات مع الاستمرار بكريماتي الي شريتهم

 

[<' توت توت '>]

تدرين انا بنطر بعد العمليه وبشوف شنو النتايج

انا راح احتاجها اكيد بس مو الحين شهرين جدام وابدي اسوي كل الشغلات

بس بقولج اشكثر الفتره بين الجلسات (ابر النضاره)؟

ومنو هالدكتور الي رحتيله حق الابر في مستوصف معروف؟

وهل اهو لما يشوف الويه يحدد شنو يحتاج ولا الوحده اهي الي تطلب الي تبيه؟؟

انا ما احب خرابيط الكريمات والحبوب والادويه ابي شي سريع مثل غسول ماسك كريم واحد فقط بس

انا نوعي جذي

مليت من التشري فقلت خلاص توبه ماكو ادويه وخرابيط وايد احط ولا شي

ودمتم