عمليتي بعد يومين .. وعندي اسئلة للي مجربه ... لاهنتوا

[D.manoor]

السلام عليكم ورحمة الله وبركاته..
شلونكم وشخباركم ان شاء الله الكل بخير وصحة وعافيه >>>> اخلصي الزبده

اممممم
انا بعد يومين يعني يوم الاثنين بسوي عمليه ( فيمتوسكند)او له مسمى ثاني (الانتراليزك)
يعني ليزك غير يدوي حق اللي فيهم ضعف البصر
فابي اسال اذا في وحدة سوت مثل هالعمليه
وشنو طلعت النتيجه معاها لاني خايفة هذي عين مولعبه
انا راح اسويها عند الدكتور سامي الربيعة

انزين شنو الاشياء اللي مايصير تسويها قبل لو بعد العمليه
بلللليز اللي يعرف اي شيء يقول لي
وشاكره مروركم

 

[Queen OF Secret]

حبيبتي لا تحاتين ولا شي انتي لين رحتي للدكتور سئليه عن العمليه وعن اضرارها واتوقع الليزك ما يخوف اختي سوت ليزك مادري اذا مثل عمليتج بس ما خذت وقت يمكن ربع ساعه ما طولت وانا سمعت ان سامي ربيعه زين واهو مشهور اختي سوتها عند مبارك العجمي ما شاء الله ايده خفيفه ونجحت العمليه والله يسهل عمليتج ويشافيج يالغلا اتنمى افدتج

 

[سويت لاتيه]

الله يسهل وينجح عمليتج

 

[D.manoor]

حبيبتي لا تحاتين ولا شي انتي لين رحتي للدكتور سئليه عن العمليه وعن اضرارها واتوقع الليزك ما يخوف اختي سوت ليزك مادري اذا مثل عمليتج بس ما خذت وقت يمكن ربع ساعه ما طولت وانا سمعت ان سامي ربيعه زين واهو مشهور اختي سوتها عند مبارك العجمي ما شاء الله ايده خفيفه ونجحت العمليه والله يسهل عمليتج ويشافيج يالغلا اتنمى افدتج

تسلمين حياتي على ردج
ومشكورة على دعائج
اي مالدكتور بارك العجمي اعرفه
و الدكتور سامي معروف بس لان العمليه هذي تقنيه يديدة ومحد من اهلي سواها قبل وفوق هذا تكلفتها عاليه بس ان شاء الله كلام الدكتور يطمن
بس سؤال اختج جم كلفتها العمليه
انا عمليتي 1100 بس بعرف

وشاكرتج يا الغلا على مرورج

 

[D.manoor]

الله يسهل وينجح عمليتج

آآآآآآآآآآمين
وشاكرتج على الدعووة الحلوة والمرور المتألق

 

[D.manoor]

up
up
up
عطوني ردود تريح الله يرحكم
باجر العمليه حدي خايفه

 

[أحبج يمه]

سهالات حبيبتي آنا مسوية الالتراليزر عند د سامي الربيعة والحمدلله الحين ارتحت من العدسات ولويتهم

اهو اول جم يوم راح تحسين ان عيونج تحرقج وماتشوفين 100% بس استمري عالقطرات اللي يعيطج اياهم الدكتور ويوم العملية لا تحطين لا مكياج ولا شي وجهزي نظارتج الشمسية معاج ولا تستخدمين اللاب والفون واايد حاولي تريحين عيونج

ولا يحوش عيونج ماي عقب العملية ولا تتعطرين لأن عيونج بتكوون حييل حساسة

واتمنى اكون افدتج واي سؤال ثاني انا موجودة
والله يقومج بالسلامة يا قلبي

 

[D.manoor]

سهالات حبيبتي آنا مسوية الالتراليزر عند د سامي الربيعة والحمدلله الحين ارتحت من العدسات ولويتهم

اهو اول جم يوم راح تحسين ان عيونج تحرقج وماتشوفين 100% بس استمري عالقطرات اللي يعيطج اياهم الدكتور ويوم العملية لا تحطين لا مكياج ولا شي وجهزي نظارتج الشمسية معاج ولا تستخدمين اللاب والفون واايد حاولي تريحين عيونج

ولا يحوش عيونج ماي عقب العملية ولا تتعطرين لأن عيونج بتكوون حييل حساسة

واتمنى اكون افدتج واي سؤال ثاني انا موجودة
والله يقومج بالسلامة يا قلبي

فديتج مشكورة ريحتيني
انزين بخصوص الماي شلون على الوضوء
وفي ناس قالوا عشان الصلاة ما طولين بالسجود
صج هالحجي ولأ لا
استحي اسال الدكتور
( ادري اسالتي واايد بس ما صدقت شفت وحدة نفس حالتي )

 

[Grass]

لا تحاتيين سهلااااات

 

[زعنوفه]

اول شي انتي علشان ترتاحين استخيري قبل اي شي

ثاني شي عمتي مسويتها عند نفس الدكتور بس من زمان اكثر من 12 سنه بس بعد العمليه طبعا تصير العين حساسه وايد ويصير لونها نفس الكاتشب بس الحمدلله كاهي ما فيها الا العافيه ونظرها6\6
الله يوفقج حبيبتي ويكتب لج الخيره​

 

[أحبج يمه]

فديتج مشكورة ريحتيني
انزين بخصوص الماي شلون على الوضوء
وفي ناس قالوا عشان الصلاة ما طولين بالسجود
صج هالحجي ولأ لا
استحي اسال الدكتور
( ادري اسالتي واايد بس ما صدقت شفت وحدة نفس حالتي )

العفو حبيبتي

أنا بالنسبة للوضوء كنت اتوضى عادي بس يعني شوي شوي مو اغرق ويهي ماي أدير بالي واحافظ انه ما يحوشني ماي على عيوني إنتي جربي من اليوم وخلي الكلينكس يممج اول ما يحوش عيونج على طول مشي الماي

ولمن تتوضين قمضي عيونج بس موحيل وحاولي تمسكين وضوؤج حق صلاتين
والصلاة عادي آنا كنت اسجد بس ما اطول بالسجوود لان اذا طولتي تحسين مثل يصير ضغط خفييف على عيونج

وكلله باجره

وعادي ياقلبي سألي اللي تبينه آنا كنت نفسج قبل العملية سألت الكل
واذا مارديت عليج بالموضوع دزيلي عالخاص وراح أرد عليج بإذن الله

 

[D.manoor]

اول شي انتي علشان ترتاحين استخيري قبل اي شي ​

ثاني شي عمتي مسويتها عند نفس الدكتور بس من زمان اكثر من 12 سنه بس بعد العمليه طبعا تصير العين حساسه وايد ويصير لونها نفس الكاتشب بس الحمدلله كاهي ما فيها الا العافيه ونظرها6\6

الله يوفقج حبيبتي ويكتب لج الخيره​

الحمدلله انا مستخيره واحس اني مرتاحه
بس تعرفين لازم في خوف قبل العليه لانه شيء طبيعي
وشاكرة مرورج يا حلوة

 

[D.manoor]

لا تحاتيين سهلااااات

مشكورة على مرورج
سهلااااات ولأ سهالات ....؟!

 

[D.manoor]

العفو حبيبتي

أنا بالنسبة للوضوء كنت اتوضى عادي بس يعني شوي شوي مو اغرق ويهي ماي أدير بالي واحافظ انه ما يحوشني ماي على عيوني إنتي جربي من اليوم وخلي الكلينكس يممج اول ما يحوش عيونج على طول مشي الماي

ولمن تتوضين قمضي عيونج بس موحيل وحاولي تمسكين وضوؤج حق صلاتين
والصلاة عادي آنا كنت اسجد بس ما اطول بالسجوود لان اذا طولتي تحسين مثل يصير ضغط خفييف على عيونج

وكلله باجره

وعادي ياقلبي سألي اللي تبينه آنا كنت نفسج قبل العملية سألت الكل
واذا مارديت عليج بالموضوع دزيلي عالخاص وراح أرد عليج بإذن الله

مشكورة حياتي وااايد وااايد على ردج على اسالتي
بجرب فكرة الوضوء إن شاء الله تضبط