عمليه غضروف الركبه منو سوتها او خذت ابر فيها دشو بليز

[انثى الكويت]

السلام عليكم
من فتره ركبي تعورني رحت الاميري قالولي فيج برد بركبج اخذي هالدهان وكمادات ماي حار ورفعي ريولج طول الوقت لا تتحركين وايد وبيروح العوار سويت والله ماراح زاد
رحت مره ثانيه الرازي قالي الدكتور مالك قلت له احس بركبي منتفخه جاسها قالي اي منتفخه
ملتهبه وماعطاني غير مكس ادول والدهان

قامت تزيد والله مانام تعورني محد حاس شكثر تعورني وبنتي رضيعه ماقصرت
مانام كلش وقطاعي والهالات بعيني زادو صرت جني مصاصة دماء

المهم رحت الاميري مره ثانيه قلت له ريلي تعورني دكتور واشعه ماكو شي قالي بحولج الباطنيه
انا قلت شكو قال يمكن اورده ولا شراييين عبالهم جلطه بريلي سويت تحليل الجلطه ماكو شي الحمدالله
طبعا وصلت لمرحله امشي بعكاز خذيتها من اختي تعورني ركبي حييييل

عطوني دوا التهاب ومسكن صادف سفرتي وسافرت وقامت تعورني بالسفر واخذ مسكن
صج طلعت السفره من عيني حسافه احس ريولي خربت علي بس هم استانست الحمدالله


تخيلو جان ارد اروح للمره الالف حق الاميري قالي ماكو فايده لازم تسوين رنين مغناطيسي
اوكي وين الموعد بعد 6 شهووووووور
اولاااااا بنطر هالمده وركبي الي ذابحتني ماكو الا خاص

امي حبيبتي الله يطول بعمرها قالت لي امشي على حسابي اسويلج بخاص الرنين المغناطيسي
ترى وايد غاليه بس الركب 140 دينار والدخول والفحص وانا لاني مفلسه
استحيت بعدين لزمت جان اقول اوكي
بنات

الزبده :ch12:



طلع في قطع طولي وعرضي بالغضروف بركبي
الدكتور يحلف يقولي والله انتي اصابتج العن من اللاعبين اهم بس طولي
ولازم انتي دخول حالا تسوين العمليه
انا اخترعت جنه طقني طراق وامي وريلي معاي
قلت له جم التكلفه قالي 900 دينار من وين لي بالله محد معاه المبلغ
قلت اوكي اسويها بالحكومه



قالي عند دكتور علي المجيمي بمستشفى شيخان الفارسي
رحت بحجز الموعد لشهر 6 شسوي
والله محتاجه احد يجدم لي الموعد ريولي ماقدر امشي عليها
وعكاز وبنتي اشيل واحط فيها
وبعد اسبوع دوام من بعد اجازه امومه





بنات منو سوت العمليه وهل سوى لها عمليه زراعه غضروف وبطق ابر
ولا في حل ثاني تهقون العلاج الطبيعي يقدر يعالجها لي



منو نفس حالتي ولا تعرف احد مر بنفس حالتي ومادري من وين افترت ريولي وصار
بركبي جذي


واي خلاص مانام من ركبي يارب تعبت والله:eh_s(16):



ساااااااااااعدوني. ضايق خلقي

 

[noo7a]

انثى
ماعندي فكره
بس ادعيلج ان الله يقومج بالسلامه و يشافيج
انزين ليش ماتشوفين لج واسطه يجدمون لج موعدج

 

[رووحي طفله]

حبيبتي والله اني حاااااااسه فيج .. شوفي .. انا مسويه عملية بركبتي نتيجة طيحه طحتها وسببت لي شد بالاوتار و تمزززق بالاربطه وانحراف بالعظم ... يعني الله لاااا يوريج العوار كنت اموووت من البجي.. رحت الرازي قالولي دخول عمليه على طول .. صج انه اهلي ما يوثقون بالحكومه كللللش بس من شكل ريلي الفظيييع كانو مخترعين و على طول دشيت العمليه وسويتها الحمدلله يااارب صج كانت 5 ساعات العمليه بس ماتحسين و نمت بالمستشفى اسبوعين .. حبيبتي والله دكتور علي المجيمي وااايد يمدحونه و على فكره ياخذونه المستشفيات الخاصه انا سمعت .. سويها وانتي مغمضه صدقيني راح ترتاحين .. اتمنى اني فدتج و ماتشووفين شر يااارب

 

[اوبالز]

الله يقومج بالسلامه الركبه
القطع في الغضروف يكون بسسب اصابه اوطيحه وناس وايد يسونها ومافي شر انشاء الله
اخوي سواها وكان اصابه ملعب وهو يلعب كوره بنج عام والوالد سواها بس بنج نصفي

 

[انثى الكويت]

نوحا الله يسلمج والله قاعده اسال ادور لي من تحت الارض تعورني

طفله ويه حبيبتي مالج شر الحمدالله والله شكلي بسويها واهو فعلا وايد ايمدحونه ودي احصل ابجر وارتاح من الي انا فيه


اوبالز ما يشوف شر الوالد واخوج اوكي بس بعد نا شالوها خلوها جذي فاضيه ياخذون ابر فيها ولا ازرعو فيها غضروف شي جذي

ولما سووو العمليه شكثر وردو مشو ولا تعورهم شي جذي اذيتج لان عندي بنت بعرف راح اقدر اشيلها وامشي فيها

 

[انثى الكويت]

اب اب اب

 

[$نرجس$]

ما اتشوفين شر يااقلبي والله يقومج بالسلاامه و اذاا الدكتور شاطر ومعرووف وامسوي نفس عمليتج اكثر من مره ونتايجه ناجحه توكلي على الله وسوييهااا وانشااءالله البناات يساعدوونج بمعلووماتهم

 

[** رش رش **]

الله يشافيج يا رب
أنا زوجي توراد من تايلند بعد ما سوا هناك عملية تنظيف للغضروف بعد ما خربو ركبته بمستشفى الرازي
ما ابي أخرعج بس تبين الصراحه دكاترة مستشفيات الحكومه يخرعون

 

[اوبالز]

لاااا عاادي خدي راحتج حبيبتي اكيد انتي معدوره دايم المره تحاتي كيف تجابل عيالها
اخوي في البدايه تقريبا شهر بعكاز
والوالد عنده كان تآكل بالغضروف واحتكاك بالعظم ومن سوى العمليه صار له سنه احيانا بعكاز واحيان بدون لين الحين
وأخد ابر في الركبه عشان الاحتكاك
وقالوله احتمال يحتاج عمليه استبدال مفصل
الله يشافي الجميع
يعني يختلف العلاج على حسب التشخيص
ادا كان قطع مايعطون ابر بعد العمليه الابر يعطونها الي عندهم تاكل واحتكاك مثلا بعض الناس لما يبدون يكبرون الماده اللزجه الي تغطي الركبه تبدي تجف وتسبب احتكاك والاحتكاك يسبب الم فيحقنوهم بالابر علشان تعوض الماده الاكانت موجوده في الركبه
الله يقومج بالسلامه

 

[أحلى من الخيال]

حبيبتي
ما تشوفين شر
على المجيمي الكل يمدحه بس آنا ما جربته وودي أروح له
يعيد لي العملية اللي خربها لي الدكتور حسين قويعان
إذا تبين شي كلميني على الخاص
لأني أنسى المواضيع اللي ناقشت أحد فيها بالمنتدى​

 

[أحلى من الخيال]

على فكرة
أنا خذيت فيها أبر
و سويت عملية و علاج طبيعي ​

 

[انثى الكويت]

واي بنات اخترعت صراحه اخاف

تهقون اسوي علاج بالخارج

انا عادي اشيل الغضروف واسوي العمليه بس مابي يخلون ريلي فاضيه يسوون لي زراعه غضروف
ابي امارس حياتي طبيعيه امشي واركض

مابي ابر طول حياتي مو مشكله علاج طبيعي وابر لفتره مؤقته

 

[أحلى من الخيال]

رديت على الخاص جيكي ​

 

[ام يارا القمره]

جيتي على الجرح. انا كنت عند اهلي. وامشي وانقز. الا طططططططط. وقمت. اصيح. طلعت التواء بالكاحل او مره قالوا شعر وبعد مافكيت الجبيره. قالوا. تمزق في الاربطه. والله تعبت وانا الحين اكتب لك وانا تعبانه حطوا لي ضاغط مسكت المقص وقصيت الضاغط رجولي منتفخ ضنك في التهاب رجولي تخرع الحين وزوجي بارد يقول عادي احس نار وسكاكين برجولي

 

[انثى الكويت]

ام يارا لا تسكتين عن نفسج غلطانه روحي حجزي لج موعد بالمستشفى
بعد مواعيدهم بعيده الحكومه واذا تبين روحي خاص على راحتج

الا الصحه محد يسكت عنها


انا الي بعرفه اقدر اسوي رياضه ولا لاء يعني اكو تحت الماي ولا عجله

المشي ماقدر انا قاصته من نفسي

ابي شلي اقدر اسويه من رياضه

اتوقع الاعبين يردون يركضون وعادي

 

[!الجادل الصعب!]

خالتي مره كبيره ومعطينها موعد بعد سنه للعمليه بمستشفى الشركه
وقآلو لهآ سويهآ بخآص بس احنا نحاتي الخآص مو مضمون بعد ونحاول
علاج بالخآرج مو راضين يقولون نسويها بالكويت علا آساس الدكاتره هنآ تووب وشطآر عيني
عليهم بآرده ..!
وقآلو لهآ كمآدات بآرده حطي عليهآ .. مو حآره مثل مآقالوا لج ..
انا اقترح تسالين عن مستشفياات تآيلاند اذا فيه امكآنيه تسوينها هنآك ..! *

 

[barbya_q8]

تعالو انا عندي كل التفاصيل من معاناة امي الي دامت جم سنة مع هالركب وكل شي يخطر ببالكم سوته
علاج طبيعي
كمادات حار وبارد لعل وعسى شي يضبط
ابر زيت طبعا تصير فتره بسيطه زينه وترد لانه الماده الي بالركبه راحت وتاكل الغضروب والركبة
والزبدة والنهاية كانت عمليه تبديل ركب بدبي بالمستشفي الامريكي والركبتين عند دكتور سميح الطرابيشي وفي وحده نعرفها سوتها بدار الشفاء وممتازه العمليه وتمشي وتروح وترد بس العمليه عموما متعبه اول الايام واي استفسار انا حاضرة

 

[انثى الكويت]

ما قصرتو يا بنات يعطيكم العافيه


وااااااي تبديل ركب شلوووون احس يعور


الا اذا فيها تبديل ركب وجذي برررررره اسويها


في كذا دكتور شاطر بالكويت علي المكيمي بالفارسي
والتنيب بدار الشفا يمدحونهم


اذا بيشلون الغضروف ويحطون واحد ثاني اوكي اذا بيبهذلوني لا بره ولا لي شغل فيهم


ومابي تايلند ابي بره دول مضمونه باوروبا ولا امريكا

 

[حمرة الورد]

شنو تبديل ركبه منو يقرر هالحجي هذا اللي اعرفه الغضروف منظار وتطلعين نفس اليوم انا اعرف دكتور يخاف الله ومايحب يشيل الغضروف الا بالشديد وانتي أكيد عارفه شيلت للغضروف راح تسبب خشونه مبكره نسيت اسمه بس اتذكر اسمه اقولج

 

[انثى الكويت]

هاي بنات حبيت افيدكم
رحت موعدي طبعا
عند استشاري بالرازي فريد عزت
فا قالي بعد ما صورت اشعه وجذي وخذيت اشعتي مالت الرنين المغناطيسي
فا قالي في قطع بالغضروف بسيط واحد بس

والحمار الي بالخاص قالي الاثنينه الطويلي والعرضي
فا عشان يبوقون فلوسي عمى بعينهم

قالي سوي رياضه طبعا عادي مو نفس هذاك قالي ممنوع

الحين قالي بعد شهر اذا للحين تعورج عمليتج بسيطه
اخيط الغضروف مو مثل هذاك قالي اشيله
بط جبدي حسبي الله ونعم الوكيل
بس فلوس تهمهم ما يهمهم اوكي زين ولا لاء

وصراحه لازم الوحده تاخذ راي كذا دكتور

وقالي بعدها راحه شهرين وخلاص تردين تمشين


فا ان شاء الله اذا سويتها بقولكم

عشان اساعد البنات لو بشوي