عمليه غضروف الركبه منو سوتها او خذت ابر فيها دشو بليز

[دنيا أبوها]

أنثى ما تشوفين شر بإذن الله ..

عسى ربي يسخر لج الدكتور الشاطر و ترجعين أحسن من قبل ..

 

[انثى الكويت]

امين الله يسمع منج

معنه قاعد يزيد العوار وخلاص مو قادره بسوي العمليه

 

[ذكرى الفجر]

ياقلبي عليك اسئل الله ان يشفيك باهون وايسر سبب طيب ياقلبي ماتجربين العلاج الطبيعي قبل العمليه لعله يفيد بس ممكن كل جلسه تكلفك

حاولي تستفسرين ولك مني اصدق الدعوات اختي الغاليه

 

[ذكرى الفجر]

وحابه اقولك مري على كذا دكتور واسئلي الله يوفقك بواحد مخلص ربي يوفقك ويفرج همك

 

[معاالي]

الدكتور وليد التنيب في دار الشفاء ممتاز

والله يقومج بالسلامه

 

[انثى الكويت]

قوووه
بنات انا سويت العمليه بمستشفى الرازي
عند الدكتور الاستشاري فريد عزت مصري
وريال كبييير بس كنت ابي الا عند استشاري
ورحت موعدي عطاني مسكن وكريم قالي بعد
شهر اذا مارتاحت ريولج تعالي اسبوعين ورحت ماقدرت انطر صراحه تعورني
جان يقولي عمليه نسوي لج بمنظار وبنفس اليوم تطلعين

قلت له اوكي

وعطاني موعد 13/5/2012
ورحت صايمه طبعا اكثرر من 10 ساعات
وسويت العمليه ببنج كامل

والحين صارلي اسبوعين امشي على عكازتين وريلي ما تدوس الارض


وطبعا بنفس اليوم طلعوني
وريلي ثاني يوم سوا لي طبيتي وراح دفع دينارين رسوم العكازتين يدد وحق الغير كويتي 12 دينار


واذا بطلع شريت لي ويل جير ويدزوني فيه
لان مو معقوله بناقز جدام الناس خخخخخخخخخخخخخ
اقدر اجفسها قالي عادي الدكتور بس مشي لا
هالايام اوقف عليها بس مامشي

وعندي بعد علاج طبيعي واهو اهم شي طبعا

وطبعا قالي اصابتج قويه وشلنا جزء كبير من الغضروف ومن لونه يدل انه قديم
صارله 3 الي 4 سنين

اصلا قالي شلون تمشين طالع من مكانه اكيد بيعورج


ولاهم من كل هذا لازم انزل من وزني اقل من وزني المثالي عشان لا بتسبب لي بخشونه
وانا صغيره وندش بموال الخشونه
وتعالي بدلي ركبه مالي خلق

بصك حلجي


والحين انا قلت كل هذا عشان يكون مرجع للبنات اذا نرو بنفس حالتي

وماله داعي اسوي العمليه بخاص لان جد مستشفى الرازي متطور دخلوني غرفه عمليات كل شي فيها يديد


بتسالوني عن زراعه غضروف مافي للاسف حتى بره ماكو


قبل مان يزرعون بس مع الوقت الجسم يرفضها لان يعتبره جسم غريب ويردون يشيلونها

ومره ثانيه عمليه وبنج لا ما ينفع


عالله يتطورون ويسوون زراعه اروح ازرعها وافك نفسي


وادعولي يا بنات انه الله يعطيني الي ابيه


وان شاء الله موضوعي يفيد البنات

 

[اوبالز]

الف الحمد لله على سلامتج
وما تشوفين شر

 

[ma3boocha]

الحمدالله ع سلامتج حياتي


ضاق خلقي عليج والله

و سامحيني ترا توني ادري ياقلبي


و الله عداچ الشر

و خطاچ السو

 

[انثى الكويت]

الله يسلمكم الشر ما ييج

لاالحمدالله سهالات
ربي لك الحمد


بس الحين عطوني ١٢ جلسه علاج طبيعي وهذا اهم شي عشان اقدر امشي مره ثانيه

ولازم اسوي كل التمارين بالبيت كل يوم من ٣ الى ٦ مرات باليوم
وكمادات الثلج المفروض ٣ مرات يوميا عشان يطخ الورم



وان شاء الله اكون فدت البنات
وادعولي ما يصير فيني خشونه يارب

 

[(حكاية قلب )]

حبيبتي سلآمات ما تشوفين شرر =(