عنآيتي ببشرتي بالصور 2012 =)

[Thέebą ❥]

.



السلام عليڪم ورحمه الله وبرڪاته

صآرلي فتره مادشيت المنتدى بس اتابعكم من خلف الشاشه :eh_s(22):

واليوم من الفضآوه قلت انزل صور للمنتجات اللي استخدمها عسب تستفيدون

واتمنى ڪل شي يڪون وآضح ,, واي استقسار لايردڪم الا الڪيبورد

بس حبيت اوضح شغله ماقدر افيدكم بخصوص الاسعآؤ لاني نآسييه لوول





تــآبع /

 

[Thέebą ❥]

هاذي منتجات استخدمها للبشره من THE FACE SHOP
خلنآ نبدا من اليمين
foam cleanser
منظف يتحول لـ رغوه بـ الشاي الاخضر وايد خفيف وحلو للبشره

اللي بالنص كريم ليلي يتحكم بالدهون اللي بالبشره + مرطب

واللي عداله هذا ينحط قبل الكريم الليلي ويساعد على تنظيف البشره وتتطهيرها + امتصاص الكريم الليلي



هاذي الاسكينولآت جربت اللي بالبابايا حلو وهم اللي بالليمون بس

اما البيبي فيس ماجربته بس شريته وحاليا ماستخدم الاسكينول الا نادرا



والحين دور الشور جيل ( نبدأ من اليمين )

هاذا شور جيل شريته من ذا بودي شوب بخلاصه الياسمين رييحته وايد حلوه بس ماتطول بالجسم

شور جيل دووف عيبتني ريحته ووايد حلو ع البششره

جونسون بيبي كير وايد وايد عيبني اكثر واحد

لوكس بعد ريحته حلوه بخلاصه الاملاح والاعشاب البحريه منعششش جدا



الحين دور المقشررات Scrubs

العلبه الحمره من ذا بودي شوب بخلاصه الكرز البري وفيه حبوب سودا

والعلبه الخضرا من الجمعيه بخلاصه الافاكادو والوردي بالفراوله واييد احب هالمقشررر مرتاحه عليه

اما اللي ورى فهو مقشر للوجه من هملايا وخفيف ع البشره



هالاثنين غسول للمنطقه الحساسه

حبيت اللي من سيباميد اكثر عن كيرفري ماعيبتني ريحته



عنايتي بشعري

العلبه الزرقه بلسم من دووف اتعب وانا اقوول روعه وكل مايخلص اشتري واحد يديد
وايد ينعم الشعر وريحته تهبل

زيت فاتيكا استخدمه تقريبا كل اسبوعين مره وهيك حلوو وريحته بعد حلوه

طبعا الشامبو المفضل بانتين ومرتاحه عليه

واخر شي حمام زيت الحيه استخدمه اذا رديت من العرس عسب يشل الاسبري وهالسوالف



ترطيب الجسم وااااي اموت على فآآزليييين

طبعا كلهم رووعه وارتحت عليهم

بس حبيت اوضح شغله فزلين البني بزبده الكاكاو الكبير يفرق عن فازلين الصغير

واحد منهم بالفيتامين E والثاني بزبدة الشيا

استخدم اللي بزبدة الشيا و الفازلين البنفسجي للسترج مآرك وشفت تغير ملحوظ الحمدالله

مع ان صارلي اسبوعين والطريقة بعد السبوح احط البنفسجي وكل مادشيت الحمام (عزكم الله )

احط البني وهييك مره بنفسجي ومره بني

والوردي لترطيب اليد والاظافر بعد روعه وقرب يخلص

اما الابيض فهو بدون معطرات ولا شي استخدمه اذا بسوي خلطه او شي للترطيب وهم حلو !

وفازلين الصغير استخدمه للجروح و الشفايف



زيت اللوز الحلو سمعت عن فوايده وخذته بس ماجربته ابد

الجلسرين اللي بالنص استخدمه للرقبه والكوووع

واخر واحد الجليسوليد ترطيبه ثقيل نوعا ما واستخدمه بين فتره وفتره



مرطبات اخرى للجسم

جونسن بيبي لوشن وااايد حلوو شكلي بخليه من افضل كريمات التررطيب
ريحته تهبل كل ماحطه يقولون ريحتج ياهل .. ومايدبق اهم شي

اما الابيض اللي عداله هاذا من لايف ستايل بخلاصه الياسمين صدق انصحكم فييه روعه

واخر شي كريم بخلاصه المسك + عطر من ذا بودي شوب ماحبيته وايد وريحته تملل فتره وتملين



والحين دور الاندر آرم

الليدي سبيد ستيك البنفسجي + الحمر رووووعه وصج اكثر شي ارتحت له من بعد الشبه اللي سببت
لي جرووح بالمنطقه من بعد استخدام 6 سنين

اما الباقس ماستخدمتهم هههههههه بس البيج ريحته وايد حلوه من بودي شوب



ماسكات الويه

اللي فالعلبه الخضره من ذا بودي شوب بخلاصه الساي الاخضر رووووووووعه والله يابنات
اول ماتحطينه جذي باررد مثل الفكس ويعطي نظااره للويه

والثاني من هملاياا اتحطينه وعقب يتقشر بخلاصه اللوز والخيار ريحته حلوه



زيت جونسن ماقبل النوم

حده حده حده رووووووووووعه ومن افضل منتجات الترطيب احطه بعد السبوح
واحسه يريح الاعصاب ولاحظت انه يوحد اللون بنسبه بسيطه وترطيبه حلو و احلى شي انه
فتره وينشف مايطول



منتجات شد البشره

الاول من نيفيا كاتبين انه يباله اسبوعين وتتطلع النتيجه بس ماداومت عليه

والثانيي من The face shop ويستخدم للزنود والمؤخره والبطن وماجربته



هاذا مقلل للشعر من فيييت :eh_s(22): بس ماجربته بليز اللي جربته تقول اذا اوكي ولآ



البودي لوشن

الاخضر من لايف ستايل خذته مع الكريم اللي بالياسمين اللي صورته فوق

البرتقالي الصغير من ذا بودي شوب بخلاصه الياسمين ( مثل الشور جيل اللي فوق )

الوردي والعنابي من لايف ستايل بس ماحبيتهم وايد

واخر واحد ريحته حلوه فتره وعقب تملين منه



واخر شي العنايه بالسنان معجون الجيديوم

والسموكرز للمدخنين لووول بس انا ما أدخن

تبيضهم طبيعي يعني موب اببيض فلآلآشش لا التبيض الطبيعي

وبجذي اكون خلصت واتمنى اني مانسيت شي واتمنى اني افدتكم واي استفسار غير الاسعار

من عيوني :eh_s(22):

 

[جويسي]

ماشاءالله عليج وفيتي وكفيتي

من اي ماركة عنايتج بالبشره وعجبوني سنفرات البشره الاخضر والوردي بس مادري اذا كان متوفر عندنا بالكويت


يعطيج العافيه

 

[ستــ ريما ــايل]

مشكورة حبيبتي

 

[توتا حمرا]

احس عنايتج مو مكثفة و مافيها تعب
بس حلوين عليج بالعافية

 

[MisS.Wawa]

تهبل عنايتج
الله يتمم عليج ​

 

[Thέebą ❥]

ماشاءالله عليج وفيتي وكفيتي

من اي ماركة عنايتج بالبشره وعجبوني سنفرات البشره الاخضر والوردي بس مادري اذا كان متوفر عندنا بالكويت


يعطيج العافيه

اسم الماركه THE FACE SHOP

هي مثل ذا بودي شوب والمنتجات كلها كوريه اتوقع

هاذا السايت مالهم

http://www.thefaceshopen.com/

 

[Thέebą ❥]

مشكورين حبيباتي ع المرور

اي انا مااحب اتعب نفسي ولا احب اخبص وايد

والحمدالله كلو تمام

 

[Miss^NeozZ]

wanasaaaaaaaa 7lweeeeen a`3raaaaaaa`9ch

 

[حُلم وانتهى]

عجبتني عنايييييتج والله

تقريبا نفس عنايتي لووووووووول

بس انا في شغلات اكثر اسويهم

موووووووفقققققه يارب ويعطيييييج الف عافيه ياقلببببببببي

 

[بسكوته ذايبه]

يسلمووو حيييييل حيل حبيت عناااايتج مااقصرتي حبيبتي​

 

[{.صغيروؤونه.}]

حلوه آغرآضكـ مآشآء الله ,,

 

[too7a_q8]

ماشالله حلوه عنايتج و تقريبا انا نفسج

 

[barbie_girl]

ماشاءالله عنايتك حلوه وبسيطه

الاسكينول جربي نظفي فيه الرقبه روووووووووووعه انا استخدمه بس للرقبه يطلع بلاوي خصوصا الرقبه من ورا وعالجوانب

ومقشر الجسم الي بالفوكادو والفرواله بالصوره الرابعه عندي مثله بس بالعنب لونه ازرق استخدمته مره ورميته خفت منه لان لونه صبغ بايدي صارو زرق وغير كذا حبيباته ناعمه جدا ماحسه يقشر ماعجبني

وشور جل دوف جربي الجديد مكتوب عليه اويل وميلك رووووووووووووووعه بالحليب والزيت ترطيبه يجنن وريحته حللوه

وعطر المسك من بودي شوب الوردي احبببببه مع انه مو ثابت

ومرطب جونسون الوردي حق الاطفال غرااااااااااااامي ترطيبه ممتاز مو خفيف واستخدمه لولدي الله يحفظه يازين ريحته عالاطفال يدننن

وغسول سباميد ممتاز وريحته حللوه اما كيرفري فاااشل وكل ماستخدمه احس بلسع وحرق احلى شي عندهم الفوط اليوميه والمناديل بالبابونج

ويعطيك العافيه

 

[فدوووو]

ماشاء الله تبارك الرحمن عنايتك تهبل

عجبتني اول كريمات حطيتي صورتهم

عنايه مريحه وحلوة لاتخبيص ولاخرابيط كثيره

الله يوفقك ويرزقك اللي تتمنينه امين ياارب

 

[دنيا الغموض]

ماشاءالله روووووووعه
عسى الله يهنيتس ويحقق النتيجه اللي تبينها

 

[om janoona]

يعطييييييج العافية حبيبتي
و ماقصرتي

 

[عُجآج !]

مآشآء آلله رووعه . .

يعطييييييج آلعآفية ..

 

[همس الهموسات]

عليك بالعافيه ومشكووره

 

[ريتاا]

ما شاء الله موضوعك رووعه الله يعطيك العافيه