عناااااااايتج يا متزوجه بريحة حلجج (للمناقشه واخذي وعطيني لوول )

[خالف تعرف]

هذي النظافه سوائن بالاسنان او الجسم
لازم نعتني فيهم الاسنان نفرشها يوميا مرتين الى 3
والجسم كل يوم

 

[أم توتو]

الريحه مو شرط تكون من الاكل يكون ساعات التهاب الوزتين وتسوس الاسنان حتى الجسر اللي يحطونه للاسنان يطلع ريحه حتى لو تفرشين كل ساع بالنسبه لي احب حلاوة هولز الازرق واستخدم غسول كولجيت مطهر ومعقم بعد ومعجون اسنان كرست وعلوك اكسترا ونوفا بالنعناع كل شغلي بانعناع عشان الريحه تصير قويه

 

[باربي برونزيه]

شربو مااااااااااااااااااااااااااي قبل لا تنامون

 

[مولاي الفرج]

معجووون وأي حلاو ريحته حلوة

​

 

[ماردك لي]

احط هيل ومرات قرنفل

 

[مظلومة حيل]

الريحة غالبا ما تكون بسبب اللثة يبيلها تنظيف من الجهاز الي عند الدكتور

و افرش اسناني و غسول

يسلموووووووووووووووووووووووووووووووووووووووو

 

[عمة الورد]

انا سامعه بس مو مجربه يقولون ..

لا تنصدمون بس جد والله اللي جربوها يقولون ميه ميه

و تنفع خصوصا حق ال morning breath >> ريحه الحلج الصبح بس بنكشخها شوي

اي المهم

يقولون فص ثوم حطيه داخل تمره و بلعيها

اي ثوم لا تنصدمون و لا تحطون دلاقم شكبرها بعدين تقولون شلون نبلعها

أي صح ينظف البطن

لان الريحه اساسا منه

تسلمين حبويه


حبيبتي صاحبه الموضوع يعطيج العافيه بس عندي تعليق بخصوص توقيعج

العظيم مو العضيم جزاج الله خير
:eh_s(7):

يمكن يختلف المعنى و هذا من اسماء الله

و مشكوره

 

[زوجة عزيز]

مواضيعج روووووووووووووووووووووووعه حبيبتي يعطيج الف عافيه ربي يوفقج

 

[<miss botamba>]

ترا مو شرط الريحه من الاسنان و اللسان

في ناس اسنانهم نظيفه و الريحه موجوده

والسبب لازم تسوون فحص حق المعده

لان في ناس يكون في معدتهم مكروبات تسبب الريحه

 

[..~Goolz]

واي موضوعي رد>متفاااجاءه اليوم كتبته واختفى>زعلت والله

بس عشان هالردود الحلوه بكمل باجي الاشياء الي اعرفهااا برب صغير وراجعه حبوباتي

 

[دنيتي^صلوح]

بحفظ الله
ناطرييينج موضووعج حلووو

 

[دنيتي^صلوح]

اب اب

 

[الحسن الرقيق]

هالاشياء كلها ما تنفع اذا اللثه تعبانه ..
في حريم لثتهم تعبانه وتطلع ريحه صراحه محد يقدر يستخدمهاا .. فالوحده ترووح طيب الاسنان عشاان تعرف وعقبهاا تعتني بالمعجون والعلج والغسول
وبعد سمعت انه زيت الزيتون قبل النووم يقلل الريحه الكريهه لما الواحد يقعد من النوووم

 

[..~Goolz]

باااك ...مع الحلول الموقته ..

ما ننسى المسواك مظهرة للفم ومرضاة لرب..

حبوب انا زول ...

حبوب فلاجيل هذي للمعده تضف لج المعده لو كان السبب من المعده ..

وخيط الاسنان بهالطريقه يشيل لج الاكل الي داخل بين الاسنان ..

وحبوب زيت الزيتون هم قريت وايد يمدحونهاا..

اداة قشط السااان هذا لمن تكون طبقه مترسبه ع السان تسبب رائحه وهالشي يساعد ع ازالتهاا ..

برب ​

 

[..~Goolz]

وهذي شوية خلطااات للفم ..

المواد
_ شويه قرفه
_هيل
_سنوت (يانسون)
_عوده صغيررررررررررررة خذي شويه منها بس شوي
_ قطرة دهن عود
_ماء ورد
الطريقه:
_ نطحن القرفه والهيل والسنوت والعود ويا بعض ونخلي البودره فعلبه نستخدمها كل ما نبي
_ نحط وياهم نقطه دهن عود
_ بعد غسيل الاسنان عدل واللسان اللي يطنش الكثير غسله باستخدام فرشاه خاصه له ( وعلى فكره السبب الاكثر لريحه الفم اما البطن او اللوز او اللسان لانه تتجمع عليه البكتيريا والفطريات)
_ خلي بحمامج دبه ماي ورد دايما للوجه والفم
_لما تخلصين غسيل اسنانج عدل بعد استخدام الغرغره بعد
_ تمضمي مرتين بماي الورد اول مره تفيه برع وثاني مره شربيه عادي
_ استخدمي الخلطه بدعك الاسنان واللسان فيها ممكن بلعها عادي ما تضر (ابلعها من سنين والحمد لله ما صا لي شي)
_ واللي ما تقدر تبلعها تخليها فتره في فمها وبعد ما تخلص منها لا تغسل فمها بالماي العادي تغسله بماي


....
..ونقلت لكم بعد هالطريقه ..
((دخون سري جدا ))

هذي طريقه لدخون الفم دخون دوسري درجه اولى :: بس يتاكل مايتبخر به

وهذي الطريقه انا شاطره مرررره فيها لا وتوزيع مجان اهم شي الي يكلمني ماتجي انفاسه ع انفاسي الا واحسها عطر

الطريقه هذي متعارف عليها عند الاهل واخذتها من الوالده الله يحفظها ويحفظ لكم والديكم كانت تعمل كميه وتخليها بالثلاجه واول مانصحى نفرش الاسنان

وطيران لها واحيان اكلها اذا اكلت شي فيه ثوم او بصل من بعض السلطات ع طول تقضي عليه

هذي الطريقه

تزيل رائحه الفم الكريهه والنفس المزعج .. حتى الي عندهم مشاكل بالمعده بتحلها باذن الله

وطبعا تنفع للكل .. ومكوناتها لها فوائد عظيمه

نبدا بالمكونات


1/ واحد فنجال بشر ليمون ناعم جدا
2/ ملعقتين كبيره هيل مطحون ناعم
3/ ملعقتين قرفه مطحونه وناعمه
4/ ملعقه قرنفل (عويدي ..مسمار) مطحون وناعم
5/ ملعقه كبيره مستكه مطحون وناعم
6/ ربع فنجان ماء ورد او ماء زهر
8/ 3 ملاعق عسل اصلي ...او عادي


​

 

[..~Goolz]

نيي للاسباب >الموضوع معكوس لووول المفروض باديه بالاسباب هههههه..

الأسباب العامة الطبية ​

التهاب الجيوب الانفية او عيوب تشريحية في الجيوب الانفية - التهابات اللوز - امراض الرئة - امراض الكلى - امراض الكبد - امراض الدم - السكري - اعتلال المثانة - الدورة الشهرة للنساء - السرطان - بعض انواع الاطعمة

الاسباب المتعلقة بالفم والاسنان​

​

نخر الاسنان - امراض اللثة والنسج حول السنية - التهابات الفم والخراجات - سرطانات الفم - جفاف الفم حيث ان عدة ادوية تؤدي الى جفاف الفم - افرازات الحفرة الانفية للفم - حالات التحسس - تكاثر انواع من جراثيم السالبة الغرام اللاهوائية في الفم . وهناك سبب أخر وهو نوعية الجسور والتيجان القديمة ( تطريق ) والتي لا زالت مع الأسف تستخدم( تراها في الصورة المرفقة بالموضوع ) في بعض الدول من قبل بعض الأطباء أو من قبل النور- القرباط - الذين لا يزلوا يعملون مع الأسف في بعض الدول .اما المشكلة فتكمن في أن هذا النوع من التعويضات يكون أوسع من حجم السن المحضر(المبرود ) مما يؤدي إلى تراكم الجراثيم بين الأسنان المحضرة والتعويضة ويؤدي في مراحله اللاحقة إلى تلف والتهاب اللثة وتراجعها وما يرافقها من انبعاث للروائح الكريهة والى تلف الأسنان
​

ما الاسباب المتعلقة بالاسنان واللثة واللسان فاليك بعض النصائح :
​

لابد من الكشف الجيد على اية حشوات قديمة او جديدة سيئة تكون هي المسؤولة عن انحصار بقايا الطعام في الفم وبالتالي صعوبة تنظيفها

​

الكشف الجيد على اللثة وما اذا كان هناك جيوب حول الاسنان التي تسبب بالتهابات مزمنة للثة والنسج حول السنية .

تراكب الاسنان وعدم انتظامها يؤدي الى مشاكل وصعوبة في التنظيف ومن ثم الى مشاكل الرائحة لذلك يفضل تقويم الاسنان اذا كان ذلك ممكنا

تنظيف الفم والاسنان مرتين يوميا وبشكل جيد يستغرق جميع اسطح الاسنان واللثة ايضا واستخدام الخيط السني ولو مرتين بالاسبوع

تنظيف اللسان ايضا ومحاولة الوصول الى ابعد ماتصله الفرشاة لخلف اللسان

الجفاف سبب مهم للرائحة لذلك يفضل مضغ علكة او لبان لان العلكة تحرض افراز الغدد اللعابية وهناك انواع جيدة من العلكة تحافظ على نكهتها مدة طويلة

نيي للعلاج الي نصح به الطبيب ,,​

ينحصر العلاج بشكل رئيسي في ازالة المسبب, فاذا كانت الاسباب طبية عامة كامراض الدم والسكر لابد من معالجة هذة الامراض والتي تسبب رائحة خاصة لكل مرض يعرفها المتخصصون او يعرفها المريض نفسة بخبرتة فمثلا مريض السكري يعاني من رائحة تشبة الاسيتون نفسه وكذلك امراض الدم والرئة ,
وبما ان نسبة مهمة من مصادر الرائحة تاتي من منطقة اللوزتان والحلق والجيوب الفكية وما تصاب به من التهابات مزمنة يجب الالتفات جديا لانهاء أي التهابات وطبيب الاذن والانف هو المختص بذلك وقد يحتاج لاخذ مسحة وعمل مزرعة لمعرفة نوع الجراثيم الممرضة واعطاء الدواء اللازم او مايقترحه طبيب الاذن من علاج لازالة اية عوائق تنفسة تتسبب في التنفس الفمي

....

 

[..~Goolz]

وبس هذا الي اعرفه وقريته وللامانه مو كل شي كتبته مجربته انا نزلت هالموضوع وابي الفايده وابي بعد انتم تفيدونااا بالي تعرفونه مو معناته انا نزلت هالموضوع ريحة حلجي مسك لوول
اكيد نعاني ونبي ريحتنا فرش ع طووول وخاصه بعد النوم :eh_s(16):

امبيه تدرون افكر اذا تزوجة انام بغرفه وهو بغرفه عشان اول ما اصحى ما اشم شي ولا اهو يشم

>مينونه لووول


يلا انطركم :eh_s(9):

 

[منو انت]

قريت موضوع عن زيت المسمار وكربونات الصوديوم مع المعجون امس لما شريتهم قالي الصيدلي اي من زمان الكربونات اعرفهم بس المسمار يقول اول مره وقلت له الطريقه وقالي ممكن تكون صح بس قالي هالخلطه مره بالاسبوع

 

[..~Goolz]

وهذا هم موضوع عن هالمشكله
http://www.q8yat.com/t803860.html

 

[Laidy n3ooma]

بالنسبه لي افرش اسناني 4 مرات باليوم الصبح والظهر والعصر وبليل قبل مانام

وعلوج اكسترا مايفارق شنطتي

عندي ريحت الحلج اهم من العطررر ..