عنايتي بجسمي من ملكت لحد الحين حياكم

[بنت الاحلام]

بسم الله الرحمن الرحيم​

بنات انا سويت شي حلو حيل ونفعني حيل ومستمره عليه​

وقلت بقول حق خواتي وانصحكم وسوا نفسي والله والله​

صرت الق الق قبل العرس والله​

يا بنات​

بقول لكم بكل صدق​

وابي منكم بس تدعوني الله يثبتي بزواجي ويهنيني ​

ويرزقني الصحه والعافيه​

اول شي انا ملكت بالعيد ع طول ​

المهم ​

يعني ما بقا لي الا 3 شهور المهم​

انا من زمان اهتم بنفسي وما فيني عيوب يعني الحمد لله
جسمي وشعري زين ووجهي​

المهم
اول شي خلصت زهابي ورحت صالون​

وسويت اشتراك حمام تبيض​

5 حمامات وال6 مجانا انتو اختارو اي صالون يا بنات​

كيفكم يعني هذي يخصكم بس اهم شي يكون صالون سنع وينظف عدل​

لا تقولون لي بالبيت صدقوني مو نفس الصالون الصالونه تفركج من قلب​

اول شي كل يوم اقرا سوره البقره كامله كل يوم لازم يا بنات​

ترتاحين بنومتج توخر عنج التوتر​

تنظفج وتحرصج من كل شر واذا​

المهم​

الصالون صرت اروح له كل خميس​

وانا قبل دايم اسوي كل شهرين حمام بس لما اسوي كل سبوع​

بنات جسمي صار يلق وتوحد لونه عدل ​

والله يا بنات واول ما ارجع من الصالون​

جسمي احسه تعبان وانام للصبح مرتاحه عدل​

البخار يطلع التعب مال السوق من جسمج ويطلع السموم​

ويفتح الجسم​

وبعدين لما ارجع ع طول ​

ادهن جسمي​

اي لوشن او زيت بدون عطور​

وكثرو عادي​

يرطب الجسم ​

وبعدين لحد يقول لي الحمام المغربي كل سبوع مو زين​

لاني شفت كذا برنامج يقولون اول ع ايام قبل بمصر وسوريا وكل الدول العربيه​

كان في شي اسمه حمام يروحون له الحريم كل سبوع​

مره يخلي الجسم يلق ونظيف وما يتراكم السمار ولا السواد ولا هالسوالف​

بس احنا نحط حيلنا بالكريمات وما نسوي الا كل شهر​

المهم هذا الشي الوحيد والمهم الي خلا جسمي​

روعه بمعني الكلمه يا بنات​

وانصحكم فيه وانصح اي بنت مو باقي ع عرسها الا كم شهر​

تبدا تسوي من الحين ​

وراح تدعيلي​

ولا تفكرون ان في صوابين ولا كريمات تفتح بدون تفرك وحمام بخار ابدا​

لاني طول عمري اجرب خلطات بس النتيجه مع حمام البخار مليون بالاميه يا بنات​

بالنسبه حق شعري ما راح اصبغ لان شعري متعود ع الحنه ​

ما راح العب فيه الحين احط حنه كل سبوع واحط زيت​

واسوي حمام زيت وبس​

الحمد لله روعه وما يحتاج شي​

وجهي اسوي سنفره وانا بالبخار​

احط من خلطه التبيض مالت الجسم لانها صابون مغربي مع اعشاب وانطر بالبخار تصدقون بالله​

خففت اثار الحب الي يكون قديم بالوجه​

رجولي دلاغات وكريم لونا​

واي شي تبونه بنات انا حاضره​

وبقول لكم شي الي عندها صابون مرتاحه عليه حق الجسم تاخذه معااه الصالون​

وسنفرتها وتخلي الصالونه تحط لها منه ​

والي تبي حق الصالون عادي​

عرفتو يعني انتي براحتج​

وطول فتره البخار استغفري​

مو حرام لانه مو حمام وانتي تستغفرين بقلبج ​

وسوره البقره يا بنات​

والله يسهل علي وعليكم​

ودي اصور لكم صوابيني وكريماتي​

 

[TRGia]

انا خواتي ييبون وحده مغربيه تسويلهم حمامات مغربي و تقشير و أشياء ثانيه و النتيجه تبارك الرحمن خيال و تبين الصج الصالونات احس مو شي لانه الحمامات مليون وحده قبلج كانت فيه ... و تقبلي مروري

 

[_كيكه بالعسل_]

ما شاءالله

حبيبتي عطيني رقم المغربيه

 

[الأميرة جوري]

بالتوفيق ...

 

[جــــود]

حياتي بنت الاحلام عسى الله يوفقج يارب ويهنيج

انت بنت حبوبه وتدشين القلب
تستاهلين كل خير

 

[برائـة طفلـة]

الله يهنيج يارب ويوفقج وتطلعين بعرس مثل ما تبين وأحلى يارب
وبعد اذنج حبيبتي حابة أكتب تجربتي مع خلطة خذيتها من المنتدى وبصراحة مفعولها طلع من اول اسبوع والله كل ما اشوف جسمي وشلون تغير وصار لون واحد ادعي حق الي كتبت الخلطة بكل خير
واحلى مافي الخلطة سهلة وتقدرين تسوينها في البيت

علبة كريم جليسرين 125

عصير ليمونتين

حبتين قيتامين C

فنجان زيت اللوز المر للجسم

الطــريقة :
اول شي تحطين كريم الجليسرين وتحطين فوقة فنجان من زيت اللوز وتخلطينهم عدل عدل ،، في قلاص تاخذين عصير الليمون وتحطين فوقة الحبتين من الفيتامين C .
وتحطينهم في علبة زجاج وتحفظ الخلطة في الثلاجة وكل ليلة بليل تحطين الخلطة حق جسمج كلة ..


والله يا بنات النتيجة مبهرة ، هذا الي شجعني أكتب لكم الموضوع
ومرة ثانية اعتذر من صاحبت الموضوع والله القصد افيدكم
:eh_s(7):​

 

[ياغروري]

يعطيك العاااااافيه

صدق مافي مثل تفريك الصالونات

 

[قلب قلبها]

الله يوفقك ويسعدك ياارب

 

[عذبة الاطبآع]

مشالله تبـآرك الرحمن

الله يوفقج و يتمم عليج و يهنيج يـآرب


و آنشـآلله تطلعين احلى عرووووس


:eh_s(7):​

 

[знооDi дL-м]

يعطيييج الف عافيه بنت الاحلااام وانا تو الناس ع عرسسي بس بسوي الي سويتييه قبل العرس بجم ششهر

والخلطه الي كتبتها اختي بسويها الحين وبجرب
مشكورين

 

[رعبوبة الزين]

الله يوفقك يارب

 

[..الزيــــــــن..]

تتهنين يا قلبي و

عسى الله يوفقج ويتمم عليج ويسعدج ان شاء الله

وموفقة حبوووبة


:eh_s(7):

 

[أميرة 22]

وع صراحة ما احب حمامات صوالين ...
وما احب اروح حق احد يفرك جسمي وغيره ..

 

[زامليه وافتخر]

عسي الله يووفقج ويتتمم علليج علي خير يااارب

 

[قطوووة]

الله يتمم عليج يارب
ؤيحليج بعين زؤجج اميييييين

استانست حيل لما قريت انج هؤنتي عن الصبغ



مؤؤؤفقة

 

[عروس الزين]

مشكوره حبيبتي , وايه والله صح كلامج

 

[همس الليل !]

الله يتمملج على خير ياقلبي..

 

[فزًولــها]

ي عساني ماخلا منكم قولو امين < كانت متوهقه بهالشي اشوا قريت موضوعج **:

زين بنات اللي بشرة جسمها حساااسه عادي صوالين والا ينخاف عليها !!!

 

[كريستال]

حبيبتي والله

الله يوفقج ويعطيج على قد نيتج وقلبج الطيب ويسخر لج زوجج ويرزقكم بالذريه الصالحه

امييين

 

[يرخصلك كل غالي]

الله يوفقج ويهنيج

وصاجه المغربي شي شي انا شكلي بخليه كل اسبوعين وقبل لعرس ب

3 شهوور كل اسبوع

باي صالون سويتي اشتراكج

وسؤال خارج الموضوع

بعد الزواج بتكملين بعضوية التاجرات

لاني بغيت الحنه بعد 3 شهور ؛p