عندج استشاره قانونية -اتفضلي

[المتميزة*]

السلام عليكم
اختي المحامية الله يعطيج العافية على مبادرتج الطيبة في مساعدة الغير والله يجعلها في ميزان حسناتج .

عندي سؤل:
وحدة خالعت زوجها لأنه عقيم وهو مو راضي يطلقها وطبعا الخلع لازم يكون مقابل شي وهي تنازلت عن النفقة والمتعة فقط

فهل تنازلها صحيح أو ان المفروض ان القاضي يجبره انه يطلقها لأنها تضررت بهذا الزواج وهل يحق لها المطالبة بالنفقة والمتعة بعد مضي 4 أو 5 سنوات من الخلع .
شاكرة لك حسن تعاونج .

المذهب سني .

 

[nice-girl]

السلام
مشكورة وايد على المساعدة هذي
1-انا بغيت اسال انا منفصلة و عندي 3 اعيال ما اشتكيت عاى ريلي و لا يعطيني مصروف اهوه الا عل المزاج يعطيني 150بسس اذا بليز تقدرين تقوليلي اذا رفعت علية قضية جم يطلعلي ؟
2- اذا تزوجت يقر ياخذ عيالي مني لاني سمعت انة امي المفروض تاخذهم يس اهوه كلا يهددني؟
و يزاج الف خير حبوببببببببببببببببببببببببببببببببببببببببببببببببببببببة

 

[منمن24]

يعطيكم العافيه بنات انا عندي كذا سوال انشالله ما اثقل عليكم

رفيجتي سعوديه واحتمال تطبق من زوجها الكويتي وعندها عيال منه 2 هل يقدر ياخذ الحضانه وشنو الشغلات الي اهوا المفروض ايسويها وقت الطلاق من نفقه ومتعه او شنو المسوليات الي عليه وتسلمون

 

[المتميزة*]

وين الردود ؟


ممكن بسرعة
نحن بالانتظار .

 

[المحامية هبة السهلي]

السلام عليكم

شلونج اختي


اا بعرض عليج مشكله مو مشكلتي


مشكلة ولد ييراننا واهي شوي معقده




الولد يبي يسوي اثبات نسب لأنه مايعرف منو ابوه

امه موجوده وتقول انه عندها ورقه تثبت طلاقها منه ومن خلال هالورقه يقدر يثبت نسبه على ابوه

بس المشكله انه الولد سجلوه قبل باسم خاله يعني بالاصح زوروا هالشي ليش مادري ...

الولد الحين يبي اثبات نسب وامه كانت واقفه معاه بس الحين انقلبت ضده وهونت عن سالفة اثبات النسب

اللي عرفته من اخوي ان الولد الحين ماعنده اثباتات وماكمل الدراسه واصلا مايشتغل لأنه ماعنده اوراق ثبوتيه وخاله مو راضي يجددهم ولا راضي يخلي الولد يراجع محامي علشان سالفة النسب

يعني والله حرام صار عمره 21 واهو قاعد بالبيت .. والمسكين ساكن مع عمة امه واهي مره عوده حيل واهي اللي تصرف عليه

وحالتهم المادية جدا سيئه .. يعني مو مترقع هالولد ..

المشكله الحين الكل واقف بويهه خاله يقول دام راسي يشم الهوا ماتسوي اللي براسك .. وامه كانت معاه والحين تراجعت عن موقفها .. والولد والله يبي يضيع بسببهم وحالته المادية جدا سيئه وحياته واقفه على هالعيوز المسكينه اللي تصرف عليه واللي اصلا الحين حالتها حرجه

واهو كلم اخوي طلب منه يفكر له بحل


فإنتي شرايج يامحاميتنا يعني والله حرام اللي اهله قاعدين يسوونه فيه عن جد كاسر خاطري

اختي المساله بصراحه لا يرد عليها بسهالة مثل باقي القضايا لازم التفاصيل اتكون واضحه عندي قبل لا ارد لان مسالة النسب من اخطر المسائل وتدخل فيها نيابة النسب للتحقق من التزوير فيمكن ترد ضده لو ما كان موقفه سليم

لو ان الموضوع جاد خلي صاحب الصفه والمصلحه في الموضوع يكلمني او يرسليي على الخاص

 

[المحامية هبة السهلي]

السلام
أنا بغيت أستفسر عن شيء مجرد للعلم فقط
أنا الحمدلله متزوجة وعندي أربع أطفال وزوجي وحيد أهله وأمه وأبوه حيين
وأحنا ساكنين معاهم في نفس البيت لنا شقة
المهم زوجي ناوي يشتري بيت لنا وأبوه بيبيع بيتهم ويجون يسكنون معانا في البيت الجديد طبعا ما أمانع أنا
سؤالي هو هل البيت الجديد يكتب بأسمي أنا وزوجي؟؟
أحنا طلبنا قسيمة يعني أرض وقرض بس مانبي ننطر
فـ شنو حقي القانوني في البيت؟؟

ومشكووره

اختي بالنسبة للبيت يجب التفرقه بين امرين ان يكون البيت بيت حكومه او منزل خاص لو بيت حكومه المفروض ان طلب التخصيص يطلع باسمج واسمه وبالتالي الوثيقه كذلك اما المنزل الخاص فراح يسجل باسم الزوج الا اذا اتفقتوا ان يسجللج جزء من البيت باسمج

طبعا لو انتي مشاركة بمبلغ في هذا البيت المفروض انج تصريين ان يكيبلج جزء من البيت بقدر مشاركتتج

 

[المحامية هبة السهلي]

انا بستفسر عن شغله وياريت القى من الخوات من تكون مختصه باستفساري..ابي اغير اسمي شلون وجم بطول هالاجراءات لان وايد قالولي ان السالفه موسهله ومعقده حيييييييييييل افيدوني خواتي للي اتعرف ومشكوريييييييييييين

الاسم الاول فقط او اسم العائلة ؟

لو ان الاسم الاول فان المسالة سهله جدا تاخذ اجراءاتها لكن تبقى اسهل من تغير اسم العائلة لان المساله تحتاج اجراءات اطول

 

[المحامية هبة السهلي]

انا مشكلتي مشكله الله يسلمج مسؤولتنا السابقه سبت رفيجتي مسبات قذره وانا شهدت مع رفيجتي وبعدها المسؤوله رفعت قضية تضرر وان زوجها بقى يطلقها وكسبت القضيه والحين المحكمه تبيني ادفع مع رفيجتي انا شكو انا شاهده شلون ادفع شرايج شسوي ؟؟؟

اختي متى صدر الحكم ؟
وهل استانفتي والا لا وهل اتهمتي بشهادة الزور مثلا حتى يحكم عليج ؟

التفاصيل لو سمحتي

 

[المحامية هبة السهلي]

السلام عليكم
اختي المحامية الله يعطيج العافية على مبادرتج الطيبة في مساعدة الغير والله يجعلها في ميزان حسناتج .

عندي سؤل:
وحدة خالعت زوجها لأنه عقيم وهو مو راضي يطلقها وطبعا الخلع لازم يكون مقابل شي وهي تنازلت عن النفقة والمتعة فقط

فهل تنازلها صحيح أو ان المفروض ان القاضي يجبره انه يطلقها لأنها تضررت بهذا الزواج وهل يحق لها المطالبة بالنفقة والمتعة بعد مضي 4 أو 5 سنوات من الخلع .
شاكرة لك حسن تعاونج .

المذهب سني .

كان المفروض ان الاخت المذكوره ترفع قضية طلاق للضرر وتاخذ كامل احقوقها ولكن الظاهر انها كانت مستعجله فتخالعت المهم تنزالها صحيح ولا تستطيع الرجوع فيه

 

[المحامية هبة السهلي]

السلام
مشكورة وايد على المساعدة هذي
1-انا بغيت اسال انا منفصلة و عندي 3 اعيال ما اشتكيت عاى ريلي و لا يعطيني مصروف اهوه الا عل المزاج يعطيني 150بسس اذا بليز تقدرين تقوليلي اذا رفعت علية قضية جم يطلعلي ؟
2- اذا تزوجت يقر ياخذ عيالي مني لاني سمعت انة امي المفروض تاخذهم يس اهوه كلا يهددني؟
و يزاج الف خير حبوببببببببببببببببببببببببببببببببببببببببببببببببببببببة

اختي بالنسبة للنفقه يحكم بها القاضي بحسب راتب الزوج وحالته يسارا او اعسارا لكن بالغالب يؤخذ بالاعتبار اجرة المسكن ونفقة الاولاد واجرة الخادم يعني لو ان راتبه جيد المفروض ان يطلعلج اكثر من ال 150

اما بالنسبة للحضانه فلم تذكري المذهب هل هو مذهب اهل السنه ام المذهب الجعفري لان الحضانه تختلف في المذهبين

 

[المحامية هبة السهلي]

يعطيكم العافيه بنات انا عندي كذا سوال انشالله ما اثقل عليكم

رفيجتي سعوديه واحتمال تطبق من زوجها الكويتي وعندها عيال منه 2 هل يقدر ياخذ الحضانه وشنو الشغلات الي اهوا المفروض ايسويها وقت الطلاق من نفقه ومتعه او شنو المسوليات الي عليه وتسلمون

القانون الواجب التطبيق في هذه الحاله القانون الكويتي لانه قانون بلد الزوج اذا كانت من مذهب اهل السنه فالحضانه لها لكن ما يجوز لها السفر بالاولاد والاقامه في بلد اخر الا بموافقة الاب

اما حقوقها فالحقوق العاديه بالنسبة لها نفقة العده والمتعه

بالنسبة للاطفال اجرة المسكن واجرة الخادم ونفقة الاولاد علما بان هناك ايضا نفقات تستحق لها بحسب سن الاولاد

 

[nice-girl]

اما بالنسبة للحضانه فلم تذكري المذهب هل هو مذهب اهل السنه ام المذهب الجعفري لان الحضانه تختلف في المذهبين

المذهب سني
انزين يعني ارضى بال150 ولا ارفع قضية لانة يقولولي حمدي ربج وانا مطلقة اكثر من 7 اشهر اهوة معطيني مال شهرين اذا رفعت القضية يعطوني مال اول

 

[sadeem yam yam]

انزين انا عندي سؤال بس ماله شغل بالطلاق ولاحقوق المرأه
سؤالي اهو انا سعوديه .. وابوي مسجلني بتاريخ ميلاد غلط .. وبعدين اتزوجت ولد عمتي كويتي .. وتم تحويل التاريخ من هجري لميلادي
وطلع التاريخ مو مواليدي .. مع اني اخذت الجنسيه وكل اوراقي كامله .. بس الحين ابي اغير التاريخ شلووون ؟
شنو الاوراق والاجراءات الي لازم اسويها

اتمنى الاقي عندج الحل

 

[مالتفت وراي]

السلام عليكم

اختي محاميه كويتيه .. الله اللي يعلم بالظروف اللي اعيشها .. قهر وحسره وشي يجيب السكته
زوجي متزوج علي .. ومسكنها بغرفتين معاي وباقي البيت كلله لي انا وعيالي السبعه ..
الحين صار عندها اربع عيال وتبي غرف زياده ونا مو راضيه على هالشي .. الحين قررت ارفع قضية
حضانه ونفقة لي ولعيالي .. بس مشكلتي اني ماقدر على تكاليف القضيه .. هل ينظرون المحامين لهل نقطه
او حتى لو يخلونها على دفعات .. انا عمري في حياتي مادخلت محكمه ولا تعاملت مع محامين .. ياليت تفيديني
اصلن انا ماستعجلت بقضية النفقه الا عشان اقدر اصرف على اي قضيه ابي ارفعها معاشنا ردي حتى بعض
الامور الضروريه نصرف نظر عشان نقدر على الاساسيات ..

محاميه كويتيه

الله يبرد قلبج مثل مابردتي قلوب الكثيرات .. ولله لايحدج على احد ويعزج ولا يعز عليج .. آآآمين

تكفين ردي علي بسرعه ولله وضعي النفسي صفر .. ومحتاجه حل يريحني

 

[garga_girl]

هااااي محاميه

انا أدرس بالحقوق بسنه أولى انشاله لما أتخرج بيي عندج بتدرب بمكتبج

 

[garga_girl]

وييييييه شالقصص والله مشكله مابي أتزوج
الرياييل كل مالهم وينون أزيد
الله يهديهم

 

[المحامية هبة السهلي]

اما بالنسبة للحضانه فلم تذكري المذهب هل هو مذهب اهل السنه ام المذهب الجعفري لان الحضانه تختلف في المذهبين

المذهب سني
انزين يعني ارضى بال150 ولا ارفع قضية لانة يقولولي حمدي ربج وانا مطلقة اكثر من 7 اشهر اهوة معطيني مال شهرين اذا رفعت القضية يعطوني مال اول

الحضانه بالسنه لج للام يعني الى حين بلوغ الولد مبلغ الرجال وزواج البنت ودخولها دخولا صحيحا

اما بالنسبة للنفقة نفقة الاولاد يطالب بها من تاريخ رفع الدعوى اما نفقة الزوجة فيحق لها المطالبة بسنتين سابقتين على تاريخ الدعوى ونفقة العده والمتعه طبعا بعد الطلاق

اما بالنسبة لرأيي الشخصي بالقضية افضل انج ترفعينها واتثبتين النفقة وتنزللج عن طريق استقطاع شهري من معاشه افضللج واضمن للاولاد

 

[المحامية هبة السهلي]

انزين انا عندي سؤال بس ماله شغل بالطلاق ولاحقوق المرأه
سؤالي اهو انا سعوديه .. وابوي مسجلني بتاريخ ميلاد غلط .. وبعدين اتزوجت ولد عمتي كويتي .. وتم تحويل التاريخ من هجري لميلادي
وطلع التاريخ مو مواليدي .. مع اني اخذت الجنسيه وكل اوراقي كامله .. بس الحين ابي اغير التاريخ شلووون ؟
شنو الاوراق والاجراءات الي لازم اسويها

اتمنى الاقي عندج الحل

المشكله مو بالكويت معناته المشكله بالسعوديه لازم اتغيرين التاريخ هناك واتشوفين اجراءاتهم هناك وبناءا عليه اتغيرين الخطأ المادي في الجنسيه الكويتيه بعدها

 

[المحامية هبة السهلي]

السلام عليكم

اختي محاميه كويتيه .. الله اللي يعلم بالظروف اللي اعيشها .. قهر وحسره وشي يجيب السكته
زوجي متزوج علي .. ومسكنها بغرفتين معاي وباقي البيت كلله لي انا وعيالي السبعه ..
الحين صار عندها اربع عيال وتبي غرف زياده ونا مو راضيه على هالشي .. الحين قررت ارفع قضية
حضانه ونفقة لي ولعيالي .. بس مشكلتي اني ماقدر على تكاليف القضيه .. هل ينظرون المحامين لهل نقطه
او حتى لو يخلونها على دفعات .. انا عمري في حياتي مادخلت محكمه ولا تعاملت مع محامين .. ياليت تفيديني
اصلن انا ماستعجلت بقضية النفقه الا عشان اقدر اصرف على اي قضيه ابي ارفعها معاشنا ردي حتى بعض
الامور الضروريه نصرف نظر عشان نقدر على الاساسيات ..

محاميه كويتيه

الله يبرد قلبج مثل مابردتي قلوب الكثيرات .. ولله لايحدج على احد ويعزج ولا يعز عليج .. آآآمين

تكفين ردي علي بسرعه ولله وضعي النفسي صفر .. ومحتاجه حل يريحني

الله يكثر من امثاللج انا ما قصرت مع كثيرات بس للاسف كثيرات قصروا بحقي منكم

باتقولون اشلون بقوللكم قليل اللي دعوللي هالدعوى الطيبه اللي الاخت دعتها :aha:

عموما اختي بالنسبة لوضعج

لا يحق للزوج يعاملج هالمعامله بل يجب ان يوفر لج مع ابنائج سكن خاص خالي من الغير وله خصوصيه

اختي بالنسبة لقضية النفقه والحضانه واجرة المسكن والخادمه سهله وما عليها بس لازم اتعرفين ان النفقه يحددها القاضي بحسب راتب الزوج وبما ان زوجج متزوج عليج معناته الزوجه الثانيه والاولاد راح
يقللون من مبلغ النفقه اللي ممكن ينحكم لج فيها عشان جذي دايما ننصح بتثبيت النفقه قبل لا يتزوج الطليق زوجه ثانيه من خلال قضية النفقه

الشي الثاني اللي ابيج اتحطينه في بالج ان رفع قضية النفقه ممكن ينعكس عليج مع زوجج خصوصا لو كان عصبي او ما يتفاهم وايطلقج هذي نقطه مهمه اذا هالشي مو فارق معاج
وحكم النفقه صار عندج اهم
راسليني على الخاص وانا اساعدج باذن الله

 

[المحامية هبة السهلي]

هااااي محاميه

انا أدرس بالحقوق بسنه أولى انشاله لما أتخرج بيي عندج بتدرب بمكتبج

ان شاء الله بالتوفيق حبيبتي واي مساعده في الدراسه احنا حاضرين من الحين