عندج استشاره قانونية -اتفضلي

[hanham]

مشكورة اختي ما قصرتي على الرد والله يعطيك العافية ويخلي مشوراتك حقنا في ميزان حسناتك اللهم آمين واكيد راح اراسلك على الخاص

 

[بنت الكويت العسل]

اختي محاميه شلون في حالة ضرب زميله لزميلتها في الدوام ومن غير وجود شهود لانها استغلت الوقت لعدم تواجد احد بالمكان وقامت بسب وقذف بالفاظ وصخه
واللي انضربت راحت للمخفر والمستوصف وعندها تقرير طبي بحدوث ورم خفيف واحمرار باليد بسبب المسك بقوه وخدش طوله 1 سم باليد اليسرى وسووا استدعاء للي ضربت وشنو بيصير بعدين ممكن مراسلتي بالخاص عند الرد لمعرفة التفاصيل وهل ممكن ضمان الحق للمضروبه من التقرير الطبي وبس؟

 

[المحامية هبة السهلي]

اختي محاميه شلون في حالة ضرب زميله لزميلتها في الدوام ومن غير وجود شهود لانها استغلت الوقت لعدم تواجد احد بالمكان وقامت بسب وقذف بالفاظ وصخه
واللي انضربت راحت للمخفر والمستوصف وعندها تقرير طبي بحدوث ورم خفيف واحمرار باليد بسبب المسك بقوه وخدش طوله 1 سم باليد اليسرى وسووا استدعاء للي ضربت وشنو بيصير بعدين ممكن مراسلتي بالخاص عند الرد لمعرفة التفاصيل وهل ممكن ضمان الحق للمضروبه من التقرير الطبي وبس؟

بالنسبة لتكيف الوضع المبدئي فهو جنحة ضرب وسب طبعا التقرير الطبي ممكن يفيد في تثبيت التهمه ويفضل يكون قد تم بعد تثبيت الواقعه بالمحضر لان يكون له مصداقيه اكبر والوقائع مهمه يعني اذا ماكان في شهود على الواقعه نفسها ممكن شهود على سوء العلاقه بين الطرفين يفيدون ايضا

اللي راح يحصل ان التحقيق راح يتم مع الطرفين وبعدين ترفع صحيفة اتهام للمحكمه في حال ثبوت حدوث الواقعه بعدها ممكن تدخل المجني عليها للمطاليه بحقها المدني بالتعويض عن الضرر المادي والمعنوي راسليني على الخاص لاي تفاصيل تحتاجينها

 

[سارا ديور]

ألووووووووووووووووووووووو

وانا ممكن تجاوبيني على استشارتي بلييييييز بصفحه 16

 

[المحامية هبة السهلي]

جزاج الله خير على هالافاده
حبيت استشيرك بموضوع بنت خالتي تزوجت من سنتين
شخص بدون بس اخوانه كويتيين وهو اصغر منها ب 5 سنوات
والحين عمره 18 وعندها ولد منه وهو مو موظف ولا طالب
ماعطاها مهرها ولا عندها بيت قاطها ببيت امها من ولدت صارلها سنه وشوي
قاعده عند امها ولا يصرف عليها ولا شي قبل كانت ساكنه بشقه اخته المتزوجه
وهي تبي تتطلق وراحت لمحامي قالها اخذ اتعابي 2000 هي بروحها
ماعندها ومو موظفه
ممكن تفيدينا بالطريقه تبي تنفصل وتاخذ حقوقها
ومشكوره مقدما
ادري حاله مأساويه بس ابي اساعدها وموقادره والله

مشكلة البدون صعبة جدا لكن صراحة مافهمت اغلب الحديث اشلون الحين عمره 18 ؟ وبالنسبة للمحامي مو معقوله قضية الطلاق ب 2000 الظاهر في مسالة ثانية انتي مو علم فيها اختي بالعموم راسليني على الخاص وان شاء الله وان شاء الله انشوف وضعها بالضبط ونلقالها الحل المناسب

 

[المحامية هبة السهلي]

وانا بعد بسألج عن النفقه بعد

انا حكم علي القاضي بنفقه 350 من شهر فبراير

وطليقي استأنف .. قاضي الأستأناف رفض استأنافه

ولما راح المندوب لبيتهم قالوله ان العنوان غلط

وهو صحيح انا مدليتهم بيته .. الحين طليقي مسافر

شنو الحل

نخلي التبليغ عن طريق المخفر احسن

ومتى يصدر امر بالحجز على راتبه

لأنه لما يسافر ولد امه حضرته يقعد شهر .. شهرين

وشاكره لج حبوبه

بالنسبة للحكم اللي صدرلج المفروض انه ينفذ فورا ولا يعيقه الاستئناف لان حكم احوال واحكام الاحوال وخصوصا النفقه مستعجله

بالنسبة للاعلان مندوب الاعلان بالمحكمه اهوا اللي يعلن اذا مااستدل يرشد واذا لم يجد احد يعلن المخفر ويعتبر الاعلان صحيح قانونا

والملف التنفيذي تفتحينه فورا وتحجزين على راتبه بعد ما تفتحين الملف التنفيذي ويستوفي قسم التنفيذ اجراءاته الروتينيه ويبدا بعدها بالحجز على راتبه وبالنسبه للمتاخر من النفقه اما انه يسدد او انج اتنفذين عليه بكافة وسائل التنفيذ من منع السفر وحجز البنوك وخلافه

 

[roses_77]

شكرا اختي على ردك وسعه صدرك والله يحفظك يارب
بالنسبه للخاص ليلحين مو مفعل عندي
المهم سالفه 2000 قال المحامي لها ارفع على زوجج 5 قضايا ونطلقج منه.
وهو اصغر منها عمره 18 وهي 23 وعندهم ولد
احنا نبي طريقه تنفصل عنه وتاخذ حقوقها لان ماعطاها
مهرها لما تزوجو ضحك عليها وماكان يصرف عليها
وهي قاعده ببيت امها من قبل لا تولد
وهو مايسأل عن ولده ولا يصرف عليه
ومشــــــــــكووره مره ثانيه

 

[المحامية هبة السهلي]

شكرا اختي على ردك وسعه صدرك والله يحفظك يارب
بالنسبه للخاص ليلحين مو مفعل عندي
المهم سالفه 2000 قال المحامي لها ارفع على زوجج 5 قضايا ونطلقج منه.
وهو اصغر منها عمره 18 وهي 23 وعندهم ولد
احنا نبي طريقه تنفصل عنه وتاخذ حقوقها لان ماعطاها
مهرها لما تزوجو ضحك عليها وماكان يصرف عليها
وهي قاعده ببيت امها من قبل لا تولد
وهو مايسأل عن ولده ولا يصرف عليه
ومشــــــــــكووره مره ثانيه

اوكي معقوله اذا كان المبلغ مقابل 5 قضايا

اتصور ان القضايا كالاتي :

- النفقات بانواعها
-المهر
-الطلاق للضرر
- العده والمتعه

اما الخامسه ماادري بالضبط
القضايا اهي اللي باتطلع لها حقها حبيبتي حتى لو كان معسر وماعنده يصرف يعتبر مبلغ النفقه دين عليه متى ما اوسر تقدر تحجز عليه فيه

 

[um_fahad]

السلام عليكم...اختي محامية كويتية اشكرج على الموضوع الحلو واللي فعلا محتاجينه...المهم....مشكلتي...زوجي طلقني قبل تقريبا 4 اشهر...والطلاق كان بس لفظيا..يعني قال لي انتي طالق...بس لي الحين مو راضي يطلق بالمحكمة...أبي أعرف الحين شنو وضعي بالقانون وشنو حقوقي؟؟؟

 

[المحامية هبة السهلي]

السلام عليكم...اختي محامية كويتية اشكرج على الموضوع الحلو واللي فعلا محتاجينه...المهم....مشكلتي...زوجي طلقني قبل تقريبا 4 اشهر...والطلاق كان بس لفظيا..يعني قال لي انتي طالق...بس لي الحين مو راضي يطلق بالمحكمة...أبي أعرف الحين شنو وضعي بالقانون وشنو حقوقي؟؟؟

بالنسبة للطلقه اللي تلفظ فيها تعتبر طلقه رجعيه ممكن يرجعج بعدها لو بدون رغبتج يعني اذا راجعج معناته انتي لي الحين زوجته و على ذمته بس هذا مايمنع انج تثبتين الطلقه اذا اهو معترف بانه طلق او فيه شهود على انه طلقج

 

[um_fahad]

اشلون يرجعني وانا خلصت العدة أصلا....واذا عالشهود فهم موجودين

 

[المحامية هبة السهلي]

اشلون يرجعني وانا خلصت العدة أصلا....واذا عالشهود فهم موجودين

اوكي

انا افتكرت انه توه موقع عليج لفظ الطلاق

ابهالحاله ترفعين قضية اثبات طلاق اختي ويسمع الشهود والقاضي يثبت لج الطلقه واذا خلصتي العده فمعناته ان الطلاق صار بائن بينونه صغرى

 

[um_fahad]

مشكورة على المساعدة...بصراحة كنت حيل محتاجة للاستشارة القانونية وريحتيني....جزاج الله الف خير

 

[المحامية هبة السهلي]

حياج الله القارئات العزيزات لاحظت ان في بعض منكم يقارن وضعه بوضع اي صاحبة استشاره وتتساءل عيل ليش انا القاضي ما عطاني نفسها او ليش قضيتي ما مشت نفس قضيتها

لازم الكل يعرف ان الظروف مو وحده لو اتبين نفس الشي لكن عند التقاضي تختلف الظروف والقاضي ايضا يختلف بحسب الدائرة في قاضي ييسر في قاضي متشدد وكل وطبعه والتساهيل من الله سبحانه

فنصيحه لا احد يقارن بينه وبين غيره الا لما يبحث في الظروف كامله

 

[سارا ديور]

بالنسبة للحكم اللي صدرلج المفروض انه ينفذ فورا ولا يعيقه الاستئناف لان حكم احوال واحكام الاحوال وخصوصا النفقه مستعجله

بالنسبة للاعلان مندوب الاعلان بالمحكمه اهوا اللي يعلن اذا مااستدل يرشد واذا لم يجد احد يعلن المخفر ويعتبر الاعلان صحيح قانونا

والملف التنفيذي تفتحينه فورا وتحجزين على راتبه بعد ما تفتحين الملف التنفيذي ويستوفي قسم التنفيذ اجراءاته الروتينيه ويبدا بعدها بالحجز على راتبه وبالنسبه للمتاخر من النفقه اما انه يسدد او انج اتنفذين عليه بكافة وسائل التنفيذ من منع السفر وحجز البنوك وخلافه

أفااااااااااااااااااااااااااااااااااااااااااااااااا

فلت ماسويت له منع سفر جان عكننت عليه وعلى امه

حسبي الله ونعم الوكيل

مشكوووره حبيبتي وان شاءالله باجر الصبح اروح اراجع المحكمه

 

[الســ بنت ـلطان]

السلام عليكم ..

محاميتنا الكريمه.. الله يعطيج الف عافيه ويجعله في ميزان حسناتج .. قاعده تسوين مجهود كبير والله يعطيج على قد نيتج واكثر...

انا اذا تذكرين استشرتج من قبل بخصوص قضيه عضل الولي..
والصراحه نفسيتي تعبانه ووصل فيني الحد.. قريب انهار.. بس اقول الحمدالله على كل حال..

الي صار معاي باختصار.. انه احنا اخذنا الحكم بتاريخ 22/7/2007 وكان الحكم لصالحي.. بس الي صار .. انه لازم نسوي اعلان.. والي طبعا لازم يسويه الزوج.. سواه عقب ما لوعوا جبده .. حتى الريال طفر حده.. وخلوه يصور الحكم 3 نسخ.. و قالوا عقب 10 ايام اييي يستلمه.. .. وامس ياي لهم مندوب المحكمه البيت وسلم لهم الثلاث نسخ.. مع العلم انه لازم يوصل الحكم حق الوالد.. لكن ما سلموه.. وراح اليوم الخطيب على شان يشوف الموضوع.. مع اللامبالاة والمعاملة الخايسه .. وكل واحد مو عارف شنو الطبخه.. بس الي شاطرين فيه تعال بعد شهر.. يقول انه سلموه الحكم الاصلي وقالوله تعال 1/9/07 .. قالهم ايي شنو اسوي.. قالوله بس تعال وخلاص وهات صوره من الحكم..

الي ابي اعرفه هل الاجراء هذا سليم .. وهل الي قاعد يسوونه صحيح.. وهل عقب هالتاريخ احنا نقدر نلمج.. ولا راح ياجلونه بعد الى تاريخ غير مسمى..

الي اعرفه.. انه هالاعلان يعطونه حق الابو.. عشان اذا حب يستانف.. لكن الحكم ما وصله.. ولا يدري اساسا عن القضيه.. لانه ما وصله اعلان بالجلسه..

لاني ادري لو كان وصله الحكم جان ما سكت.. ولعب فينا بالمحكمه..

اقول بقلبي انه هالشي من صالحنا .. عشان ما يستانف.. ويسقط حقه.. ولكن اهو لو يدري ممكن انه يعارض ويثبت للمحكمه انه ما يدري عن شي..

حاسه اني خبصت بالموضوع.. وما ادري اذا فهمتي علي ولا لأ..

من كثر ما انا صاكه فيني الدنيا ما ادري اشلون ارتب الحجي..

ادري طولت بالكلام.. بس لا تلوميني.. واتمنى الاقي عندج شي يرفع معنوياتي اشوي..

ترة القضيه في محكمه الرقعي..

تقبلي تحياتي
بنت السلطان

 

[المحامية هبة السهلي]

السلام عليكم ..

محاميتنا الكريمه.. الله يعطيج الف عافيه ويجعله في ميزان حسناتج .. قاعده تسوين مجهود كبير والله يعطيج على قد نيتج واكثر...

انا اذا تذكرين استشرتج من قبل بخصوص قضيه عضل الولي..
والصراحه نفسيتي تعبانه ووصل فيني الحد.. قريب انهار.. بس اقول الحمدالله على كل حال..

الي صار معاي باختصار.. انه احنا اخذنا الحكم بتاريخ 22/7/2007 وكان الحكم لصالحي.. بس الي صار .. انه لازم نسوي اعلان.. والي طبعا لازم يسويه الزوج.. سواه عقب ما لوعوا جبده .. حتى الريال طفر حده.. وخلوه يصور الحكم 3 نسخ.. و قالوا عقب 10 ايام اييي يستلمه.. .. وامس ياي لهم مندوب المحكمه البيت وسلم لهم الثلاث نسخ.. مع العلم انه لازم يوصل الحكم حق الوالد.. لكن ما سلموه.. وراح اليوم الخطيب على شان يشوف الموضوع.. مع اللامبالاة والمعاملة الخايسه .. وكل واحد مو عارف شنو الطبخه.. بس الي شاطرين فيه تعال بعد شهر.. يقول انه سلموه الحكم الاصلي وقالوله تعال 1/9/07 .. قالهم ايي شنو اسوي.. قالوله بس تعال وخلاص وهات صوره من الحكم..

الي ابي اعرفه هل الاجراء هذا سليم .. وهل الي قاعد يسوونه صحيح.. وهل عقب هالتاريخ احنا نقدر نلمج.. ولا راح ياجلونه بعد الى تاريخ غير مسمى..

الي اعرفه.. انه هالاعلان يعطونه حق الابو.. عشان اذا حب يستانف.. لكن الحكم ما وصله.. ولا يدري اساسا عن القضيه.. لانه ما وصله اعلان بالجلسه..

لاني ادري لو كان وصله الحكم جان ما سكت.. ولعب فينا بالمحكمه..

اقول بقلبي انه هالشي من صالحنا .. عشان ما يستانف.. ويسقط حقه.. ولكن اهو لو يدري ممكن انه يعارض ويثبت للمحكمه انه ما يدري عن شي..

حاسه اني خبصت بالموضوع.. وما ادري اذا فهمتي علي ولا لأ..

من كثر ما انا صاكه فيني الدنيا ما ادري اشلون ارتب الحجي..

ادري طولت بالكلام.. بس لا تلوميني.. واتمنى الاقي عندج شي يرفع معنوياتي اشوي..

ترة القضيه في محكمه الرقعي..

تقبلي تحياتي
بنت السلطان

حبيبتي هل صدر الحكم من دائرة سنية والا جعفريه ؟

اللي فهمته منج ان الحكم صدر لصالحج بالتزويج وبعدين اعلن للوالد ؟

ليش اعلن للوالد هل كان غيابي بدون حضوره وهل في مراحل التقاضي كان الاعلان سليم والا لا

بالنسبة للطعن في الحكم احنا ما عندنا بالكويت قضية الطعن في الحكم عندنا شي يسمى التماس باعادة النظر وهذا قوته اخف من قضية الطعن بالحكم لكن بالعموم اذا اعلن بالحكم وفات موعد الاستئناف بدون ما يستانف كل الاجراءات سليمه والحكم راح يكون نهائي وتقدرين اتممين كافة الاجراءات

بالتوفيق عزيزتي

 

[الســ بنت ـلطان]

صدر من دائرة سنية...

كان الحكم من غير حضور الوالد.. لانه من الاساس يوم رحت رفعت القضيه .. كان مفروض يبلغون الزوج والوالد.. بس الاثنين ما وصلهم الاعلان بالجلسه.. واحنا عن طريقنا بلغنا الزوج.. والوالد ما وصله شي.. لانه لو وصله جان درينا.. من العمايل الي راح يسويها..

والحين نفس الشي .. وصل اعلان بالحكم النهائي للزوج وما وصل للوالد..

فهل هالشي من صالحي ولا ضدي.. انه صار خلل من قبل المحكمه وما بلغوا الوالد.. ولا راح يضرني مستقبلا.. لانه لو يدري جان يستانف ويقعد ياجل بالجلسات.. بس عشان يلعوزنا..

انتي شنو رايك.. انبلغه بالحكم ولا نخلينا بالسكاتي.. لين ينتهي الشهر ويسقط حقه بالاستئناف..

 

[المحامية هبة السهلي]

صدر من دائرة سنية...

كان الحكم من غير حضور الوالد.. لانه من الاساس يوم رحت رفعت القضيه .. كان مفروض يبلغون الزوج والوالد.. بس الاثنين ما وصلهم الاعلان بالجلسه.. واحنا عن طريقنا بلغنا الزوج.. والوالد ما وصله شي.. لانه لو وصله جان درينا.. من العمايل الي راح يسويها..

والحين نفس الشي .. وصل اعلان بالحكم النهائي للزوج وما وصل للوالد..

فهل هالشي من صالحي ولا ضدي.. انه صار خلل من قبل المحكمه وما بلغوا الوالد.. ولا راح يضرني مستقبلا.. لانه لو يدري جان يستانف ويقعد ياجل بالجلسات.. بس عشان يلعوزنا..

انتي شنو رايك.. انبلغه بالحكم ولا نخلينا بالسكاتي.. لين ينتهي الشهر ويسقط حقه بالاستئناف..

طبعا رايي تسكتين لما يعدي موعد الاستئناف حبيبتي ولا يقدر يطعن على الحكم مثل ما فهمتج لان ما عندنا قضية مستقله للطعن على الاحكام في الكويت
انت طالما الاعلان سليم وقانوني لا اتحاتين توكلي على الله واذا الله كاتبلج نصيب ابتاخذينه الله يكتب لج اللي فيه الخير والصالح

 

[الســ بنت ـلطان]

تسلمين حبيبتي على سعة صدرج .. وطولة بالج..

مشكورة وايد