عندج استفسار او اسؤال عن الماك حياج حاضرين ??

[أريسQ8]

مشكورة سندريلا وانا ناويه على ماك بوك اليديد الالمنيوم 2.4 اليديد وسالت قالو يشب ليت ههههههههههههههههه

انا قلت بقرى اكثر عن الماك والبرامج واذا حسيت اني تطمنت شريته

 

[الشجرة الطيبة]

ساندريلااااا : هذا فلتر ال Kodak للفوتوشوب اللي يسويلك بلور حق الصور مثل الاستوديوهات
http://rapidshare.com/files/75787535/Kodak.DIGITAL.GEM.Pro2.1.rar

طبعا وللأخوات اللي يجبون يجربونه .. وان شاء الله يعجبكم

 

[الشجرة الطيبة]

الى جميع اعضاء ورواد المنتدى و خصوصا البنات الماكيات نزل حاليا في الاسواق العالميه الماك بوك برو اليديد بس ما ادري اذا نزل بالكويت او لأ
والله تحفه .. شوفوه على موقع أبل و هذا اللينك
www.apple.com

 

[OoO3solaOoO]

السلام عليكم
بنات أنا عندي فايو والحين أبي أشتري ماك لانكم شوقتوني صراحه
بس بغيت أسأل صج أنه غالي وايد ياعني أرخص واحد فوق 500
؟؟؟؟؟
بخاطري آخذ هذا
http://www.apple.com/macbookpro/features-15inch.html
وبغيت أسأ هل أهو زين حق التصاميم الكبيره وبرامج فوتوشوب والفلاش وهالسوالف
لان لابتوبي مايتحمل وايد
تحياتي

 

[الشجرة الطيبة]

ممممممممممممممممم والله خطوة اشجعك عليها وايد هذا ماك تدرين شنو يعني ماك يعني بتصيرين ماكيه
المهم هذا الجهاز اللي بالرابط اسمه الماك بوك برو و هذا اليديد و هو يظبط حق التصميم افضل من الماك بوك العادي ..
و اذا حصلتي عليه بالتوفيق واول ما تشترينه خبريني و قوليلنا حلينا نخدمك بأي شي تبينه ،،،
بالتوفيق

 

[cinderela]

برادا: بعد عمري تستاهلين اكثر من التشجيع ونبي بعد اشياء حلوه طمعانين بكرمج هههه


الشجره الطيبه:مشكوووووووووووره وايد بس ارد البيت انزل البرنامج ابتلشنا بوندوز الدوام :طراره واتشرط هههههه
وخوووووش نكته هههههههه انا وايد اموت من الضحك على العفويه الدم الخفيف والقطات الي تصير بالمنتديات خصوصا منتدانا مشالله دمهم خفيف
مشكووووووووووووووووووووره للمره المليون عالفلتر متشوقه ارد البيت اجربه سيدا


اريس :ههههههههههه انا الالمنيوم واهم شي يشب ليت اذا ماشب ترا مايسوا سعره هههه اتقشمر
وسوي مثل ماسويت قبل لا اشتريه
اكتب لسته البرامج الي ما استغني عنها بالوندوز
واشوف في شي يعادلها بالماك(اهوا طبعا فيه) بس للاطمئنان عقبها توكلت عالله


عسوله: الي بالصوره ماك بوك برو اهوا احسن من العادي من ناحيه الجرافيكس والتصميم وعندياه حلو وايد بس ترا مو بحدود ال500 اهوا تقريبا 1000 دينار
بس العادي والله جنه بحدود 400

 

[سمبوسة]

صباااااح الخير

سندريلا ألف مبرووووك الوظيفة الله يوفقج ان شاء الله هههه ذكرتيني بأول ما اشتغلت كانوا يوروني المكان ويشرحون الشغل وقالي المدير عندج اي استفسار قلت له اي متى يحق لي التقاعد لووول

برادا يا بعد عمري عسل والله عجيييييب الشلال روعة كثري من هالسوالف

عسولة توني شايفة الماك بوك اليديد يبدي من 470 دينار

الشجرة الطيبة مشكورة على الودجت وضحكتيني على سالفة التضامن مع البرامج

سندريلا والشجرة الطيبة هذا اللي فهمته من حواراتكم : ٪$#^٪&)^$#@^٪*(ـ*^٪#^*ـ&^#$@$٪^&&*^٪$# :dddds:
راعوا شعورنا :0bee2e8d89: لنا الله


اوشن ويييينج



اتراكتيف غيرل بعد ويييينج

 

[الشجرة الطيبة]

لووووووووووووووووووووووول سمبوسة يا بعد عمري ترانا بخدمتج واذا ما فهمتي اي شي ترى بس قولي وتلاقي الشرح مكتوبلج من يديد ..
ترى هذا منتداكم بعد مو منتدانا حنا بس .. انت تامري امر

وبالتوفيق

 

[PRADA]

قوووه حبايبي الماكيات....
ياعمري سندريلا... تسلمين ياقلبي وابشري بالشغلات الطيبه...
حبيبتي الشجره الطيبه .... عادي تصير فأحسن المنتديات .. بس المره الثانيه ترى ازعل صج...
سمبوووووسه حبيبتي والله حبيتج ... احسج طيووووبه حيل...
اليوم يا بنات جايبه لكم ودجت روووووعه اذا تعرفون لعبة مسدسات الالوان تهبل يابنات ... وتقدرين تنضمين لمجموعات تلعب هاللعبه على النت.. ان شاء الله تعجبكم...:tek:
​

http://www.apple.com/downloads/dashboard/games/3dparadisepaintball.html

 

[honey55]

هاي بنات شلونكم مشتاقتلكم وخصوصا مشتاقه حق سندريلا لان وايد مأذيتها بالاسئله لوووول سوري على الغيبه بس والله فرمت جهازي وكنت ناسيه الباسوورد توني تذكرته لوووووووووول مشتاقتلكم حيل وعلى مواضيعكم الحلوة اله يعطيكم العافيه

 

[cinderela]

هههههههههههه انا مو مال القومه الصبح كلش تخيلي للحين ما نام الا 4 ساعات قبل الدوام ولا انام العصر بس ارهااااااااااااق
مومال افكر بحق التقاعد مال استقاله ههههه ياحلو النوم والفراش والدفا

ويبارك فيج حبيبتي ومت من الضحك على سالفه الرموز ههههههههههههههههههههههههههههههه حسستيني ان ستايلي نظاره طبيه ترس ويهي هههه مس عبقرينو
--------------
برادا : ايه ده كلو ايه ده كلو مشكوووووووووووره وايد وبرشا ومره وبالزاف وكتير هههه

----------------
هوني:فقدناج من غير شر ولا اذيتيني ولا شي اخذي راحتج باي سؤال احنا بخدمتج

 

[OoO3solaOoO]

ممممممممممممممممم والله خطوة اشجعك عليها وايد هذا ماك تدرين شنو يعني ماك يعني بتصيرين ماكيه
المهم هذا الجهاز اللي بالرابط اسمه الماك بوك برو و هذا اليديد و هو يظبط حق التصميم افضل من الماك بوك العادي ..
و اذا حصلتي عليه بالتوفيق واول ما تشترينه خبريني و قوليلنا حلينا نخدمك بأي شي تبينه ،،،
بالتوفيق

حلوه الماكيه الاسم بروحه مغري إن شاء الله أول ما أخذه بخبركم ورح تشوفوني متواجده معاكم علشان تعلموني هذا طبعا اذا بنت خالي ماعطتني ويه <<<<<<<< بنت خالها ماكيه :eh_s(6):

عسوله: الي بالصوره ماك بوك برو اهوا احسن من العادي من ناحيه الجرافيكس والتصميم وعندياه حلو وايد بس ترا مو بحدود ال500 اهوا تقريبا 1000 دينار
بس العادي والله جنه بحدود 400

ياربي طلع مو هين والله عاد حده داش بخاطري رح تصير مناوشات انا وبو البنيه والله:eh_s(1):
مشكوره حبيبتي وإن شاء الله آخذه يارب

عسولة توني شايفة الماك بوك اليديد يبدي من 470 دينار

والله سعره وايد حلو بس ينفع حق التصاميم وجذي مثل ماك بوك برو؟_03BA:

 

[cinderela]

عسوله شنو تقصدين بالتصماميم اذا برامج معينه تستخدمينها اكيد بتركب على هذا وعلى ذاك
وضحي اكثر حبيبتي عشان نفيدج عدل
يعني انا خذيت الماك بوك برو جذي بعدين دريت احسن حق الجرافيكس بس من اي ناحيه مادري الله اعلم هههه

 

[naic one]

مرااااااااحب يا سيندريلا و سمبوسه المتقدمه وكل المشاركين

جابكم ربي لي من السماء

انا شريت لاب توب ماك بوك الجديد الألمنيوم
بصراحه رووووووعه و خيااااااااااال بعد ما كنت على التعبان التوشيبا لمدة دامت اكثر من 8 سنوات

كنت عمي 8 سنوات

المهم اني شريت الجهاز و بعد ما شريته بأسبوع رحت امريكا وانا الحين متوهق فيه في اشياء واااااجد ما اعرفها
<<<< شفيك تعرف شيء اصلاً فيه

سيندريلا ابي برنامج يصغر حجم الصوره الصور الي عندي حجمها 2 و 3 ميغا ابي شي نفس برنامج الرسام انا اتحكم فيها على كيفي
لان البرنامج الي حطيتيه يخرب وضوح الصوره !!!!

والله يعينك علي ابيك تعلميني اشياء واااااااجد بس حبه حبه


وشكراً على الموضوع الرائع

 

[الشجرة الطيبة]

اهلين فيكي و ان شاء الله ريتوا الف الف مبروك الجهاز ......
الحين صرتي مثلنا ماكية أصيلة و اي شي تبينه ان شاء الله انا ما رح نقصر معك
بالنسبة للبرنامج اسمه
AutoResizer
وهذا لينك البرنامج .....
وتقدرين عن طريقه تتحكمين بحجم الصورة اللي تبينها برنامج رائع جدا انا بستخدمه حق صوري .....

و بالتوفيق ان شاء الله

 

[naic one]

اهلين فيكي و ان شاء الله ريتوا الف الف مبروك الجهاز ......
الحين صرتي مثلنا ماكية أصيلة و اي شي تبينه ان شاء الله انا ما رح نقصر معك
بالنسبة للبرنامج اسمه
autoresizer
وهذا لينك البرنامج .....
وتقدرين عن طريقه تتحكمين بحجم الصورة اللي تبينها برنامج رائع جدا انا بستخدمه حق صوري .....

و بالتوفيق ان شاء الله

هلا فيكي اكثر

نزلت البرنامج هذا بس مشكلته انه يخرب جودة الصوره

او اني ما عرفت له !!!!

كيف استخدامه ؟ ؟ ؟
ياليت بالصور


وشكراً

 

[cinderela]

نايس ون : عمي ومتوهق وشفيك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يا غلطات مطبعية يا انك واحد مو وحده
اذا الثانيه اي فانا اسفه لان المنتدى للنساء فقط وماحب اخالف شروط المنتدى

وفي برنامج عندي وراح احط الرابط احسن من اوتو ريسايزر لان يغير حجم الصور صوره وحده مو دفعه ولازم فولدر
والوضوح اوضح ما يخرب عالصوره

تحياتي وسامحني لو تكلمت بهالطريقه

 

[attractive_girl]

هااااااااااااااااااااااااي احلا ماكيات
يا رب تكونوا كلكم بخير..تسلمين سمبوسه حبيبتي على سؤالك يا قلبي ...انا اسفه على عدم وجودي بأستمرار بس عندي امتحانات و هخلص انشالله 26 و هفضلكم ...بجد كلكم وحشتوني و خصوصا سندريلا و سمبوسه..و شجره طيبه ماشالله عليكي بجد منك نستفيد ياقمر

 

[ipink]

قووه
شلونكم يا ماكيات
بغيت اسال احد فيكم جرب ilife90
iwork09 وشنو يفرق عن ٠٨ ابي تيتوريال فييه صراحه لاني كلش مييح باستخداماتهم اللهم pages ااكتب فيه شوي عشان العربي

 

[naic one]

نايس ون : عمي ومتوهق وشفيك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يا غلطات مطبعية يا انك واحد مو وحده
اذا الثانيه اي فانا اسفه لان المنتدى للنساء فقط وماحب اخالف شروط المنتدى

وفي برنامج عندي وراح احط الرابط احسن من اوتو ريسايزر لان يغير حجم الصور صوره وحده مو دفعه ولازم فولدر
والوضوح اوضح ما يخرب عالصوره

تحياتي وسامحني لو تكلمت بهالطريقه

ما احد يحب ياخلف ويقط نفسه على احد

انا وحده مو واحد بس مو كويتيه سعوديه بتخدميني ولا بس للكويتيات :eh_s(1):

اذا برضو بس للكويتيات
ما اقدر اقول شيء :eh_s(6):