عندج استفسار او اسؤال عن الماك حياج حاضرين ??

[cinderela]

قوه بنات انا بصراحه ما الاحظ ان وايد بنات عندهم لابتوبات او كمبيوترات mac
فياليت الي عندها تشاركني اهني بالموضوع لان تدرون هاللاب توب مختلف اختلاف تام عن الويندوز وكل اجهزه الي بالسوق
فكل البرامج الي فيه غير وتكون خاصه حق الماك

والحمدالله اني اعرف حق الجهاز وايد فاي سؤال او استفسار عن الماك انا حاضر او اذا سوينا تجمع اهني نقدر انفيد بعض واعلمكم على فناتق حلوووووووه حيل

والي تبي تعرف اكثر عن الماك مايردها الا لسانها
وللتوضييييييييح ماك اهوا الي شعاره التفاحه apple واهوا جهاز امريكي واهوا نفس المنتجات الي ipod و i phone وجذي عشان توضح الصوره
وتحت امركم باي شي

 

[سمبوسة]

رد: الي عندها mac او ودها تشتريه تدش ضروري

:ggdw:آه جنج تدرين عندي لاب توب ماك وحدي متوهقة فيه ما أعرف فيه شي غير اني أشبك,, ما احبه كلش بس يمكن علشان ما أعرفله

عندي وايد أسئلة>>> شكلج بتتوهقين فيني :dddds:

ببدي شوي شوي علشان ما تهونين :tek:


شلون أصغر الصور اللي عندي خاصة اللي أنقلهم من التليفون "تليفوني Iphone بس هذا أحبه سهل مو نفس اللاب توب.. دايما حجم الصور كبير وما يرضى أي موقع يحملهم أبي أصغر حجمهم

ومشكوووورة يا قلبي :tek:

 

[cinderela]

رد: الي عندها mac او ودها تشتريه تدش ضروري

هلااااااااااا وغلاااااااا سمبووووسه يه يه طلعتي من ماكيه ١٠٠ ٪
عاد والله والله ثم والله انا لما جربته لو شنوووووو ما ارجع حق الوندوز واااااي قطيعه بس حق فايروسات وتعليق وبطيئ وشي يزهق
متى صارلج شاريه االاب توب وشنو نوعه ؟
وصدقيني بحببج فيه وبعلمج فناتق يمكن ما تعرفينها وبالعكس لا تضايقيني ولا شي تحت امرج والله

شوفي اي سؤال بالمسنجر ولا حبيبي وعمري> الاي تونز ههههه او برامج اهني واهناك سالي حاضرين

وراح اشرحلج البرنامج التصغير بالصور انزلجياه الحين بس ابي نوع اللاب توب شنو حتى لو بالشكل تقوليلي

 

[cinderela]

رد: الي عندها mac او ودها تشتريه تدش ضروري

شوفي حبيبتي عشان تصغيرين اي صوره هذا وصله البرنامج الي تنزلينه
اسم البرنامج auto resizer > وميزه البرنامج انج تقدرين تصغيرين الصور الي بفولدر دفعه وحده ونفس القياس
المهم
نزلي البرنامج من الرابط هذا وعلى اليمين مكتوب download now >كليك عليها وينزل البرنامج

http://www.versiontracker.com/dyn/moreinfo/macosx/32838
عقبها يفتحلج مثل صندوق الدوان لوود كله contenue مرتين
وعقبها يطلعج اختاري agree
بعدين كنتيو مره ثانيه
وبعدين install
وبعدين يطلعلج صندوق اليوزر اذا حاطه رقم سري انتي ياليوزر حطيه بالمربع
وعقبها ينزل البرنامج
ويقولج اوكي نجح > succsuful ههههه

طبعا يا تروحين application او الدائره الي عاليمين فوق عليها صوره مكبر مالت السيرج > تحطين اسم البرنامج اوتو ريسايزر بالانجلش طبعا ويطلعلج وين مكانه او اسهلج بالابليكيشن
ومابي اقولج البرنامج الا عقب ما تنزلينه وتقولين اذا صار ولا في اي سؤال:tek:

 

[سمبوسة]

رد: الي عندها mac او ودها تشتريه تدش ضروري

يااااااااااا بعد عمري والله مشكووورة :tek: أعجبج ماكية 100% بس لما ألحين ما عندي ولاء ,, أحب وندوز

شوفي جهازي اللي فيه تفاحة :dddds: لالا أتغشمر ,, أظن اسمه Mac Book وبجرب كل اللي قلتي عليه بس عندي مشكلة بالانترنت مو قادرة أشبك طول اليوم المشكلة من زين :eh_s(14):


سؤالي اليوم

أبي برنامج يحول الأغاني الى mp3 حق الاي بود اللي بالاي فون ,, كنت استخدم easy ram أعتقد اسمه جذي وخلصت مدته التجريبية وشريته بس مو قادرة استخدمه يبي Paralles desktop وهذا عندي بس ما قام يشتغل ما أدري شفيه فمن شريته ما استفدت منه :0bee2e8d89: فاذا عندج برنامج ثاني بليز علميني

ولي رجعة قريبة ما خلصت _03BA:

والله انج ما قصرتي يا عمري تعبتج معاي مشكوووووورة :tek:

 

[B.AlShakhs]

رد: الي عندها mac او ودها تشتريه تدش ضروري

أنا عندي ماك بوك وايفون

 

[سمبوسة]

رد: الي عندها mac او ودها تشتريه تدش ضروري

حاولت أسويه وما ضبط ما أعرف الباسوورد ما أذكر اني حاطة باسوورد!!! أبي وندوز

 

[cinderela]

رد: الي عندها mac او ودها تشتريه تدش ضروري

أنا عندي ماك بوك وايفون

واااااااااو ونااااااااااسه خنخلي الموضوع هذا تجمع للماكيين ههههههه
وكل وحده تستفيد من الثانيه

بسالج اشلونج مع الودجت ؟؟؟؟ حاطه فيه شي منزله برامج عليه ؟
ترا هذا ميزه مهمه تميز ماك عن غيره:ggdw:

 

[cinderela]

رد: الي عندها mac او ودها تشتريه تدش ضروري

:eh_s(14)::eh_s(14)::eh_s(14): اشياااااااااااااااااااااب مااااااك حق الويندوووووز ؟؟؟؟؟؟؟؟؟؟
سمبوسمه من صجج ؟ اي شي ؟ ههههه
كان في منتدى مشتركه فيه بس حق الماك والله يدشون ناس علينا امنيتهم يشترون الماك بس غالي عليهم ويقولون ادعولنا نشتريه وجذي

بس انتي لاب توبج ما تفنتق عدل الظاهر هههه

وجم صارلج ماكيه ؟ اذا اشوي ما تنلامين اذا مده لا بلووومج ههههه

المهم حطي اوكي وقت ما يطلب الباسوورد وراح يشتغل سيدا
وناطره اخبارج

وسالفه تحويل الى ام بي ٣ جربي برنامج switch بس ترا الصيغه الوحيده الي ما يحولها اهيا الريل بلاير حق ام بي ٣ لا وغيره اييي

واذا بتحولين ريل بلاير حق ام بي ٣ انا عندياها من سابع المستحيلات اسويها مووووو شي اغاني الريل مو واضحه والاغنيه تطلع مقموته مادري اشلون انتي شنو نوع الاغاني الي تحبين تنزلينها ؟ اجنبي ولا عربي ؟
وابشري بالمواقع التحفه خالصه جاهزه ام بي ٣ وحد الوضوح

 

[سمبوسة]

رد: الي عندها mac او ودها تشتريه تدش ضروري

نزل برنامج الصور :ggdw::ggdw: وناااسة مشكوووورة بجرب أصغر الصور وأقولج

الماك بوك صارله عندي شهرين تقريبا والاي فون جريب السنه

الأغاني أسمع انجليزي وعربي

العربي من طرب والانجليزي من

ممنوع وضع مواقع اغاني ومواقع اخرى .. ( الاداره )

الانجليزي محول وخالص بس مو كل شي فيه والعربي اللي أبي أحوله وأعتقد انه ريل بلير

ياااا رب أحبه مثلكم :0bee2e8d89: ريلي ذبحني فيه بس هو مسافر ألحين دورة وانا محتاسة فيه هو يدق يسأل على اليهال وانا أسأل عن الكمبيوتر :dddds: الله يابج لي علشان لما يرد أصك عليه وأتفلسف

اللي عرفته منه شلون أحول الملفات حق أشكال تشووووق وبس هذا اللي فالحة فيه كل يوم محولتهم شكل ,, آخر شكل بابا سنفور :dddds:

 

[سمبوسة]

رد: الي عندها mac او ودها تشتريه تدش ضروري

حولت الصور بس ما أعرف الحجم المناسب قالي 128 في 128 قلتله أوكي وجنهم صاروا وايد صغار بتعبث بعد وأشوف

ووين برنامج switch بالجهاز والا أنزله دورته بالفايندر ما لقيته<<< أدري دعلة

وريلي يقولج الله يعينج :eh_s(1):

 

[cinderela]

رد: الي عندها mac او ودها تشتريه تدش ضروري

هههههههههههههههههههههههههههههههههههههههههههههههههههههههههههههههههههههههههه والله ضحكتيني > الله يعينج هههههه
بس واللله انا استانس جذي انا استانس لما ارد على اسالتج واشوفج مستانسه dont worry هههه
المهم شوفي الحجم المناسب للصور حطي ٣٠٠ والي تحته ب ٣٥٠ حق المنتديات اذا بترفعين صوره وجذي
وترا القياسات على حسب يعني اذا الصوره مربعه لازم تحطين ارقام متشابهه مثل ٣٠٠X٣٠٠
بس اذا مستطيل انتي حورفي بس بحدود ال٣٠٠ زين

واذا ريل بلاير >يعني ويف ما يتحول وادري ان اغانييج ويف فماراح اعطيج البرنامج ماراح ينفع معاج
شوفي بدزلج على الخاص حول ٤ مواقع اغاني عربي mp3 روووووعه اشويه عليهم
وبعدين mp3 له ٣ مزايا :
١- وضوح الصوت الديجيتال
٢- اذا بتسوين سي دي حق السياره ولا الاستيريو
٣- عشان يشتغل في برنامج i tunes وهذا حددددددددددده داهيه > واشلونج فيه هالبرنامج ؟ مسويه فيه مثل ما انا مسويه فيه ؟ الحين بحطلج الصوره

شوفي وسالفه بتفلسفين على ريلج بفنتقلج بالودجت wedget وراح اوريج صوره الودجيت من لاب توبي والاي تونز من لاب توبي

 

[cinderela]

رد: الي عندها mac او ودها تشتريه تدش ضروري




هذا برنامج itunes طبعا يهبل لان تتصفحين الاغاني ولالبومات بالصور واسهلج وخصوصا من تنزلين اي اغنيه عليه خلاص تنحفظ فيه وتحطين لها صوره الالبوم او صوره المغنيه او المغني > واذا ما تعرفين الطريقه اعلمجياها ولااااااااا يهمج

 

[cinderela]

رد: الي عندها mac او ودها تشتريه تدش ضروري



هذا dashboard مالي الي موجود تحت بشريط البرامج الي يتحرك هههه عرفتيه ؟ الداشبورد جنه شكله عداد السرعه مال السياره المهم شوفي شنو حاطه فيه انا
١- ابجوره >هههه على لهب عاليمين فوق
٢-اله حاسبه
٣-والمربع الاسود الي علىه كلمات شنو تتوقعين هذا ؟؟؟؟؟؟؟؟؟ > الله يسلمج اوتوماتيكيا اي اغنيه اجنبيه تسمعينها بالآي تونز > بس حطيتي play بتسمعين سييييييدا فتحي الداشبودر تلاقينها مكتوبه كلماتها وما عليج غير تغنين والكلمات جاهزه بدون لا تسوين سسيرج ولجيييي البيت هههههههه > انا جذي حالتي هههههه
٤- هذا المربع الرمادي هذا مترجم عربي انجليزي والعكس > حده روعه
٥-المربع الي يمه > هذا يبينلي شنو اخر الديفيديات الي تنزل واشوف صور الافلام عشان اذا عجبني انزله
٦-تحت عاليمين في صوره مغني شيفه ههههه هذا تعرض قناه mtvu مباشر > انا احب جذي احط بالداشبورد شي حركي قبل هالقناه كنت جاطه بث مباشر من شوارع نيويورك > حدددددددده وناسه كنت اشوف الامريكان داخل الجمعيه ويخطرون الشارع واذا كان مطر وجذي وستار بكس من برا يعني اعيش جو هههه بس الصور بطيئه اشوي لان مثل الكام اشلون ؟ بس مباشر وناسه
٧- الريدبول redbullهذا تحكم صوت يعني الحين الاغنيه واطيه مثلا راح تشوفين بطل الريد بول نازل متعفس لي تحت واذا بتعلين على الاغنيه تحكمي بايدج رفعي البطل ترتفع وسمعييييييي الصوت الي يطلع من البطل جنه صج مثل صوت الحديد اشلون لما يتعفس هههوانا اذا ضاق خلقي اصعده وانزله هههههه
٧- الي على حرف zzz هذا عشان اخلي اللاب توب بوضع السليب
٨- الي تحته بالاخضر مكتوب وول بيبر سيفر هذا راح تستانسين علييييييه > لان يخلي السكرين سيفر خلفيه حق لاب توبج فوناسه حده تخيلي الوضع مثلا صوره اعيالج وايد يتغيرون بطريقه بطيئه مع تزويم يعني زوم هههه وكل هذا خلفيه
٩- عشان اقفل الللاب توب بسرعه اذا بروح مكان مثلا ومابي احد يتعبث بلاب توبي واذا برد طبعا يطلب مني باسوورد
١٠- الشي الوردي الي جنه بالونه > معرووووف ههههههههههههه بس اطق عليها يطلع شي وانصحج فيه اذا ضاق خلقج هههههههههههه
١١- المربع الابيض نفس المربع الاسود يطلع كلمات الاغاني

 

[سمبوسة]

رد: الي عندها mac او ودها تشتريه تدش ضروري

وي وي وي شنو كل هذا,,, مسكيييييييييين لابتوبي حبيبي وايد مظلوووم معاي ,,, زين ما انتحر
أبي أبي أبيييييييييييي
الصور كبيرة مو قادرة أشوف كل شي ولا أقرا كل الكلام

الاي تيونز منزلة فيه اغاني بس من غير صور يطلع لي علامة تافاتيفي,,,شخباري

أبي مثلج أبيييييييييييييييي

 

[سمبوسة]

رد: الي عندها mac او ودها تشتريه تدش ضروري

نزلت أغاني ونااااسة من غير تحويل وعوار قلب

شلون أسوي سي دي للسيارة بس أحطهم بسيدي والا لازم أحولهم لصيغة ثانية حدي غشيمة وابتلشتي فيني

من جم يوم حطيت سيدي بالجهاز وما عرفت أطلعه ودقيت مكالمه على ريلي يقولي طقي ايجيكت !!قلتله قلنا غشيمة بس مو لهدرجة طقيتها وما طلع
قالي أكيد في برنامج لما ألحين يستخدمه وقفيه ,, شدراني انا اي برنامج؟؟ هذا اللي ما حبيته في الجهاز يعني لو وندوز يقولج ما أقدر أسكر البرنامج الفلاني يستخدم السيدي بس الماك انت بروحج تعابلين ,, بتذبحيني أدري بس بشرحلج ليش مو متأقلمة معاه لما ألحين بس عقب سوالفج لااااا يبيله

على فكرة محلهم اللي بالافنيوز قاللي الريال نسوي دورة مجانية ساعتين كل خميس للمبتدئين ,, تهقين أروح؟؟ انا لما قالي دورة تذكرت الجامعة والمدرسة وضاق خلقي

 

[cinderela]

رد: الي عندها mac او ودها تشتريه تدش ضروري

هههههههههههههههههههههههههههههههههههههههههههههه سمبوسه جيكي الخاص بدزلج ايميلي لان عندج كذا شغله ما ينفع اشرحها الحين عشان ببدي معاج خطوه بخطوه

 

[cinderela]

رد: الي عندها mac او ودها تشتريه تدش ضروري

هههههه بحاول اشرحلج اهني وانشالله اقدر اعرف اشرح عدل :dddds:
اول شي : مشكله الكلام ما يطلع كله انتي قاعده تستخدمين سفاري
فانصحج فبرنامج فايرفوكس >لان يطلع الكلام كله ولان عربي وسهل وتقدرين بعد تغيرين الثيم مال المتصفح _03BA:
هذا رابط تنزيل البرنامج
http://www.versiontracker.com/dyn/moreinfo/macosx/19029
ونزليه عادي واذا نزل مجرد سحب من الابليكيشن لي شريط البرامج > اسهلج
------------------------------------------
وبالنسبه حق صور الايتونز > سهلللللل حده شغلي الاغنيه الي بتحطين صورتها راح يطلعلج مربع تحت عاليسار مثل هالصوره

[/url][/IMG]
اذا مو طالعلج المربع الابيض > طقي على الي تحت المربع اول وحده على اليمين الي على مثلث داخل المربع>راح يطلعلج المربع
اشراااااااح تسوين اي صوره تنزلينها او اقولج بعد > موضروري تنزلين عشان ما ينترس الجهاز صوره انتي ما تبينهم
روحي مثلا جوجل ومثلا تبين صوره بيونسي اختاري الصوره من جوجل لما تتكبر وسوي كلك > copy وروحي المربع هذا و paste
او اسهلج تنزلين الصوره بالجهاز عادي وسحبيييييييييييييييييها وقطيها بهالمربع :ggdw: وخلاص ومسحي الصوره عادي من الجهاز لان الايتونز تتسيف الصوره فيه وحتى لو دزيتيها على الايفون او سوني الاجهزه اليديده راح تطلع صوره الي حاطتها

 

[cinderela]

رد: الي عندها mac او ودها تشتريه تدش ضروري

هههههههههههههههههههههههههههههههههههههههههههه اي صح كلامه في برنامج لازم توقفينه وانا اقولج اشلون الحين هههههه لا تحاتين
شوفي اي برنامج يشتغل عندج يطلع تحته مثلث اسود صاعد لي فوق مثل الي بالصوره عندج سفاري وفاير فوكس والايتونز مفتوحين ولاحظي المثلث الي تحته

[/url][/IMG]

انتي اشلون تشيلين هالاسود وتسكرين البرنامج جذي

[/url][/IMG]

تختارين quit
ملاحظه : الماك امبلا نفس الويندوز ينفتحلج البرنامج على حسب السيدي اذا دخلتي فاضي راح ينفتحلج برنامج توست الي ينسخ السيديات وسيديات الاغاني وجذي
واذا دخلتي ديفيدي يفتحلج برنامج ديفيدي بلاير والخ والخ ههههه
وعقب ما تشيلين كل المثلثات الي بشريط البرامج بس لا تشيلين السفاري او الفاير فوكس راح يسكر البرنامج وماتشوفين كلامي هههههه
وعقبها طقي ايجيكت ويطلع السيدي يا سيدي هههههههه

 

[cinderela]

رد: الي عندها mac او ودها تشتريه تدش ضروري

نيي الخطوه الي بتسويين فيها سي دي سياره اغاني
اول شي دخلي سي دي فاضي وطبعا انصحج وعن تجربه بسيدي ماركه سوني لانها الاقوى وتي دي كي وغيره مو شي وايد
المهم
من تدخلينه راح ينفتحلج اوتوماتيكيا على برنامج توست الي اهوا هذا

[/url][/IMG]

وعقبها اختاري اوديو من الاختيارات الي فوق وخالصييييين سححححبي الاغاني الي بالديسك توب بدون تحويل او داخل الفولدر وحطيه اهني بس مو تحطين فولدر الاغاني لااا > الي داخل الفولدر حطيه ولا تزيد عدد الاغاني عن ١٣ يعني مو ١٧ وجذي حتى لو كان في مجال لان راح يقطع عندج بالسياره احتمال
وطبعا يبين عندج اشكثر انملى السيدي يم الدائره الحمرا فلا تفولينه
المهم حطيتي الاغاني
طقي الدائره الحمرا ونطرييييي على ما يخلص تحميص التوست هههه وتسمعين صوت الفرن عقب ما يخلص ترن ههههههههه يكون خلص السيدي ويقولج ايجيكت ؟ قولي اي والسيدي جذي جاهز
وهذا صوره البرنامج واشلون انا حاطه عالاوديو

[/url][/IMG]