عندج استفسار او اسؤال عن الماك حياج حاضرين ??

[cinderela]

مشكووورة وايد سندريلا حبيبتي الله يعافيج ويخليج لنا عاد انا ناطره البرنامج الايمواير من زمان ماني عارفتلا والمشكله الثانيه ماني عارفه حق المنتدى عدل انا يديده فيه والمشكلا الثالثه ناسيه الباسوورد مال نكي يعني اذا فصل فيني ارووووح فيها بليز ساعديني بلييييييييييز سندريلا

حبيبتي برنامج اللايم واير بحطه الحين بس تدرين بنشتري حق العيد وجذي ويالله اتفطر وسيدا السوق وعقبها من مسلسل لي مسلسل هههه سامحوني طولت بس كا الحين بحطه انشالله مع برامج ثانيه لان قاعده اسوي سيرج اشوف

ومافهمت سالفه الباسوورد مال النك لان الماك مافي جذي بس اذا قصدج بالمنتدى هم مو فاهمه ههه

وحياج يا قلبي

 

[cinderela]

برنامج اللايم واير > وظيفته مثل صفحه سييييرج فقط بس مو اي سيرج يطلعلج الاشياء من تحت الارض
اشلون ؟ انا اقولكم اول ما تفتحون البرنامج على جنب اليسار في تختارين نوع السيرج عندج سيرج عالصور-عالاغاني-عالفيديو-عالبرامج-الدوكيمنت
وللامانه حق الي تبي اغاني راح يفيدها غير جذي انا ما استخدمه مو اي اغاني استخدمه حق اغاني الاجنبيه الاسبانيه الفرنسيه واغاني الافلااااام الاجنبيه حده روعه هههه

طبعا ميزته يطلعلج كل شي ويكون mp3 وااااضح يشتغل عالايتونز ويصلح حق سي دي السياره بدون تحويل

طريقه استخدامه بالنسبه لي كالتاتي (كالتالي يعني هههه)
افتح سايت ابل مال ماك دايما يحطون التوب ١٠ للاغاني الي بامريكا اقرا الاسامي وسوي سيرج وانزلهم
او شفت كليب واقرا الاسم عقب الكليب واحفظه وانزله وهكذا

ومره بعد بالبرنامج كان راسي مصدعني واشتهيت شي ريلاكس كتبت ريلاكس بالانجلش طبعا ما يصير السيرج بالعربي وطلعلي الحان ريلاكس وعلى صوت بحر وعصافير
وهكذا>وينج سمبوسه كل يوم اللغه العربيه الفصحه تتطور عندي ههههه

ومره نزلت تركي الي هبو فيه ونزلت البوم كامل

هاااااااااا هووووووووا البرنامج للتنزيل
http://www.versiontracker.com/dyn/moreinfo/macosx/10275

 

[Ocean]

تسلم ايدج

 

[سمبوسة]

بااااااااك

سندريلا مس يو والله ,, اي شايفة الكشخة من الماوس مالته لي اللغة العربية هههههههههه شنو هالبرنامج الكشخة اغاني تركية بعد يذكرني بايام المراهقة ايام ما هبينا بتركان لوووول,,,

اسم البرنامج visual hub يا جماعة مو hup مي سوري مي سوري تدرون الصيام وما يسوي هههههه بس والله روعة سندريلا شلون اقدر احط صورته من الجهاز نفس ما انتي تسوين علشان اوريكم ابداعاتي
والبرنامج موجود بالجهاز حتى ريلي ما درا عنه انا اكتشفته بروحي :ggdw: يحول اللي تبين للاي تيونز عنده اوبشن جذي تقولين له حوله للايتيونز

انين الصمت سويتي الاحرف؟ و انا ما سويت شي حبيبتي كله بركات سندريلا


وانا داشة اسلم ولي رجعة بعدين بس علميني احط الصور بليز

 

[cinderela]

تشتااااااااقلج العافيه حبيبتي وانا بعد والله اكثر
والبرنامج مو موجود عندنا الظاهر بس الي من امريكا > اسبشل اشعليج هههه

ولقيت البرنامج بمواقع وتفضلو البرنامج الي من اكتشاف سمبووووووووووووسه المبدعه (الي يحول اي صيغه لللصوت الى ام بي ٣ ) يعني الي تبي تحول ريل او ويف اي ام بي ٣ يصير

وهذا البرنامج للتحميييييييييل من هناااااا
http://www.versiontracker.com/dyn/moreinfo/macosx/30028

 

[cinderela]

سمبوسه اذا قصدج اتصورين اي شي بالجهاز كصوره عشان تشرحين فكل الي عليج انج تضغطين شيين بالكيبورد مع بعض وتخليج ضاغطه عليهم وبعدين تظغطين الاخير > هاذي الطريقه

انج تحطين صبعج عالى الكيبورد الي عليها رسمه تفاحه يم السبيس الي على اليسار مععععععع مو الي مكتوب عليها fn الي فووووووقها عليها سهم صاعد لي فوق >>>>هذااااااا الثاني الي تضغطين عليه
صارو صبعين انتي ضاغطه عليهم قومي وضغطي عالاخير على رقم ٣ راح يطلعلج عاليسار فوق مثل دائره رماديه تصغرين وتكبير الجزء الي تبين تصورينه
واذا طقيتي الرقم ٤ راح اتصورلج الصفحه كلهاااا
وينحفظ الصور عندج بالديسكتوب

وطبعا عقبها اذا بتحطينها بالموقع تدشين احد مواقع رفع الصور وتسوين اب لوود حق الصوره الي بالديسك توب وتحطين الرابط اهني بالمنتدى رابط الصوره بعد ما رفعتيها اذا تبين توضيح اكثر قوليلي ومن عيوني

 

[Ocean]

نبي بناااات برامج حق كلشي انا يديدة

 

[i'am THE ONE]

بسألكم : لما تروحون يتيوب يطلع لكم اللغة صيني ؟

شلون اسوي cut حق ملف او صورة عشان انقلها لمكان ثاني ؟

 

[i'am THE ONE]

قوه بناااااات
اشلونكم.......؟

اقووووا لابتوبي مايكتب عربيييييي طبعا شابكه من لابتوب ثاني


لا و غير هذا علق الماك و موراضي يسوي ريستارت فشسوي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ضغطي كوماند ومسافه تتبدل اللغات بسرعة معاك


سنديريلا جزاك الله خير

 

[Ocean]

i'am THE ONE

وي من زماااااان ساعدوني البنات بس مشكوره ياقلبي ماقصرتي

 

[سمبوسة]

اي والله سندريلا رفعي فيني اول مرة اعرف شي بروحي :eh_s(6):


ومشكوورة الحين بحط لكم صور جهازي وطبعا كله من فضل الله ثم سندريلا يعطيها الف عافية والا لو على ريلي جان علوووم بس سندريلا ما ضبط معاي اللي قلتيه ولما سألت ريلي قالي كوماند و شفت و3 تصور كل شي و4 تطلع الدائرة وهذا اللي صار

الصور كبار شوفوهم بالفاير فوكس احسن

الdesktop ولاحظوا الicons على اشكال كل يوم مغيرة شي :eh_s(6):

الdashboard

وهذا الvisual hub

لاحظوا تقدرون تحولون اي شي للصيغة اللي تبين منها dvd,mp4 وغيرها واذا ما تعرفون الصيغة اللي تبونها خلوها للitunes وهو يحولها للصيغة المناسبة


شرايج بتلميذتج سندريلا؟؟





​

 

[Ocean]

وااااااو مشالله يامعودة لحقي علي بالثيمات ........... و ابي اعرف اشلون اضبط Dashboard ؟؟؟؟؟

 

[cinderela]

سمبوووووووووووووووسه يه يه والله روووووووووعه وفوق الروعه مشالله عليييييييج انتي الحين استاذتي مو تلميذتي هههه
وترا ذاك اليوم شيشتيني عالايفون لما كرهت موبالي وقلت بشتريه بشتريه ومالقيييييييييته عفست الدنيا الا قالولي بينزل يديد بعد حم شهر وانا خلاص كرهت موبايلي مع انه حلو ويديد والله وكيلج واروح اشتريلي سامسونج تاتش مثل ديزاين الايفون ب١٥٠ اهني ارتحت هههه
والحين شيشتيني على الليبورد بغير نظامي حق ليبورد هاالاسبوع انشالله هههه

وسالفه الكومند وشفت صحححح بس انا شرحي نفس الي قلتيه بس ليش انا الكيبورد عربي فمكتوب (الاوامر)+(العالي) ورقم ٣ ههههه قلت اشلون اترجمهم
ورقم ٣ لما تطلع الدائره سوي كليك وسحبيها راح تتظلل الجزء الي تبينه

وسالفه الصور اكبار في برنامج يصغر الصور اتوقع عطيتجياه ولا تراوالي ؟ اذا لا قوليلي احطلج

وبنامج فيجوال هب ما عرفتله لان لما اسوي كليك على اي شي ما يصير شي يا انا مو عارفه يا البرنامج ما يشتغل عدل عندنا ياليت شرح بسيط وسريع يا استاذه سمبوسه

اوشن اذا انتي نظام لابتوبج ليبورد يصير اتسوين الثيمات الي مسويتهم سمبوسه والشريط الي تحت مال البرامج يصير ٣ دي

بس اذا تايجر مثلي ما يصير للاسف

وانشالله والله قاعده ادور برامج بس على ماينزلون واجربهم وجذي يطول ونزلت اشكثر بس لان اختار البرامج عشوائيه مو كلهم حلوين عشان احطهم

اذا تحبون العاب ادورلكم الحين
امبييييييييييييي تعالو على طاري الالعاب والله والله شفت لعبه بسايت ابل رهييييييييييييييييييييبه حدها بس للاسف مدتها ساعه تجربه بعدين تشترينها و ودي اشتريها وما اعرف اشلون اشتري من سايت ابل وفي خطوره ولا ؟
ولازم فيزا وجذي؟

اسمها burger shopجربوها ساعه واله وناااااااااسه ههههه

اوشن حبيبتي قوليلي انتي شنو نوعج تحبين برامج عشان اسوي سيرج عليهم
واذا تبين سوالف icon وجذي قوليلي اعطيج سايت حق جذي يهبلون نفس الي عند سمبوسه تقريبا

 

[cinderela]

وااااااو مشالله يامعودة لحقي علي بالثيمات ........... و ابي اعرف اشلون اضبط dashboard ؟؟؟؟؟

اوشن انا كنت شارحه حق سمبوسه عن الداشبورد باول الصفحات شوفيه بالتفصيل الممل هههه واذا في اي شي قوليلي

 

[i'am THE ONE]

سمبوسة : يه يه يه ما شاء الله ربي يبارك لك صاير ينن

عفيه اللي تروح يوتيوب يطلع لها اللغة صيني وانجليزي او بس انا ؟

 

[Ocean]

سندريلا والله مادري ،ين الله قاطني بالماك مع ان مجالي كمبيوتر ، برمجه لوووووول بس هالماك توني .....و بالنسبه لل icon اي احب هالسوالف

 

[Ocean]

مادري ال dashboard موفاهمته

 

[Ocean]

فهمته لوووووول بس السؤال اللي يسدح نفسه اشلون امسح اللي ماابيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:gr4uu:

 

[cinderela]

فهمته لوووووول بس السؤال اللي يسدح نفسه اشلون امسح اللي ماابيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:gr4uu:

ههههههه خطير السؤال السداحي
شوفي حبيبتي اول ماتحطين كليك على آيكون الداشبورد يمه في علامه + كليك عليها
راح تشوفين كل الي موجودين عندج صار يميهم علامه X كليك عليها وخلاص تنحذف من الشاشه بس تتسيف بالشريط تحت عشان اذا تبينها بعدين

وهذا السايت عجيييييب حده حق icon ومو بس جذيه فيه بعد خلفيات وجذي
وحاطين نماذج حق الايكون اذا نزلتيه راح ينزل فولدر في اكثر من الي عارضينه لج بالسايت
http://www.pixelgirlpresents.com/icons.php

 

[cinderela]

سمبوسة : يه يه يه ما شاء الله ربي يبارك لك صاير ينن

عفيه اللي تروح يوتيوب يطلع لها اللغة صيني وانجليزي او بس انا ؟

لا ما يطلعلنا بس عقب ما خزيت اليوتيوب مالي اكتشفت السبب والعله من وين وانشالله يشتغل عدل

شوفي هالصوره

[/URL][/IMG]

كليك على كلمه worldwide او الكلمه الي يمها (يم شعار يوتيوب) لان ما اعتقد مكتوب انجلش مثل الي طالعلي لان تقولين صيني

فاختاري اللغه من اهني وانشالله اوكيك