عندج استفسار او اسؤال عن الماك حياج حاضرين ??

[The.Cancerian]

كل شي يديد صعب عالواحد بس مع التعود والاستطلاع صدقيني بتصيرين احسن مني ومن الي يشتغلوم بماك هههههه

الاجوبه :
1-اي صح وفي هم ميكروسفت بس مايدعم عربي بس انجليزي
2-انا كنت افضل الاوديوم بس الحين حولت amsn لان نسسسسخه من المسنجر مال الوندوز وفيه كام وحاطه انا رابط التنزيل بالصفحه الي قبل هاذي
3-يسلمج الثيم حق متصفح الفايرفوكس.
4-شوفي والله انا افضل السفاري واوبرا
5- البرامج الاساسيه الي تيي مع الجهاز حلوه مثل الاي فوتو والاي موفي والاي تونز والريل بلاير والتوست والباجي اضافات انتي تنزلينهم حسب حاجتج للبرنامج
6-قصدج ان الصفحه تترس الشاشه ؟اذا اي انتي كبري الشاشه بالسحب لي قياس الفل وبس كل ما تفتحينه راح يكون جذي ماراح يصغر. وانا كان عندي برنامج صغير نزلته مثل ينحط بالبار الي فوق السفاري من اطقه يصير فل بيج اذا تبينه ادورلجياه

واي اساله انا حاضره

هلا حبوبة
الف شكر لج على رودج
بالنسبة للبرنامج اللي يكبر الصفحة اي ابيه ولا عليج امر..
وبالنسبة للبرنامج الشبيه بالمايكروسوفت ، يعني الافضل Neo Office ويدعم العربي؟
وممكن البرنامج؟​

 

[cinderela]

العفو ماسويت شي
وبالنسبه للبرنامج الي يخليه فل سكرين هذا
للتحميل:
http://www.apple.com/downloads/macosx/internet_utilities/safaristretch.html

وطريقه تشغيل وتثبيت البرنامج مشروحه بصفحه السايت الي بالرابط

وبالنسبه حق النيو اوفيس اهوا مو مجاني
فانا وقت ماشريت لابتوبي ثبتوه من عندهم بشركه ماك شويخ
بس لان قبل جم اسبوع حولت نظامي من تايجر لي ليبورد فانمسح البرنامج وحطلياه واحد كان جاط اعلان بالوسيط عن تطوير والخ والخ حق الماك فانا استغربت ان عندنا جذي ورحتله وسواليها ليبورد وقتله حطلي نيو اوفيس واهوا يدعم عربي

 

[honey55]

هاي بنات شلونكم شخباركم حبيت اشكركم على تعبكم ومن لا تشكر الناس لا تشكر الله

 

[cinderela]

هاي بنات شلونكم شخباركم حبيت اشكركم على تعبكم ومن لا تشكر الناس لا تشكر الله

هلا بحبيبتي وتسلمين ياقلبي ومنوره

 

[سمبوسة]

السلاااااااام عليكم بنات عيدكم مبااااااااااااارك حبيباتي سندريلا واوشن وهوني55 وام ذا ون واتراكتيف غيرل والكل مابي انسى احد ولهت عليكم واااااايد وسامحوني تأخرت عليكم

سندريلا حبيبتي مبروووووووووك التثبيت والله تستاهلين مو مجاملة فعلا ما تدرين شكثر ساعدتينا وهذا أقل شي بحقج تستاهلين وسام والله ,, وصلت صفحة 4 وانا ادور الموضوع لوووول ,, انا كنت الفترة اللي طافت باكتئاب بعيد الشر عنكم الله لا يوريج حالتي كسيفة الغربة صعبة خاصة بهالجو برد وخريف الشجر يابسة كل شي كئيب ما كو اكل >>اهم شي لووول عاد كسرت خاطر ريلي وردني بالعيد وهو بيرد عقب الكريسماس وانا ما ادري بشوف اذا الله قدرني ارد معاه


سندريلا يا الطباخة ما شاء الله عليج متعددة المواهب عيني عليج باردة انا يا ويخيتي مالي بالمطبخ ,, حاولت بس ما اقدر ,, اذكر اول ما تزوجت دشيت المطبخ بسوي باستا دياي يعني سنعة ,, المهم شارية دياية كاااملة مثلجة لووول شكو ما ادري كلنا اثنين وقعدت اطالعها ربع ساعة ما عرفت شسالفتها جان ادق على امي وقالتلي حطيها بطاسة ماي خل يذوب الثلج ولما ذاب شلتها بايدي استغفر الله لاااعت جبدي قامت ترخوط>> عاد ترجمي حق attractive girl لووول وافتر راسي ما ادري شلون طلعت من المطبخ ما تسوى علي وما عدتها عقب لوووول


اوشن مبدعة بدلياااااات لوووووووووووول بس ما عليج من سندريلا اللي يسمع يقول كلش الحين ما تعدل من ورانا


وسألتلكم اخوي من زمان والله يقول بحولي بمحلات الكمبيوتر ما يذكر بالضبط اي واحد يقول هم ما يعلمون على طول يقولون ما عندنا يخافون لان ماك ما فيه نسخ بس اذا يعرفونج يطلعون البرامج


The.Cancerian

بعد عمري والله مشكووورة يبيله روحة



هوني 55 مشكوووورة على السايت وام ذا ون تسلمين والله بس شلون اوصل الماك على التلفزيون ؟ وصلة والا شنو بالضبط؟

شفت لكم سايت حق الskins والستيكرز وهالسوالف عجييب للماك والاي فون والايبود بجرب اطلب منه واقولكم شسالفته يوصل اراميكس والاشلون واسعاره زينة بس شوفوا سوالفه

للايبود

للاي فون حبيبي

​

وشوفوا الباجي على الموقع

http://www.gelaskins.com/index.php


وسندريلا عندي جم سؤال بس افضى واقعد لج حبيبتي

 

[attractive_girl]

لووووووووووووووووول سمبوسه ما يختاج ترجمه فهمانه عليكي ...بس ايه الاكله الجامده اللي عاملتيخا اول ماتجوزتي طلعتي مواهبك الجامده فى الاول...,;وكل عام وانتي بخير حبيبتي .
.و اكيد كل عام وانتم بخيرللكل... بس كل سنه وانتي طيبة يا سندريلا >>>>لازم انتي بالمصري :d

 

[cinderela]

سمبوووووووووووووووووووووووووووووووووووسه هلاااااااااااااااااااااا وغلااااااااااااااااااا واهلين بالطششششششش والرششششششششش والورد المرشرشششششش
وااااااالله العظيم شفتج راده تشققت من الفررررررحه يبا انتي راعيه الموضوع والله
واذا مو مصدقتني شوفي اول الصفحات واول رد على موضوعي ههههه

والله يعييييينج عالغربه ادري صعبه بس انشاله دامها دراسه فتره وبتخلص وبتصير سوالف
عاد كلش ولا سالفه الطبخه الصراحه معاج عذر تكرهين الطبخ هههههه مت مت من الضحك

والسايت شوقتيني فيييييييييه بس مشكلتي ما اعرف اطلب من النت وسوالف فيزا وجذي الاخت بطاليه ناطره الوظيفه الزينه شغل عدل مدل يالله اتوظف
وكل شوي اسمي طالع بالديوان والله داخليه - العدل-التربيه- الصحه -التطبيقي-والله بعد في وايد بس ما اذكرهم كله ارفض موظف الديوان يقول انتي شتبييييييين رافضه فوق ال10 اماكن هههههههههههه

وسالفه البدليات طلع مو من اوشن المسكينه هههههههه طلع من موضوعي اعوذ بالله في مرض معدي اسمه البدليات والدليل شوفي اتراكتيف جيرل (ما يختاج)>يعني ما يحتاج ههههههههههههههههههههههه يعني انا السبب سامحوني

واتراكتيف مو تزعلين هههه وكل سنه وانت طيبه ياحبيبتي ايوا كده انا عاوزه معامله اسبشل ههههههه


وسمبوسه سالي واخذي راحتج تامرين امر

 

[attractive_girl]

هههههههههههههههههه لا البدليات بجد عدوه وانتي السبب يا سندريلا ... واكيد لازملك معامله اسبيشل ده انتى big boss الماكيات

طبعا كعادتي لازم اطلعلك بسؤال يا سندريلا...هى مشكله بسيطة و حاولت احلها لوجدي بس مش بتتحل..لما بفتح اي صور و حابه اروح للصور اللي وراها المفروض اضغط على السهم اللي بالكيبورد فتتغير و تيجي الصوره اللى وراها او حتى اضغط على NEXT فتتغير ..بس لا مش بيحصل كدة لازم اروح على الصوره واضغط عليها يعنى بس هي صوره واحده اللي تنعرض...فامش عارفه العيب فيه و لا فين بظبط

بجد بجد لولاكي مكنتش هعرف ولا اتشجع استخدم الماك يا سندريلا حبيبتي والله :*

 

[cinderela]

هههههههههههههههه مادام كل الكلام العسل ده وبيج بوس لالالا لازم اعمل الواجب تفضلي ياقلبي

http://www.macupdate.com/info.php/id/23377/justlooking

البرنامج سهل نزليه وهيعمل بالواجب مع اي صوره تفتحيها وشكله حلو كمان انا شخصيا بستعمله
اما البرنامج الي عندك اتوقع اسمه بريفيو هوا يجي مع الجهاز بس يعرض صوره وحده بس مش ورا بعض

واي سؤال بخصوص اي حاجه ما تتردديش ابدا انا فاتحه الموضوع ده عشانكم وعشان اسالتكم

 

[سمبوسة]

يااااااا بعد عمري يا سندريلا والله فرحتيني والشعور متبادل يا قلبي والله العالم وتصدقين عاد لو اني داشة القسم قبل يوم من تحطين موضوعج جان ما لقيت شي عن الماك وطلعت وما رديت ويمكن غيرت الكمبيوتر حزتها!! اذكر كنت حيييل متضايقة من الجهاز لأن ريلي سافر ووهقني فيه قلت خل ادش على قسم الكمبيوتر يمكن فيه معلومات عنه والا موضوعج بويهي وكنتي توج منزلته بنفس اليوم!!جنه شي نزل لي من السما,, شفتي الصدفة الحلوة :tek: وكانت أحلى صدفة اللي تعرفت عليج حياتي والله يجزاج خير على كل حرف كتبتيه وساعدتيني وساعدتي البنات ,, والله يرزقج بوظيفة سنعة آمين يا رب وزين تسوين لا تقبلين اي شي ترى تتدبسين عقب وصعب تغيرين وان شاء الله اخر هالصبر خير ولاحقة على الفيزا ونعلمج عليها لا تحاتين انا حدي خبرة بسوالف الاونلاين شوبينج حق الخساير زاهبة

والبدليات بموضوعج ترى من العيلة اللي فينا ههه مستانسين والاصابع طايرة الله وكيلج ,, خواتي الله يهديكم هدوا السرعة ترى السرعة قاتلة حد السرعة في صفحة سندريلا 40 واللي يتعداها يتحمل الطنازة _03BA:

attractive girl راح اسميج ترتر وكيفج عاد _03BA: سندريلا مسكت عليج يختاج وطوفت عاملتيخا ههههه يا قلبي انتي بمصر حاليا والا الكويت لأن أبي اسأل عن الايفون نزل بمصر من موبينيل رسمي وابي اعرف اذا معرب أو لأ؟ لاحظي اني اكلمج بالكويتي لان بما انج فهمتي ترخوط خلاص بعدج كويتية أصلية ههههه

Ocean مفقودة عسى المانع خير ولهانين عليج يا قلبي

سندريلا عندي سؤال شلون امسح الhistory ؟
و صار لي شي غريب اختفى السفاري من الديسك توب ودورته بالفايندر وطلع بس مو راضي يفتح ولا يروح للديسك توب يقولي ان مو موجود وسويله داونلود سويت الداونلود ونفس المشكلة مستمرة؟ مستغربة منه وتخيلي لو ما عندي الفايرفوكس وصارت هالمشكلة شسوي؟؟ شلون ادش النت؟

 

[الشجرة الطيبة]

واييييييييييييييييد وناسة مرحبا بالماكيات

السلام عليكم

شلونكم صبايا و شخباركم
والله الموضوع وناسه
ترى راح تشوفون بدليات وايد و أنا بتكلم كويتي بس انا مو كويتية بس احبكم والله وان شاء الله تكون محبة في الله
واتمنى انكم تقبلوني صديقة لكم

لفت انتباهي هادا الموضع وعجبني كثير
انا استخدم الماكنتوش من فتره طويله و كنت حدي متوهقه فيه والله
كنت منزله التايجر و الحين صار عندي لابورد و منزله والله برامج وايد عليه
وانا لما شفت الموضوع و توهق بعض المشاركات فيه حبيت اشارك و استانس معاكم
و مثل ما قالت اختنا سندريلا نعين ونعاون فأنا حبيت انضم لكم حتى نعين و نعاون و نستفيد من خبرات بعض
بس بصراحة للي ما عندها سستم اللابورد بسرعه تحطه لأنه وايد زين واكثر من الزين بعد
الله يجزيه الخير وديته عند واحد وظبطلي اياه وايد شاطر نزلي اللابورد ونزلي كل البرامج اللي ابيها و هم بعد نزلي برنامج يشتغل على الفير فوكس حتى اقدر اشوف كل صفحات البحث بصفحة وحده بطريقة والله عجيبه و برنامج شلون اقدر اخزن ملفاتي بسهوله كل ما اسوي سيف يخليني اقدر اروح حق الموقع بكل سهوله و برنامج لعرض الصور وايد حلو ...و برامج وايد وايد و صار عندي اكثر من ٤٠٠٠ خط اقدر استخدمهم .... انا بعد اذن المنتدى بعطيكم رقمه و بحطلكم الكرت ماله بعد بالمرفقات للي حابه اطور و اتظبط جهازها 65160086


و ان شاء الله رح نكون جروب وايد حلو بالمنتدى وحتى نعين و ننعان حياكم

 

[الشجرة الطيبة]

اليوم جايبلكم برنامج رح تستانسون منه وايد وايد فعلا شي عجيب

اليوم يا صديقاتي ياييبلكم برنامج خطييييييييييييييير حق الماك والبي سي حتى تعرفوا انو الماك صار مثل البي سي و احسن بعد ...

البرنامج عباره عن :
اذا بتروحون حق جوجل و بتبحثون عن صورة معينة يمكن يطلعلكم اكثر من ١٠ او ٢٠ او حتى ٤٠ صفحة على الجوجل و اذا بتتصفحونهم رح تاخذون وقت وايد ....
هذا البرنامج شنوي يسوي يريحكم و يعرضلكم كل الصور اللي بالصفحات وكإنهم بصفحة وحدة وبطريقة وايد وايد حلوه ما رح تتخيلون جمالها غير تستانسون وايد .. والحين بشرحلكم الطريقه :

للي عندها متصفح فاير فوكس او اكسبلورر تروح حق هذا الموقع :
www.piclens.com
رح تشوفون على اليمين كلمه download بالاخضر اضغطوا عليها و اي كبسه بتييلكم كبسو موافق و القصد انو وافقوا عليها و لما ينتهي التنزيل ... رح الفاير فوكس يسكر ويشتغل مره ثانيه ..... الحين شلون بتعرفون انه البرنامج نزل او لأ ..

روحوا على جوجل و ابحثوا عن اي صورة تبونها ..
و اختاروا صور ( امج )
الحين يمكن يطلعلكم من الايميج صفحات وايد حطوا الماوس على اي صورة و رح تلاحظون انه في زاوية اي صورة اليسرى الى الاسفل طلع عندكم مربعين .. اذا كبستو عليها رح تلاحظون انه انتقلتم لصفحة سوداء معروض فيها كل الصور بالصفحات و بطريقه وايد حلوه و جميله ... رح تلاقونها بالمرفقات للي حابه تشوف شكلها
والحين بخلي اكتشاف مميزات البرنامج لكم ....

و اللي تجرب الطريقة تقول اذا ازبطط معاها ....
و الى لقاء مع برنامج آخر ...

الشجرة الطيبة

 

[Ocean]

مرحبااااااااااااااااااا

شلونكم شخباركم

بعد عمري سمبوسه اهم الشي الديايه المثلجه لوووول

بنات بسأالكم انا البلوتوث عندي لمن ادز شغله منه عادي يرسل بس المشكله لمن ادز شغله حق الابتوب مايستقبل مادري ليش من اول ماشريته

وسلامي للجميع فردا فردا
وسلامتكم

 

[الشجرة الطيبة]

السلام عليكم و اهلين في اوشن .... بعد غياب و ما شاء الله دشيت المنتدى عبالي في نشاط بس يومين ما شفت احد داش الموضوع ما ادري ليش حتى ما احد رحب فيني .. يلا مو مشكله ...

المهم الاخت اوشن بس ابي منك تتأكدي من
preferences - sharing
وروحي حق البلوتوث و اتأكدي انك معلمه الصح عليه اذا ما كان معلم علميه و حاولي ابعتي مره ثانيه و ان شاء الله انه يشتغل ....

 

[الشجرة الطيبة]

اليوم يا بنات جايبلكم برنامج يمكن يكون عند البعض منكم بس الاغلب مو عنده هذا البرنامج او اللي عنده ما يعرف شلون يستخدمه
المهم للي حابه تعرف شلون تحول ملفات الاغاني اللي امتدادها ريل بلير ( rm or ram ) للام بي ٣ ( mp3 ) في برنامج وايد زين و قوي و رائع ... اسمه ffmpegx البرنامج مجاني تلقوونه هني :
http://www.download.com/1770-20_4-0...srch&searchtype=downloads&filterName=&filter=

تقدرين تحملينه من هادا الموقع
و الحين هذا البرنامج يقدر يحولك ملفات الريل بلير للام بي ٣ اللي عن طريقها تقدرين تسوين سيديهات تراك حق السياره او الاوديو سي دي ...
و الطريقه ان تفتحين البرنامج ولا تسوي انستول اكبسي كانسل وفوق يطلعلك مستطيلين واحد اوبن والثاني سيف از
اسحبي ملفك اللي امتداده ريل وحطيه بالخانه الاولى وروحي من قائمة (to) واختاري الامتداد اللي تبينه مثلا ام بي ٣ والموجوده في القائمة السابق ذكرها وترتيبها قبل الاخير .. واكبسي ( encode ) رح تلقين بعد شوي انه ملفك تحول وصار بإمكانك تنسخيه عن طريق برنامج التوست ......
ودمتم
بس نبي تعليقاتكم وتجاربكم واللي ما ظبطت معاها تقول ترى ما نبي بس نجرب و خلص .... اب باجر ادش المنتدى القى التعليقات والا ترى اروح و ما ارد مره ثانيه هني ....
لا لا لا ما اقدر استغني عنكم مع اني للحين ما تعرفت على ولا وحده منكم .....

يلا بنام الحين تصبحون على خير ...

 

[Ocean]

سمبوسه
حبيبتي ماتفقدين غالي بس كنت مشغوله هاليومين بشرينا عنج عساج بخير..... و سبب بدلياتي اني اكتب بالعربي لو بالانجلش او الانجلش المعرب جان ماكو دليات صار معلووم...تيجا لووول
سندريلا
الله بالخير p:
الشجره الطيبه
حياج الله حبيبتي و هذي الساعه المباركه اللي انضمتي حق المجموعه
و مشكوره على البرنامج ......انا سويت اللي قلتيلي عنه بالنسبه للبلوتوث هم نفس المشكله مادري ليش

 

[attractive_girl]

سلام عليكم يتات انشالله كلكم بخير...حبيبتي سندريلا يا مجمعة الماكيات انشالله بخير تكوني ...سمبوسه حبيبتي انا مش عايشه بمصر والله انا مواليد الكويت و عايشه هنا يعني مصريه بالجنسية و كويتية روحيا و تربويا :d ..شجرة طيبة اهلا حبيبتي و نورتي الموضوع بمشاركاتك معلش ترحيبي بيكي متأخر بس من فتره مش بدخل المنتدي...اهلا بيكي مع الماكيات و البيج بوس بتاعتنا سندريلا

 

[Japanese]

شكري لج مايكفييييييي

يعطيج العاااااااافيه وان شااااااااءء الله بميزان حسناتج


يبيله قعده الموضوع صراحه ،، ابي اركز فيه عشان افهم كل شي


ودي اسآل عن كذا شي ،، عندي مشكلتين بالابتوبي اول وحده : اني مب قادره امسح الملفات اللي بال تراش !!!

مدري ليش !!


وثاني مشكله مب عارفه احمل صور ع المنتدى من موقع التتحميل !!!!!! ممكن تساعدوني بهالمشكلتين

وشكرا واااااااااااايددد

 

[الشجرة الطيبة]

اهلا و سهلا فيكي

شوف لما تروح تمسح الملفات من التراش خليكي ضاغطه الى الألت و روحي سوي امبتي تراش يعني
alt+empty trash
وان شاء الله ينمسحون و خبرينا شيصير معك

وبالنسبه لتحميل الصور ذاا كان من نفس المنتدى اتأكدي انه الصورة اقل من 100kb
او انه استخدمي هذا الموقع لتحميل الصور عليه لإستخدامها بالتواقيع

http://www.0zz0.com/index.php?pz=38950

 

[الشجرة الطيبة]

اهلين acttractive_girl
و مشكوره على الاطراء
بس يا ترى ما احد يعرف وين باقي الماكيات ترى من فتره ما احد قاعد يدش المنتدى
عسا المانع خير