طبعا يا بنات انا نزلت موضوع من قبل و بكرره الحين للي تهتم بالبرامج في برامج وايد اهمها :
office 98 هادا اول برنامج تحتاجينه بس للأسف نسخة الماكنتوش ما تكتب عربي لهالسبب اكو نسخة من برنامج اسمه iwork09 اليديده هادا البرنامج نفس الاوفيس بس عربي و برنامج رائع ..
عندج ال ilife 09 اليديد بالنسخة الكامله
برامج الادوبي اللي تشمل الفوتوشوب والالستريتر والان ديزاين والفلاش والدريم ويفر
عندج الله يسلمك برنامج الترجمه او بالاصح برنامجين مو واحد ..... واحد يترجم من انجليزي لعربي و هو برنامج ينزل عادي
و الثاني تحطينه بالداش بورد و يترجملك انجليزي عربي و بالعكس و هذا رائع
عندج برنامج اسمه iview هذا اقوى برنامج نستخدمه لعرض الصور يعني اذا عندك مجموعه صور بتعرضينها عن طريق هذاذ البرنامج او
اكو برنامج ثاني اسمه photo mechanic و اثنيناتهم رائعين
برنامج لفك ضغط الملفات اللي ممكن تنزلينها من الانترنت اسمه stufflet
طبعا لا ننسى برنامج Toast 10 و هاذا اخر نسخه انا منزلها قويه تقدرين عن طريقها تسوين اوديو سي دي حق السياره و تحولين افلام عليه
و عندج برنامج اسمه ffmpeg هذا يحولك ملفات الريل بلير الى ام بي ثري وايد رائع البرنامج و قوي طبعا يحول صيغ ثانيه
طبعا هم بهد ال Itunes اليديد حق الاغاني
و بالنسبه لبرامج الانترنت عندج
برامج المسنجر مثل المايكروسوف مسنجر و هاذا للاسف ما في لا صوت ولا كاميرا
و برنامج اسمه amsn هاذا في كاميرا بس مو متأكد من الصوت
وبرنامج ميركوري
و تقدرين ادشين المسنجر عن طريق هذا الموقع
www.imo.im
و عندج برنامج اسمه ooovooo
وبرنامج اسمه icq
وطبعا برنامجنا الشهير msn yahoo
بالنسبه لبرامج الاوديو
عندج برامج وايد مثل اذا تبي تسجلين صوتك عن طريق برنامج اسمه voice candle
و اذا تبين برنامج هندسه يعني على صوتج تقدرين ادخلين صدى و حركات و جذي اشياء
و اكوبرامج حق المونتاج للافلام او الصور مثل ادوبي بريمير و فاينل كت برو
طبعا لا ننسى الفلاتر اللي تنضاف علي الفوتوشوب مثل الكوداك و السلفر
و هادول يخلونك تزبطين بشرتك مثل الاستوديوهات بس تتصورين
برنامج الريل بلير طبعا هذا البرنامج ما احد يقدر يستغني عنه
و برنامج ال Apimac Secret اذا تبي تخفين بعض الملفات عن عيون العذال
برامج للتورنت اللي نستخدمها في تنزيل الافلام
طبعا برنامج ال firefox و هو المتصفح مثل السفاري بس طبعا افضل بوايد اشياء
برنامج ال AutoResizer لتصغير حجم الصور
برنامج MacFamilyTree تقدرين عن طريقه تسوين شجرة للعائله
و اكيد ما ننسى برنامج font explorer و هاذا مختص بالفونتات ينظملك عمل الفونتات بطريقه عجيبه ووايد زينه
طبعا البرامج وايد كثيره و هادول تقريبا اهم البرامج اللي ممكن انك تستفيدين منها
و انا بصراح اتعامل مع واحد بحولي اعتبره خبير بالماك ووايد زين و افضل من كل المحلات اللي تبي تراسلني عالخاص و ابعتلها رقم المحل ان شاء الله .... لأنه المحلات مثل الاي سيتي بالشويخ او الافينيوز او المارينا ما ينزلون كل البرامج خصوصا برامج التصميم و التلاعب بالصور ... هذا كل شي عنده و اللي تبينه ينزلج اياه
وحياكم بنات لأي استفسار
