التقريب بكل بساطة يعتمد على 3 خطوات رئيسبية وهي بالترتيب :
1)احدد المنزلة المطلوب التقريب لها.(تحوطينها بدائرة)
2)اطالع المنزلة اللي قبلها.
3)اقرب باضافة واحد للمنزلة اللي حددتها او بعدم اضافة واحد لها وهذا يعتمد عالمنزلة اللي قبلها اللي قلنا بالخطوة 2 لازم اطالعها.
وتفضلي الشرح بالتفصيل لل3 خطوات هذي...
1)اذا طلب منج تقربين لاقرب عشرة او مئة او الف او عشرة الاف او مئة الف او اي منزلة يحددها لج اول شي تسوينة حوطي هذي المنزلة اللي طلبها.
2)بعد ماحوطنا المنزلة االلي طلب التقريب لها اطالع المنزلة اللي قبلها شنو الرقم الموجود فيها؟؟؟
اذا كان هالرقم (0 او 1 او 2 او 3 او 4) نسميها ارقام فقيرة ماتقدر تعطي المنزلة اللي وراها شي
اما اذا كان الرقم (5 او 6 او 7 او 8 او 9)نسميها ارقام غنية تعطي المنزلة اللي وراها واحد.
3)نقرب الحين على اساس الارقام الغنية او الفقيرة اللي موجودة بالمنزلة اللي قبل المنزلة المطلوبة.مع حذف جميع الارقام اللي على يمين المنزلة المطلوبة ووضع صفر مكانهم.واي رقم على يسار المننزلة المطلوبة واللي حوطناها يبقى كما هو مانحذفة.
مثال...
قربي لاقرب مئة 2348(الفان وثلاثمائة وثمانية واربعون) احنا نبي نقرب لاقرب مئة يعني احوط منزلة المئات وهي ثالث منزلة من جهة اليمين وفيها الرقم 3.
2)بعد ماحوطنا منزلة المئات احط عيني على منزلة العشرات اللي قبلهاواشوف الرقم اللي فيها رقم فقير ولاغني؟؟؟نلاقي ان الرقم بالعشرات هو 4 وهو رقم فقير لايضيف شي للمئات فيبقى رقم المئات كما هو.
3)نقرب العدد 2348 لاقرب مئة ويصبح(2300)نلاحظ لان المنازل اللي قبل المئات حذفناها وحطينا صفر بدالها ومنزلة المئات ظلت مثل ماهي ومنزلة الالاف ماتغيرت لانها على يسار المنزلة المطلوبة واحنا قلنا مانغير المنازل اللي على يسار المنزلة المطلوبة.
مثال2:
قربي لاقرب الف (يعني منزلة احاد الالوف) للعدد 47580
1)نحدد منزلة احاد الالوف ونحوطها وهي رابع منزلة من اليمين.وفيها الرقم 7.
2)نطالع المنزلة اللي قبلها وهي منزلة المئات وفيها الرقم 5 وهو من الرقام الغنية يعني يضيف واحد لمنزلة احاد الالوف.
3)نقرب العدد 47580 لاقرب الف ويصبح(48000)
ياللة عاد قوليلي ليش صار 48000؟؟؟؟صج ابلة لازم اشوف فهمتي ولا لأ؟؟؟
_03ba:
