عندج اسهم ؟ ساعديني بخبرتج ..

[وردهـ حساسهـ]

السلام عليكم ورحمة الله وبركاته

خواتي انا بصراحه وللاسف مسرفه ومبذره ومعاشي ماكو اسبوعين وطااااااااااار
ودي اوفر ماقدرت وتعبت من الفيزا ماارتحت اليييييين سكرتها من البنك المركزي
سمعت وايد عن الاسهم وعن ربح الناس فيها ودي ادخلها بس اخااااااف اخاف احد يستغل
جهلي في الاسهم !! وما اعرف بجم ادخل الاسهم ؟ وجم راح اربح فيها ؟ وشلون اتابع ووووالخ
من هالحجي

فاتمنى من احد الاخوات اللي عندها خبره في هالمجال تساعدني واكون شاكره لها :tek:​

 

[ديما الكويت]

طبعا هذا سوق وفيه الزين وفيه الشين وحاليا الاسعار نازلة بالسوق وحلوة كاستثمار ولكن احسني الاختيار للشركة اللي تبين تستثمرين فيها والله يوفقج

 

[وردهـ حساسهـ]

اي بس بجم اقدر ادخل السوق ؟
وتقريبا جم ربحي راح يكون فيها ؟
ومشكوره اختي الرد

 

[مثقفة متواضعة]

اي بس بجم اقدر ادخل السوق ؟
وتقريبا جم ربحي راح يكون فيها ؟
ومشكوره اختي الرد

تقدرين تدخلين بالمبلغ اللي تبينه.
ولكن في شي اسمه وحدات يعني كل سعر سهم له وحدة.
مثال للتبسيط:-
من 50 الى 100 فلس تكون الوحده 40 الف سهم. يعني لو سعره 70 فلس راح تكون الحسبه (70 فلس *40 الف سهم رايح تدفعين 2800 دينار)
وعاد قيسي كل سعر سهم وعدد وحداته.

الربح محد يقدر يحدد لج .لان في استثمار طويل المدى يعني تقطين فلوسج وتاخذين ارباح كل سنه على حسب اداء الشركه وتوزيعات ارباحهم يعني الشركات الزينه بالكويت يوزعون تقريبا 40%. ولكن في ظل الازمه حاليا قلت التوزيعات كثيرا.

اما اذا انتي مضاربه يعني تريد فقط ان سعر السهم يصعد وتبيعين وتاخذين ربحج.
في اسهم حاليا خلال شهر فقط ارتفعت 200% يعني لو داشه 10 الاف راح يكون عندج خلال شهر 30 الف دينار

واي سؤال انا حاضره حبيبتي

 

[وردهـ حساسهـ]

اختي مثقفه مشكووووووووره
وتسلم ايدج هذا اللي ابيه
انا انشالله بدخل ب 3الاف
واذا مشت معاي بدخل باكثر
ولكن قبل كل هذا بستخير وربنا كريم

 

[مثقفة متواضعة]

اختي مثقفه مشكووووووووره
وتسلم ايدج هذا اللي ابيه
انا انشالله بدخل ب 3الاف
واذا مشت معاي بدخل باكثر
ولكن قبل كل هذا بستخير وربنا كريم

شوفي خلال تجربتي راح تمشي معاج ان شاءالله اول شي.سبحان كل من دخل البورصه اول شي يكسب بس بعدين يزيد كميته ويخسرهم.

نصيحتي لج اذا مشت معاج من اول مره اطلعي ودوري مشروع ثاني لانه البورصه ليست بمشروع.

وتقلبي تحياتي

 

[وردهـ حساسهـ]

الله كريم ومشكوووووووره مثقفه والله يعطيج العافيه ويوفقج اختي