عندج اكل من بيبي وطالعه بشقه! تعالي شوي بغيتج :( ارآآآكم

[q8 knosha]

اول شي هو موافق تطلعون ؟

لول انا مافاتحته بلموضوع ناطره اشتغل ويمشيلي معاش اول شهرين ولا ثلاث تالي بكلمه

 

[q8 knosha]

ثاانكس بناات حبايبي على مشاركاتكم و خوش افكار والله تسلمون وماقصرتو


ضماد حلوه فكرت ان اقعد من غير خدااامه طبعا اخذ راحتي اكثر

بس مادري احسها حيل صعبه اذا عيالي صغار الا اذا كبرو مثلا بلبتدائي اهني زين يعتمدون على نفسهم وهم يعاونوني ان بغيت شي اعجبتني هل نقطه

 

[q8 knosha]

ايه ضماد اهوا ماعليه اقساط خلصهم الحمدالله ومعاشه صافي يعني وانا هم انشاءالله لي اشتغلت باخذلي سياره بس ماتكون غاليه يعني يعني القسط بيكون بحدود 100 او 100 وشي جذي وماعندنا شي

يعني الحين احنا فبيت اهله بس يعطي ابوه مبلغ بسييط بس احنا نجيل حقنا لان في شغلات ناكلها ما ايبونها البيت سوالف القلي
ومعاش الخدامه
وانا حامل وعندي بيبي واحد طبعا بيصيرون 2 تالي وبس

واخر الشهر كله مفلسين والله يعني يبقاله بو 100 ولا اقل لما ينزل معاشه مادري وين تطير لفلوس

 

[دلال و غلا]

هلا حبيبتي انصح بقوووه تطلعون شقه بروحكم

خادمه وحده كاافيه و زياده هي عليها شغل البيت من تنظيف و غسيل و الطبخ و الجهال عليج

الخادمه تجي تساعد مو كل شي عليها العيال مسؤليه الام و الطبخ ضروري انتي مو الخادمه

و الشقه اللي راح تكفيكم باذن الله لازم تتكون من غرفتين و غرفة خادمه و حمامين
بس اذا عيالج كبار يكون افضل ثلااث غرف ع شان ما تنقلون مره ثانيه

موووفقه حبي

 

[أحـلام * ورديـة]

حبيبتي اذا بتطلعين شقه عشان ترتاحين خل تكون

3 غرف وغرفة خدامه وغرفتج لازم تكون ماستر

وبعدين خدامه وحده كافي حق شغل التنظيف والمطبخ

واكيد انتي اللي بتطبخين وتشوفين عيالج

والله يرزقج بالشقه المناسبة

 

[دلوعة أبوهآ]

آلله ييسر امرك يآرب

 

[عسل مرت قيمر]

خدامه وحده تكفي


واليهال اذا صغار خليهم غرفه وحده واتوقع 3 غرف تكفيكم

 

[منال $]

الله يعطيهم العافية البنات ما قصروا بالردود

 

[i'm so happy]

سهله اخذوا شقه فيها 4 اغرف

غرفه لـج ولـزوجج

وغرفـه لـولدج
وغرفه لبنتج
وغرفه للخادمة

مايصير تعودين اعيالج ينامون مع بعض لين كبروا بيتعودون جذي افضل يتعلمون بروحهم
اما بالنسبه للخادمة وحده تكفي انتو في شقه مو بفيـلا عشان تيبين خدامتين بروحهم مصرف
معاش واكل وطلبيات اخذي شقه واسعه فيها 4 غرف وحمامين ومطبخ

اظن تحصلينها بحدود 350 او 400

 

[موله الكويت]

اب
اب

 

[Beautiful soul]

اي روحي شقه وتوسعوا وثاني شي خدامة وحدة تكفي
وعيالج افضل اول مالواحد يكون عمره سنتين او سنتين ونص يروح حضانه ممتازه ع الاقل تأمنين مكانه وانه يلعب ويطلع طاقته مع اطفال كبره مش مع الخدامة في شقه بروحه ماتدرين عنهم

 

[مشتطـه]

عاد تصدقين ما عندي افادة بس احس بين اهل الريل العيشه احلى عالاقل العيال عندهم
الاكل وياهم

مادري هذا اذا زينين وياج


يعني افضل تبنون احسن بقرض مثلا وتفتكون من الاجار

مادري هذا رايي

واذا في مجال بابج بروح

 

[حبيبي مالكني]

المهم سؤالي اذا انتي عندج يهال 2 وخدامه تطلعون بشقه جم غرفه؟
شقة فيها 3 غرف وصالة وثلاث حمامات لازم عشان الخدامة يكون لها حمام خاص فيها
وتيبين خدامه ثانيه؟؟ عشان شقه ويهال 2؟؟ يعني تعاونها؟
ولا لا انتي تشوفين اليهال واهيا عليها شغل المطبخ والتنظيف
ان اشوف جذي ان وحده وهم انا اكيد بدش المطبخ وبطالع اليهال يعني بعاونها والصبح حضانتهم او مدارسهم لي كبرو فمادري بسمع منكم

احس ماله داعي اتيبين ثانية خدامة وحدة تكفي
اليهال تحطونهم بغرفه وحده؟ حتى لو بنت وصبي؟
لا البنت بغرفة والولد بغرفة بس اذا وايد صغار وماعندج مكان احس عادي مع بعض
ولا شلون اوك وانتي وريلج غرفه والخدامه لها غرفتها
بس اليهال؟

خلي اليهال بغرفة والخدامة بغرفة ماحب ارقد اليهال مع الخدامة
[

 

[pusy cat]

غرفه لكم وغرفه للجهال وغرفه للخدامه

دام بالحضانه توهم صغار لين انشالله يجيكم بيت واتوسعون

 

[دانة_ دبي]

المهم سؤالي اذا انتي عندج يهال 2 وخدامه تطلعون بشقه جم غرفه؟
خذي 3 غرف و صالة
وتيبين خدامه ثانيه؟؟ عشان شقه ويهال 2؟؟ يعني تعاونها؟
خدامة تكفيج بس حاولي تسوي لها جدول يومي بشغلها و صدقيني بتخلصه و انتي بعد لا تقصرين ساعدي شوي ف شغل البيت
ولا لا انتي تشوفين اليهال واهيا عليها شغل المطبخ والتنظيف
ان اشوف جذي ان وحده وهم انا اكيد بدش المطبخ وبطالع اليهال يعني بعاونها والصبح حضانتهم او مدارسهم لي كبرو فمادري بسمع منكم

اليهال تحطونهم بغرفه وحده؟ حتى لو بنت وصبي؟
ممكن اليهال بغرفة وحدة لو كانوا صغار بالعمر مثلا لين 8 سنين
بس اكبر ما انصحج بنفس الغرفة
ممكن واحد فيهم معاج لو كان وايد صغير بالعمر بس حزة النوم

 

[mrs.abk]

3 غرف وصالة .. هذا أقل شيء

وما تحتاجين خدامة ثانية

الخدامتين للبيت اللي فيه 4 عيال وطالع

 

[MissAppleQ8]

قبل مااقرا رد مشتطه
كنت بقولج ليش ماتبنون لكم شقة في بيت اهله
احسن من الاجار وتخلين لج مخرج خاصه عشان الاستقلاليه