عندج الجرأه انج تروحين تكلمينها ولا بتخافين

[ATOoOMA]

انا عن نفسي احس انه لو كلمتها الاحراج حقي اكثر من الاحراج لها
لان مادري شنو ردت فعلها واحتمال كبييييييير 100% مراح تتقبل مني وحدة اول مرة تجوفها تكلمها وتنصحها وتقولي وانتييييي شكووووو محد طلب رايج

كل انسان عارف مصلحته اكثر من غيره والله يهدي الكل

 

[جوري الكوون]

لا والله ما اتجرأ ارووح اكلمها لان كل وحده اتعرف اهي شنو لابسه وشنو امسويه واتعرف الحلال والحراام واهي ابكيفها تمشي بالطريج اللي يعجبها مالي خلق حق المشااكل وهالزمن اذا كلمتي وحده تقووم ابوجهج

 

[ضحـاوي]

اخاف من هالاشكال انصحها الي ما خافت تلبس عند الناس لبس مو اوكي

مو غريبه عليها تسوي فضيحه لي بالشارع على ابو نصحتها

 

[أم سالـمـين]

لا صراحه ما اكلمها

مو خوف منهـــا

بسس ما احب اتدخل بخصوصيات الناس ...

 

[كريستال ليدي]

اللي انتي شايفته مو مناسب يمكن عندها مناسب

انتي ما تعرفين معايير الناس في اللبس يمكن عادي عندها

واللبس شي شخصي محد يتحكم فيه و اهيا طالعة من بيتهم جذي و اللي مو عادي في بيتكم يمكن عادي في بيتهم

الناس مو كلهم نفس التفكير واللبس !

و بصراحة انا لو اتعرض حق هالموقف ما اتخيل شنو راح اسوي في اللي تكلمني .. كلش ما راح اتقبل ولا اعتقد في احد يتقبل حتى انتي لو يات وحده و كلمتج ما راح تتقبلين صدقيني ..

 

[استثنائيه]

ياكثر البلاوي اللي نشوفها بالمجمعات

ماتسوى عليج تقولج وانتي شكو والاتصرخ عليج بصوت عالي

كيفها ... الله يهديهم بس

 

[Ocean]

بكلمها اذا وحده من اهلي او صديقاتي و عارفتها بس اذا وحده ماعرفها لا والله مالي شغل فيها .... عقلها براسها و عندها اهل يحاجونها .... يسلموو على الموضوع

 

[عسل هالكون]

اكييييد ماراح تتقبل بالنسبة لي على حسب اللبس وشكل البنت
لان فييه بناااااات اتسويلج مشاكل وانتي في غنى عنها
واكيد مدام هذا لبسها اكيد لهااا لسااااان الله يكفينا شرهم ويهديهم

 

[زهرماريه]

و الله هالايــام ما أتوقع في أحد يستحمل النصيحه و بتحصلين لج حجي ماتسوا عليـــــج

و كل واحد ذنبــــــــــــه على جنبـــــــــــــــــــــــــــه

و مشكووره عالموضوع ​

 

[خاشووقه]

كل من يعرف الحلال والحرام
وكل من عقله براسه ويعرف خلاصه

 

[رند]

لاطبعا
شكو فيها اروح اكلمها اقول لبسج كيت وكيت
اول شي حريه شخصيه
ثاني شي بالعقل مهي جاهل عشان انصحها
تعرف الصح وتعرف الغلط
وتعرف الحلال وتعرف الحرام
يعني اللي اعرفه عن الدين اهيا تعرفه
فليش اتليقف واروح احاجي وحده ماحرفها تحرجينها وتحرجين نفسج

وبعدين موحلوه تفشلين روحج عالفاضي فرضا جاني طشار ولازفتني وين انخش حزتها من العالم
بهالزمن محد يتقبل النصيحه لو هي اختج

 

[=>بــدون نــك<=]

والله ما اكلمها اهلها شايفين وراضيين مالي شغل بغيري

 

[الدنيا علة]

الصرراحه
اول شي اكيد تختلف وجهات النظر

انا عن نفسي

ماراح اقولها شي لانها اكيد تعرف ان هذا غلط

واهــــــم شي ان امها وابوها شايفينهاا


والله يهدى الجميع

 

[امي ثلاثينيه]

اكيد ما اروحلها. الله يحاسبها . اهيا ماحترمت الناس بلبسها تبينها تحترمني اذا رحت قلت لها لبسج .........؟؟
اكيد لأ

 

[chocolate bar]

الصرااااحه انا استحي اقووول بس في شي يشجعني على اني انصحها و مايكون جدام الناس

وانصحها بأسلوب حلو ويجذبها مو بهواااش وطق نعل خخخخخخخ ... يسلموؤوؤ عالموضوع الروووووعه

 

[zain 3la zain]

لا والله انا بقل ابعد عن الشر وغنيلووو لوووووول :krkrkr:

البست مالبست كيفهاا مااحب اتدخل بامور ماتعنيني

صح النصيحه واجب والساكت عن الحق شيطان اخرس ..

الا ان هالبنت ماالبست هاللبس وطلعت فيه السوق او اي مكان ( باستثناء العروس لوول ) الا ان حالتها مترديه

وجرئتهااا كبيره فـ موو بعيده تقلب السالفه علي وانا اطلع غلطاانه

لاني جاايه انصحها بس ..!!

كل اللي اقدر اسوويه ادعيلها بالهدايه ..​

 

[عاشقه رويشد]

مشكورين حبايبي علي المروور الروعه والعسل

 

[نوره القبله]

اي بكلمـــــــها ليش ما اكلمـــــــا اتجرء اذا شفت ماني خسرانه شي

انزين وانا بمسكج على زاويه يا عاشقه اروشد يا قلبي ليش محطيتي عاشقه اسديس ولا مشاري العفاسي او احد من الي يقرأ قرأن مو احسن
كله مغني بالله مو احسن قأر قرأن يا حببتي اسفه اذا ثقلت عليج يعني مغني ما يستهل هالحب الله يهديج يا قلبي

تقبلي مروري

 

[[[ عيون جابر ]]]

لا الله ما اروح لها
بنات هالايام مو مثل قبل تستحي ولاتتفشل الحين ترد عليج وتسبج ويمكن تطقج بعد وانا شالله حادني عشان ياهل تفشلني جدام الله وخلقه أبعد عن الشر واغنيله لوووول
تسلمين حبيبتي واحنا كلنا ندري الدين النصيحه بس ماتفيد النصيحه مع هالمواقف لأنها حساسه

 

[الشاهينه]

لا طبعا ما اكلمها لانها بتصرخ وتقولي مالج شغل فيني وانتي شكو بلبسي

اشحقا اييب لنفسي الكلام الله بحاسبها