عندج الجرأه انج تروحين تكلمينها ولا بتخافين

[a5er el3angoood]

لا طبعا ما راح اروح وانصحها لان انا ما اعرفها اصلا ولا اعرف اهيا من وين يايه وباي مجتمع متربيه صحيح ان الدين امرنا بالامر بالمعروف والنهي عن المنكر بس بالاشياء اللي تخصنا مو الاشياء اللي مالنا شغل فيها وعشان احنا نروح وننصح لازم نكون دارسين فن الحوار والنصيحه ونعرف كل انسان شنو اهوا المنطلق اللي نفتح فيه الحديث معاه والا راح انتفشل واااايد وابسط شي تقدر ترد عليج وتقوولج انتي شكو خلفتيني ونسيتيني
انا مره بالسوق شفت وحده طالع شعره بره الحجاب من وره فظنيت انه طالع واهيا ما تدري ويوم نصحته وقلتهه شعرج طالع قالتلي انتي شكو انا مطلعته الصراحه تفشلت و ما عرفت شنو اقولها سكت ومشيت عنها :eh_s(14):

 

[taybaa]

بصراحه شفت هذا الموقف جدامي إن في بنت لابسه جنز لووست وكانت قاعده وطبعا كل شي طالع وكلمتها مره كبيره بالعمر بمقام أمها ما خلت كلمه ما قالتها حتى المره طلعت من المحل بكبره وعشان جذيه الواحد يبتعد عن المشاكل أحسن له لأنه الأهل الي يربون مو إحنا وأصبحت النصيحه بالوقت يقولون إنت رجعيه واستغفر الله لي ولكم

 

[انونا]

يسلموووووووو

بس انا لاء ما راح اكلمها

لان حريه شخصيه اهي كبيره وعارفه شنو تسوي


بس مثلا وحده متحجبه وطلع شعرها او ما تدري اقولها ترا اختي شعرج او شي بس اني انصح لاء

مالي شغل فيهم عقلج براسك واتعرف خلاصج واقول الله يهديهم ويهدينا

 

[عاشقة الأنغام]

لا ما اكلمها هي تعرف الصح من الغلط

 

[shai5at al3arab]

انا كلللللش ما اتجرأ

حددددي استحي وخوافة

 

[Stylista_Q8]

تبين الصراحة لا ما اكلمهااا

والله في بنات يخرعون لسانهم يلوط أذانهم و شوي وإطقج ;s

جنج سابتها حشى مو ناصحتها فـ عشان جذي اخلي النصيحة لنفسي مدام ما اعرفها =$$

ومشكورة حبيبتي ع الموضوع

 

[kekat kakaw]

ولله عادي اكلمهااااااااااا .. بس يمكن انا عندي احساي انه البنت رااااااااا تتقبل و لا لأ


اشتسوى علي تصرخ علي و تفشلني .. حتى اقرب الناس لج مايتقبلون هالدور بنت لا اعرفها و لا تعرفني

 

[كيوتيه]

موضوع حلو يعطيج العافيــه عليــه

المفروض اذا شفنا شي غلط ننصح هذا المفروض لأنو(( من رأى منكمــ منكرا فليغره ))
بلسانه او بيده او بقلبه وذلك اضعف الايمان ونــظرا للموقف المحرج اللي راح تواجهينه من قبل اللي بتنصحينها فأنا عن نفسي افضــل أني أغير هالمنكر بقلبي

وجزاج الله خيـــر يالغاليه ع هالموضوع

 

[Miss.6Mo7]

لاء ماراح اكلمهـآ .. والمسأله مو مسأله خوف ! .. بس لان مستحيل أحد بيخاف عليها أكثر من نفسهـآ !

وبكتفي بـ إني أدعي لها بالهدايــه ... "

 

[حنطاااويه]

لا مااروح مالي شغل بالله اطلعت عووبه شفكني من إلسانهااا

 

[الكــــــــايدهـ]

لا يا بنات والله كلكم غلطانين لازم نكلمهم حتى لو ردت فعلها كانت قويه او سبت او صارخت << هذا بيلفت الأنظار لها هي ،، انتي مالج شغل الناس بتطالعها هي لأن اول شي شكلها غلط وثاني شي هي الي راح تكون تصارخ يعني الأنظار عليها من شنو خايفه انتي ؟!

وبعدين لما تفكرون فيها ،، اذا كلنا صرنا ننصحهم وهي هالبنت تكون مرت عليها كذا وحده وكلمتها عن لبسها يمكن هالشي يخليها تستحي على وجهها وتعدل بلبسها ،، والله في بعض لبس يقهر وخاصه بالأسواق انا وانا بنت تطير عيوني واستغرب اجل الرياجيل شلون بتكون ردة فعلهم


انا دايم افكر بالمره المتزوجه وهي تمشي مع زوجها محتشمه وشحلاتها وتشوف هالبنات المتفصخين قدامها وتدري ان زوجها غصبن عنه راح يطالعهم ( والله حـــــــــــــــــــــــرام يابنات )

يعني الوحده شتسوي ما تطلع مع زوجها للسوق عشان حضرتج تتفصخين ؟؟؟؟!

لا والي يحر والله انهم يكسرون خاطري هالنوعيه ،، ما يبقى ذكر على وجه الأرض ما يخوزز فيهااا وياكلها بعيونه كل من هب ودب وهي ولا على بالها كأنه هذا حلاله يعني كأنج حلال لكل هالرياجيل ؟ يصييييييير ؟!!!!! والله حرام حتى الهنود يخوززون فيييييج وانتي تمشين ولا على بالج


أدري قرقرت واجد بس والله الموضوع من زمان غاثني وملوع جبدي بعد

 

[unfaithful109]

لا ماراح اكلمها لان الله بيحسابها

 

[اتعبني غروري 7]

مستحيل اروح اقول حق وحده لبسج ومكياجج وشعرج وشكلج


ولو وحده تيي تكلمني اكفخها باكبر ما عندي .. مو بس اقولها مالج شغل

 

[عاشقه رويشد]

مشكورين علي المرور فديتكم

 

[7lwa w'bas]

انا مالي شغل باحد كلش ملش
كل واحد يسوي الي يبيه
اخاف يفشلوني

 

[المـــــها]

و الله ودي


بس اهي وحدة ولا ثنتين .......
ما راح ألحق ،،

و اللبس من شخصية البنت و أهلها
،،،،،،،،


و مشكورة

 

[المـــــها]

أذكر مرة بالعيد كنا بالمدينة الترفيهية
و ننطر دور باللعبة ،، و كان في وحدة لابسة جينز ضيييييييييييييييق و قميص بو زرارات من كثر ماهو ضيج والله بين كل زرار و الثاني
طالع جسمها ،، و فوق هذا لابسه ملفع !!!!!!!!! و الجسم مليان !!!


جتها وحدة قالتلها بهدوء يعني إن لبسها جذي عيب و الشباب و جذي
ولا نسمع الصراااااااااخ
و قامت طقت هالمسكينة و رفس عالبطن و طاحت فيها طققققق


مسكينه كسرت خاطري
:0bee2e8d89:


و بس

 

[(كويتيه عسل)]

على حسب
في بنات يدرون ان لبسهم موشي وتلقينها تتعمد تلبس هاللبس

وفي بنات مايدرون علبالهم حلو وستايل مايدرون انهم يصيرون cheap

وفي بنات ماعندهم احد يعلمهم ولا ينصحهم واهلهم مايدرون عن هوا دارهم

 

[غلاااتي حياااتي]

على حسب
اذا كانت محترمه ولبسها محترم واحس فرضا انا شعرها طالع واهي ماتدري انصحها
اما اذا كانت متغطيه فرضا والمكياج الاخر وشكلها مو عاقله وهم طالع شعرها مالي شغل فيها لانها متعمده
لاني مره صادفت وحده من الفئه الثانيه الي اهي مكياج وشكلها مو عاقله قلتلها ترى شعرج طالع من ورى قالت ادري وخلته ومشت

 

[عاشقه رويشد]

مشكورين نورتو صفحتي