عندج بنوتة ؟؟؟؟ تعالي ...

[كوكاكولا]

بنات وين صاير جاكادي بليززز

لهم فرع بالبستان وبالكوت .........

 

[كوكاكولا]

هلا كوكاكولا آنا عندي توأم بنات عمرهم ثلاث سنين
البجايم عادي من أي مكان سنتر بوينت وأبو دينار ونص
طبعا هذا قبل الحين صار أبو ثلاثه ونص خخخخخخخخ
مع أرتفاع الاسعار خخخخخخخ وملابس الطلعه العاديه
من Gapوzaraوبمبكن باتش ومذركير وملابس العيد
منbaby Dior إلي بالخبر والعيد إلي طاف طلبيه
من Cacharel ومن جاكادي بس بصراحه بضاعة
جاكادي وااااااااااايد تعجبني أحسها راااااااقيه حق عيد
أو المناسبات

اللة يخليهم لج ان شاء الله

كاشاريل ممكن الويب سايت مالهم .....

جاكادي حلو بس مو دايم عنه شغلات حلوه ساعات يكون كاجوال ...

 

[كوكاكولا]

حركاااااااااات ما شالله عليج بالعافيه

الله يخليها يارب




ملبوس العافيه ان شالله

انا احب بالباندات والشبابيص الي عند فلبينيه في كويت ماجك

احب سوالفها بس غاليه اسعارها شوي

كل الفلبن شغلهم حلو بس على قولتج غاليين

عندج الفلبينية اللي في النقره الشمالى واللي في العنجري

هم تك تك يييب شغلات حلوه وفناتق .......

 

[كوكاكولا]

بنات ابي اعرف شلون اطلب من بره.....حق بنوتي ربي يخليها

انا اطلب من برا بس شلون ما أدري ( اختي اهي اللي تطلب لي )

انا أدش عل الموقع واختار واهي تكمل الباجي ......

فية بنات بالمنتدي يطلبون لج اذا ماتعرفين .......

 

[كوكاكولا]

انا عندي بنوته وحده الله يحفظها يااارب
وهي بجري حبيييبتي

طبعا كودت لها ملااابس من وانا حااامل ،،،

وبالنسيه للقرقيعان و العيييد هذا اول سنه لها حياااتي

وكل شي يديييد علي

انا بسافر لندن هالصيف واهيا معاااي وبشترييلها ملااابس حق بو سنه من هناك ومرة وحده حق العيد

وبالنسبه للقرقيييعااان

مادري ليلحين مو على بااالي ،،، شكلي بروووح الاوقااااف

حاسة فيج لانج مثلي .......

الملابس من لندن خلصنا ...

القرقيعان الأوقاف وببونة بجمعية الشامية عندها سوالف حلوه ......

 

[توته79]

انا ماكو مكان معين اي شي يعجبني اخذه بس ملابس العيد دايم اشتريها من دبي والشباصات والاكسسوارات اكثرها من كليرز والبجامات انوع من كل مكان والجواتي اكثرها من سنتربوينت

 

[ضحـاوي]

كل الفلبن شغلهم حلو بس على قولتج غاليين

عندج الفلبينية اللي في النقره الشمالى واللي في العنجري

هم تك تك يييب شغلات حلوه وفناتق .......

كوكولا اهو نفسه الي بمجمع النقره هذا فرع لهم

 

[ضحـاوي]

بنات ابي اعرف شلون اطلب من بره.....حق بنوتي ربي يخليها

اذا عندج بطاقة وصندوق تقدرين تطلبين بروحج

واذا ما عندج طلبي عن طريق مركز سلطان

عندهم مكتب للطلبيات اتروحين عندهم وتفتحين السايت الي تبين

ويقولون لج كل المعلومات وياخذون رقمج واول ما توصل يدقون عليج

 

[red_rose8278]

اذا عندج بطاقة وصندوق تقدرين تطلبين بروحج

واذا ما عندج طلبي عن طريق مركز سلطان

عندهم مكتب للطلبيات اتروحين عندهم وتفتحين السايت الي تبين

ويقولون لج كل المعلومات وياخذون رقمج واول ما توصل يدقون عليج

وآنا بعد ابي اطلب بس شنو قصدج عن طريق مركز سلطان ؟ مافهمت ؟ ليش مركز سلطان يطلبلي من برا ؟ وبجم عمولته

واسفه عالاطاله :tek:

 

[& دلوعه زوجها &]

انا من السعوديه **

احب مذركيييييييييييييير والحين صرت زبونه عندهم وعطوني بطقات خصم بجميع الفروع

وستي مااااكس وفيل فري واوكايدي

وزنكااااااااااااااااااااااااا

والله كثير محلاااااااااااااااااااااات

مشكورين خواتي**

 

[dl3_wl3]

ممكن اللي عندها سايتات حق محلات ماركات عالميه تحطه لنا عشان يمدينا نطلب حق العيد

 

[كوكاكولا]

انا من السعوديه **

احب مذركيييييييييييييير والحين صرت زبونه عندهم وعطوني بطقات خصم بجميع الفروع

وستي مااااكس وفيل فري واوكايدي

وزنكااااااااااااااااااااااااا

والله كثير محلاااااااااااااااااااااات

مشكورين خواتي**

حياج اللة ..............

بس السعودية مشهورين بأسواقعهم روعة .........

العيسائي بروحة شي ....

 

[كوكاكولا]

وآنا بعد ابي اطلب بس شنو قصدج عن طريق مركز سلطان ؟ مافهمت ؟ ليش مركز سلطان يطلبلي من برا ؟ وبجم عمولته

واسفه عالاطاله :tek:

مركز سلطان عندهم خدمة ASK تروحين وتعطينهم الموقع وتشوفين الشغلة اللي تبينها

وتدفعين قيمتها ويعطونج وصل وصوره الشي اللي طلبتية ..
وبعد اسبوع او 10 ايام يدقون عليج

ياخذون عمولة بس شكثر ما أدري + مصاريف الشحن ........

 

[إستبرق]

انا عندي بنوته وهي بجري ووالله الملابس اغلبهم من مونسون وبروي ومذركير وبعد كل ما القى شي بمكان ويعجبني اخذه يعني في محلات بالافنيوز يعني مو مكان محدد
والعيد للحيني ماشريت لها بين اني اطلب لها من النت وبين اني اروح افتر ادور لها
والقرقيعان ودي استايل قديم وانا وياها نفس الستايل تقريبا وانشاءالله بروح افصل لنا ثنتينا وتوني شفت موديل عجبني حاطته وحده بالمنتدى لمشاعل الزنكوي وبنتها بس اني اغير فيه اشياء يعني عجبتني جم حركه

وياليت الي تعرف مواقع حلوه للبنات بس مو يكونون خامات ناعمه انا احب لما تور ودانتيل وهالخامات ويكون نافش مو الى نفشه حيل لا الي كلوش يكون

 

[منورة الكويتية]

انا نويرتي عمرها سنه و5 شهور تقريبا
ملابس الكاجوال اكثر شيئ من مذركير ونكست و اتش اند ام و قاب و قيس

العيد بشتري لها هالمره يا من كيتي مني او من لحظة من فضلك

والقرقيعان ودي اتفنتق لها فيه هالسنه لان السنه الي افت خذيت لها نفنوف عادي

 

[كوكاكولا]

انا حق العيد بشتري لها من برا ......اذا سافرت ان شاء الله

طلبات النت ساعات تطلع تفشل عل اللبس خاماتهم مو ذاك الزود .....


اذبحونا هالبنات ......... الله يخليهم ويصلحهم ........

 

[رفرف]

انا عندي بنوتين عسل ..

وحدة 4 سنين وخردة ..
وحدة سنة وخردة ..

بذمتكم امهات البنات ما تحسون بالمتعة وانتو تشترون حق بناتكم وتلبسونهم وتكشخونهم ؟
انا شعوري جنه ايام قبل اللي كنا يهال لما نشتري باربيات ونكشخهم وكل وحدة تبي احلى لبس حق باربيتها وتبيها تكون احلى وحدة انا احس جذيه ..


العملي اشتريلهم من مذركير
ونيكست وايد احبه
واتش اند ام عندهم شغلات عملية ورخاص واطقم منهم النفنوف والباند والكبوس وامكرمين الشوز نفس الشي حتى لو بسيطة حق البيت او بيت اهلي بس مرتبة وحلوة ..
ادامز مرات وبمبكن باتش مرات ..
مونسون حلو واكسسواراتهم وايد حلوة الجناط صج كيوت حق العيد انا اخذ الجناط منهم والشبابيص هم حلوين والقلوب ..
سنتربوينت مرات اطلع منه بشغلات حلوة وعملية ..
او اطلب لهم من النت
يعني ماعندي مشكلة كل مكان ..



العيد لااااااااازم اطلب ..
واتأزم قبل العيد بجم شهر وانا ادور واحوس بالنت لين القى شي يعجبني ..
والحمدلله كل عيد بناتي يكونون مميزين ..


الشبابيص والباندات العادي من بو100 او كليرز او المحلات اللي اشتري منها هدومهم ..
واحب اخذلهم اساور وقراقيش وجناط احبهم على سنقى عشرة دايمن .. (اذا شفتو وحدة زبوطة
الكشخة من اكسيسوريز او الفلبينية اللي بمجمع النقرة او اللي بالعنجري بس مو وايد اخذ منها مو ستايلي .. احب سوالف اكسيسوريز اكثر ..


دراريع القرقيعان مرات من الاوقاف في محل حلو حق دراريع او حتى بدل الحفلات حلو بس غالي يعني الدراعة تطلع مو اقل من 15 وهي بسييييييطة بس يعجبني ذوقهم ..

ومرة خذيت لهم الدراريع الهندية العادية ماكانت عاجبتني وايد بس باللبس شحلاتهم .. وطبعا كملتها شريت لهم اكسسوارات ومضاعد وهامات وخرابيط الهنود طلعوا حلوين ..


القرقيعان نفسه كل مرة حركة بس السنة ماراح اسوي شي لأن عندي واااااايد مشاغل فراح اسوي قرقيعان عادي حده ..

 

[باونتى]

أنا عندى بنت وحده عمرها سنه أشترى لها ملابس الطلعه من : بى اج اس , مذركير , نكست , اج اند ام , والبجايم من سنتر بوينت ومن سوق المعلم , ملابس العيد من بره , وبالنسبه للشباصات من كليرز ومن سوق بو 100 ولمن أسافر آخذ لها من بره وملابس القرقيعان خذيت لها من البحرين بصراحه البنات صج حق الخساره بس يله يستاهلون الحلوييين

 

[& دلوعه زوجها &]

انا عندي عروستين بسم اله عليهم

وانا احب اشتري ملابس بناتي

من الرياض وعندا بلقصيم اشيا حلوة

ببس حلو التغيييييييييير

زاموت على مذركير هههه

وزنكا

اوكايدي

وملابس البيت من القارب الصغير

ودنيا الطفل والبيجمات اخذلهم من برومان روعه ومرريحه

والله الكسسورااااااات اخذلهم من بيت الطفل كمان حلو

وفيه والله اشياااااااء جدا رهيبه

وان شالله لي عودة عسالله يخليهم لي يارب*

 

[mrs_sugar]

سلام عليكم

امهات البنات

انا عندي اسم الله عليهم

الله يحفظهم

قولوا ما شاء الله

اربع عرايس

ملابسهم من كل مكان اخذ يعني ما اتأزم

الكبيرة من مانغو و سنتر بوينت و اكثر شي من النت

بس الحين تحجبت ووهقتني

احب تامي و ليميتد تو و زارا احصل لها شغلات حلوة ساعات

و حجاباتها من السالمية الأحمر و الشرقية

الصغار

ما احب مذركير وايد احس نوعيتهم صارت مو ذاك الزود

ادمز و سبنسر و بوسيني حلوين شغلاتهم

و للعيد من النت صار لي 3 سنين تقريبا

و كل سنة يطلعون احلى من اللي قبلها

السنة لي الحين ما دورت عدل

و حق شعرهم اخذ من بو 100 او سرداب الشايع اخذ بالجملة اريح

ما احب كليرز

شغلهم بسرعة يتكسر مو نوعية زينة

الفلبينية اللي بالنقرة و العنجري روعة و شغلها كد و مد بصراحة

السنة لي الحين ما لفيت حق القرقيعان

بس افرغ شوية ادور براحتي