عندج جنطة كشخة ؟؟؟؟ ... ابيج رفيجتي عيل

[المـــــها]

و بعدين الناس المفروض ترافق الناس عشان معدنهم و أخلاقهم
مو كشختهم

 

[كريستال ليدي]

يا كثر النماين اللي اعرفهم جذي

الله يهديهم و الله الناس تضحك عليهم اشكره لانه الكل يدري انه ما عندهم ليش مسوين بروحهم جذي

 

[اخت-اخوها]

انا معاج غلط الواحد ترافق وحده عشان جنطتها ولا لبسها
بس في ناس الشي هذا يكون طبيعي عندهم ما يحبون يلبسون شي مو اصلي وعندهم شي طبيعي الله مرهي عليهم والشي هذا وايد اشوفه عند اهلي مو تشيحط بس اهم جذي لبسهم جذي!

في ناس مستواهم الاجتماعي جذي !!


انا عن نفسي اكره شي عندي التقليد والحمدالله ما البسه كلش
يا اصلي يا ما البس
والاصلي سعره فيه ويتم معاج طول العمر
ماشالله اختي عندها جنطه من 14 سنه وليما الحين تشوفينها جنها يديده شانيل لانه اصلا شانيل مودلاته ما اتغير وايد فا جنها يديده

اهي تختلف من ناس لي ناس بس انه ارافج عشان جنطه ولا اتغير وجه نظري لا طبعا ماني ياهل اقيس الناس على الامور هذي
اللي يقيس الامور جذي هذي ماعندها عقل وما شافت الدنيا الا متأخر
نفس المثل اللي عمره ما تبخر تبخر واحترق

 

[sara999]

والله صح كلامج مالاداعي
برايي....
مدريولك على قد لحافك واذا لحافي قصير اطلع ريولي بره بطقني البراد وبصخ وبتعب
ههههههههههههههههههههههههههههههههههههههههههههههههههههههههههههههههههههههههههههه
فشنو انا وحده ما اشتري تقدليد الا اذا كلش عاد عاجبتين يوبستخدمها حق كليا وجذي بس اني اطلع فيها واترزز لا ماما ما احب جذي
عندي اللبس يكون مرتب وانيق وزقرت بحدود المعقول والي اقدر عليه مو فوق طاقتي وبالنهايه كل شي له اولويات مو بطقلي جنطه بالف وانا عندي بيت وعندي ولد وعندي مدرسه وعندي وعندي عندي

 

[GHADEERAAT]

اولا دينا السمح وصانا بعدم الاسراف والتبذير بالمقابل ايضا البعد عن الخيلاءوالتكبر
وماله داعي الكماليات اللي عشان المظاهر واللي حدود امكانياتها تشتري بس حطو فبالكم اللي تشتري شي مميز وهذي لازم مايكون عندها مثله هذا تتحاسبون عليه ويعتبر نوع من الخيلاء والرسول حذرنا من هالشي بس في ناس ماتنتبه لازم تكون مميزه مايمنع ان الله جميل يحب الجمال انه نلبس وتبين فينا نعمة الله بس من غير اسراف عن الحد المعقول
لان في ناس ميته يوع بافريقيا والدول الفقيره واحنا نشتري جنطه بالف وافوق والله حرام ..
عموما انا عن نفسي اشتري الشي اللي مرتب حتى لو رخيص المهم يعجب ذوقي مو لازم ماركه لان احيانا في جناط ماركه بس شكلها مو حلو كلش صج الواقع جذي اللي يعجبني ويناسبني اشتريه حتى لو بامية فلس عادي
تحياتي

 

[Pepsi Cola]

الانسان الي يقيم غيره على لبسه وبالذات الماراكات العالميه الي يلبسها هذا بالكويتي نقوله ولد فقر ومو شايف خير ولو مو النقص الي حاس فيه ما شاف الناس بهل نظره, ولا عيال الحمايل ناس متواضعه تقدر تكسي روحه ذهب لو بغت بس ناس شايفه خير وتخاف الله.
قدوتنا رسول الله صلى الله عليه واله وسلم واصحابه والمؤمنين حتى بعصرنا هذا كلهم من الفقراء ولو نقرأ عن حياتهم ومعيشتهم فهي ابسط من البساطه.
هل نوعيه من الناس صحبتهم قبيحه على اخلاقهم
يسلمو كويتيه على الطرح بانتظار جديدك
​

 

[zoozoo Q8]

الحين الموضه الجناط التقليد او اي شي تقليد صار موضه
نادر اللي يشترون الاصلي

حتى اللي كانوا يشترون الاصلي صاروا يشترون التقليل

قصه ادري لووووول

عادي مافيها شي
خل يدرون تقليد منو قالهم انه كل بنات الكويت بنات تجار

 

[انا كويتية]

حبايبي انا ما اقصد لبس التقليد عيب او فشلة انا اقول ليش تلبسين تقليد سعر الاصلي لنفرض 3 الاف سواء جنطة او ساعة او غيرها وكل الناس مثل حمولتج اهلج رفيجاتج يدرون ان دخلج بالسنة يمكن ما يوصل 3000 واهم شي تقولين لهم اصلية ... شنو الهدف ؟؟؟ هل تكسبين رضاهم او صداقتهم او اعجابهم ؟؟؟ بأمانة ماتضحكون على اللي جذي ... اوكي اشتري تقليد بس يكون سعر الاصلية اصلا مناسب لدخلج ..

 

[ملفتة للنظر]

ما اكشخ عشان الناس بس بالعكس اكشخ عشان نفسي واحب يكون شكلي حلو..وموشرط جنطة ماركة..

ممكن يكون الكعب ماركة والجنطة عادية..ممكن يكون البدلة ماركة والجنطة عادية..ممكن جنطة ماركة وبدلة عادية


وممكن كله ماركة



ممكن البس بس ولا شي ماركة..اهم شي يطلع شكلي حلو وذرب ومرتب



يعني حسب الذوق وحسب طاقتي..



وكل هذا عشان نفسي وبس موعشان الناس تعجب فيني..واذا شخصيتي زفت تهقين الناس بيتحملوني؟ اكيد لأ بيقولولي مع الف سلامة



انا اشوف انه فكرة ارافج عشان كشخة فلانة فكرة مبالغ فيها وغير واقعية


عندي رفيجات بنات فلوس وعندي متوسطات دخل وعندي اللي حتى الماركة ماتعرفها


هالسوالف مومنظوري للصداقة الحمدلله..ومحد يرافجني على هاالمنظوربعد


ااهم شي طيبة قلبهم وحبهم لي



وبس

 

[mr000]

البنات هالأيام ذابحتهم الماركات آنا أشتري حق بنتي والله مضطره لأني مابي اكسر خاطرها وألا والله اني مومقتنعه فيها كلش و وايد اتناقش معاها بهالموضوع بس ماكو فايده!وبعدين روحي تمشي بالافنيوز مثلا أشدعوه كل اللي بالمجمع شايلين جناط شانيل وهيرميز يعني بنات أعمارهم 17 و18 سنه من وين بتدفع سعر هالجنطه ومومعقوله كلهم اهلهم شارين لهم الاصليه الله يسلم التقليد!بعدين آنا دايما اقول حق بنتي اللبس لازم يتناسب مع الجنطه يعني لما تشوفين بنات لابسين اي كلام وكلنا نعرف نقيم اللبس ونقدر سعره يعني مثلا بلوزه وتنوره او بنطلون مايزيد سعرهم عن 15 دينار بعدين تروح تشيل لها جنطه ب 300دينار!! أكيد الناس بتقول جنطتها تقليد حتى لو أنها شاريه الأصليه يعني اللي بيكشخ ياأما يكشخ كله على بعضه وألا ماله داعي تلبخ باللبس تالي تقط ماوراها ومادونها على جنطه!! والله ياريت الناس تترك هالمظاهر اللي مالها داعي وتركز على أشياء أهم في حياتهم!!أما موضوع اللي تصادق وحده علشان كشختها صح في ناس جذي يعوضون النقص اللي فيهم الحمدلله والشكر وتفتخر انها صديقة فلانه الكشخه آنا بالعكس تركت وحده من صديقاتي لان لوعت جبدي من كثر ماتتفلسف عن لبسها وجناطها وشاليههم الحمدلله كلنا نلبس ونشتري جناط ماركه واهلي عندهم شاليه ماله داعي الخرعه!!

 

[RegaLoS]

مو شرط

انا معاشي صافي 650 او ريلي عسكري

بس الحمدالله كل شغلي اصلي او لما نشتي نشتري الي عاجبن انا او زوجي او لدي
او سيارتي الحمدالله من افخم السيارات

الناس بتقول تقليد او من وين لها !!!!

انتي ماتدرين كل واحد شنو امكانياته المادية الاساسيه لان محد يقول او يتكلم
ماله دخل المعاش !!!!!!!!!!!!!!!!!!!!!!!!!!!!
الحمدالله عندي مدخول ثاني من تجارتي او من ابوي

او من يوم كنت بالثانويه وجناطي بكل سفره 3 بيقولون الناس من وين لها !!! ماتشتغل !!! مع العلم ان ابوي متوفي او امي موظفة حكومة

او مستحيل احكم على وحدها انها تتفلسف او تتشيحط
لان الناس اذواق او كل واحد او حسب امكانياته



او جناط هيرمز في اصلي على 900 دينار شدعوه 6000 دينار وايد مبالغين

والتقليد مكودين بكل مكان على 40 دينار مو 900

 

[miss abrar]

من كثر اللي صارو يلبسون تقليد حتى اللي تلبس اصلي الناس قامت تشك فيها انها لابسه تقليد ليش ؟؟ فيه بنات كل عمرهم كشيخات ويصرفون معاشهم كله على كشختهم وفيه واغلب الماركات الكل يقدر يشتريها مثل غوتشي وكارولينا هريرا و lv

 

[سلمى الخير]

عاد ذاك اليوم قاعد اشوف موضوع لوحده من البنات تسأل عن جناط هرميز

طبعا دخلت وحده معانا بالمنتدى الكل يعرفها وورتها جنطتها التقليد الماستر من باب الخدمه

والبنت ماقصرت يعني تقدر تقولها اصلي ليش تفشل نفسها خصوصا ان التقليد مالها توب كوالتي وفعلا فعلا نسخة الاصليه

عاد الله وكيلج تعرفين بنات الكويت الله يهديهم انا ماالبس الا الاصلي وماالبس الا الاصلي ( طل )

اشوف اسواق التقليد الماستر من توصل البضاعه عنده تختنقين من كثر الزحمه

المهم وحده منهم يوم اسألوها وين جنطتج الي شراها لج زوجج طبعا اهيا تقول انها شاريلها الاصليه كرضوه طبعا تهربت من الموضوع

ويابت صوره من النت !!! علبنا ماتعرف تنزل صور !!! ( تهرب وحركات معروفه لبنات المنتدى )

ووحده اعرفها انا ماالبس الا اصلي وماالبس الا اصلي

اخر شي اشوفها بمحل معروف بالمباركيه تاخذ التقليد الماستر وانصدمت يوم شافتني جنها شايفه ابليس لوووووووووووول

المهم عزيزتي الي استنتجته من الموضوع

ان البنات مايستاهلون تقوليهم جنطتي تقليد

اخليهم بحيرتهم احسن

اذا قلتيلها اصلي تشيفحتج وقالت من وين لها

واذا قلتي تقليد اكلتج بالشماته يكون مقطعه الماركات تقلينها مره وحده بحياتها شاريه اصليه وابشلت الناس فيها لوووووووووول

( يااهل السوق ترى شيخه حامل ) >>>>>> مثل تضربه امي على الي بينبه الناس عن شغله يبون الناس يشوفونها غصب

وانا شخصيا اشتري اصلي

بس اذا سعر الجنطه غالييعني فوق ال 2000 ولقيت لها تقليد ماستر وفعلا يستاهل ليس اخليها بقلبي اشتريها

وهذا رايي بصراحه

 

[اميرة-الاحجار]

عاد اتصدقين اغلب الجناط الماركه يطلعون تقليد وفي جناط درجه اولى جنهم اصليين يعني ماقمنا نفرق بين الاصلي والتقلييد
والصراحه غبيه حدها اللي تشتري جنطه ب 1000 دينار وتلقى منها تقليد طبق الاصل من نفس الخام والنقشه ..!!
شالغباء يعني ..؟؟ اصلا الله مايرضى بهالفسق ..!!
وصدقيني لو وحده امكانياتها محدوده وخذت قرض وشرت ملابس وجناط كشخه الناس ماراح تصدق انها اصليه لانها عارفه امكانيات البنت ..
الا في حاله وحده اذا البنت كانت مو شايفه خير وقعدت تقول حق الناس هذا اصلي وتوريهم الفاتوره هذا شي ثاني لوول حرام

 

[nazek_q8]

ماكو شغل اقط 6000 على جنطه خل اول اصكر اقساطي وحتى لو عندي فلوس ما اشتري جنطه اكثر من 100 دينار لان حرام عليها راح البسها لبستين وامل منها واقطها بالكبت او بعد اوزعها انا هذا شغلي

فلوسي اقطها على نفسي اسافر فيهم استانس فيها انا وعيالي مو اكشخ على جنطه وما حب اللي يرافجون عشان كشختج احسهم ناس تافهيين ولا احب اللي يسولفون بالماركات اشدعوه كل جناطج ماركه!!!!

الواحد يتقيم بشخصه مو بماركته

 

[حناينq8]

اللي كل همها الناس تقول عنها كشخه وتدوس على نفسها عشان تشتري الماركات وهي مو قادره
اقول لها عفوا انتي فيج نقص

تقدرين تكشخين على حسب امكانياتج

وانشالله عادة هالتفشخر تزول من مجتمعنا

 

[(كويتيه عسل)]

حبيبتي الناس اللي من هالنوع فيهم نقص


ماعندهم شي يميزهم فـ تلقين الوحده تحط حرطتها بهالخرابيط


اللي شايفين خير مايسوون هالسوالف لانهم متميزين


ماينطرون جنطه ولا بوك يميزهم

 

[miss mangu]

حبيبتي الناس اجناس
أطباعهم تختلف و أرأهم تختلف
يعني مثل ما قلتي انتي عن ألي جنطتها أوفر على معاشها ممكن نقيسها بكذا مقياس
أولاً: ممكن هاذي تكون من الناس ألي فعلا عندها خير لكن ما تعلم يعني انا بس معاشي 400 انا ما عندي انا من وين لي و أهياااا حسابهااا يقول بس شبعت فتحي حساب ثاني مثل وحده كاتبه موضوع عن رفيجتها تو قاريته ألي كله تحن و تقول ما عندي وأهيا المسيجينه تعطيها من مصروفها و تلبسها من ملابسها اخرتها اكتشفت انه عندها 11 ألف وخرده
ثانياَ: ممكن هاذي من الناس ألي عندها مرض الفشخره و حب المظاهر و تستحي تقول جنطتي تقليد و تظن انها تزيد من قيمتها كل ما زادت سعر جنطتها أو لبسها ف تنكر بإستمرار انها من رواد محلات التقليد و انها دايم الدوم مرتزه بالصالحيه و عندها كرت vip
ثالثاُ: في ناس ما عندها مشكله تقول انه فلوسها على قدها و تشتري تقليد لكن المحيط ألي حولها يخليها تستحي تقول يعني انا بيمعت حريم و كلهم يقولون ويييييييييييع ما اشتري تقليد و اي انا اقول جنطتي تقليد تحس انها مو حلوه و تشوفينها تهز راسها يعني انا معاكم ومنكم وفيكم وهذول نسميهم بالعربي ضعفاء الشخصيه
و اخيراً احنا ما ندري ألي تتكلمين عنهم بأي فئه من هذول بس أنا لاحظت شي
انج تركزين على دخل المعاش و انه هذا قدهم و هذا دخلهم بس ومن وين لهم
وابي انبه لشي
90% من أهل الكويت عندهم دخل شهري ثانوي غير دخل معاشهم
عندهم وظايف ثانيه شغل خاص
عمل يدوي
شركه صغيره
محل صغير
ألي أهو
وفي منهم تدخل جمعيات بقيمة 6000 دينار و تحصل دينار على دينار
و تعالي شوفي منهم من يبطل مشروع صغير ومنهم من يفسفس فليساته
لكن احنا ما نقيم الفرد على دخل واحد و معاشه هذا بس ومن وين له
ترا الناس صارت تخاف من العين ومحد صار يعلم احد انه عنده بزنس خاص فيه تلقينه ينسبه لاخوه ولا لعمه ولا لابوه و الشغل له اهوا

 

[Mazyoona]

من كشخته الناس حبته

ههههههههههههههههههههههههههههه لووول



ما أدري و الله يعني الحين اللي يتلزقون يتلزقون علشان جنطتي ؟؟؟؟!!!!

 

[StrOnG WoMeN]

انا رايي اهم شي معدن الناس
ولا الجنطه ولاغيرها مجرد جماد بلااحساس مع الوقت يزول من حياتنا
واحلى شي التواضع
والصديق تعرفه وقت الشدايد مو باللبس وغيره
ومشكوره ع الموضوع الحلو وعجبني تواضعج اكثر يالغلى