يا احلو حزاوي قبل يدتي اللهيرحمها كانت تحازينا
حزاية أمير ابن الأمير
هذا عليا بير غزير
أعطيك لبنى ومالها
واعتقني بريال عتيج .......... هذي كان يقولها أخو لبنى الفقير اللي كان حابس اخته لبنى الجميلة في البيت ومانع عنها أكل اللحم من كثر ما يحب اخته ويخاف عليها عشان لا تغص بعظم وفي يوم اشتهت لحم وفيه عظم ووصت خدامتها فيابت لها ... واهيا تاكل ولا بردت اخوها من الشغل فقامت وخذفت العظم من الدريشة المصكوكة وكسرت الجاااااااااام ......... منو شافها؟؟؟؟؟؟؟؟؟؟؟ شافها الأمير اللي قصره مجابل بيتهم وانعجب فيها وخطبها ولا رضى اخوها وانكر انه عنجه اخت قام الأمير وعزم اخوهااا وحفرلها حفره عند باب القصر وغطاها بزوليه ويوم بغى يدش البيت الاخو المسكين طاح بالحفرة وأمر الأمير حراسه وخدمه انهم يدفنونه واهو يصرخ ويترجى الأمير ويقوله
أمير ابن الأمير ...... هذا عليا بير غزير
أعطيك لبنى ومالها .... واعتقنى بريال عتيج
والأمير يصرخ بالخدم والحراس دفنوووووووووووووووووووووووووووووووووووووووووه
ليييييييييييين دفنووووووووووه واهو راح يتلحوس حق لبنى وقص عليها وتزوجها وياب منها عيااااااااااال
ومرت السنين ومكان الحفرة اللي ذبحوا فيها اخو لبنى انزرع قمح .. سنابل قمح
وفي يوم كانت لبنى تتمشى عند هالسنابل وسمعت صوت يناي من بعيد بنفس الكلمات اللي كان يرددها اخوها قبل ما يموت
عرفت السالفه ....... واحترت .......... وقامت خذت عيالها وراحت عند اسطبل الحصن وذبحت عيالها وموتت لوحها حسبي الله عليهاا في حوض الماي اللي يشربون منه الخيل وطبعاً الأمير انصدم واحتر وعرف انها عرفت وكرهت العيشه معاه عشان جذي خلصت عالعيال وعلى روحها حسبي الله عليها وعلى اميرهاا
هذي من إحدى الحزاوي القديمة وفي واااااااااايد مثل حزاية مريم ام الدل والدلال
وحزاية حمد وحمود الخوان
وحزاية لعيبت الجزوزج لعيبت الصبر ( جزوزج = قوس قزح وهي لعبة لها الونا مثل الجزوزج على قولت الأوليين )
الحزاوي وايد ان شاء اللله كلما شبكت أكتب لكم وحده بس أخلي خالاتي يذكروني بالتفاصيل
سوالفكم ما تنمل نلقاكم على خير
