عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين..

[الصابرة المحتسبة]

يعطيكم ألف عافية ولا قصور بحد............ والله ثم والله اني أحبكم في الله.......... وصدقوني الحجي اللي أكتبة يطلع من القلب لا كتاب ولا مجلة عفوي ................ تدرون ليش لأنه عن كويتنا الحبيبة لأنه عن الغالية............ الدانه............ اللي ما نبيعها لو كان شنو......................... نموت وتحيا ..................... نحبج يا كويت.............

 

[الصابرة المحتسبة]

- قبل ما فيه تعزم بالتلفون ... والله اللي تبي تزور جارتها طقت الباب ودشت ............. لا حلو من ذاك المحل لفلاني ولاموالح من ذاك المحل اللي الكل يسولف فيه لا ومالكم لوا البساطة والكل على سجيته .
- ولي تهاوشوا الصغار الكبار ما يتدخلون .... يتهاوشون بو دقيقة وتالي يردون .
- ولي الجار صار محتاج ولا ناقصه شي طق له الصدر جاره الثاني.
- وقبل يقولون " صر صرير تلقاه" يعني الولد ولا البنت لي برت أمها وأبوها مرده اعيالهم يبرونهم .
- وقبل المرة لي استضاقت وتكدر خاطرها ما تبين حق الزوج تلقينها مسنعة ومبخره واللي بالقلب بالقلب.
- عزة النفس عند الأولين شي عجيب ما يرضون بالمهانة والذله.
- الصبر عندهم قوي لا إله إلاالله ... يصبرون على تعب السفر والكد والشقا مو ألحين يا له لك الحمد كل شي متوفر.

 

[Lulu_Perla]

كيوتة كوكو
خووووووووووووووووووووووووووش موقع .. تسلم ايدج حبيبتي


يعطيكم الف عافية بنات .. سوالفكم تهبـــــــــــــــــل


لي مشاركات ان شالله

 

[orangeya]

السلااااااااااااااااام علييييييييييييييييييييييييكم ,,,,

عدنا والعود احمدووووو

يه يه يه
شالمشاركات اللي اتبرد الجبد يابعد جبدي انتاو :hjy5jewf:


ايييه هالنمونه :ggdw: هالشكل :ggdw: نبي تفاعل

ومشكورين اللي سألو عني فديتكم كلكم :tek:
مامنعني عنكم الا الشديد القوي,,


ماشالله عليج يا صبربر المحتسبه ,,,
بدلعج صبربر صبّرة على وزن عبورة
مشاركاتج تثلج الصدر ولا يوقف لا يوقف


واااااااي بنات صج صج صج ولهت عليكم
جويهتنا وربي استانس لما اشوف مشاركاتج احبج في الله ياوخيتي
(بنشدج من زمان عن وحده فاقدتها من مده! بس سبحان الله لما اشبك انسى!!! كيوتي؟ شالدنيا فيها )

كوكو ,,, شخبارج؟
بيتو،،، شمسويه؟
وتااامي،،، خوش نك يلبئلك :dddds:
جنه يازلج هاه؟


وباجي البنات حلوين طيبين بنحبكن :tek:

وهالموقع اهداء :

http://www.kuwaitpast.com/

 

[orangeya]

التيتي تنقد البطه والبطه تنقد التيتي

(ان شالله ماكون خربت الكلمات لول)

هالغنايه مثل لعبه كانت يدتي الله يرحمها تونّس اخوي فيها لما كان كتكوت..
والحركه بيدج الثنتين تاخذ صبع من ايد وتطقه براحة ايدج الثانيه "وصفي عجيب لول"

 

[orangeya]

لي وحده مدت البوز يقولون علامها فلانه مبرطمه
حلاته لي زعلت يقولولها زعل بويعل لوووول :dddds:

صبربر ،،،
بعطيج امثال وانتي شرحيهم لان ما شالله شرحج عجيب ويشوق طبعا اسم الله عليج ماراح اشرح نفس شرحج
انا مال قرقه مو شرح لووووووووول



مال البخيل ياكله العيار
الهون أبرك ما يكون
مثل العومه ماكوله ومذمومه

 

[الصابرة المحتسبة]

صبحكم الله بالخير ........ ومن طول الغيبات جاب الغنايم ....... هذا لج يالغالية .

 

[الصابرة المحتسبة]

لي وحده مدت البوز يقولون علامها فلانه مبرطمه
حلاته لي زعلت يقولولها زعل بويعل لوووول :dddds:

صبربر ،،،
بعطيج امثال وانتي شرحيهم لان ما شالله شرحج عجيب ويشوق طبعا اسم الله عليج ماراح اشرح نفس شرحج
انا مال قرقه مو شرح لووووووووول



مال البخيل ياكله العيار
الهون أبرك ما يكون
مثل العومه ماكوله ومذمومه

المثل الاول بتلاقينه كاتبته من قبل .
- الهون ابرك مايكون : يعني والله اعلم ان الشي لي صار بالهون والهداوة وخلينا النجرة والهواش كل شي بينحل.
- العومة ماكولة ومذمومة: العومة اهي سميجة صغيرة بالبحر بس فيها من الفايدة لي اكلتيها , ومع هذا تنقط لي خلصتي منها , مثل الواحد لي شبع من رفيجة واخذا الفايدة ما سأل عنه ولا درى عن هوى داره.

 

[الصابرة المحتسبة]

- ما بعد العود اقعود : يعني تبين ان الضيف لي قعد بمكان وتقهوا واستانس وشبع وجابوا اهل البيت البخور خلاص يفهمها ان القعدة فضت ويتبخر ويسلم .
- لا تبوق لا تخاف: الواحد ليش يخاف ما دام ما سوى شي ولا اخطأ يواجه وما يهمه أحد.
- طقاق نفسه ما يبجي : اي اللي يسوي الشغلة وتجي من وراها غثا ولا مشاكل ما يلوم الا نفسه محد قاله سوها.
- ليطاح الجمل كثرت سجاجينه : تنقال حزة الكبير اللي له هيبة و سمعه طيبه بالسوق ولا بأي مكان وتجيله مصيبة باسم الله علينا منها ويطيح وينكسر وتشمت فيه اللي مايحبه.
- قطه براس عالم واطلع سالم : شلك بعوار الراس ما تعرف للشغله ولا تفهم فيها لا تجي صوبها.

 

[Q8_QT]

مساكم الله بالخير بنات
شلونكم إن شاءالله بخييييير

بريقو : حبيبتي ماقصرتي على هالتعليق الحلو أتمنى تكونين استمتعتي بالموقع

أفندية : عاش من شافج وسمع صوتج حمدالله على سلامتج حبيبتي ئي جذيه أتحفينا بسوالفج ومشاركاتج الحلوة

الصابرة المحتسبة : يعطيج العافية خوووووووش أمثال وماشاءالله عليج شرحج حلو ومفهوم

ما بعد العود اقعود : يعني تبين ان الضيف لي قعد بمكان وتقهوا واستانس وشبع وجابوا اهل البيت البخور خلاص يفهمها ان القعدة فضت ويتبخر ويسلم .

حبيته وايد هالمثل وضفته حق لستتي :eh_s(6):


يطري علي مثل كانت الوالدة الله يطول بعمرها دايما تقوله :

" لا حياة لمن تنادي " كانت تقوله لي قعدت تصوت على أحد موسامعها

وهم تقول وانتي "شخاتج ؟ " أي شحانتج قاعدة لا سالفة ولا مهنة !!!

" عشتو عشتو " ماني عارفه أشرحها أتوقع كلكم عارفينها

" خدايو " مثال لمن أميمتي تطلب مني شي وماأسويه عدل تقولي خدايو شفيج " مسبهة "

وبـــس ســـــلامـــــتــــــكــــــــــــم وتـــــــــــعــــــيــــــــــشـــــــــــون

 

[الصابرة المحتسبة]

حلو عفية عليج يالغالية.

 

[الصابرة المحتسبة]

- عتيج الصوف ولا جديد البريسم : يعني مافي أحسن من القديم بمواصفاته ولا بجودته ان كان جهاز أواي شي ثاني.
- حلات الثوب رقعته منه وفيه : الواحد لي بغى يتزوج ياخذ بنت ديرته تعرف تقاليده وعاداته وشنويبي جانه طبخ ولا تربية العيال يالله من فضلك بناتنا ما عليهم قاصر.
- لي لا موه للرجال حط حيله بمرته: يعني الواحد لي حمقوا عليه ربعه بالديوانيه أقرب وحده بحط حرته فيها مريته خنت حيلي .
- عين غطى وعين فراش: تنقال للضيف تبين الترحيب.
- كثر الدق يفج اللحام: مثل كثرة الحنه يطلع الزوج عن طوره .
- اللي مكتوب بالجبين بتشوفه العين : يعني اللي ربي كاتبه بيصير.

 

[الصابرة المحتسبة]

- أول لي احتاج الواحد لأي شغله يفز الثاني ويقوله : ازهلها عندي , يعني خلاص انا أسويها لك.
- والبنت قبل ما عندها تشرط ولا تبي هذا وما تبي هذاك يعجبها النفنوف هذا وما يعجبها الثاني اللي يجيبون لها ترضى فيه.
- أول الجليب نلقاه بوسط الحوش يغسلون منه ويشربون واللي بذكره منقول عن الباحث الأستاذ - باسم عيسى اللوغاني: كانوا يسمونهم قلبان وأشهرها قلبان الهويدي بالشاميه وكانوا يسمونها ( عذبه) وهو وصف لعذوبة الماي , وقلبان المجلي , وقلبان الوقيان(قميضه) .
- وقبل تنقال كلمة أحدر يعني اللي يبي يروح داخل الديرة يقول بحدر الديره.

 

[orangeya]

-قبل تنقال كلمة أحدر يعني اللي يبي يروح داخل الديرة يقول بحدر الديره.

لي يومج نقولها
لما نكون بالشاليه او بالبر ,,, وبنرد نقول: بنحدر الديره

 

[orangeya]

:e3:
يا احلى صبربر،،، شرحج كافي ووافي
وتسلم الايادي يا بعد افااادي

افادي مشتقه من فؤادي وتعني القلب يا بعد قلبي انتاو :hjy5jewf:

 

[الصابرة المحتسبة]

تسلمين يالغالية وصدقوني اني أحبكم في الله يا بنات ديرتي الحبيبه وعمار يا كويت.

 

[الصابرة المحتسبة]

*كلنا نوقف وقفة اجلال وتقدير وحب ووفى للمرحوم الشيخ جابر الأحمد الصباح الله يرحمه ووسع مدخله وويغسله بالماء البارد والثلج ويجعل قبره روضة من رياض الجنة مع الأبرار والصديقين وحسن أؤلئك رفيقا*آآآآآآآآآآآآآآآآآآمين يارب العالمين في الذكرى الثالثة لوفاته .

 

[جاي الضحى]

اختنا صبوره: باراك الله فيج على تفاعلج ومجهودج بالموضوع بما يعم على الجميع بكل فايدة. سوالفج حلوووووه وونيييييسه وعز الطلب. تستاهلين هالورد. :ggdw:

​

من خواتج: كوكو، أفندية، وجويهه ​

 

[الصابرة المحتسبة]

صبحكم الله بالخير ويا عساها جمعة مباركة على ديرتنا الحبيبة ولنا ولكم ولجميع المسلمين............ وجزاكم الله خير يا خواتي الغاليات والورد وصل ومني لكم دعوة صادقة من ظهر غيب ان الله يوفقكم ويستر عليكم ويسهل دربكم آآآآآآآآآآآآآآآآآآمين يارب العالمين...

 

[الصابرة المحتسبة]

- العوض ولا القطيعه: يعني الواحد لي خسرشي وبقى له شي بسيط من الخساره أو جاله شي كان يبي الأكثر بس ما وصله إلا شي يسير يحمد الله على العوض ولا مره وحده ينقطع.
- النار ما تورث إلا الرماد: تنقال لما يكون الولد ما يطلع نفس ابوه بالمرجلة والفزعة والقومه.
- اللي ما يعدك راس مال لا تعده فايده: اللي ما يحشمك ولا يقدرك لا تقدره ولا تحسبه رفيج ولا منه فايده.
- اللي فيه ريح ما يستريح : اللي بطنه شي تلقاه يحوس ما يقعد راحة .
- ان طاعك الزمان ولا طيعه: مثل الشي لي صار مو على كيفك بعد لا حول ولا قوة إلا بالله طيعه .