عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين..

[الصابرة المحتسبة]

باركي يا كويت ولا احنا نبارك

 

[ام طآرق]

يه يه شغل عدل

يعطيج العافيه اخيتي

انا اذكر

لما كنت ازعل امي اقعد احن عليها
ولما ترد اقولها احبج
ترد علي"حبج برص وسبعه خرص"
لي الحين مادري شنو معنااها

واذا تذكرت اقولكم

 

[الصابرة المحتسبة]

فبراير شهر الأعياد والأفراح لديرتنا الكويت.

 

[الصابرة المحتسبة]

يعافيج يا ام طارق وعسى ربي يسمح دربج.

 

[الصابرة المحتسبة]

- أكرمكم الله.
- ياعل عيني ما تبجيك.
- ياعل ما أذوق حزنك.
- فالله ولا فالك.
- ما يامر عليك عدو.
- منك المال ومنها العيال.
- ياعل ربي يسمح دربك.
- صبحك الله بالخير.
- مساك الله بالخير.

 

[الصابرة المحتسبة]

ربي يحفظج يا كويت

 

[#ام عبد العزيز#]

انا امي تقول كلمة <ماصيدي > معناها ماقصدي

وعمتي دايم اذا خلصت من الاكل تقول <الله يخليلنا محترفنا > يعني زوجها

والكلام واجد ويضحك لكن نسيت اذا تذكرت بكتبهم

 

[الصابرة المحتسبة]

وطني الكويت سلمت للمجد

 

[الصابرة المحتسبة]

- الأول نقول : حذفة عصى: يعني لي بغى واحد ينشد الثاني وين بروح ولا عن وصف مكان يقوله حذفة عصى يعني قريب ما هو بعيد.
- ما قاطعت كلامك الا بالخير: مثل الواحد اللي يتكلم والثاني ذكر شغله وبقولها قبل لا ينساها فيستأذنه .
- عساه ما يطول علينا: المقصود اهني (الليل) يعني الواحد لما يقول ان الليله طويل ليلها يرد الثاني عليه بهالكلام.
- حشى والله:تعبر عن الحلف .
- العين اوسع لكم من المكان: تعبير عن الكرم والترحيب بالضيف .
- بوجهك يا فلان: تنقال حزة الواحد لي بغى يحتمي بحد.

 

[الشاعره@جفا الحب@]

بما اني احب الاشياء االقديمة ولها تاريخ كيف لو كان تاريخنا ...
جدتي وماما احيانا تقولها ...جعل ربي مايحرني عليها = مااعرف افسر خخخخخخخ معناته يعني جعل ربي مايزعلني عليها
الله يسخرلكم بسخرته <<<هذه تقال كل خميس وجمعة جدتي تقولها لنا لو تهاوشنا مع امهاتنا نبي ننام ببيت جدتي
يسلملي الي قادني بعنانه <<<بصراحه امي قالت معناها بس مافهمتها واستحيت اقولها عيدية

 

[الغلا73]

الا

 

[الصابرة المحتسبة]

هذي الكويت وفيها اللي نبي

 

[الصابرة المحتسبة]

أحبج يا كويت

 

[^حلاوه^]

هاذي الكويت صل على النبي

 

[الصابرة المحتسبة]

ترابج احنا نبوسه لو يحصل ما ندوسه

 

[الصامتة]

اللى مالة أول مالة تالى - وحلات الثوب رقعتة منة وفية- يامن شرالة من حلالة علة - يامطوطى فى جليب يامذن فى خرابة

 

[mi corazon]

بنات الموضوع زوقهههههههههههه اينن صج

اكو كلمات ماعرفتها توني اعرفها من اهني لا والحين بعد حاطين ماما غنيمة عالوطن مع بركات .. وي تهبل

ترى قاعده اقرى وتعبت ما قدرت اعدي الصفحة الثالثه

بقسمها حلقات

يه على بالي جملة نهاية الحزاية

خلِّصت وملِّصت ويت الدياية وعنفصت .... ( هالكلمة كانت تهسترني استانس عليها اكركر )

كلمة تروي ... ( للشغله اللي تهتز .. مثال ( لو شفتي وحده متبتبه وكل شي فيها يهتز لمن تمشي ... تقولين واي جسمها يِروي)

مممممممممم ... هذا سيفوه وهاذي خلاجينه ... على حد علمي للواحد اللي ما يتغير ابد ... نفس ماتروحين .. تردين تلاقينه نفس ما اهوا ما تغير بطباعه

كلمة سليمه ... يعني مالت عليك ( مو انتوا انتوا حبيباتي ....محشومين )



ومن الاغاني اللي يغنونها امهاتنا .... طارت الجنه حمودي .. وين يلحقها .. حمودي .( مادري شمعناتها ؟؟؟؟)

ولمن يعطس الياهل .. اللي مايقدر يتحمد ... الكبار يقولون ( كبره) ... يعني دعاء ان الله يكبره )

( قُبِّسه) ... للي عينها حاره .. عينها وحده بوحده

بس عصرت مخي وايد ... لا وشكلي مو يايبه شي يديد لول

يسلمو بنات ... go ahead

 

[الصابرة المحتسبة]

عينك على حلالك ادوا: يعني الواحد لي جابل شغله وحلاله بنفسه راح يوفر على نفسه مشاكل وخساير ما لها أول ولا لها تالي.
- الوجه من الوجه أبيض: يعني الواحد لي صفى حسابه مع احد او انه قال اللي عنده وبين كل شي بأي شغله كانت فيبري نفسه بهالمثل.
- المعاريس اثنين والمجانين ألفين: في العرس بس اثنين اهما المعاريس واللي يدبج ويرقص واللي واللي اشكثرهم .

 

[mi corazon]

اسفرت وانورت واستهلت وامطر .... نققولها لي بغينا نهلل بقدوم شخص عزيز جدا على القلب وقليل الشوفه

انفخ ياشريم قال مامن برطم ... نسيت شمعناتها

واغنية كنت اغنيها مع رفيجاتي قبل ومادري شمعناتا ... وشلون تمشي لحمسه .. وآنا اقول جذي جذي ( ماودكم تشوفون شلون ارقصها قبل .. عته والله)

ممممم

حشاشة يوفي ... بالعربي يعني حته مني .. ههههه

خطاك السو .. وخطاك اللاش ( للي توه متعافي او ناجي من حادث ... اللي يشوفه يقول له خطاك السو .. يرد خطاك اللاش)

بيتٍ عامر ( من طقة اكرمكم الله بس لي بخيتي تطلعين من عند عزيمة ناس بيتهم يديد) ( او دزولكم هدية او نقصة )

على طاري النقصة ... ( جزء من الطعام اندزه للييران ) ... أحيانا اقول لرفيجتي او اختي .. انتقصيلي شوي ( يعني شيليلي شوي )


وسلامتكم :*

 

[mi corazon]

الصابرة المحتسبة تيننين .. شوي تحطين كلمات وشوي تحطين امثال وكلمات .. انتي الفاصل الاعلاني للموضوع

يعطيكم العافية بنوتات