عندج موهبة تصميم الأزياء ؟ تبين تبيعين تصاميمج و انتي بالبيت؟ حياج موضوعي :)

[bedour18]

بنات اللي تصمم قمصان و بدلات راقية ( و اشدد على كلمة راقية ) يعني مابي سوالف تلزق و كلف الوانها مو متناسقة
لأ ابي شي حلو و رزة. تراسلني عالخاص و تطرش لي صور نماذج من شغلها.

انا مشتركة بمعرض و ابي اغير الاذواق مو بس ذوقي ،اذا عجبني شي من بدلها راح اشتريه منها
و ممكن اتعامل معاها بالمستقبل انشالله اذا حسيت عليهم طلب اني اشتري منها مجموعات كاملة.

هذي الفكرة تفيد البنات اللي ما يقدرون يعرضون شغلهم بالمعارض أو جدام الاهل و الصديقات . فاللي تبي فتفك من العبالة و الاذية تراسلني عالخاص

 

[bedour18]

up
up
up

 

[bedour18]

up
up
up

وينكم يا مصممات ؟

 

[Saroon]

الصراحة انا اصمم بس حق روحي وساعات ربعي اشتري الخام وارسم الموديل واودي الخياط وايد ناس قالولي سوي معرض بس مالي خلق!! فمادري واذا بيعتي تبيعنه باسمج ولا باسمي ؟؟

 

[cup-cacke]

خل اشوف رفيجتي...ماشاءالله عندها موهبه

اكلمها وارد لج خبر

 

[فديتك.a]

بصرحه فكرتج حلوه وخاطري فيه من زمان لان عندي درعات واكسسورات غريب جدا جدا بس ماعرف اعرضهم ولا اعرف على الخاص

 

[bedour18]

الصراحة انا اصمم بس حق روحي وساعات ربعي اشتري الخام وارسم الموديل واودي الخياط وايد ناس قالولي سوي معرض بس مالي خلق!! فمادري واذا بيعتي تبيعنه باسمج ولا باسمي ؟؟

وريني نماذج صور من شغلج

و الملابس اللي باشتريهم و باعرضهم طبعا ماراح اقول انهم من تصميمي
لأنه ابي انوع و اشتري بدلات و قمصان من بنات مختلفين عشان يصير تنوع بالذوق و بعدين انا وايد مشغولة

بهالطريقة انا استفيد و افيد البنات اللي مالهم خلق معارض و تعامل مع الناس

 

[bedour18]

خل اشوف رفيجتي...ماشاءالله عندها موهبه

اكلمها وارد لج خبر

بانتظارج حبيبتي

 

[Miss Miaw]

مرحبا اختي...انا لي بهالمجال تقريبا 4 سنوات ..كل ماتميت بين فتره وفتره اسوي معارض اول شي كنت اشترك بالقادسيه بس عقب اللويه قمت اسويه في بيتي بعد ماصار عندي زباين ..بالنسبه للتصاميم راح ابعثلج بالخاص جم موديل حق معرضي الياي شوفيهم وقوليلي رايج

 

[bedour18]

اوكي اختي بانتظار رسالتج

 

[سدرة العشاق]

عندي بنت خالتي ما شاءالله عليها اخر ثلاث سنوات اهي اللي كانت تصمم حق بناتي
والكل يسال عن البدل الصراحه قمة الروعه
اسألها واعطيج خبر

 

[بنت جنيف]

موفقه

 

[حيادر]

شلون الطريقة

يعني احنا نفصلهم ونخلص ونبيعج اياهم ولا تبين التصميم مرسوم على الورق وانتي تفصلينه بمعرفتج ؟

 

[..حدي كلاسي..]

8

8


ســــؤالي نـفـس حيــــادر ^_^

أنتي تأخـذيـن الفـكرة وتطبـقـينهـا وإلا تأخــذيـن البـدل جـاهـزة وتبيـعـينهـــــا .. ؟!

 

[<<..النــداويـــــهه..>>]

اذا تبين عندي افكار واجد ع ورق اذا بتشوفين مستعده بس كلهم بدل استقبال
اذا تبين ع ورق انا مستعده اما انا اصممها اسفه ما اقدر

راسليني ع الخاص لان انسى ردودي

 

[bedour18]

هلا بنات
انا اشتري البدلة جاهزة مو تصميم على ورق

 

[بنت الشراطين]

مرحب اختي انا عندي موهبة التصميم وعندي مجموعة لو تنفذة تطلع روعة روعة وماامدح نفسي بس بجد انا ذويقة ومو اي شي يعجبني واللي حابة تتعامل معاي هذا تليفوني 99561868 وتطرش لي مسج ومالها الاطيبة الخاطر

 

[دمع القلوب]

يعني نصمم ونسوي البدله وكل شي وانتي تاخذينها والا بدلها عندنا مستعملينها
اذا جذي انا عندي بدل واجد ولبسه وحده بس

 

[( 彡] سحر الوله [ 彡 )]

ياريت تورني تصاميمج يمكن يعجبني وتعامل معاكم

 

[bedour18]

هلا بنات

سوري بس الموضوع قديم و حصلت اللي ابيه