عندج هوس بالماركات تعالي عطينا رايج

[عاشقة الكاكاو]

لووووووووووووووووووووووووووووووووووول موضووع حلووو

انا امووت عالمااركاات واحب اشتريها

بس على حسب ميزانيتي

ومستحيييل اشتري اي مااركه من الكوييت

كل سنة انطر الصيييف لما اسافر المانيا اشتري من هنااك

اما الكويت لالا مستحيييل

وبعدين على حسب الموديل والميزانية والسعر

اذا شي حلو وغاالي وما يتفوت عاادي اشترييه ليش لأ

بس اذا شي عاادي لا ما يلفت انتباهي

ومو كل ماركه حلوه

 

[^kloOot^]

اذا عندي اشتري ليش لا

واذا ماعندي لا

بس تقليد ماحب

 

[العــــ الناعسه ــيون]

انا اييييد ساعه ماركه وسعرها يسوى ومعقووول

اما جنطه غااااليه ليش كلها جنطه وآآآآخرتها بمل منها وبغيرها


واللي يقهرج الحين انه كلشي في منه تقليييييد يعني تتحسفين تشتريييين الاصلي والغاااالي


بالمختصر الذووووق يفرض نفسه سوااااء اصلي ولا تقليد غااالي ولا رخيييص...



مشكوووووره ع الموضوع الحلووو

 

[اروى77]

طبيعة المراة تحب تلبس وتتانق والشي الماركه سعره فيه وانا مع اهتمام المراه بلبسها وكشختها لانه جزء من جمالها وانوثتها.. بس المفروض ان كل وحده تكشخ بحدود ميزانيتها وماتحمل روحها ديون والتزامات في سبيل الكشخه اللي راح تتحول بهالحاله الى كشخه زائفه ....وموضوع الكشخه ينسحب ايضا على السفروالسيارات وجميع الكماليات مو بس الساعات والجناط..

 

[brettey]

اشتري جنطه ماركه طالما انها عاجبتني حتى لو كانت ب 1000 دينار بس ليلحين ماصارت يعني اكثر شي 650 دينار بس اذا شفت ام 1000 وعجبتني ماعندي مشكله اخذها بس شرط تكون ماركه شانيل لانها اساسا غاليه بس سعرها فيها ولا اخليها بخاطري وعادي من الكويت لان جذب الي يقولون تقليد وهذه حجه المفلسين
انا من نوعي اكد الجناط ومن حقي اونس روحي خصوصا بالسنه الي ما اسافر فيها
وللامانه جربت التقليد عقب اسبوعين اخترب سحابها
ووحده انشقت من داخل انا مايصلحون لي لاني اكد الجناط والتقليد كلش مو حلو للامانه
وانا للامانه فيني هوس مو طبيعي بالماركات خصوصا الجناط والشيلات والجواتي وانتو بكرامه
اما الهدوم من عيد لي عيد لانها ماراح تكد وممكن تصغر عليي فاخذ حدي اكثر شي 100
اما الساعات اخذها ماركه بس هم حدي 100 او 200 لاني مو لبيسه ساعات بس بالمناسبات بس هم ماركه بس الماركات الرخيصه مثل الي عند on time
بس خل اكون واقعيه اذا شفت جنطه سعرها 2000 و3000 وفوق لا ما اخذها لان هالمبلغ اسافر فيه احسن

 

[استبرق أم علاوي]

انا ما أأيد اللي يشترون ما ركات على 400 و500 بدام في نفسهم نفسهم تقليد درجه اولى اللهم داخل الجنطه ما اتوقع احط بيطل
ولا عشان السعر وفشله قبال الناس
وانا وحده اشتري تقليد درجه اولى عشان الشكل مو السعر و انا من النوع اللي بسرعه يمل من الشي حرام اقط هل مبالغ

 

[blue diamond]

مو شرط

انا اعرف وحده من بنات الملايين صارلها سنتين على نفس الجنطه كل يوم اشوفها شايلتها

الفقاره اهم الي كل شهر جنطه اما التجار يعرفون يخشون فلوسهم

انا معاها

 

[البنفسجي]

بصراحة الموضوع حلو وانا قررت اني ماراح اشتري ماركه والتقليد موجود ومايفرق
وانقهرت لما شفت جنطتي جفنشي مكتوب عليها ميد جاينا يعني الصين

 

[بمبة المفترسة]

ياريت الهوس باللبس وبس حتى بالتقديم شكر ماركة وصحون ماركة وكفر ماركة وحالة
للاسف صار مرض وعقدة وكلهم حفاي ومنتفين
ولا الاغنياء مايشترون روحي شوفي سياراتهم وملابسهم عادية جدا
هذيل الفقارة عشان يعوضون النقص اللي فيهم يشترون ماركات
وعن نفسي ما اشتري ماركات اشتري اللي خاطري فيه بس بالمعقوول والله يعافي الهنود كل شي عندهم ماخلوا شي

 

[ملكة على عرشي]

موضوع قمه فيه مثل يقول كل ماتشتهي واللبس مايعجب الناس



يعني تاكلين الي خاطرج فيه بس اللبس على حسب ذوق المجتمع الي انتي منه



يعني وحده من طبقه كله ماركات بتضطر تجاري ربعها وناسها على شان تكون با المستوى نفسه




انا احب الماركات في اللبس لان اسعارهم حلوه واصرف على اللبس با السعودي طبعا 5000 ريال تقريبا والجناط ما ركات بس مو غاليه




ناين ويست والدو واكسسريز بس لو خاطؤي في شنطه ماركه غاليه اخذها تقليد درجه اولى

 

[نجمة فجر]

النــــــــــــــــــــــاس اذواق

لو ما اختلفت الاذواق لابارت اللســـــــلع



كلن وحسب مدخوله
لكن تدرون ان في ناس تتسلف بس عشان الماركات والكشخه
تحط ديون على ضهورهم بس عشان وصخ دنيا
وناس اكرهو بعض والسبه ان فلانه حسن مني

انا عندي استطاعه للماركات بشتري
بس ماراح ابين للي اضعف مني اني احسن منه
في ناس يتكلمون ان من يشتري الرخيص مرخص بروحه
وان اللي يحس نفسه غالي يشتري الغالي








كلناااااااا غلايا على ارواحنا

عافانا الله من ما ابتلا اصحاب النفوس المريضه



ومشكوره على الموضوع