عندكم خدامة؟

[لا للخدم]

السلام عليكم
قبل فترة سويت استطلاع بهذا القسم عن عدد الخدم في كل بيت
وكانت النتيجة ان 67 % عندهم وحدة او اثنين او اكثر
و 23 % عايشين بدون خدم الله يعطيهم العافية
اليوم بعد مرور اكثر من سنة بسوي الاستطلاع مرة ثانية
واتمني ان نسبة الي استغنوا عن الخدم زادت:eh_s(17)::ggdw:
بسم الله نبدأ:eh_s(15):

 

[ρeαrℓ]

صراحة أنا وحدة ما أتخيل البيت بدون خدم .. الحين منو له خلق يسوي شي

بالرغم من مشاكلهم الا انهم ينفعون ..~

 

[نشيج الروح]

ما عندي ولله الحمد ........

 

[Ψ 3soola Ψ]

ايي والله وااي شلون بدون خدامه

احنا الحين خدامتين و انا مبتلشه هم انزف

واااي شلون البيت بدون خدامه ​

 

[منو انت]

شكلج شبعانه من سوالفهم والله ماالومج بس يابنت الحلال انا اقول انهم شر لابد منه

عندي 2 بكل اسف * _ *

 

[montale]

صارلــــــــــــــــي شهرين بدون خــــــــــــــــــــــــــــــدامة
بس طالبة وللحين مـــــــــــــا وصلـــــــــــــــــــــــــــــت
اتمنى أقدر استغنى عنها بس مثل ما يقولون
" شر لابد منه " وخصوصـــــــــــا اني موظفة //

 

[حصــgص..~!]

عندنآ خدآمتين !
مآ آتخيل البيت بدون خدم :/

 

[قَلبيْ صُويبكْ !]

,



صعبه اذا عآيله ومآعندهم خدآمه
مآ أتخيلهآ صرآحه

ولآ مو وحده إلحين الكل عنده 2 و 3

 

[Tom ♥ Jerry]

.,،


انا مآ آحب الخدم
بس مضطره اييب لمآ آدآوم شهر 9 !
لاني آدآوم من الساعه 2 الظهر ليه 8 بليل يعني وين يمدي اسوي شي :/

حآليا مآ عندي ؛**

 

[رآآحٺ آيآمڪْـ]

لاء حنآ عندنآ 2 ..

 

[أم توتو]

ماعندي حاليا بس بالمستقبل لازم اجيب بنقل لبيت كبير الله يعيني على بلاويهم

 

[ترانيم القصيم]

لا ما عندنـا ,, ^^

و غالبًا الخدم ما يستلعنن على المعزبـات إلا لسوء يصدر منهن

فـ أحسني أختي الكريمة معاملة خادمتك و اعتبريها كأخت لك ( إن كانت مسلمة ) و إن كانت غير مسلمة فحببيها في الإسلام من خلال معاملتك الحسنة

و تجلّي الأخلاق الإسلامية الرفيعة .. علّها تعتنق دين الإسلام فتكسبين الأجر الجزيل المترتب على ذلك ,,

تراها إنسانة مثلها مثلنـا ,, و أنتِ مسؤولة عنها في يوم الحساب ,,

لا تحقرينها و لا تهاوشينها و لا تترفّعين عنها ,, يكفي إنها تاركة بيتها و عيالها و رايحة تشتغل بديار الغربة

تعاملي مع أخطاءها بشيء من اللين و العفو ,, تلطّفي معها أثناء التّوجيه ..

أحسني لها قد ما تقدرين لوجه الله ,,

احترامي و تقديري

ترانيم القصيم

 

[Melazlaza]

لا للخدم اشكرج وايد انا من زمان اقرالج مواضيع وانتي الي شجعتيني اترك الخدم وبالفعل صارلي سنتين وحدي مرتاحة ربي لك الحمد حياتي سعيييييييدة بدوووون خدامة
طبعا لا لا لا للخدم

 

[قوتشي بنت LV]

من صجج =/ !
الحين ماتخيل بيت مافيه خدامه او 2 عالاقل

 

[jod.q8]

عندنا شكثر ,

 

[زهراء 24]

يس عندنا بالبيت خدامه
صح انه مشاكلهم واايد بس الصراحه
مانقدر نستغني عنهم
وجودهم ضروري​

 

[Lo0o0lY]

عندنا

وبعد مثل البنات
ماتخيل البيت بدون خدامه ابدا

 

[مموريز]

الحمدلله وبفضله ماعندي خدامة.
بالرغم اني زوجي راعي عزايم كثيرة ويحب احط اشكال وانواع اذاكانت عزومة شباب.
وفي العشيات الرسمية المفطح وجنبه كذا شكل.
بس تعودت على الشغل والطبخ .
وامور الواحد تزين اذاعرف ينظم وقته.
اهم شي يتكل على رب العالمين وتسهل الامور كلها.

 

[Supernany]

اوكي بس سؤال ، إذا أنا موظفة وعندي عيال وماعندي أحد احط عيالي عنده يعني شلون أعيش بدون خدامة ! أنا عندي بدال الوحدة 2 ، وإذا انتي عاملتيها زين وخفتي ربج فيها بتحب عيالج وتخاف عليهم وترى كل شي فيه الزين والشين ، فحرام لاتظلمون كل الخدم ولاتشدين عليهم وايد وماكو إلا العافية انشالله

 

[مقمش لولو]

بس يكبرون عيالى شوي بستغنى عن وحده ولا كبروا واعتمدوا على روحهم بستغنى عن الخدم وايد اريح