عندكم خدامة؟

[noo7a]

قريب بيكون عندي

 

[احبك ليش؟]

عندنا وحده لما كنا بشقه الحين ثنتين لما نقلنا حق البيت

 

[ام الحوراء زينب]

لا والله لا يقول نييب
امي ربتنا كلنا بدون خدم ولها طوله العمر يارب
للحين ضافتنا احنا ورياييلنا وعيالنا من غير خدم
بس اختي يايبه خدامه حق ولدها

 

[Leann]

انا في بيت اهلي تربينا و عشنا بدون خدامة مع ان الحمدلله مستوانا المادي وايد زين و بيتنا كبير الف متر

و حاليا ساكنة ويا زوجي في شقة ثلاث غرف هم ما عندي خدامة

و لا راح اييب

و حتى لو يبت عيال ماراح اييب بربيهم نفس ما تربينا كنا نرتب اسرتنا بروحنا و نحط هدومنا بالغسالة و نكويهم بروحنا

على فكرة انا دكتورة موظفه دوامي ماكو اخس منه ويا الخفارات

 

[عربجيه وتهايط]

وآآآآآآآآآي مااتخيل البيت من دون خدآآآآآمهـ ((عندنا))

 

[smartlady]

احنا عندنا قبائل من الخدم من مختلف الجنسيات ..

 

[تحـدي]

ماعندي صراحه
لكن الخدامه وجودها ضروري

 

[غنآآآتي]

عندنا خدامه وحده بس اعتمادنا مو عليها دايم معاها بشغل البيت وترتيبه

 

[&جامعيه&]

ماعندنا خدامه يبنا وحده جم شهر قامت تبوق ملابسى وتبيعهم عالهنود بالفريج تخيلى !!:eh_s(1)::eh_s(1): وكل مااقولها سوى شى تقول انا جسمى يعورنى ماقدر وقرقه بالتلفونات طول اليوم تقولين بداله وفوق هذا نفسيه خاايسه ولسان طويل وتسب !!:eh_s(14): وامى تدق عليها تقولها زهبى الغدا ادش البيت واهى ضحك وقرقه بالفون واذا كلمتيها مدت البوز ودلوعه الله استغفر الله حتى الصبح ماكنت انام منها قلبى قارصنى اظل طول اليوم مستعسره كل يوم تكلم واحد تقول اخوى عقب ولا يدزون رساله اهلها انه ليش ماتكلمهم ولا ادق عيل هذا اللى تكلمه منو !!:eh_s(10)::eh_s(10): رجعناها المكتب وكل ماياخذونها بيت ترجع ماتبى تشتغل يدق عليها تستاذن منه تقعد ولا ماتقعد والحين الحمد افتكينا منها بس ماكو فايده ياييبن خدامه نص دوام وبواقه بعد بس صراحه راحه نفسيه انام واحنا مرتاحين ماكو عنصر غريب بالبيت الله يسهل :eh_s(7)::eh_s(7):
سورى قرقت وااايد

 

[miss.42]

تــم التصويــت
للاسف عندناا 2

 

[رتبه دبلوماسيه]

عندنا 3

 

[رتبه دبلوماسيه]

............

 

[لا للخدم]

في تقدم
كملوااااا

 

[Thwe8a]

عندناااا


مشكوره

 

[شذى2007]

عندناااااااااااا الله يعطينا خيرها ويكفينا شرها

 

[سنــآم إلفخــر]

اي عندي خدامهه حاليا هي ببيت ابوي تتعلم الطبخ
والاغلب البيوت ماتستغنى عن الخدم وانا منهم

 

[رع ـشة دفـآ]

عندنـآ ثنتين من آحسن آلخدم آللي مرّوآ علينآ آلحمدلله ~

مآعتقد بيت فيه عآيلة مآفيه خدآمة !

يعطيج آلعآفيه ..

 

[غداً القاك]

حالياً ماعندنا خدامتنا توها راحت قبل شهر بس مستقدمين ان شاء الله

 

[PuPa^^SWeeT]

لازم خدامة دام اليهال صغار


والله جربت الحياة من خدامة ضعفت من شغل البيت

اوكي راحة اني البس على راحتي بس قمت انام من التعب الساعة 6 و انسى ريلي و انسى نفسي


بس انوم بناتي انام

 

[ثـبات]

ما عندنا ولله الحمد