عندكم خدامة؟

[Q8Buying]

خوش موضوع ..
فكرت فيه من قبل .. ههه بس حبيت أعد له أكثر .. فما مداني ..

واحنا ما عندنا خدامه

 

[سكوتي بذوقي]

ماعندي ولا أحب الخدم

 

[zqertya]

ماعندي خدامه وبصراحه بيتنا انظف من لما تكون موجوده

 

[why not 96]

أكــيد إحـنا من غيرهاا ضايعيين

 

[e.ngland]

عندنا
بس معروف انج اذا عاملتيها بدلع راح اتمادى
عاملتيها ب قسوه راح تعاند
عاملتيها بهالشيين والله راح تمشي سيده

 

[abo0osha]

مآآ اتخيييل بيتنآآآآ بدون خدمآآت
عندنآآ 2 وودنآآ 3

 

[لا للخدم]

يا رب ودي ادخل الموضوع و اشوف النسبة فيفتي فيفتي
بس والله تقدم واضح

 

[بنت عطا]

لازم الخدامه من يبي ينظف حوسه الجهال من بعدهم يمه والله تعب

انا عندي وحده تلاحق ولدي الصغير والتنظيف عليها والله تعب 3 جهال وشغل البيت وورانا رمضان لازم

باجر من يمسكهم اذا قابلت هالحريم والا طلعت سوق والا طبيب وماابي اخذهم

 

[زين ودلال]

امبيييييه مستحييييل بدون خدامه

 

[سوسن 32]

ماعندي خدامه لاكن اتمنى يكون عني خدامه تعبت من الكرف بيتي كبير

جبت خدامه بمحرم وكل يوم تشتكي من عله يوم بطنها ويوم راسها وبعدين طلع معها كيس دهني براسها بعدين قالت تبي تسافر تتعالج وترجع

وراحت حتى اتصال مااتصلت

 

[غرق بالماي]

احنا ماعندنه ولا خدامه والبيت كله علي انا وامي

 

[عزة وكبرياء]

صارلي سبع شهور بدون خدامة ومرتاحة من شي واحد تدخل زوجي بأمور الخدم لا تسوي ولا تشيل عيل ليش انا يايبتها بس والله حيل تعبانة الله المستعان :dfgl:​

 

[عاشقة الاسلام]

عندي وحده
واتمني اتركها بس ماقدار
شر لابد منه

 

[لا للخدم]

متى يجي اليوم الي ما نشوف بيت فيه خدامة؟ ياااااارب

 

[ScarletteO'Hara]

حاليا ما عندي
توني ممشية فلبينية قعدت عندي شهرين
و قبلها ست سنين زواج ما احتجت خدامة
عادي انا انظف مع ان ظهري ما يساعدني
بس من حملت احتجت احد يشيل شغل االبيت عني
عاد الفلبينية الحلوة ياية بتمشي كلامها علي
وديتها المكتب و استغنيت عنها و جنه العيد
صج اني بالتاسع بس ما اخي اي احد يمشيني على كيفة
عموما ما اتوقع اني يتم فترة طويلة من غير خدامة
انا وراي ياهل بكرس وقتي لها
ابي خدامة تجابل شغل البيت و بس
باجر بروح اطلب لي وحدة
و عسى الله يوفقني هالمرة ما ابي اتعقد من الخدم توني مبلشة الطريج معاهم

 

[DaLoo3t BaBaTii]

وي عيل لو تشوفين بيتنا شتقولين

سفاااارة الله وكيلج اكثر من 10 !! اكثر منا احنا

كل واحد عنده 2 او 3 !!

و ما وراهم الا البوق ! و كل وحدة تحذف السالفة عالثانية و كل يوم يتهاوشوون مع بعض

مسووين احزااب كل جنسية لها حزب !

سيلان ، الهند ، اثيوبيا ، الفلبين

الله يخليهم و يكثرهم

ما اتخيل البيت بدونهم فديتهم

 

[برستيجي مآركة]

عندنا خدامه وحده تونا جايبنها عقب المقصوفة اللي انحاشت لوووووووول

صحيح الخدم على قولت خالتي راحة للجسم وتعب للقلب من هذرتهم اللي ماتخلص..

وبالفعل الخدم شر لابد منه...

 

[جوانا2011]

انا سعوديه ومقر وظيفتي يبعد عن بيتي 140 كلم واطلع من البيت بدري يعني خمس ونص وعيالي صغار سنه وثلاث سنوات والكبير بالصف الاول ويبيله احد يجهزه للمدرسه عقب ما اطلع ... وما اقدر اوديهم عند امي لانه بحي بعيد عني وفوق هذا مره كبيره ومريضه وخالتي ام زوجي بديره ثانيه فغصب عني لازم اجيب خدامه .. ..بس انا ولله الحمد اعاملها زين واحاول اتغاضي عن بعض اخطائها ..والحمدلله هي مرتاحه عندي و وده تججد وتقعد سنتين.

 

[النملة نواري]

كان عندنا خدامتين بس سافروا
و جبنا وحدة و انحاشت حسبي الله عليها
و الحين حالتنا كسيفة خصوصا ان احنا عايلة
و الله اشكالنا اتضحك اشياء ما كنا انسويها قبل الحين صرنا حريصين عليها

 

[فيونكه..~!]

عنـــٍدنآأ خدآأمه ,!