عندكم مؤجرين بالبيت ؟؟ شاركوني تجاربكم

[مشغوله و محتاسه]

السلام عليكم :nbptr:

احنا ان شاء الله على وشك بناء بيت العمر ... و مفكرين نسوي الدور الثالث شقتين ... للايجار ... و للعيال بالمستقبل ..

بس حبيت استفيد من خبراتكم بهالموضوع ... اللي مؤجر ببيته .. شقه او شقتين ..

شنو شعوركم الحين عقب ما حطيتو المؤجرين ؟؟ لان الموضوع قبل و بعد التطبيق يكون مختلف .. اعتقد !

مريتو بمواقف صعبه معاهم ؟

اجرتو لشخص و تحسفتو ؟؟ شلون تخلصتو منه ؟ شنو مشاكل التأجير اللي مرت عليكم ؟؟
مثلا تأخير بالدفع ؟
الشجار مع عيالكم ؟
الصوت العالي ؟
صرف الماي و الكهربا ؟


شاركوني تجاربكم ... :weight_lift:

لاننا اذا نبي نؤجر ابيتنا .. هالشي يكون من البدايه .. من ناحية التصميم و البنيان مثل ما انتم عارفين ... فأبي ندرس الموضوع عدل قبل لا نقرر :gr4uu:


شاكره تعاونكم

 

[رهوف]

والله مادري شقولج احنا للحين مؤجرين وسكنا ببيتين اول بيت احنا اللي تأذينا من الناس اللي سكننا عندهم احنا عايله صغيرة بس انا وريلي وبنتي بس جد كان ازعاااااج فوقنا مؤجرين وتحتنا صاحب البيت وانا من النوع اللي ما احب الازعاج كلش فتعبت نفسيا من الركض وصوت الريول فوقنا واللي تحتنا صراخ ولعب بالحوش وكان البنيان تعبان والدرايش ما ترد الصوت

البيت اللي احنا فيه الحين انا اللي فوق وتحتي اصحاب البيت ماكانوا ساكنين اول ما سكنا ولما سكنوا اكتشفت انهم ما شاء الله عندهم يهال واااااااايد يعني ردينا على نفس الموال

فبختصار ( اي اختصار كل هالقرقة واختصار لوووووووول) التأجير ازعاج سواء انتي صاحبة البيت او انتي اللي مأجرة .. بس انا رفيجتي سوت بيتها بطريقة ان نص البيت بالطول للمؤجرين وما شاء الله مرتاحة يعني كأنهم بيتين منفصلين

 

[مشغوله و محتاسه]

مشكوووووره رهوف عالرد الحلو ... حطيتيني بالصورة عدل ..


وااااااي صوت الريول ... مشي و ركض ...ممل !!

انا الحين بايجار وما اتخيل هالوضع يستمر معاي ابيتي ...!!

فكره الفصل بالطول طرحها ابو عيالي ... بس ما تخيلتها مريحه... بس يمكن اعيد النظر فيها


شكراااا لج افدتيني ..

بانتظار البقية

 

[ناتشوو]

اولا منزل مبارك

فعلا الايجار ممكن يكون متعب بس ضروري

لانكم بتستفيدون منه

دخل شهري مضمون

وممكن يسكنونه عيالكم بالمستقبل

واشترطو يكونون معاريس او اسرة صغيرة

بس ماعندي فكرة عن الوضع

لأني من فئة المؤجرين

 

[البرنسيسة غلا]

شوفي اختي عشان ترتاحون خلوا اجار الشقه لعايله صغيره او معاريس ..
احنا سوينا جذي وارتحنا لا اذيه ولا عوار راس .. وشوفي اذا عن الاجار خلي زوجج يشدد على هالنقطه على المؤجرين ..
والله يوفقكم ..

 

[Snow angel]

هلا حبيبتي لله يسهل امركم ويعينكم على البنيان وعذابه

اول شيء يا قلبي

من ناحية الكهرب خلو الدور الثالث كبينة الكهرب لحاله يعني كأن البيت بيتين والمويه نفس الشيء على اساس الفواتير تدخل عليهم على طول وتكون لهم يسددونها

ثانيا والاهم ياقلبي خلوا التأجير على الشركه مثلا عندنا في السعوديه الشركات الكبار ارامكو وسابك وغيرهم نعطيهم ابيت هم يأجرونهم على اساس تدخل الفلوس سنوية بكل امان بدون نحشه او غش اوتماتيك من راتب المؤجر اتمنى فهمتي ردي ياقلبي

او انكم تحطون شرط اللي بيسكن يكون شهادته عاليه ومكانه حلو بالعمل وزوجته تشتغل ومحترمه

ومن ناحية التصميم خلوا غرف نوم المؤجرين خلفية اذا كان حوشكم قدام ومكان لعب الاطفال ومن قدام الصاله والمطبخ

واي سؤال انا بالخدمه ياقلبي

 

[مشغوله و محتاسه]

اولا منزل مبارك

فعلا الايجار ممكن يكون متعب بس ضروري

لانكم بتستفيدون منه

دخل شهري مضمون

وممكن يسكنونه عيالكم بالمستقبل

واشترطو يكونون معاريس او اسرة صغيرة

بس ماعندي فكرة عن الوضع

لأني من فئة المؤجرين

مشكوووووره حبيبتي عالرد ... ان شاء الله الله يسهل امورنا و نرسى على بر باقرب وقت ... انا من فئة المؤجرين الحين ... وفوقي ناس و يمي ناس !! و ازعاج بصراحه ... ما اتخيل يلحقي ابيت العمر بعد !! :0bee2e8d89:

الله يهديني و يهدي ابو عيالي و نتفق ... يا اي يا لا ... بس المهم نكون اثنينا راضين :tek:

هلا حبيبتي لله يسهل امركم ويعينكم على البنيان وعذابه

اول شيء يا قلبي

من ناحية الكهرب خلو الدور الثالث كبينة الكهرب لحاله يعني كأن البيت بيتين والمويه نفس الشيء على اساس الفواتير تدخل عليهم على طول وتكون لهم يسددونها

ثانيا والاهم ياقلبي خلوا التأجير على الشركه مثلا عندنا في السعوديه الشركات الكبار ارامكو وسابك وغيرهم نعطيهم ابيت هم يأجرونهم على اساس تدخل الفلوس سنوية بكل امان بدون نحشه او غش اوتماتيك من راتب المؤجر اتمنى فهمتي ردي ياقلبي

او انكم تحطون شرط اللي بيسكن يكون شهادته عاليه ومكانه حلو بالعمل وزوجته تشتغل ومحترمه

ومن ناحية التصميم خلوا غرف نوم المؤجرين خلفية اذا كان حوشكم قدام ومكان لعب الاطفال ومن قدام الصاله والمطبخ

واي سؤال انا بالخدمه ياقلبي

شكراااا عالرد المفيد .. و الله يسهل الامور ان شاء الله

يختي الايجار مر ... بس صاير ضروره و موضه الكل مؤجر ببيته هالايام .. يقولي ابو عيالي مثل ما تحملو نتحمل !!

يعطيج العافية :tek:

 

[مشغوله و محتاسه]

شوفي اختي عشان ترتاحون خلوا اجار الشقه لعايله صغيره او معاريس ..
احنا سوينا جذي وارتحنا لا اذيه ولا عوار راس .. وشوفي اذا عن الاجار خلي زوجج يشدد على هالنقطه على المؤجرين ..
والله يوفقكم ..

ردج فلت مني قبل شوي .. رديت صدته :krkrkr:

مشكوره حبيبتي ... وان شاء الله ان اجرنا ما نؤجر الا لمعاريس ..

الله يوفقكم ان شاء الله و يهنيكم ابيتكم

:tek:

 

[هاي لايت]

حبيبتي أنصحج بالمعاريس والدفع أول بأول

 

[مشغوله و محتاسه]

حبيبتي أنصحج بالمعاريس والدفع أول بأول

مشكوووووره حبيبتي عالنصيحة

:ggdw:


بس والله ما زلت افكر هل الموضوع صج يسوى اننا ناخذ جزء من بيتنا و حريتنا علشان الفلوس .. خو الفلوس طايره طايره !!


الله كريم ..

بنات عفيه اللي كان في بيتها مؤجرين و توهقو فيهم ... شلون ارتحتو منهم ؟؟
:tek:

 

[qema87]

انا خالتي ساكنه بالارضي وماجره الثاني والثالث والله وكيلج كل 3 اشهر فواتير الكهربا 800 دينار وطالع و يقطون الزباله من فوق على حوش خالتي ! والحين رافعين قضيه على اثنين صارلهم 6 اشهر مو دافعين الاجار مع انه الريال ملتحي والحاله حاله !

يعني على قولتها الفلوس اللي من وراهم ماتيي الا بعوار القلب

 

[الإسراء]

أنصحج بالتأجير على الأقل يكون عندكم دخل غير معاشكم ...
ولا أتأجرون حق أي أحد..
مثلا معاريس صغار تعرفينهم يصيرون لج أجري لهم ..

 

[بمبة المفترسة]

الايجار خليه مسبق يعني اذا بيسكنون شهر 5 يدقعون اول خمسة مو لما يخلص الشهر تاخذين منهم لااا قبل تبون هالشهر دفعوا فلوسه
وميتر الكهرباا خليه بروحه للشقتين عشان تعرفين جم صرفوا وتخلونهم هم يدفعون
والمؤجرين انتو تختارونهم يعني عايلة صغيرة ناس محترمة مو هيلق

 

[bint_looda]

والله على حسب .. في ناس تتحمل في ناس لا .... في ناس صج محتاجه الفلوس وفي ناس لا تحسين احتياجها للفلوس ماتسوى لعوار القلب الي بيي من وراها .... على حسب حجم اسرتكم ... يعني هل عندكم عيال صغار ممكن في يوم من الايام تتوسعون وتخلونهم كل واحد بغرفه بروح بحيث يسكنون بالشقق هذي ؟ ولا لو طلعو المؤجرين شنو اتسوون فيهم لانهم حيل معزولين عن البيت ( هذا اريح شي ) ... اذا كبرو عيالج صج ودج يسكنون عندج ولا بتغيرين رايج ؟ رووح بعيد وارجع سالم وغالي بعد p:
الله يوفقكم ويسدد خطاكم وان شالله تتفقون على شي يرضيكم اثنينكم

 

[مشغوله و محتاسه]

انا خالتي ساكنه بالارضي وماجره الثاني والثالث والله وكيلج كل 3 اشهر فواتير الكهربا 800 دينار وطالع و يقطون الزباله من فوق على حوش خالتي ! والحين رافعين قضيه على اثنين صارلهم 6 اشهر مو دافعين الاجار مع انه الريال ملتحي والحاله حاله !

يعني على قولتها الفلوس اللي من وراهم ماتيي الا بعوار القلب

مشكوووره حبيبتي عالرد

والله يعين خالتج :tek:


شنو هذا ؟؟ ما عندهم ذوق كلش ... !! الزباله من فوق ؟؟
استغفر الله ..

اللحيه بهالزمن مالها علاقة بالدين و الادب !

يا حسره انا هذا اللي احاتيه ...

الله يكتب اللي فيه الخير .. لي و لكم

اكرر شكري :tek:

 

[مشغوله و محتاسه]

أنصحج بالتأجير على الأقل يكون عندكم دخل غير معاشكم ...
ولا أتأجرون حق أي أحد..
مثلا معاريس صغار تعرفينهم يصيرون لج أجري لهم ..

شكرااا حبيبتي عالرد و النصيحه

ما اؤيد القريب .. الا اذا قريب حيل وامون عليه ... علشان اذا صارت سالفتهم عندي او سالفتي عندهم ... نحفظ بعض

و المعاريس اولى اذا كان ولا بد ..


بس والله احاتي ... شفتي خالة qema87 شصار معاها ؟؟ انا لو تنقط على الزبالة من فوق على حوشي ... يا ارد اكتها على روسهم ..... يا اتهاوش مع ابو عيالي _03BA:


مشكوووووووره

 

[مشغوله و محتاسه]

الايجار خليه مسبق يعني اذا بيسكنون شهر 5 يدقعون اول خمسة مو لما يخلص الشهر تاخذين منهم لااا قبل تبون هالشهر دفعوا فلوسه
وميتر الكهرباا خليه بروحه للشقتين عشان تعرفين جم صرفوا وتخلونهم هم يدفعون
والمؤجرين انتو تختارونهم يعني عايلة صغيرة ناس محترمة مو هيلق

الدفع المسبق خوش فكره ..

بس انا ما احاتي الدفع كثر ما احاتي الازعاج ..

يعني تخيلي المدابج ليل و نهار ... و زوارهم و اهلهم ... و السيارات جدام البيت !!

انا مو حابه الموضوع وايد بس ابو العيال متحمس و الغالبية يشجعونه :tomato2:



شكرااااا لج عزيزتي
:tek:

 

[مشغوله و محتاسه]

والله على حسب .. في ناس تتحمل في ناس لا .... في ناس صج محتاجه الفلوس وفي ناس لا تحسين احتياجها للفلوس ماتسوى لعوار القلب الي بيي من وراها .... على حسب حجم اسرتكم ... يعني هل عندكم عيال صغار ممكن في يوم من الايام تتوسعون وتخلونهم كل واحد بغرفه بروح بحيث يسكنون بالشقق هذي ؟ ولا لو طلعو المؤجرين شنو اتسوون فيهم لانهم حيل معزولين عن البيت ( هذا اريح شي ) ... اذا كبرو عيالج صج ودج يسكنون عندج ولا بتغيرين رايج ؟ رووح بعيد وارجع سالم وغالي بعد p:
الله يوفقكم ويسدد خطاكم وان شالله تتفقون على شي يرضيكم اثنينكم

مشكوووووره عزيزتي عالرد الواضح

الحاجة للفلوس للحين ما حسينا فيها اذا جد ولا .. لاننا بعدنا نخطط ... بس مثل ما قلت لكم اذا نبي نعتمد موضوع الايجار .. لازم من البداية عشان التخطيط و التصميم .. يعني ما عرفنا شكثر اللي لنا و اللي علينا .. :eh_s(1):


المفروض ان لو طلعو هالمؤجرين الشقق تكون للعيال ... بس انا مبدئي ان خل نعيش الحين و نتوسع و لي وقت العيال يفرجها الله ... يمكن ما ابيهم معاي بالبيت ... بعيد و سعيد :dddds: بس ابوهم رايه غير ... يقول عيالي ابيهم يمي ... و الاليجار ينفع لان اكيد بناخذ قرض !

يعني اهو الموضوع انا اشوفه من وجهة نظر نسائية بحته ... واهو وجهة نظر رجالية بحته ... محنا قادرين نوصل للنص الحين ..





انا حاطه دفتري ... و اسجل السلبيات و الايجابيات و بالاخير بنشوف

مشكوره عالدعوه الحلوه

:tek:

 

[توت وتين]

الله يعين ما حد مرتاح


صراحة بعض المؤجرين مايستحون يكسر بالشقة ولا همه اذا خرب شي


يخليه إلى أن يطلع وتعالي شوفي عوار القلب لاتقولين معاريس أو عايلة صغيرة

أنا أجرت معاريس مرتين الله ىيسامحهم كسرولي الشقة وأزعاج وركض وزيارات مشاءالله تبدأ من بعد الساعة 11 لأهاليهم

وعيالهم الصغار وتعالي شوفي بعد تعب يوم كامل تحاولين ترتاحين مع هالازعاج والايجار بالمنه جنج تطرين منهم


نصيحة خلي الدور الثالث لا تبنينه الحين اذا عايلتج صغيرة واذا كبر العيال سويلهم الدور الثالث يبه اشتري راحت بالج

 

[مشغوله و محتاسه]

الله يعين ما حد مرتاح


صراحة بعض المؤجرين مايستحون يكسر بالشقة ولا همه اذا خرب شي


يخليه إلى أن يطلع وتعالي شوفي عوار القلب لاتقولين معاريس أو عايلة صغيرة

أنا أجرت معاريس مرتين الله ىيسامحهم كسرولي الشقة وأزعاج وركض وزيارات مشاءالله تبدأ من بعد الساعة 11 لأهاليهم

وعيالهم الصغار وتعالي شوفي بعد تعب يوم كامل تحاولين ترتاحين مع هالازعاج والايجار بالمنه جنج تطرين منهم


نصيحة خلي الدور الثالث لا تبنينه الحين اذا عايلتج صغيرة واذا كبر العيال سويلهم الدور الثالث يبه اشتري راحت بالج

وااااي الله لا يقوله ... تكسير و ازعاج !!

الله يعينكم والله ... معاريس شنو يبون يكسرون بعد ؟؟ خو مو بيتهم يعني شوية حيا ما يضر ... بالعكس ينفع :eh_s(15):


عاد انا كنت متخيله ان المعاريس يزورون ما ينزارون وايد ..

بس طبعا ماكو قاعده ... الناس اطباع ..


ودي والله اشتري راحة بالي و مايكون في ايجار .. بس الموضوع مو بيدي بروحي ..


بنات عفيه عطوني قصص و مواقف ... عشان لما اشرح لابو اليعال ليش ما ابي .. يكون عندي امثله <<< صج ابله خخخخخ

الله كريم

مشكوووووره عالرد ... اللي قلب المواجع ههههه :tek: