مو شرط يعتبر خيانة لأهلها, لأنها إذا حبت شخص برا العايلة فكل اللي تقصده التواصل معاه, لأن اهيا ما يحللون لها أهلها الكلام معاه مثل ما يسوون مع الشاب اللي يسامحونه ويعتبرون الشي طبيعي وعادي معاه, وككل الأعمال بالنيات, ومحد له حق يسمي هالشي خيانة لربنا أو خيانة للأهل.
بفهم شي, خيانة لربنا يعني ليش؟ الحين حلال الأغاني؟ حلال الحش؟ يت على هالمعصية هذي بالذات اللي تتضطر لها البنت, اهيا ما كفرت عشان تقولون كل هالكلام اللي يسم عنها.
ترا اللي تتكلمون عنهم بنات ناس, بس انحطوا بظروف خلتهم يتصرفون هالتصرف انهم يكلمون اللي يحبونهم. وكل وحدة تعمم وتذم الكلام مردود عليها وراح تتحاسب عليه. ندري ان احنا مو بأمريكا, بس هذا مو معناته ان مافي اختلاط بين رياييل وحريم, سواء بشغل أو بأماكن عامة, أو حتى بالانترنت, واحنا بشر نتأثر محنا حجر, ممكن يصير في تعارف واعجاب, وان كنا "مبتلين" بهالشي ان الظروف ما تساعد على الزواج في الوقت الحالي, بس هذا مو معناته ان احنا منحطين ولا حابين هالحالة والموقف اللي احنا فيه.
عدوا جم وحدة هني بالمنتدى تزوجت عن طريق علاقة من هالنوع, ووايد منهم مبين انهم بنات ناس وسنعين وما تطلع منهم العيبة, من تكونون حضراتكم اللي تطلع منكم أحكام على أخلاقهم وتربيتهم؟!!!! ولعلمكم.....اللي إيده بالماي مو مثل اللي إيده بالنار
هذا اللي عندي, وأي وحدة بتغلط علي ولا تحش فيني وفي اللي بمثل موقفي أشكرهم وااااااااااايد, لأنهم زادوا حسناتي وخذوا سيئات مني
