عندما لا تتحمل شرب الحليب..اللي عندهم مشاكل مع اللاكتوز.. حياكم مع الصور

[GAP^^الكبيرة]

السلام عليكم

شلونكم بنات وشخباركم

عندي مشكله و اتوقع وايد بنات يعانون منها الا وهي مشكله اني ما أتحمل شرب الحليب .. سويت سيرج ويبت لكم هالمعلومات
هناك حالة أو ظاهرة توجد عند بعض الناس تسمى عدم تحمل اللاكتوز «Lactoze intolarance» هذه الظاهرة تعني أن الشخص المصاب بها لايمكنه هضم سكر اللبن «اللاكتوز» بسبب عدم أو ضعف إفراز (إنزيم اللاكتيز) الخاص بهضم هذا السكر.وتشمل الأعراض الشائعة لعدم تحمل اللاكتوز الغثيان والمغص وانتفاخ البطن والغازات والإسهال، الذي قد يبدأ بحوالي 30 دقيقة إلى ساعتين بعد تناول الطعام المحتوي على سكر اللاكتوز. وتختلف شدة الأعراض حسب كمية اللاكتوز التي يتحملها كل فرد. فهناك أفراد لايتحملون حتى نصف كوب من الحليب في حين أن هنالك من يتحمل إلى حدود كوبين أو ثلاثة ومازاد عن ذلك تظهر معه الأعراض.

انزين وشنو الحل؟؟؟

المشكله كلها بحليب البقر .. متى ما توخرون عنده انحلت المشكله .. شركه المراعي نزلت حليب لاكتوز فري . وانا وااااايد حبيت هالحليب لان طعمه طبيعي بالنسبه لي ومن الوناسه صورت له من كل الجهات

عندكم حليب الصويا.. وفي منه انواع واشكال ومتوفر بكل الجمعيات

او حليب الارز او حليب الشوفان وهذيل للاسف ما عندي لهم صوره حاليا بس تلقونهم متوافرين بمركز سلطان

ويبت لكم هالصور من النت

 

[دلوعةq8]

انا نفسج من اشربه يذبحني بطني على طووووول
زين علمتيني عن المراعي بروحه اشتريه عشان على الاقل اغذي نفسي

 

[حناينq8]

صح كلامج حبيبتي

انا اعاني من نفس المشكله

ولمن اشرب حليب كاكاو يشب بطني اكثر واكثر

بس مع حليب الصويا ماشالله غير وايد خفيف على المعده

وهم راح اجرب حليب المراعي اللي قلتي عنه


تحياتي لج

 

[ii DareeN ii]

مشكوره على الافاده GAP:tek:

 

[غمازتين وشامه]

هذي الاعراض انا احس فيها حتى لو كليت جبن او اي منتج من الحليب
حتى ريحتهم تحسسني بدوخه وعوار براسي صوب الجيوب الانفيه
ولا اتقبل اكل او اشرب شي منهم
بغيت اعرف حبيبتي يعني انا الحين من اللي ماتتقبل معدتهم اللاكتوز؟؟

 

[*سوسو ستار*]

انا مو نفسكم تصيبني اعرض او شي لا بس مااحب الحليب الازرق كلشششش بس احب حليب الككاو واحب اللبن الخاثر

 

[irresistible]

مشكوووووووورة gap خوووووش موضوع انا وزوجي نفس الشي انا ما اشرب حليب اساسا ولا زوجي بس اسوي لة مهلبية و كراميل من هالحليب لان المعدة تشب شب

 

[شندوخه]

قبقوب عادي ينفاح مايخرب ؟

 

[GAP^^الكبيرة]

بييييه بنات سوري كتبت هالموضوع ونسيته

بس حبيت اضيف لكم ان حليب الماعز و الابل ما فيه لاكتوز .. اذا تعرفون مزرعه ثقه او في محل صوب الشناكل بالجابريه مادري اذا سكر ولا لء لاني كنت اشتري منه قبل 6 سنوات يبيع هالسوالف اسمه فريش على ما اعتقد

-------------------------------------------------------------

شندوخه... اي عادي سخنيه ما فيه شي... انا اسخنه مع زنجبيل واشربه بالليل


سوسو ستار... الحمدالله انج ما تعانين من هالشي وبالعافيه

توتا... بالعافيه عليه.. خوش فكره المحلبيه يبيله بهالحر...

غمازتين وشامه... حبيبتي سوي تحليل احتمال معاج حساسيه منهم ... انتي جربي هالحليب واذا ماكو فايده روحي الطبيب

دلوعه و حنانين ودارين

حياااكم الله يا قلبي

 

[um wahaby]

مشكووره ماقصرتي عالمعلومه

 

[جوري الكويت]

انا اشرب حليب صويا اللي موجود بالصورة الاولى و عليه دائره خضرا حده عجيييب

 

[нάγoηά cнεмίsтяγ]

ربي يعيـنج انشالله ومشـكورة حبيبتي عالموضوع انا الحمدلله وايد أحب الحليـب بس ما احب أكثر منـه ودخلـت عشان أزيد معلومـاتي يعطيـج العافيـه حبيبتي

 

[GAP^^الكبيرة]

حيااكم الله

 

[lenaaaaa]

Gap^^الكبيرة

انتي جربت الحليب ؟؟

الاجبان شنو الاجبان اللي ناسبتك

انا عندي عدم تحمل اللاكتوز

في شركات غير المراعي منزله حليب بدون لاكتوز لاني سمعت من خوات بالمنتدى قالوا انه فيه انواع اجنبيه بلولو بس مالقيتها

 

[GAP^^الكبيرة]

حبيبتي كل اللي ذكرته مجربته عدا حليب الصويا

الحين حليب المراعي منقطع مادري وينه وضايق خلقي عليه...

شوفي يا قلبي انا اشتري الانواع الثانيه من مركز سلطان ما جربت لولو.. بس ما تكون حليب بقر تكون يا حليب الرز او الشوفان

الاجبان.. جبنه الفرنسيه الغنم.. او اي نوع جبن بس يكون مخمر.. لان مجرد ما يتخمر ويتحول لي روب يبطل مفعول اللاكتوز

انا ماحب الجبن وايد فما اكل الا الابيض..

 

[lenaaaaa]

Gap^^الكبيرة مشكوووووووووووره

شكل المراعي بيوقفونه لان حتى بالسعوديه اعتقد مقطوع

بالنسبه للاجبان موفاهمه شلون يكون مخمر اذا ابيض او اصفر ياريت تعطينا اسامي شركات

 

[GAP^^الكبيرة]

ممم مادري يا قلبي لان حساسيه اللاكتوز تختلف من شخص لي ثاني

الجبن الفرنسي زين لانه مصنوع من غنم

وانا اقصد بالتخمير.. مثل الروب واللبنه.. بس الجبن دوري الاشياء اللي تكون مو بقريه. واذا معدتج تستحمل عادي جربي الشيدر والانواع الثانيه لاني بصراحه ماعرف الجبن شلون يسونه