عندما نحتاج للاخرين

[مغربية قلبها كويتي]

نحن بشر ولا نستطيع ان نعيش لوحدنا في هدا العالم

لابد ان يكون للانسان من يساعده ويشد ازره

حتى في قمة قوتنا حينما نحس اننا لا نحتاج لاحد

في داخلنا نكون بامس الحاجة لشخص يحس بما في داخل تلك القوة

وانتي اختي

متى تحسون انكم في حاجة للاخرين

 

[MaZyOoOoNa]

مشالله يالمغربيه دايما الاقيلج مشاركات موووفقه قلبي ومنها للأعلي
الحين وقت الجواااب :
طبعا مو اي احد احس بحاجته غير القريب على قلبي حييييييييييل واحتاجه بوقت الضيقه لما تحسين الدنيا ضيقه عليج ماتقدرين تتحملين من احد كلمه تحسين خلاص اي كلمه تبجين..

احتاجه لما احد يظلمني وانا مو مسويه شي احتاج احد يوقف معاي..
احتاجه لما اشووف الكل معاه احد وانا اكووون برووحي تحتاجين احد معاج

 

[عروووب99]

اكيد احتاج الاخرين لمن احس بالوحده بس موكل اخرين اهتم لهم واحتاجهم احتاج الى قلبى يرتاح لهم والى كان بينى وبينهم عششره عمر

 

[إنسانه بكل حالاتي]

أحتاج الشخص القريب مني حييييل لما أشوفه صار يبعد عني ومايهتم فيني او تغير علي وقتها اقول اني محتاجتله واحتاجه لما اكون متضايقه من احد او زعلانه واحتاجه بفرحتي بعد وما احتاج شخص الا انه لازم يبادلني نفس الشعور ويكون يحس فيني وفي كل وقت الانسان يحتاج شخص يشكيله ويتكلم معاه ومشكوره حبيبتي تقبلي مروري

 

[مغربية قلبها كويتي]

مرسي على مشاركتكم
إنسانه بكل حالاتي²&MaZyOoOoNa

 

[C'est La Vie]

ما يحك ظهيرك الا ظفيرك
دام ان اهلي الله يحفظهم ويبجيهم موجودين
الله لا يحوجني لأحد

 

[اسوووره]

ماشالله عليج احب مواضيعج ...

بالنسبة لسؤالج بالنسبه لي لكل احتياج شخص معين بما معنى ساعات اح اني محتاجه شخص يسمعني و ساعات احتاج شخص يطبطب علي و ساعات احتاج شخص ابجي جدامه و ساعات احتاج شخص ينصحني فمن جذي عندي لكل شخص احتياج معين بحياتي مع حبي لكل شخص منهم ...

 

[No0oNh]

مشكوره أختي عالموضوووع هذا شي فطري وكل الناس تحتاجه وتحس فييه بس انا بالنسبة لي أحتاج حق الانسان الي حبيته وعزيته ودايما ابيه يكون يمي ويسأل عني وحتي لو جرحني هالانسان احبه يكون يمي ما يظل بعيد لاني راح اسامحه بس اذا بعد ببجي من الحزن مادري ليش يا ربي فيني هالطبع انسان يجرحني واحتاجه يمكن لان محد يطيب جرحي الا اهو ,, صات فيني وايد وحاولت اني ما ابتعد بس ما لقيت منهم اي حافز ولا حسيت انهم يبوني ضعت مادري شسوي بس الحين قاعده اعود نفسي ان الي ما يبادر ويحظني ويبادلني نفس الي ابادله ما التفت له حتى لو بموووت لأني تعبت من طيبتي واذا عصبت اقول كلام بعدين اتحسف لاني احب كل الناس ولا عمري كرهت احد واحتاج كل الناس ومشكوره مره ثانيه عالموضوووع احس قرقت عليكم وااايد

 

[مغربية قلبها كويتي]

شكرا يا بنوتات على تفاعلكم