عندي بواسييير ساعدوني

[Angel-Lady]

حاليا على ما تلقين لج مكان اتروحين له حاولي ما يحوشج امساك و اكلي اشياء الي تلين البطن

شربي ماي وايد و تحركي و امشي

و ترى النفسية تلعب دور في البواسير و مرض البواسير درجات مو شرط عملية فلا تخرعين نفسج

ان شالله ماكو الا كل خير بس نظمي اكلج و حياتج

ما اتشوفين شر ان شالله

 

[الاهله]

شوفي بعلمج علاج وبتدعين لي باذن الله

اشتري مرهم عيون اي مرهم بس حق عيون تشطفي بماي دافي ونشفي المنطقه وحطي المرهم وبيررررروح انا مجربته


الله يشافيج يارب

 

[عادت ذكرياتي]

الله يشفيج بعد عمري

 

[الدلع انا]

حبيبتي انتي محتاجه دكتوره جراحه عامه

في مستشفى الهادي دكتوره هدى خووش دكتوره اداوم بس العصر من الاحد ليه الاربعاء من 5 ليه 8

روحي لها وبليز ادعيلي

 

[ام كوثر2007]

حبيبتي الدكتوره ما تكشف عليج اذا انتي مو حابه ..


يعني عادي روحي المستوصف العادي مالكم ودشي علي الدكتور او الدكتوره وقولي حق الدكتور ابي تحاميل وكريم البواسير ..

وبيعطونج ..


وبعدين دايم ترسي البيدي مال الحمام ماي داافي مايل للحراره وحطي فيه ملح خشن وقعدي ربع ساعه فيه ..


وديري بالج من الاكل السبايسي ..

 

[جـوود الحب]

ياحياتي الله معاج

 

[Queen N]

حبوبة لازم تروحين المستشفى هالامور اذا خليتيها راح تزيد و تأذيج
و علاجات وخلطات البيت ما تأثر حتى لو خففت الالم مراح تودي البواسير
لازم علاج من الدكتور .. ويمكن حالتج تكون بسيطه ان شاء الله ما تحتاجين عملية

وماتشوفين شر

 

[قلبي وينك]

اختي ما اعرف اذا انتوا عندكم بالكويت في تقنيه جديد مجرد تسليط اشعه لمدة خمس دقايق وتحرق البواسير فقط يسولج فتح صغيره بالبطانيه ويشتغلون

في بعد تفنيه بالجهاز يعني الجهاز هذا يقطع البواسير وبعدين يكوي الجرح

وفي بعد ادويه اذا بتسألين الدكاتره يعني في اشياء غير عن العمليه وان شاء الله تكونين بخيروعافيه

 

[* ملكني الخوف *]

حبيبتي انا كان فيني بواسير من الولاده وذبحتني واعراضها الامساك ترى
بس الحمدلله رحت مستشفى الصباح قلتاهم فيني امساك عطوني ملين من يومها ارتحت وبعدين لازم علطول ترشين ماي عليه وقت طويل وانتي بالحمام عزكم الله

 

[•Brown•Sugar•]

اذا كانت البواسير حجمها صغير علاجها سهل
فازلين او كريم خاص للبواسير بالصيدليه
تحطينه على البواسير لي داخل فتحه الشرج

وفيه بد تحاميل

بس اذا كانت كبيره تحتاج جراحه ولا ترى تكبر وتكبر
وممكن تسبب امراض انتي بغنى عنها

 

[مولاي الفرج]

اذا بواسير سطحي روحي المستوصف في كريم حق البواسير يعطونج ياه مع حبوب بدون لا تتكشفين عالدكتور جربيه

اذا مانفع روحي حق دكتورة بالشفا يارب

 

[غداً القاك]

ياقلبي الله يشفيك
والله ودي اساعدك بس ماعندي خلفيه :eh_s(2):

 

[باقة ورد]

انتي تحتجين دكتورة جراحة يعني تخصص جراحة مو باطنية ولا نسا في وحدة يمدحونها اسمها فريدة دشتي بمستشفى السلام

 

[fofo 93]

حبيبتي انتي محتاجه دكتوره جراحه عامه

في مستشفى الهادي دكتوره هدى خووش دكتوره اداوم بس العصر من الاحد ليه الاربعاء من 5 ليه 8

روحي لها وبليز ادعيلي

مشكورة يا قلبي الحين بتصل عليهم
[QUOTEانتي تحتجين دكتورة جراحة يعني تخصص جراحة مو باطنية ولا نسا في وحدة يمدحونها اسمها فريدة دشتي بمستشفى السلام ] [/QUOTE]
ثانكس الله يطمنج

مشكورين يا قلبي امم انشا الله باخذ موعد عند وحدة منهم واشوف :yaaaaaarb:

 

[سحـورة]

هالبوااسير يلزمها منظاار ..
مب بس كشف ... يبالج منظار وتخدير و يشوفون شو العله الأساسيه ،
الله يشفيج ياارب ، لاازم تروحين المستشفى عقب هم يحولونج على قسم المناظير
و من عقبها يعطوونج دوى ،
أما إذا حالتج صعبه واايد ف بتظطرين يسون لج عمليه ،


إنتي يمكن تعانين من " السمنه "
أو قله الذهاب إلى الحمام يعني " عسر الهضم "
الإحتمال الأخير هو ... دخولج الحمام بشكل كبيير ،



مأجورة و الله يصبرج

 

[ليه الجفآ]

والله مرت اخوي تعبتها البواسيررر


وقالوا لها تاخذ فص الثوم وتقشره يعني فص واحد تقشره وتبلعه بلع بدون هضم

تقول انها ارتاحت عليه​

 

[منال 1986]

الله يشفيك

 

[حبيبي فهوودي]

الله يشافيج انا ريلي فيه بواسير والله يتألم حييل وخصوصا اذا اكل شطه يجيله البواسير

 

[tt2tt]

انا فيني بواسيير من كنت صغيره وسويت عمليه سنه وحده وترجع البواسيرر بس عادي اذا قادره تتحملين مع تحاميل
ودايما ملينات اذا امساك تعور في تقنيه حديثه عند دكتةر خاص عند طريق الاسعاع اعلاناتهم في الجرايد واايد قولي حق امج تروح معاج تري ماتاخذ اكثر من ساعه وتروحين البيت عادي