عندي عجينه رقائق الفطائر ؟ مكتوب عليها الكرامه ؟ شنو اقدر اسوي فيها ؟

[нάγoηά cнεмίsтяγ]

الـسلام عليـكم

بنـات عندي عجيـنه رقائق الفطـائر

وايد وايد رقيقه ما اقدر اجفسها واسوي فيها شي

بسرعه تتنتف :eh_s(4):

شكلي فاهمه موضوعها غلط شنو اقدر اسوي فيهـا بنات ؟

انا كنت ابي عجيـنه الباف باستري اعتقد من امريكانا السميكه اسوي فيهـا فطاير مثلثات ،، بس زوجي يايب لي هذي بالغلط و توهقـت فيها ابي استفيد منها قولولي اقتراحات بلييييز​

 

[one two 3]

قلاش
تقدرين تسوين فيها حلو


تدهنينها بزبده و شوي زيت 3 او 4 طبقات تحطينهم فوق بعض وتدهنينها بزبده

ونقصين المربعه 4 قطع مربعات

وتحشينها بالنص وتصكينها من الطرف الي قبال بعض و عالفرن و اذا طلعتيها من لفرن صبي عليها ششيره

الحشوه

فستق مطحون +سكر حسب حاجتج + ماء ورد
جوز مطحون +هيل شوي + دارسين شوي + شكر + ماء ورد شوي

عواافي

 

[нάγoηά cнεмίsтяγ]

مشكورة حبيبتي ما قصرتي

اقدر اسوي فيها غير الحلو ؟

 

[ورد و ريحان]

انا اسوي فيها اوزي شاميه
اللي هي رز ببازيلاء مطبوخه مع بعض
وحشوة لحمه مفرومه وصنوبر ولوز او واحد منهم
احشيها فيهم وعالوجه شوية سمن ودخليها الفرن حتى تحمر
ترى عجيييييبه
اذا عجبتج الاكله وتبين الطريقه احطها لج

 

[zaina alotibi]

اب لعيونج

 

[جارة القمر]

تفضلي طلبك::


http://www.q8yat.com/t462643.html


http://www.q8yat.com/t435092.html



http://www.q8yat.com/t338932.html



http://www.q8yat.com/t230613.html

 

[wardat uae]

حبيبتي انا اسوي فيها سبرينغ روول بالجبن واقليها وتطلع لذيذه

 

[منى الدلوعه]

علي كلامك اختي نفس عجينه القلاش الله يسعدك

 

[مزووون]

هذه السبرنغ رول
انا احشيها شي غير
جيبي الملفوف وقصصيه صغار والجزر قصصيه بالطول وحطيه بجدر لين يذبل
جيبي نقافق وقصصيها بعد بالطول وصغيره وحطيه عليها وبهاراتك المفضله لين تخلص وتذبل حطي كزبره طازجه وماجي
واحشي فيها السبرنغ رول
نصيحه لاتطلعينها كلها من الكيس
حبه حبه لين تخلصين واقليها بالزيت
روعه وراح تدعين لي
ولفها سهل
العجينه تجي مربعه انتي خليها على شكل معين وحطي حشوتك ولفيها
ابحثي بالنت وشوفي شكلها