عندي لكم وصفات سهلة لغذا خفيف ..و بالصور

[خبيرة اعشاب]

السلام عليكم

حبيباتي

احب اقدم لكم وصفات سهلة وسريعة للغذا اوالعشا ...


اولا عندي لكم طريقة مميزة للدجاج ايخلص خلال نصف ساعة او ربع ساعة اذا كنتي مجهزة الدجاج مسبقا ..و تصلح للموظفات

الطريقة :

اولا تغسل الدجاجة و تقطع الى 8 او 10 قطع ..
نزيل عنها الجلد
تنقع في ماء و خل و ملح ..و الملح و الخل اساسين حيل لانهم يفتتون اللحم و يخلونه طري فبالتالي ينضج بسرعة

و هاذي صورة الدجاج منقع


الحين هذا شكله اشلون بعد التنقيع ..اتشوفون اشلون انهرى و هذا ترى بعد 10 دقايق تقريبا من التنقيع ...


يا دوب الوقت الي جهزت فيه الصلصة

الصلصة حقت الدجاج تتكون من :

- بصلة
- ملعقة صغيرة معجون طماطم ..للتلوين فقط
- كزبرة وبقدونس
- ليمون
- صلصة صويا
- بهارات مشكلة ( بدون دارسين و كمون .. يعني ممكن كركم / فلفل اسود / بابريكا / زنجبيل ...الخ )
- و لا تنسون الملح طبعا

تخلط كل المكونات في الخلاط


و هذا شكلها بعدين ..و ممكن اتضيفين اي شي تبينه مرات احط صلصة باربكيو ..و مرات ماجي ..يعني حسب الرغبة


بعدين اتغسلين الدجاج من الماي و الخل الي كنتي منقعتهم فيه قبل ..و اتصبين عليه الخلطة هاذي ..و خليه ينقع فيها طبعا كل ما نقع زيادة احسن انا مرات اسويها بالليل و اخليها بالثلاجة ..
و مرات اذا مستعجلة بس احطه بالخلطة و اخليه 10 دقايق ..و اشتغل فيه على طووول

 

[خبيرة اعشاب]

مرحلة القلي :

تاخذين قطع الدجاج ..بدون ما تغسلينها طبعا و اتحطينها في خلطة الطحين عشان ما تلتصق بالمقلاة

الطحين يتكون من طحين ابيض عادي + رشة ملح + رشة بابريكا

و بعدين اتحطين لج مقلاة عميقة و تترسينها زيت ..و لا تخلينه حار حيل عشان الدجاج ما ينضج من برة و يكون ني من داخل ..لا الزيت حرارته وسط

و اذا تبين اتحمسين الدجاج على دفعتين اذا خلصتي الدفعة الاولى طفي النار و خلي الزيت يبرد شوي بعدين حطي الدفعة الثانية

و هذا شكله بالمقلاة


و هذا شكله بعد ما خلص ..و اتقدمينه بالطريقة الي تعجبج ..



اشرايكم ؟؟؟؟

:eh_s(9)::eh_s(17):

 

[هوى الدار]

واااااو يشهي


يسلموووووووووووو

 

[خبيرة اعشاب]

طريقة سريعة و لذيذه للعيش ...عشان الدجاج ​

اولا جيبي خضار مشكلة مثلجة ( ملوت العملاق الاخضر روعة ) بزلا + جزر + لوبيا و انا اضيف بعد مكعبات بطاط

و فوحيهم بماي فقط




سوي عيش اصفر مشخول عادي يا ويلج ان قلتي ما اعرف ؟؟؟:eh_s(14):
العيش الاصفر ..يكون عبارة عن عيش مشخول بس اتحطين ويا الماي اشوي ملون اصفر مال العيش ..اوكي

لا استوت الخضار اشخليهم و خليهم على جنب

جيبي مقلاة كبيرة و حطي فيها بصلة مفرومة + ماجي دجاج ( مكعب واحد ) + شوي بقدونس مفروم + فلفل اسود + زبدة تقريبا 2 ملعقة كبيرة

و خلي البصل ياما يصير لونه اشقر بعدين ضيفي عليه الخضروات الي سلقناهم مسبقا ..
5 دقايق فقط علشان يتشربون الخلطة



و ضيفي عليهم العيش الاصفر .. و اخلطيه وياهم عشان بعد العيش يتشرب الخلطة



و هاذي صورة اقرب

http://www3.0zz0.com/2007/08/14/18/82731061.jpg

 

[خبيرة اعشاب]

ما نسينا السلطة :​

السلطة اليوم رح اتكون بسيطة و خفيفة :eh_s(3): و في نفس الوقت صحية و سريعة

اولا جيبي بطاط و قطعيها مكعبات صغيرة رشي عليها نعناع يابس او مرقدوش ..او اي عشبة عطرية عندج + زيت زيتون شوية
و ملح خفيف جداااا



حطيها في بايركس ..و ذخليها الفرن تتحمر من فوق ..رح تاخذ 10 دقايق تقريبا عشان يصير شكلها جذي


طبعا العملية هاذي انا اسويها اثناء تجهيز الدجاج او العيش ..

بعدين قصي خس + خيار + طماط خليهم على حجم كبير احسن ...

تجهيز تتبيلة السلطة :

تتبيلة السلطة تتكون من :
ملعقة خردل
خل
زيت زيتون
ملح + فلفل اسود



تبلي السلطة بعدين وزعي عليها مكعبات البطاط ....

ممكن اتضيفين شرائح زيتون اسود احلا ...اما انا احط زيتون اسود عادي بس اشيل عنه النوى ...

و هذا شكل السلطة النهائي


و ترى لذيذة لا يغركم الشكل ..:eh_s(20):

 

[خبيرة اعشاب]

و الحلا طبعا ما نسيناه

لذلك سويت لكم اليوم .. مفاجاة :eh_s(1):


كيكة الرقي :eh_s(9)::eh_s(9)::eh_s(9):

و هاذي هي للي ما يعرفونها ؟؟؟

 

[جارة القمر]

مشكوووووووووووره

وتسلم ايدج

 

[ضحـاوي]

تسلم ايدج

 

[خفايا الروح]

يمييييييي

تسلم ايدج ويعطيج العافية

 

[ضحكة الدنيا]

اطباق تشهى
مشكووووووره حبيبتى وتسلم ايدج

 

[شندوخه]

تسم اييدج واهم شي كيكه الرقي لوووول

 

[خبيرة اعشاب]

مشكورين حبيباتي على مروركم

يا ريت اتجربون بعد ...

 

[ros]

تسلم ايدج

خلطة الدجاج روعة​

 

[srsr]

تسلم ايدج يالغالية

 

[العود الأزرق]

الطبخه شكلها يجنن وباين إني راح أسويهاباجر لأبو العيال
تسلم إيدج

 

[عاشقة الجنة]

يعطيج العافية

بس بصراحة كيكة الرقى واااااايد صعبة .... لووووووول

مشكوره حبوبة , ​

 

[thenutybee]

تسلم ايدج

 

[خبيرة اعشاب]

هههههههههههه اي صح كله يهون الا كيكة الرقي ....

 

[عجزت القى اسم]

الله يعطيج العافية شوقتينا

 

[أحب ترابها]

يا مال العافيه ...والله انا احتاج هالوصفات ...احب الطبخ السريع