<<<<عندي مشكلة وعندج الحل >>>>

[الصابرة المحتسبة]

السلام عليكم

خواتي شرايكم ؟؟؟؟

كل أخت تحط حل لشغلة صارت معاها وكانت تعاني منها بس لقت لها حل وهذا من جهدها الذاتي: مثال( أخت لنا ولدها كله يتعبها لي راحت مثلا المستشفى ) الحل من تجربتج علشان تستفيد منها( آخذ معاي شغلة يحبها وحزة الملل أعطيه حتى يهدى) والخ.... مانبي كسل نبي نشاط مثل ما تعودنا بارك الله فيكم.

 

[%عـجـمـيـه صـريـحـه%]

أختي مهاوي السنه هذي كانت تمر بمرحله حساسه الي اهي مرحلة المراهقه مثل ما كلنا نعرف اضطرابات الهرمونات وتصير في البنت حساسيه زياده تجاه كثير من الشغلات وكانت حساسيتها الزايده ما تحب احد يكلمها بصوت عالي ويتنرفز عليها حاولت كثر ما اقدر اسيطر على هالشي
اول شي بديت فيه بمدرستها الف الحمد الله السنه هذي كانت المساعده بمدرستها انسانه بمعنى الكلمه تساعدت معاها اهي قامت بمكالمةالمدرسات والاخصائيه النفسيه بمرعاة هذي المرحله التي تمر فيها مهاوي
اما عن بيتنا عند انزعاجها او غضبها نحاول تهدئتها وجلست معاها اكثر من قبل لانه هالمرحله تحتاج البنت لنصايح اكثر وتحذيرها من بعض الامور


ألف شكر مشرفتي الغاليه الصابره

 

[@شمس الضحى@]

مشكووووووووره ع الموضوع المهم جدا
بالنسبه لبنتي هي صج حساسه مع انها ماتشوف ولاتتكلم ولاماتتحرك بس اكثر شي يزعجهاا ويسبب لها الرعب واحس عيونهاا بتطلع من مكانهاا من كثر التخرع لما تسمع صوت الاكياس
عارفينهاا اكياس الجمعيه وجذي حبيبتي تخاااف من صوتهاا فديت قلبهاا
وانا قد ما اقدر ما خلي الاكياس بغرفتهاا ولاتسمع صوتهاا

 

[الصابرة المحتسبة]

عساكم على القوة ياخواتي

 

[HearT ChocolaTe]

بالنسبه لعزوزي واجهت معاه وايد أمور في منها اللي قدرت اتغلب عليها
ومنها للأسف حاولت جاهدة وما قدرت واللي عنده اي فكرة يساعدني فيها وهي
دايما يده الـثنـتين بحلــجه ( وضع اليد بالفم واحيانا تسبب له الإستفراغ )

أما اللي تغلبت عليها هي تنظيف الأسنان كنا لما ننظف اسنانه يعضنا عضه تطير عقولنا
وأكتشفت انه يحب المدلكه الكهربائية .... أخذت له فرشة اسنان المدلكه

مشكورة على الموضوع فديتج

 

[الصابرة المحتسبة]

هلا أم عزووز ويفداج الردي يالغالية
انزين ماجربتي تعطينه لعبة يندمج معاها .
- حطيله مرة بين أصابعه.
- حاولي تعرفين متى يحط ايدينه يمكن لما يكون مضايق أو مل من شي تابعيه .
- حاولي كله يمسك كرة بدينه .

 

[HearT ChocolaTe]

الكور كل الأنواع والأحجام عنده يحبهم يمسكهم فترة ويرجع يحط ايده
الألعاب ما يهتم فيهم وااايد ما عنده مهارة اللعب يمل بسرعه
المرة \ والصبرة \ ودوا من الصيدليه كلهم ما نفع معاه شي
ربطت ايده بفوطه صغيره بس قام يسحبها ... حطيت له دس سحبه
الله المستعان ..

 

[الصابرة المحتسبة]

انزين راقبيه وشوفي متى يحط ايدينه لما يكون مضايق أو مل؟؟؟؟؟؟؟

 

[HearT ChocolaTe]

كل الأحوال ... واذا شلنا ايده وااايد يعصب ويصيح

 

[الصابرة المحتسبة]

رفع

 

[HearT ChocolaTe]

رفع

 

[مشاعل الشمري]

بنات بغيت تعطوني حل مشكلتي مع يويو تبدا مع العطله لاني احاول جاهده اني اسيطر عليه
يويو يحب اخوانه ويحب يلعب معاهم لكن المشكله ان هم وخصوصا اخوه اللي اكبر منه مو مستوعب ان يويو عنده نقص
او بطء تعلم عندهم دام انه يتكلم ويطلب ويلعب ويدل طريجه فما في شي دايما صراخ وهواش معاه واجذب عليكم ساعات يويو هو اللي يكون متعدي عليهم
بس يرد ويحبهم وهما بعد سجلته بنادي لكن انا مابي ابعده عن البيت لهالسبب؟؟؟؟؟؟؟؟؟؟؟؟؟؟؟؟؟
اللي تقدر تفيدني الله يخليكم لاتبخلون علي بآرائكم:0bee2e8d89:

 

[مرمر]

جربي شركيه اسبوع بمخيم بروي

الاسبوع ب23 مع وجبة خفيفة وتختارين الصبح من 9 الي 1 واذا يتاخر الصبح بالنوم وديه من 4-8
العاب وحصص

جربي اسبوع وشفي ردة فعلة يندمج ويستانس ولا لأ وخدامته تكون معاه بس بالحصص يقعدونه بره

هذا اللي فهمته لما رحت اسجل مرمر

 

[نونا العتيبى]

بالنسبه لبنتي كانت تخاف من الصوت العالي مثلا صوت التلفزيون,,,أو صوت السيكل أو الباص لمن كنا بأمريكا كنت أسكر أذنها
لأنها تفز وايد ,,,وشوي شوي كنت أطلعا بره وأحاول أخليها تندمج مع المكان والصوت بعد ,,,وهم بعد في شغله ثانيه قبل ما تحب
تلعب مع أحد وخصوصا اختها والحمدلله مع الحضانه حسيت بنتي تحب تلعب مع اليهال ومع أختها بعد واللي فرحني أنها تحاول تقلدها
,,صج للحين تقرص بس أحسن من أول بوايد,,,واللي معور قلبي أنها تكره المستشفيات يعني من ندش أشتغلت بالصياح :krkrkr:,,,عيزت معاها
مافي فايده ,,,بس علي أمل أن بيوم تتعدل النفسيه وتحب المستشفي,,,:ggdw:​

 

[HearT ChocolaTe]

بنات بغيت تعطوني حل مشكلتي مع يويو تبدا مع العطله لاني احاول جاهده اني اسيطر عليه
يويو يحب اخوانه ويحب يلعب معاهم لكن المشكله ان هم وخصوصا اخوه اللي اكبر منه مو مستوعب ان يويو عنده نقص
او بطء تعلم عندهم دام انه يتكلم ويطلب ويلعب ويدل طريجه فما في شي دايما صراخ وهواش معاه واجذب عليكم ساعات يويو هو اللي يكون متعدي عليهم
بس يرد ويحبهم وهما بعد سجلته بنادي لكن انا مابي ابعده عن البيت لهالسبب؟؟؟؟؟؟؟؟؟؟؟؟؟؟؟؟؟
اللي تقدر تفيدني الله يخليكم لاتبخلون علي بآرائكم:0bee2e8d89:

شفتوا هذا اللي أقصده :0bee2e8d89:
بالضبط شلون نعلم عيالنا بالأول يتعاملون مع أخوهم المميز
عشان أنا أدمجه مع المجتمع والنوادي والمدارس
عشان جذي أنا ضد الدمج :eh_s(14):

فديتج يا مشاعل .. شوفي الغاليه بيظل هو اللي يحتاج الإهتمام والفهم يا الغاليه
وأخوه العود لازم تثقفينه وتوصلين طبيعة مرض أخوه غصبن عليه
أنا أقول تقربي أكثر منه وحاولي تظهرين إهتمامج فيه عشان ما يغار منه
وبظل هو بجرج .. حسسيه ان هو سندج واللي لازم يعينج على يوسف
وصدقيني الصبي يحب أمه من داخل ولا يرضى على زعلها .. لكن حسسيه بقيمته داخلج

 

[مشاعل الشمري]

شفتوا هذا اللي أقصده :0bee2e8d89:
بالضبط شلون نعلم عيالنا بالأول يتعاملون مع أخوهم المميز
عشان أنا أدمجه مع المجتمع والنوادي والمدارس
عشان جذي أنا ضد الدمج :eh_s(14):

فديتج يا مشاعل .. شوفي الغاليه بيظل هو اللي يحتاج الإهتمام والفهم يا الغاليه
وأخوه العود لازم تثقفينه وتوصلين طبيعة مرض أخوه غصبن عليه
أنا أقول تقربي أكثر منه وحاولي تظهرين إهتمامج فيه عشان ما يغار منه
وبظل هو بجرج .. حسسيه ان هو سندج واللي لازم يعينج على يوسف
وصدقيني الصبي يحب أمه من داخل ولا يرضى على زعلها .. لكن حسسيه بقيمته داخلج

صاجه انا لا يمكن ارضى ان يوسف يدخل مع اولاد عاديين لان ما راح يفهمون له ولا يتجانسون معاه
وبالنسبه لاخوه حاولت والله بكل طريقه لحد ما بزعت ما كو شي ما سويته
وابوه بعد مو مقصر:eh_s(14):مقويه على يوسف يعني مهما يشتكيله يويو ما كو فايده بس لا ايي الكبير يشتكي
اصلا ابوهم وااايد سلس معاهم كلهم

 

[مشاعل الشمري]

جربي شركيه اسبوع بمخيم بروي

الاسبوع ب23 مع وجبة خفيفة وتختارين الصبح من 9 الي 1 واذا يتاخر الصبح بالنوم وديه من 4-8
العاب وحصص

جربي اسبوع وشفي ردة فعلة يندمج ويستانس ولا لأ وخدامته تكون معاه بس بالحصص يقعدونه بره

هذا اللي فهمته لما رحت اسجل مرمر

حبيبتي ان شاء الله راح اسجله بنادي التفاعل
وبعدين اهو ماعنده خدامه اعتماده كله علي وعلى نفسه

 

[HearT ChocolaTe]

عسى الله يعينج يا الغاليه مشاعل مالج إلا الصبر وسيله

 

[@شمس الضحى@]

الله شفي حبايبنااا ويسخرلهم عباااده ويشرح صدوور امهاتهم اللهم آميين

 

[مشاعل الشمري]

رفع