عندي وايد اسئلة هههه

[english muffin]

بنات طبعا تعرفون قصتي مع ولدي وشلون ماينام
امس بالليل ريلي كان راقد عند ابوه بالمستشفى وانا تعبانة كنت فنومت ولدي معاي عالسرير واهو من عمره 3اشهر خليته ينام في غرفته ينام بروحه والبيبان مفتوحة طبعا
تخيلو بنات رقد 11 وشي الى 5 الفجر قعد شرب حليب ورد نام للساعة 9ونص
اووووووول مرة يسويهااااا

شنوووو يعني يابنات؟ مايحب سريره؟غرفته؟ يخاف؟ ايش امس لان كان معاي رقد للصبح
عطوني حل او اقتراحات

ثاني شي هالاسبوع بيكمل 9 اشهر
لمتى اهرس له اكله و متى اقدر اعطيه بسكوت في يده ياكله بروحه
انا كله اخاف يغص

وبعد شي بنات
شلون اسبحه الحين ؟ اهوا عندي حوض السي فوق حوض وتحت رفوف جق اغراضه عاد قبل ارقده داخله واسبحه الحين ماااايخليني كله يبي يكون قاعد او واقف
اخاف يدش الماي في خشمه *

 

[Q6RYA]

أول شي الله يخليلج النونو بعدين ليش تنومينه بروحه حرام احس الياهل لين سنتين لازم يكون في الغرفه مع امه وابوه بس طبعا ماتنومينه علي سريرج يكون له سرير خاص بعدين اذا حابه تعرفين اذا السالفه سالفه تغير الغرف جربي مره او مرتين تنومينه عندج واذا نام عدل خلاص منها عرفتي السر ومنها انحلت مشكلتج

وبالنسبه للسباحه شدعوه 9 شهور وتسبحينه راقد انا ولدي خمس شهور واقعده اشتريله كرسي السباحه وقعديه وعطيه العاب اشغليه لمن تخلصين حمامه

وبس والله انشالله اكون فدتج

 

[مشتطـه]

اول شي حرام تخلينه بروحه
يقولج الياهل يحس بأمه وابوه


انا مسافره متغربه و ولدي عند امي عمره سنة

والله والله ما ابالغ

كان بحظن امي بينام
دقيت تانقو وشافني انا وابوه ويخزنا وكلمناه وسمع اصواتنا

تقول امي من 11 لما 9 الصبح تبارك الرحمن نام
تقول اول مرة ينام نومة طويلة


يمكن ارتاح لما سمع اصواتنا

سبحان الله يمكن ترى ليش لا

لان احنا مانحس

والطفل لما سنيتن المفروض وياج بالغرفه

شحقة تقلدين الاجانب مالت عليهم مالهم قلب

انا اصلا ما احب هالطبع فيهم ان الياهل بروحه

واي اصلاا استخف انا ارتاح لما ابطل عيني واهو يمي

ياحلوة حبيبي اشتقت له حيل

وبالنسبة للاكل مادري 9 توه عالبسكوت بايده احسه بيغص

 

[امـ خــزامـى]

حبيبتي مشكلة طفلك متعووووووووووود عليك وماايرتاح الا لما يكون قريب بحضنك

بنتي كذا تحب تننام معي بسريري بس مااعطيها وجه لان عمرها سنه ونصف خلاص بطلعها بغرفتها ان شاءالله قريب

واول الشهور كانت ماتنام نومه سنعه الا بسريرنا بس طبعا احنا مانناااام زين خخخخخخخخخ

الله ياجرنا

 

[orange blossom]

حبيبتي صغير توه على غرفه بروحه
ميخالف خليه ينام معاج على الأقل لمن يصير عمره سنه و نص
و بالنسبه للسباحه
فيه كرسي مخصص تلقينه بمحلات البيبيات
يكون نفس الكرسي العادي.. فيه حزام