عن اي الصفات تبحثين بالبنت اللي تبين تخطبينها حق اخوج او ولدج ؟؟

[*مطبخ الذواقة*]

مساء الخير على احلى البنات ...



السؤال باين من العنوان



شنو الصفات اللي تشدج بالبنت وتخليج تخطبينها حق اخوج او ولدج ؟؟؟

وهل تقبلين البنت اللي يعرفها اخوج او ولدج قبل الزواج "" رفيجته "" ولا ترفضين ...؟؟






بانتظاركم ...


















​

 

[بلوبري]

صباح الخير

بالنسبه لي اذا بخطب لاخوي اهم شي تحترم امي و تقدره و تحفظ بيته و زوجه و شباب هالايام بس يبون تخلص الثانويه و لا الجامعه و حسب كل شاب و صفات زوجته المستقبليه
)
بخصوص ولدي نفس الكلام

اما السوال الثاني ما اوفق انه ياخذ رفيجته
افضل الزواج التقليدي

ماكو شاب ياخذ بنت يكلمه هذا لي اعرف في مجتعي و اهلي

و مشكوره

 

[*مطبخ الذواقة*]

مشكورة على مرورج الكريم ...


ودنا نعرف الصفات الجماليه اللي ممكن تجذبج لبنت ..؟

وصحيح ناااااااااااااااادر اللي يتزوج بنت يكلمها قبل الزواج لكن موجوده حالات نادرة تمت بهالشكل ..وانتهت بمشااكل وطلاق وعيال ..



...​

 

[امباسيل]

صعب تعرفين البنت الزينه انا بنظري اشوف اهلها وعلاقتهم بالناس واشلون احترامهم ومعاملتهم فالبنت اكيدنفس اهلها الحب علي بذره

 

[محبة الزهور]

اول شي الاصل والفصل والاخلاق
وبعدين ندور الجمال لان الجمال جمال الروح وليس الشكل
و اخوي بصراح يدور وحده شبه خرسه • ‏​‏​هٍْـٌَِْـٌَِْعٌِ •®
لان هو ما يسولف واجد ويبي وحده ما تقرق عليه يبي هاديه
وطويله وضعيفه
والسوال الثاني ابداً ابداً ما نفكر ناخذ وحده غريبه

 

[بكيزة هانم]

انا من بعد ما تعجبني الأم خلقا وسنعا بشوف البنت مو شرط الجمال الصارخ عندي البشرة الصافية والشعرالناعم طبيعة
اهم صفتين بعدهم يجي الملامح المهم تكون حبوبه .. الطول مو مهم بس ما بختار اطول منه ..والمتن مو مهم لان كثار يتغيرون
وفي الاخر ياما ناس حطوا في بالهم شروط وبالاخير جابها الله على كيفه سبحانه

 

[MiSS B.K]

اهم شي الاخلاق والادب بعدين الشكل

 

[مس استي لودر]

اب اب اب

 

[.. روحي تحبه ..]

..

من ناحية الشكل مو شرط جميلة أهم شي اتكون مرتبة ..

وطبعاا الأخلاق والدين أهم شي لأنا بزمن يخرع بصرااحة ..

يالله الستر ..

..

 

[*مطبخ الذواقة*]

صصصصصصصصصصصصصصصصصصصصصح والمصيبه انج ما تعرفين اصصصلا اخلاق البنت يعني مثل اللي يقول مثل البطيخه

 

[اميره^_^بحلآها]

اهم شي عندنا
اتكون بنت اصل و راعية الدين و حبوبه و مرتبه و الي احبه في البنت اتكون هاديه حيييل و بعدين عاد الجمال

 

[امـ خــزامـى]

بالنسبه لي لو بخطب لاخوي او ولدي او لاي شخص كان

افضل اول شي الثقافه بالبنت ومنطقها واسلوبها
بعدين احب البنت تكون مرتبه وانيقه وعندها ذوق ورزينه

الصفات الجماليه اههم شي نحييفه ورشيقه وملامحها ناعمه
ومافيها عيب بارز


ومااقبل ازوج ولدي او اخوي وحده يكلمها نهائيا

 

[ضنـآني الشوق]

آآب (=

 

[*مطبخ الذواقة*]

مشكورين على المرور

والله معاكم حق الأخلاق اهم شي




شيفيدني اخطبها على جمالها و كشختها وآخرها عوابه وطوله السان

 

[سري الدفين]

في البداية نسأل عن العايلة عقب أم البنت وخالاتها ،،،صديقات البنت ،،محيط شغلها المنطقه ألي ساكنه فيها ،،،عقب البنت لازم تكون على حسب المواصفات ألي أهوا يبيها يعني أعرف وايد شباب غير الشكل يهتم بالمنطقه وميدان العمل والعايله

 

[برونزيه كرز]

اهم شيء الاخلاق و تحتررم وتثمن كلامها

 

[*مطبخ الذواقة*]

 

[2joooraa]

من ناحيتنا لازم الأم تكون أم سنعة وخلوقة لأنة البنت أغلبها على أمها دايما والجمال والهدووووء وكل ماهدت حركات البنت وقل كلامها كل ما كان أحسن وافضل وصديقاتها القريبة تبين شخصيتها الطيبة والله يوفق الجميع ان شاء الله

هذا الكلام بشكل عام عندنا ومشكورين خواتي :**

 

[*مطبخ الذواقة*]