عوااار مو طبيعي حدي قاعده اتعصر من العوار بلييييز بنات دشو طمنوني

[MissChoco]

اوبرا لا العوار بس بخاصرتي اليمين والحين اختفى!! مو عوار دوره ولا شي
جنج حاطه سحين بخاصرتي اليمين عرفتي هالشعور،، هذا الي صار



هبووون راحت اللوعه والعوار راح تهقين اروح ولا انام لاني تعباانه

 

[ام جي جي الحلوه]

ان شاء تولدين بالسلامة
حبوبة روحي لطبيب احسن لج
ولا تنطرين اذا الالم يروح ويرد هاذي اعراض الولاده والله يسهل عيلج

 

[ام جي جي الحلوه]

لاحبوبه لاتنامين روحي الطبيب

 

[بشور]

مس شوفي خل اقولج انا ياني العوار الساعه 7 الصبح وقام يروح ويرد والساعه 11 الصبح راح مره وحده بس عقبها بشوي نزل دم ومارحت المستشفى الا الساعه 10 بالليل والفير ولدت،، وانتي اذا مارد عليج العوار ولانزل ماي ولادم معناته موولاده ،، يمكن على قولت الدكتور طلق كاذب ،، وان شاء الله ماكو الا العافيه طمنينا عليج

 

[ام جي جي الحلوه]

والم الولاده نفس الم الدوره
بس اكيد انه يختلف من وحده لوحده

 

[ام جي جي الحلوه]

يلقلبي روحي الطبيب وطمنينا ناطرتج

 

[ام أحمدووه]

انشالله تكون ولادة والله يسهل عليج يااااااااارب
عفية طمنينا عليج
بس روحي الطبيب احسن... وانا اقول روحي دكتورج افضل لاتروحين الصباح

 

[MissChoco]

ام جي انا ماحس بالم الدوره كلش ولا عوار بطن ولا ظهر كلشش ماحس فيهم بس الي احسه عوار بخاصرتي اليمين بس واليسار ماحس بعوار
وعوار خاصرتي جنج حاطه سجينه ومدخلتها هرفتي بس رااح وماحس بولا شي الحين ،، مو معقوله هذا طلق عدل!! لانه جهه وحده بس



بشور ياحياتي طمنتيني يعني انتي حاشج عوار بخاصرتج جهه وحده!! او الجهتين!!
ومعاه عوار ظهر وبطن؟ لانه انا بس عوار بالخاصره

 

[MissChoco]

ام اجمدو ياحياتي ماقصرتي لا مراح اروح الصباح بشوف دكتورتي
والله يسهل عليج يارب

 

[بشور]

لا انا عوار الخاصره حاشني بالسابع من الالتهابات بس يوم الولاده الطلق صار مثل عوار الدوره وبس الالم ابطني لاعوار بالظهر ولاخاصره،، بس بالبطن ويروح ويرد كل شوي ،، بس ترى آنا من الثامن كان إييني الطلق بس يوم الولاده مع دم نزل

 

[MissChoco]

انا بس عوار خاصره الحين حايشني

دقيت على امي اتقولي يمكن داشج برد!
انا برتاح الحين واذا رد علي بروح الطبيب



مشكووورين بنات ماقصرتووو والله حيل ريحتوووني الله يريح بالكم امين

 

[miss_7sawiya]

سؤال انا بسأل بنات يعني اذا فيج عوار ما ترووحين الا لمن ينزل عليج شي
والطلق يستمر جم كل 5 دقااايق وشنووو اعرااضه يعني لازم البطن يعووور واضغط في الاسفل >> عاد انتوو فهموني صح ولا انا غلطاانه

ما عليه اذا ازعجتكم لاني بجرية وخاايفة وانا الحين بالسااابع

 

[ام جي جي الحلوه]

سؤال انا بسأل بنات يعني اذا فيج عوار ما ترووحين الا لمن ينزل عليج شي
والطلق يستمر جم كل 5 دقااايق وشنووو اعرااضه يعني لازم البطن يعووور واضغط في الاسفل >> عاد انتوو فهموني صح ولا انا غلطاانه

ما عليه اذا ازعجتكم لاني بجرية وخاايفة وانا الحين بالسااابع

مو لازم تنطرين لي ينزل عليج شي اذا ياج العوار وار بعض كل خمس دقايق او اكثر بدقيقه خلاص لاتنطرين لي ينزل شي
مع زحمة الشوراع ماتلحقين توصلين المستشفى
والله يسهل عيليج
واذا ياج عوار الولادة بتعرفين انه عوار الولاده

 

[H.A.K.W]

امبيه لا جوكو مو من صجج !!!
الزم ما عليج صحتج وصحة البيبي لا تغامرين ولا تجازفين
روحي الطبيب مو شرط تنطرين ، انتي تدرين شلون انا ولدت قتلج بالتجمع مانزل معاي شي وماكنت ادري ان ولاده اصلا
لان ما كان يحوشني العوار الا وقت النوم واخرتها لما رحت موعدي طلع فيني ولاده والرحم مبطل ٤ مادري ٣،٥ سانتي
حبيبتي لا تنطرين روحي لدكتورج اهو ادري و اخبر منا كلنا !

 

[MissChoco]

هبون ايييي تدرين عاد ماييني عوار الخاصره الا لمن انام
مساع نمتلي ساعه وفزيت من العوار بس الحين ماكو شي
انا بفهممم ليش بس بالخاصره معقوله طلق بس صوب واحد!!!!! وماكو عوار دوره لا من ظهري ولا بطني

 

[المكسيكيه]

الله يهون عليج حبيبتي روحي لا تسكين على عمرج

 

[أنا الثريا]

اهلين جوكو سلامتج...........انا رديت عليج بتجمعنا يمكن مادشيتي هناك

خوفتيني عليج
اذا تقولين ماكو عوار ظهر ولا ألام دورة...عيل شوفي وحده من اثنين اما:

مثل ماقلت لج بالتجمع هذا الم الرحم..انا بعد ايني عوار صوب اليمين وقالت لي الدكتورة ان الرحم خلقيا مايل صوب اليمين ومع الحمل وثقل البيبي يعورج....

او


لالله لايقوله هذي الكليه..اذا على قولتج عوار جنه سجين..يمكن معاج التهابات اوالتهاب بول
حاولي تشربين ماي وااايد وروحي الحمام..اذا ارتحتي شوي هذي كلتج اللي تعورج
والافضل روحي طوارئ او لدكتورتج تطمني
ترى الم الكلية يسبب لوعة جبد يعني غثيان

وطمنيني عليج حبيبتي​

 

[الغضى]

الله يسهل عليج يارب
وعلى كل حامل


ما اتوقع ولادة لانه مو هذي طلوق روحي راجعي دكتورتج احسن شي,,,,,,,, وان شاء الله تبشرينا بولادتج

 

[موجة ~ بحر]

روحي الطبييب

 

[MissChoco]

توني رديت من دكتورتي .. سويت تخطيط وبنوتي عندت ماتحركت كلش!!! شربت عصير وماكو فايده وماطلع فيني طلق
بعدين سويت سونار والحلوه نايمه،، وقتلها عن العوار وقالتلي عادي لانه الرحم مايل عاليمين والبنوته ضاغطه صوب اليمين ذبحتنيي حيل عوار
قتلها هالشي عادي وقالتلي عادي

بس انا ذبحني العوار كل ساعه ايلي ماقدر انااام كلش والله حيل يعووور *




انا الثريا عدل كلامج طلع الرحم عاليمين والبيبي ضاغط عليه بس عوار حيل نفس السجاجين عواار




مشكوووووورين بنااات ماقصرتو عسى الله يهون على كل حامل ويرزق كل محروومه وينول لكم الي ابالكم