عودة الموظفة من البعثة الدراسية و مباشرة العمل ؟

[noty]

السلام عليكم بنات

عندي استفسار

لما تخلصين دراستج و بتردين حق الدوام عقب شكثر نداوم ؟؟

يعني ديوان الخدمة او التعليم العالي

انه بعد ٣٠ يوم من شنو ؟؟ اصدار النتيجة او الشهادة و لا شنو

اللي عندة اي معلومات ياريت يفيدني

شكرا

 

[اختكم بالله]

مادري

اب

 

[el lulu]

هـلا اختي
انا ماعرف نظام الديوان بس اذا مبتعثه عن طريق التعليم العالي لمن تتخرجين وتردين ماكو نطــرة أيـام معينه أول ما توصل شهادتج من الجامعه ويصدقونها تقدرين تتوظفين على طول
انا شهادتي البكالريوس خذت تقريبا عشر ايام على ما وصلت وصدقوها.. رفيجتي ماستر خذت شهر ف ما ادري يعتمد
اتمنى اكون فدتج :eh_s(17):

 

[noty]

مشكورين بنات

بس ااي حبيبتي يعني صديقتج بعد شهر من اصدار الشهادة لها و لا من اخر امتحان ؟؟ تقدرين تسالينها

 

[el lulu]

تقول بعد شهــر من تاريخ التخرج الرسمي ( الي اهو يكون بعد اخر امتحان) يعني مثلا اخر امتحان كان بتاريخ 30\6 يكون تاريخ تخرجها 30\6 ف تنطر عقبها شهر او اكثر بشوي عشان توصل الشهاده ويصدقونها التعليم العالي وتروح تاخذها منهم
ومبـــــرووووك مقدما =)
بس بنصحج ترا التعليم العالي وايد باردين وفاجين وما يخلصون شغلهم لازم انتي رايحه راده عليهم وواقفه فوق راسهم عشان تخلصين شغلج لو ما كنت اسوي جذي جان ما ادري متى صدقو شهادتي يمكن جان نطرت شهر مثل رفيجتي .. ف انتي خلج دايما متابعه معاهم

 

[noty]

بعد قلبي ما قصرتي

اوكي يعني على اخر امتحان ؟؟ هذا اللي فهمته منج ،، مو على النتيجة مو يمكن الواحد يسقط او شي ؟؟

و الشهادة لما تتصدق يا الله اتبلش دوام و لا ماله علاقه

سوري حبيبتي اذيتج

 

[el lulu]

لاا ولو بالعكس ما اذيتيني ولا شي اتمنى اني اكون ساعدتج
لا اهو لازم تكون ناجحه بالامتحان عشان تتخرج ما يصير تسقط ويصدقون الشهاده :s بس ان شاء الله ناجحه لا تحاتين
يعني لمن تمتحن الامتحانات النهائيه و تخلص وتتصلح الامتحانات والنتائج كلها زينه نجاح الجامعه تصدر شهادة تخرج وتدزها حق التعليم العالي بالكويت .. ولمن توصل التعليم العالي هم يوقعوون الشهاده ولازم تمر على المسؤولين ويصدرون ورقه او كتاب بما معناه انه الطالبه تخرجت من الجامعه الفلانيه بالتخصص الفلاني بالتاريخ الفلاني ( الي اهو تاريخ اخر امتحان فاينل) وانه الوزاره تشهد بذلك ما ادري شنو لول ..
وبعدين يدقون عليج وتروحين تستلمينها وبعـــدين تقدمين على وظيفه .. تقدرين تدورين وظيفه قبل ما تستلمين الشهاده بس وقت المقابله يمكن يطلبون منج صوره من شهادتج ف يفضل انها تكون معاج ..
اذا عندج اي استفسار انا حاضره اساعدج باللي أعرفه :>

 

[noty]

بعد قلبي انتي كلج ذووق

اهي موظفة اساسا ،، يعني راح تباشر دوامها

مباشرة العمل هذا اللي اقصدة ،، يعني لما تتصدق شهادتها بعد بشهر تداوم ؟؟

ولا شنو ؟؟

المشكلة مو حاطين اي معلومات في سايت الخدمة المدنية بخصوص هالشي و راسلتهم ماحد رد علي

و رقمهم مو موجود بالسايت

حبيبتي انتي

 

[مجنونة حبه]

حبيبتي انا ريلي نفس حالتج دق على ديوان الخدمه المدنيه وقالوله نفس كلام الاخت
بعد شهر من اخر امتحان اتباشر بالعمل
يعني المفروض قبل اسبوعين لارده الكويت وتتجهز حق الدوام

 

[noty]

الحين اللي قالوه انه لائحة مو قانون فقابل للتغيير

قالوا الحين من تاريخ التخرج يعني كل جامعة فيها تاريخ تخرج مو تاريخ اخر امتحان

 

[el lulu]

سوري حبيبتي طولت عليج .. والله ماعندي فكرة عن الي اولريدي يشتغلون متى يردون حق الدوام انا عبالي طالبه من التعليم العالي دوختج معاي
بس الي اعرفه انه لمن تردين الديره قبل ما توصل شهادتج ما تشتغلين لاتنطرين لين توصل الشهاده بعدين تبلشين دوام يعني لا تحاتين تاريخ التخرج ولا تاريخ اخر امتحان .. رجعوج للشغل يعتمد على وصول الشهاده !

 

[noty]

مشكوورة حبيبتي كلج ذووق

ان شاء الله خير كل واحد يقول شغله حتى الدوام نفسه مو عارف

ان شاء الله سهالات

ثانكس بنات